რას შეიცავს სინამდვილეში „კოვიდ 19“ ვაქცინები…

„მარტივად პასუხი თქვენს კითხვებზე

რას შეიცავს სინამდვილეში „კოვიდ 19“ ვაქცინები

ჯანმრთელობას გისურვებთ “, -წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

COVID-ვაქცინა და საქართველოს პერსპექტივა

მიერ

ივლისი 15, 2021

21, 10, 2020 რადიო თავისუფლება

უკანასკნელი ცნობებით, COVID19-ის წინააღმდეგ ვაქცინის შესაქმნელად გამართულ რბოლაში, ამჯერად მხოლოდ ორი ვაქცინაღაა დაწინაურებული. ამის შესახებ რადიო თავისუფლებას ეუბნება გიორგი ფხაკაძე, ვაქცინებისა და იმუნიზაციების გლობალური ალიანსის წევრი, საზოგადოებრივი ჯანდაცვის საერთაშორისო ექსპერტი.

ეს ვაქცინებია: ოქსფორდის უნივერსიტეტისა და ბრიტანულ-შვედური კომპანიის მიერ შექმნილი ვაქცინა „ასტრაზენეკა“ და ავსტრალიაში, მურდოხის ბავშვთა კვლევის ინსტიტუტში შექმნილი ვაქცინა. ავსტრალიელმა მეცნიერებმა ძველი, თითქმის 100 წლის წინანდელი, ტუბერკულოზის საწინააღმდეგო, კალმენტისა და გერენის ბაცილის ანუ ბცჟ-ს ვაქცინის რემოდიფიცირება გადაწყვიტეს.

„ასტრაზენეკას“ განცხადებით, დამტკიცების შემთხვევაში, ისინი აწარმოებენ ვაქცინის 2 მილიარდ დოზას. აშშ-ის ადმინისტრაციამ “ასტრაზენეკას” გამოკვლევების გასაფართოვებლად, 1,2 მილიარდი დოლარი გადასცა.

რაც შეეხება ავსტრალიურ ვაქცინას, მკვლევრებმა ბილ და მელინდა გეითსების ფონდიდან 10 მილიონი ამერიკული დოლარი მიიღეს.

დღევანდელი მდგომარეობით, ორივე ვაქცინა კლინიკური კვლევების მესამე ფაზას გადის და მასში ათასობით ადამიანია ჩართული.

ჯამში, მსოფლიოს მასშტაბით, დაახლოებით 170-მდე კანდიდატი ვაქცინა გადის სამეცნიერო ცდებს. მათ შორის, 130-135 ვაქცინა პრეკლინიკური კვლევების ფაზაშია. კვლევების პირველ ფაზას გადის 14 ვაქცინა, მეორე ფაზაზე გადასულია 8 ვაქცინა.

იქიდან გამომდინარე, რომ კლინიკური კვლევების მესამე ფაზის დასრულებას მინიმუმ 9 თვე სჭირდება, რასაც კვლევაში ჩართული ადამიანების ანალიზი უნდა მოყვეს, ჯერჯერობით არ არსებობს კითხვაზე პასუხი, რამდენად შედეგიანი იქნება COVID19-ის წინააღმდეგ შექმნილი ვაქცინები გრძელვადიან პერსპექტივაში.

თუკი საერთაშორისო სტანდარტებს დავეყრდნობით, აშშ-ის კვებისა და მედიკამენტების სააგენტოს სტანდარტის მიხედვით, იმისათვის, რომ ვაქცინა დამტკიცდეს, მას მინიმუმ 50%-იანი ეფექტურობა უნდა ჰქონდეს. გაცილებით მაღალია ჯანდაცვის მსოფლიო ორგანიზაციის სტანდარტი, რომლის თანახმადაც ვაქცინამ 70-80%-იანი ეფექტურობა უნდა აჩვენოს.

რაც შეეხება, ეფექტური ვაქცინის შექმნის ვადებს ის 2-დან 5 წლამდე მერყეობს. მისი შექმნის ალბათობა კი გიორგი ფხაკაძის თქმით, მხოლოდ და მხოლოდ 6%-ია.

