რაც გემრიელია, თითქმის ყოველთვის მავნებელია“ – გვირჩევენ დიეტოლოგები,
თუმცა ზოგიერთი პროდუქტი მარტო ზედმეტი წონის მიზეზი კი არ ხდება, ადამიანის ჯანმრთელობასაც აზიანებს. დღეს საკვები პროდუქტების წარმოებაში უხვად იყენებენ ისეთ დანამატებს, როგორიცაა კონსერვანტები, შაქრის შემცველები, გემოსა და სუნის გამაძლიერებლები, ფერის მიმცემი თუ სხვა ქიმიური ნივთიერებები. ზოგიერთი მათგანის ზემოქმედება ადამიანის ორგანიზმზე სათანადოდ არც არის შესწავლილი, თუმცა მათი დიდი ნაწილი უარყოფითად მოქმედებს ჩვენს ორგანიზმზე.
ასეთი პროდუქტები არასწორი დამზადებისა და შენახვის პირობების დარღვევის გამო უკიდურესად მავნებელი ხდება.
ასეთი პროდუქტების სიის სათავეში მოექცა ყველასათვის საყვარელი და ასე პოპულარული ბურგერი და ფრი.
ჰამბურგერები – მასში დიდი რაოდენობით არის ტრანსცხიმები და სხვადასხვა ნივთიერებები, რომლებიც ადამიანის ორგანიზმისთვის ძალზე მავნებელია. თანაც, მათი დამზადების პროცესში მეწარმეები ხშირად უშვებენ შეცდომებს. პური, რომელშიც ჰამბურგერის შიგთავსს დებენ, საუკეთესო არეა მიკრობების განვითარებისათვის, სასურველია ჩიზბურგერი თუ ჰამბურგერი ახალი დამზადებული იყოს, მაგრამ ადამიანი ვიზუალურად ვერასოდეს ატყობს, წინა დღეს არის დამზადებული, თუ ახალია. ისედაც, სწრაფი კვების პროდუქტების სისტემატური მიღება ორგანიზმისთვის საზიანოა.
რაც შეეხება კარტოფილის ფრის – ეს სასუსნავი ყველას უყვარს, განსაკუთრებით, მოზარდებსა და ბავშვებს. ბევრმა არ იცის, რომ ეს ძალზე სარისკო პროდუქტია, რადგან მის შესაწვავად მრავალჯერ გამოყენებულ ცხიმს იყენებენ. ოჯახშიც კი, ერთხელ რომ შეწვავთ კარტოფილს, ან სხვა რამეს, მერე ამ ცხიმში სხვა კერძის მომზადება აღარ შეიძლება, რადგან იქ უკვე მოხვდა ორგანული ნივთიერება, რომელიც მეორედ შეწვის დროს კარცენოგენად გარდაიქმნება. არც ის არის გამორიცხული, რომ დაფასოებული კარტოფილის ფრი მოძველებული იყოს.
მასალის გამოყენების პირობები