„ვაქცინას ვერ შექმნი, თუ არ გექნებათ ძალიან დეტალური ანალიზი. ამას კი ფულთან ერთად დრო სჭირდება. ამ დროს ვერცერთი ფულით ვერ იყიდი. კომპიუტერული მოდელირება ვერ გააკეთებს გათვლას, როგორ მოქმედებს ვაქცინა ადამიანზე. ამას მხოლოდ ადამიანზე ჩატარებული ექსპერიმენტი გვაჩვენებს. მესამე ფაზის ჩატარებას მინიმუმ 9 თვე სჭირდება. ამ ფაზის დასრულების შემდეგ კი უკვე საჭიროა კალკულაცია და ანალიზი. მაგალითად, ვაქცინა გაუკეთდა 50 000 ადამიანს, საჭიროა ყველა ამ ადამიანის შესწავლა და მათი მდგომარეობის ანალიზი“.

მიუხედავად ვაქცინის შესაქმნელად წამოწყებული უპრეცედეტო რბოლისა, გიორგი ფხაკაძე ფიქრობს, რომ შესაძლოა, ეს რბოლა უშედეგოდ დასრულდეს, ისე, როგორც ეს სხვა არაერთი ვირუსის საწინააღმდეგო ვაქცინის შემთხვევაში მოხდა:

„მსოფლიო, მათ შორის, ამერიკის მთავარი ეპიდემიოლოგი, ენტონი ფაუჩი, ჯერ კიდევ 20 წლის წინ ლაპარაკობდა, რომ შიდსის საწინააღმდეგო ვაქცინა 2 წელიწადში გვექნებოდა, მაგრამ ის დღემდე არ არის. სარსის რამდენიმე ტალღა ისე გადავიტანეთ, რომ ვაქცინა არ გვქონდა. მერსი, რომლის სიკვდილიანობა 70%-იანი იყო, ამ ვირუსმაც ვაქცინის გარეშე ჩაიარა. დღემდე არ გვაქვს ებოლას საწინააღმდეგო ვაქცინა. კვლავ არ არსებობს ზიკას ვირუსის წინააღმდეგ შექმნილი ვაქცინა. ძალიან კარგია, რომ ბევრი სამეცნიერო ინსტიტუტი მუშაობს კოვიდის ვაქცინის შემუშავებაში, მაგრამ ეს იმას არ ნიშნავს იმას, რომ ჩვენ ვაქცინა გვექნება”.

და თუ მაინც შექმნის მსოფლიო ვაქცინას, როდის ჩამოვა ის საქართველომდე?

თუკი მსოფლიო მოახერხებს და COVID19-ის წინააღმდეგ შექმნილი რომელიმე ვაქცინა 2021 წლის დასაწყისში მაინც დამტკიცდება, გიორგი ფხაკაძე ამბობს, რომ ყველაზე ოპტიმისტური გათვლებით, ის საქართველომდე 2021 წლის მიწურულამდე ვერ ჩამოაღწევს. გასათვალისწინებელია ისიც, რომ საქართველომ მოსახლეობის „ვაქცინათა გლობალურ ალიანსში“ განაცხადი უკვე შეიტანა, თუმცა, პირველ ეტაპზე, შეკვეთილი ვაქცინა მოსახლეობის მხოლოდ 20%-ზეა გათვლილი.

გიორგი ფხაკაძე იმ რამდენიმე დეტალსა და პრობლემაზე ამახვილებს ყურადღებას, რასაც შესაძლოა საქართველო ვაქცინაციის პროცესში წააწყდეს:

„ეს არის ვაქცინის ტრანსპორტირება და დასაწყობება. იმ ვაქცინებიდან, რომლებიც დღეს კლინიკურ კვლევებშია ჩართული, ზოგ ვაქცინას შესანახად სჭირდება -30, -15 გრადუსი. ამ პროცესში, ერთ-ერთი რთული საკითხი სწორედ ტემპერატურის დაცვაა. შესაძლოა, ტრანსპორტირების დროს, ნახევარ-გრადუსიანმა ცვლილებამაც კი იმოქმედოს ვაქცინის ეფექტურობაზე. ახლა უნდა წარმოვიდგინოთ, რომ მაგალითად, ჰოლანდიაში წარმოებული ვაქცინა ჩამოვიდა თბილისში, თბილისიდან წავიდა საწყობში, შემდეგ საწყობიდან ქუთაისში, ქუთაისიდან კიდევ პატარ-პატარა სოფლებში. ამ მთელ პროცესში არ უნდა შეიცვალოს ვაქცინის შენახვისათვის საჭირო ტემპერატურა. არ ვიცი, გვექნება კი ჩვენ ამის გარანტია? ამას ძალიან ფართომასშტაბიანი ლოჯისტიკა სჭირდება“.

კიდევ ერთი მნიშვნელოვანი რგოლი, რომელიც ამ ჯაჭვში შესაძლოა პრობლემური აღმოჩნდეს, გიორგი ფხაკაძის აზრით, ესენი შესაძლოა იყვნენ ექთნები, რომლებმაც ვაქცინაცია უნდა ჩაატარონ:

„ჩვენ უნდა გვყავდეს ექთნები, რომლებმაც ვაქცინა ჯერ სწორად უნდა შეინახონ და შემდეგ სწორად გააკეთონ. მე მაქვს ძალიან მარტივი შეკითხვა, გვყავს ჩვენ საჭირო რაოდენობისა და საჭირო კომპეტენციის ექთნები? ვიცით რა ხელფასსა და რა პირობებში მუშაობენ ისინი? იცით ექთნების საერთო ასაკი რეგიონებში რამდენია? – 65 წელი. შესაბამისად, მარტო ვაქცინა საქმეს არ უშველის თუკი მანამდე სისტემა არ გავმართეთ სათანადოდ. სწორედ ახლა არის ძალიან კარგი დრო იმისა, რომ ახალი ექთნები ავიყვანოთ, მოვამზადოთ“.

გიორგი ფხაკაძე ამბობს, რომ სანამ მსოფლიო COVID19-ის წინააღმდეგ ეფექტურ ვაქცინას შექმნის, მანამდე აუცილებელია საქართველოს ხელისუფლებამ აქცენტი გააკეთოს ვირუსის გავრცელების პრევენციის მართვასა და სათანადო, მიზნობრივ მკურნალობაზე:

„დღეს აღარ არის საინტერესო კლინიკების დირექტორებისა თუ რეანიმატოლოგების ბრიფინგები. ახლა აქცენტი უნდა გაკეთდეს იმაზე, თუ როგორ დაიცვან ადამიანებმა თავი ვირუსისგან, როგორი უნდა იყოს უსაფრთხოების ნორმები. როგორ უნდა გვეკეთოს ნიღაბი, რომ ცხვირი აუცილებლად ნიღაბში უნდა იყოს მოქცეული, რომ დისტანცია აუცილებლად უნდა იყოს ორმეტრიანი, რომ ხელები მინიმუმ 20 წამის განმავლობაში უნდა ვიბანოთ. დღეს უნდა დავსვათ კითხვები, რამდენი რეანიმაციული საწოლი გვაქვს საქართველოში და ამჟამად რამდენი მათგანია დატვირთული და რამდენი თავისუფალი. რამდენი რეგისტრირებული რეანიმატოლოგ-ანესთეზიოლოგი გვყავს? 15 აპრილს, ჯანდაცვის მინისტრი ამბობდა, რომ 448 რეგისტრირებული რეანიმატოლოგ-ანესთეზიოლოგი გვყავს და მათ 1200 საწოლის მართვა შეუძლიათო. ჩვენ ზუსტად უნდა ვიცოდეთ, ამ რეანიმაციული საწოლებიდან რამდენია უკვე დაკავებული? როგორი გათვლები გვაქვს ვირუსის ასეთი მზარდი რიცხვების ფონზე. არაფერში არ გვაინტერესებს, ჯამში ქვეყანას რამდენი საწოლი აქვს. საწოლები ხალხსაც აქვს სახლში. ჩვენ ზუსტად უნდა ვიცოდეთ, რამდენი რეანიმაციული საწოლია ქვეყანაში. თუკი მაჩვენებელი ასე მოიმატებს მომდევნო დღეებში, თვეებში, გვეყოლება სათანადო კომპეტენციისა და რაოდენობის რეანიმატოლოგები, რომ მძიმე პაციენტებს უმკურნალონ? ევროპული ქვეყნები სწორედ რეანიმაციული საწოლების გათვლების მიხედვით მართავენ მდგომარეობას და აწესებენ ან ხსნიან შეზღუდვებს. ანუ, როდესაც რეანიმაციული საწოლების 50%-ზე მეტი დაკავებულია, ქვეყანაში მკაცრი შემზღუდავი ნორმები იწყებს ამოქმედებას. ჯერ იკეტება კონკრეტული ქალაქები, სადაც პრობლემაა და შემდეგ უკვე ქვეყანა“.

გაზაფხულზე, საქართველოს პრემიერ-მინისტრი გიორგი გახარია, მართლაც აცხადებდა, რომ ქვეყანაში, 448 რეანიმატოლოგია და მათ 1200 საწოლის მართვა შეუძლიათ. შემოდგომაზე რეანიმატოლოგების რიცხვი თითქმის გასამმაგდა. 16 ოქტომბერს, ჯანდაცვის სამინისტროში გამართულ სპეციალურ ბრიფინგზე, სადაც ჯანდაცვის პოლიტიკის დეპარტამენტის ხელმძღვანელმა ეკა ადამიამ საქართველოში COVID-19-თან საბრძოლველად მობილიზებული რესურსების შესახებ ილაპარაკა, თქვა, რომ ქვეყანაში 1400-ზე მეტი რეანიმატოლოგია. ინტენსიური თერაპიისა და გადაუდებელი მედიცინის საწოლის რაოდენობა კი 2290.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Source: https://www.radiotavisupleba.ge/a/30905196.html

„საინტერესო / საყურადღებო ამბავი! ამერიკის მთავრობა უკვე “წინასწარ” ყიდულობს ამ წამალს!“

მიერ

ივლისი 15, 2021

12/06/2021

ავტორი: ირინა დათაშვილი

#COVID19 #COVID #health #globalhealth #publichealth #medicine #biotechnology #pharmaceuticals #pandemic #infectiousdiseases #FDA #WHO #CDC #clinicaltrials #merck

„საინტერესო / საყურადღებო ამბავი!
ახალი წამალი “მოლნუპირავირი” მწარმოებელი მერსკი.
ამერიკის მთავრობა უკვე “წინასწარ” ყიდულობს ამ წამალს!
გაიხსენეთ ჩემი ლაივი 6 თვის წინ …

U.S. აშშ-ს მთავრობა ფსონებს აკეთებს მოლნპირივირზე. გაფორმებულია მერკთან მიწოდების ხელშეკრულება, რომ შეიძინოს პერორალური ანტივირუსული შემუშავება, რომელიც არ არის ჰოსპიტალიზებული COVID-19 პაციენტების სამკურნალოდ. თუ მოლნუპირავირი იღებს გადაუდებელი დახმარების ავტორიზაციას (EUA) ან აშშ-ს მიერ დამტკიცებას, სურსათისა და წამლის ადმინისტრაცია (FDA), მერკი მიიღებს დაახლოებით 1,2 მილიარდ დოლარს, შეერთებული შტატების მთავრობას მოლნუპირავირის დაახლოებით 1,7 მილიონი კურსის მომარაგებისთვის.

მოლნუპირავირი, რომელიც ამჟამად მე –3 ფაზაშია, აღმოაჩინა ემორის უნივერსიტეტის მკვლევარებმა და მას ავითარებს მერკი ფლორიდაში დაფუძნებულ რიჯბექ ბიოთერაპიასთან“, -წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

The U.S. government bets on molnupiravir. A supply agreement with Merck is announced to purchase the oral antiviral under development for the treatment of non-hospitalized COVID-19 patients. If molnupiravir receives Emergency Use Authorization (EUA) or approval by the U.S. Food and Drug Administration (FDA), Merck will receive approximately $1.2 billion to supply approximately 1.7 million courses of molnupiravir to the United States government.
Molnupiravir, currently under phase 3 trials, was discovered by Emory University researchers, and is being developed by Merck in collaboration with Florida-based Ridgeback Biotherapeutics.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

„არც ისე სასიხარულო ამბავი გვექნება 6-7 დღეში“ – გიორგი ფხაკაძე ვარაუდობს, რომ „ომიკრონი“ უკვე…

მიერ

ივლისი 15, 2021

05/12/2021

ჯანდაცვის ექსპერტი, გიორგი ფხაკაძე კორონავირუსის ახალ შტამთან დაკავშირებით ინფორმაციას ავრცელებს და ამბობს, რომ „ომიკრონი“ განსაკუთრებით საშიში გახდა ბავშვებისთვის იმაზე მეტად, ვიდრე ეს „დელტა“ შტამის დროს იყო.

„ომიკრონი საშიშია. ბავშვების, 5 წლამდე, ჰოსპიტალიზაცია არის უფრო მაღალი დელტასთან შედარებით. უფრო დეტალური და სავარაუდოდ, არც ისე სასიხარულო ამბავი გვექნება 6-7 დღეში.

ეს ვარიანტი სავარაუდოდ ცირკულირებს მსოფლიოში უკვე 3-4 თვე. ეს ვარიანტი უკვე 40-ზე მეტ ქვეყანაში არის დაფიქსირებული და შესაძლებელია რომ ეს ვარიანტი უკვე საქართველოშია. ბრაზილიაში რიოში, მსოფლიოში ცნობილი საახალწლო ზეიმი აღარ იქნება რუსეთში რეკორდული ინფიცირების და სიკვდილიანობის მაჩვენებლებია და ასე შემდეგ …..

სასწრაფოდ უნდა ვიმოქმედოთ. რეკომენდაცია საქართვრლოს მთავრობას:

ყველა საქართველოში ჩამოსული ადამიანი, ვაქცინირებული და არა ვაქცინირებული, უნდა წარადგინოს პსრ ტესტი (48 საათით ადრე) სანამ გადალახავს საქართველოს საზღვარს;

სასწრაფოდ გადასვლა მაღალ ეფექტურ ვაქცინებზე (ფაიზერ/ბიონტეკზე ან მოდერნაზე);

ბუსტერი, ანუ მე-3 დოზა უნდა იყოს ხელმისაწვდომი ყველა ვაქცინირებულისთვის მე-2 დიზიდან 3 თვეში. მე-3 დოზა უნდა იყოს მხოლოდ ფაიზერ/ბიონტეკის ან მოდერნას ვაქცინა სრულიად ვაქცინირებული უნდა იყოს: 1 დოზა, მე-2 დოზა 21-28 დღეში, მე-3 დოზა მე-2 დოზიდან 3 თვეში.

კოვიდ საშვის “გამწვანება” უნდა იყოს მხოლოდ:

სრულიად ვაქცინირებული პროტოკოლის მიხედვით
პსრ ტესტი 24 საათის ვალიდურობა
კივიდ გადატანილი პოზიტიური ტესტი 3 თვეს ვალიდურობა

თავს ნუ ვიტყუილებთ. მოვემზადოთ მსოფლიოში საგანგაშო მდგომარეობა არის“,- წერს გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://old.primetime.ge/arts-ise-sasikharulo-ambavi-gveqneba-6-7-dgheshi-giorgi-fkhakadze-varaudobs-rom-omikroni-ukve-saqartveloshia/

„ყურადღებით უნდა ვიყოთ, რა მოხდება ისრაელში, თუ იქნება რეინფიცირება. თუ რეინფიცირება დაიწყება…

მიერ

ივლისი 15, 2021

10/02/2021

ავტორი: ირინა დათაშვილი

https://www.facebook.com/watch/live/?ref=watch_permalink&v=234466521565537

საქართველოს ჯანმრთელობის ფედერაცია • Health Federation of Georgia – მეგი საჯაია, ჟურნალისტი, პაციენტთა უფლებადამცველი, “საქართველოს ჯანმრთელობის ფედერაციის” თანადამფუძნებელი.

სტუმარი – საზოგადოებრივი ჯანდაცვის ექსპერტი, გაეროს გენერალური მდივანი და ვაქცინებისა და იმუნიზაციების გლობალური ალიანსის მრჩეველი, გიორგი ფხაკაძე.
თემა: ვაქცინაცია, შეზღუდვების მოხსნა და მოსალოდნელი შედეგები!

–ვაქცინაციის პროგრამა საქართველოს მთავრობამ განახორციელა ზუსტად ისე, ხომ უნდა ვთქვათ, რაც მთავრობამ გააკეთა კარგი, როგორც ჯანდაცვის მსოფლიო ორგანიზაციამ მოითხოვა, ყველაფერი შეასრულეს, საკანონმდებლო ცვლილებები იყო შეტანილი, გეგმაც დაწერეს, მაცივრებიც არის. 92 ქვეყანამ შეიტანა აპლიკაცია, ჩვენ ვართ ამ ქვეყნების ნაწილში. მოვხვდით იმ 18 ქვეყნის ჩამონათვალში, რომლებიც მიიღებენ, პირველ, – ფაიზერის ვაქცინას, ჩვენს რეგიონში მიიღებენ მოლდოვა და საქართველო, დაახლოებით15 ათასი მედპერსონალი რომ იყოს ვაქცინირებული. ვაქცინაციის მეორე ეტაპი, ვინაიდან არ არის იმდენი რაოდენობის ფაიზერის ვაქცინა, აქ უფრო იქნება ასტრაზენეკას ვაქცინა, აზტრაზენეკას ვაქცინის კომპონენტშიც საქართველოში დაახლოებით 180 ათასი ვაქცინა შემოვა. დაახლოებით 90 ათას ადამიანზე.

რამდენი ვაქცინაც შემოვა საქართველოში, საქართველოში ამას არავინ წყვეტს, რასაც გავი მისცემს, ეს იქნება. ჩვენ ვართ პატარა ქვეყანა, ღარიბი ქვეყნების ჩამონათვალში, ამ 92 ქვეყენაში და და ვინაიდან ყველაფერი შევასრულეთ. სომხეთმა გადაწყვიტა, შეეძინა რუსული ვაქცინა, შესაბამისად ის ამოვარდა იმ 92 ქვეყნიდან, ვინც პირველ ეტაპზე მიიღებს ვაქცინას. თუ თქვენ იყიდეთ „რაღაცა“ ვაქცინა, მაშინ პირველ ვაქცინას არ მიიღებთ, ვინაიდან სომხეთმა იჩქარა და აიღო რუსული ვაქცინა, ისინი ვერ მიიღებენ ფაიზერის ვაქცინას კოვაქსის პლატფორმიდან, მოგვიანებით მიიღებენ მარტო ასტრაზენეკას.

-ვაქცინაცია არის გარდაუვალი პროცესი, ხალხს ეშინია, რომ ერთ წელიწადში შექმნილი ვაქცინა რამდენად ეფექტური და უსაფრთხო იქნება? ხომ არ გამოიწვევს გარკვეულ ცვლილებას ადამიანის დნმ-ში? როგორია თქვენი პოზიცია? ყველაზე მეტად გათვითცნობიერებული ხართ ამ საკითხში და ფაქტიურად, მანდედან წყდება, ყველაფერი საქართველოშიც და მთელ მსოფლიოშიც, სადაც თქვენ იმყოფებით.

-ამჟამად ჟენევაში ყველა ოფისი დაკეტილია მარტამდე. ახლა ვიმყოფები საფრანგეთში, ჩემს სახლში, შემდეგ დავბრუნდები ჟენევაში.

-მეცნიერება ძალიან რთული საკითხია, ჩვენ ახლა ისეთ მაღალ მატერიებზე ვლაპარაკობთ. შეიძლება, ადამიანი ბიოლოგიას სწავლობდეს 15 წელი და ბოლომდე ვერ ხვდებოდეს, რა ხდება შიგნით, ვაქცინაციის პროცესში და ამოიკითავენ ერთ წინადადებას და ამაზე ააგებენ რაღაცას. მე ამ ადამიანებს მოვუწოდებ, სკოლებში ესწავლათ თავის დროზე ბიოლოგია,ფიზიკაც, მათემატიკა, უკეთესი იქნებოდა. მე უკვე დავიღალე უაზრო, არაპროფესიონალი საუბრით. სხვათა შორის, ექიმებისგანაც მესმის, არაპროფესიონალური მოსაზრება ამ ვაქცინასთან დაკავშირებით.

პასუხი არის ძალიან მარტივი, – საშიში რომ ყიფილიყო, 100 მილიონი ვაქცინა გაკეთდებოდა? რაღაც ჩიპებზე ლაპარაკობენ, მსოფლიო მოსახლეობის შემცირებაზე. თუ, მსოფლიო მოსახლეობის შემცირება უნდათ, დაფიქრდით, მაშინ ღარიბ, გაღატაკებულ ადამიანებს გაანადგურებდნენ, ამ ხალხის ტვინში ნეტავ ჩამახედა. გააგზავიდნენ ამ ვაქცინას ღარიბ ქვეყანაში, ამოწყვიტავდნენ და მდიდრები იქნებოდნენ კარგად. ლოგიკაც არის, რომ ყველაზე მდიდარი, ყველაზე გავლენიანი ადამიანები, ისინი არიან პირველები, ვინც არიან ვაქცინაში. 50 ქვეყანაშია ვაქცინაცია, 50-ია მდიდარი ქვეყანა, ერთია ღარიბი ქვეყანა. ეს არის რუსული პროპაგანდა, სხვათა შორის ჩინური პროპაგანდაც არის, იმიტომ, რომ ჩინეთი და რუსეთი ცდილობენ თავიანთი „ნაგავის“ გასაღებას და ღმერთმა გაუმარჯოს რუსულ და ჩინურ ვაქცინას, რომ გაამართლოს. ლანცეტში კი დაიბეჭდა სტატია, ნანახი მაქვს.

დასკვან არის ასეთი რუსულ ვაქცინასთან დაკავშირებით, რუსეთი არის დიქტატურა, ჩინეთი არის დიქტატურა. თუ ასეთი კარგი ვაქცინაა, რა უშლით ხელს, საჯაროდ რომ გახსნან ყველა მონაცემი ვაქცინის შესახებ, მთელი მსოფლიო ეუბნება და არ აჩვენებენ. აქ ისმევა ძალიან მარტივი კითხვა, თუ დასამალი არაფერი გაქვს, რატოომ არ აჩვენებენ? მე არ ვამბობ, რომ არ არის ეფექტური. ეს არის ახალი წამალი მსოფლიოში არის 200-მდე ვაქცინის მწარმოებელი ფირმა, კომპანია, უნივერსიტეტი, 200-მდე დაწესებულება მუშაობს ვაქცინის შემუშვებაში. ამ 200-დან რომელი იქნება კარგი, არავინ იცის. არც ერთი ვაქცინა, რომელიც არის ამჟამად მსოფლიოში, არ აქვს საბოლოო დამტკიცება კოვიდის საწინააღმდეგოდ ყველა ვაქცინა,რომელიც ახლა არის დამტკიცებული სხდასახვა ქვეყანაში ჯანდაცვის მსოფლიო ორგანიზაციის მიერ, ეს არის დროებითი გამოყენების საშუალება. იმიტომ, რომ ჩვენ ხომ ვუყურებთ, მსოფლიო დაიქცა, მილიონობით ადამიანი იღუპება, მილიარდობით ადამიანი კარგავს სამსახურს, ყველაფერი დაკეტილია, ხომ უნდა დაიწყოს ეს მოძრაობა. ერთადერთი გამოსავალია ვაქცინა. რუსებს და ჩინელებს აწყობთ, თქვენ, ვინც ამბობთ, ვაქცინას არ გავიკთებთ, რომ არ გაიკეთოთ, მოხვდეთ საავადმყოფოში რეანიმაციულ განყოფილებაში და ინტუპაცია გაგიკეთონ და გახდეთ ინვალიდები, მე ვარ ქირურგი, ვმუშაობდი რეანიმაციულ განყოფილებაში და იცით რა არის ინტუპაცია? ეს არის საშინელება, ეს არის ძალიან დიდი ტრავმა ორგანიზმისათვის.

გადავხდოთ ისრაელს, სტატისტიკა ძალიან ნათლად აჩვენებს, – ყველა მაჩვენებელმა დაიწია ქვემოთ. ყველამ, ვინც გაიკეთა ვაქცინა, ყველა ასაკობრივ ჯგუფში ჰისპიტალიზაცია და ა.შ. დაიწია ქვემოთ.

ვიცით, – ვინც კოვიდი ვინც გადაიტანა, 5-6 თვე აქვს იმუნიტეტი. ასევე, ვაქცინასთან დაკავშირებით, სიმართლე რომ გითხრათ, ყველაზე რთული თვე იქნება აგვისტო – ბრიტანეთში და განსაკუთრებით ისრაელში, იმიტომ, რომ მთელი ქვეყანა იქნება აცრილი (დაახლოებით ერთ თვეში დაასრულბენ), ამ დღიდან ჩვენ უნდა გადავთვალოთ 5 თვე, – აგვისტოსათვის მართლა ყურადღებით უნდა ვიყოთ, რა მოხდება ისრაელში, თუ იქნება რეინფიცირება. თუ რეინფიცირება დაიწყება, მაშინ ცუდად არის საქმე. ჩვენ მოგვიწევს 5-6 თვე აცრა, სანამ მთელი მსოფლიო არ აიცრება, რომ ვირუსს გასაქანი არ მივცეთ

არც ერთი ადამიანი არ გარდაიცვალა ფაიზერის ვაქცინით. ერთ მილიონზე თითო ადამიანი უნდა გარდაიცვალოს, მძიმე შედეგი უნდა ჰქონდეს, უნდა ჰქონდეს მძიმე ალერგია, ეს ახასიათებს ყველა ვაქცინას. ალერგიების მაჩვენებელი გვაქვს ძალიან დაბალი, უკუჩვენებები გვაქვს ძალიან დაბალი.

რუსეთი აკეთებს ვაქცინაციას. ჩვენ ვიცით, რამდენი ადამიანი გარდაიცვალა რუსული ვაქცინით? რამდენ ადამიანს დაემართა ალერგია? ასევე ჩინეთზეც.

რომ ამბობენ, არ გავიკეთებო ვაქცინას, რა უნდა გაიკეთონ, როცა ფიზიკურად არ არის ამდენი ვაქცინა.

ჩვენ გვეგონა, რომ ბავშვებისთვის არ არის საშიში ეს ვირუსი, ახლა ვიცით, რომ ეს ასე არ არის, კოვიდი ბავშვებში არის ზუსტად ისე, როგორც დიდებში. ყველა ასაკის ადამიანმა უნდა გამოიყენოს სამედიცინო პირბადე.

2023 წლამდე მსოფლიოს ვაქცინაციის პროგრამა არ დასრულდება. სანამ მთელი მსოფლიო არ იქნება აცრილი, სანამ მთელი მსოფლიო არ იქნება დაცული, პანდემია გრძელდება, ხომ ხედავთ, არის უკვე ექვსი სხვადასხვა ტიპის შტამით.

-თუ არის სხვადასხვა შტამი,, პირბადე მაინც თუ უნდა ვატაროთ, რაღა აზრი აქვს აცრას?

-აქ არის ყველაფერი ერთად, – პირბადე (აცრა თუ გაკეთებული გაქვთ, პირბადე მაინც უნდა ატაროთ), 2-მეტრიანი დისტანცია, ხელების დაბანა. ჩვენ კიდევ არ ვიცით, ამ ვირუსის შესახებ არაფერი. ინდოეთში რაც ხდებოდა, მე და ჩემი კოლეგები გადარეულები ვიყავით, 800 ათასი ადამიანი იყო დღეში ვირუსით ინფიცირებული ვაქცინაცია დაიწყო და ახლა ჰყავთ ათი ათასამდე, გაჩერდა, რატომ, არ იციან. მაგრამ გამოჩნდა ახალი ვირუსი სხვადასხვა ქვეყანაში…“ – განაცხადა საზოგადოებრივი ჯანდაცვის ექსპერტმა, გაეროს გენერალურმა მდივანმა და ვაქცინებისა და იმუნიზაციების გლობალური ალიანსის მრჩეველმა, გიორგი ფხაკაძემ.

ნახეთ ვიდეო – ვრცლად

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„პანდემიას ახასიათებს ხუთთვიანი ციკლურობა, ყოველ ხუთ თვეში არის პიკი“

მიერ

ივლისი 14, 2021

13/04/2021

ავტორი: ირინა დათაშვილი

ლინკი: https://www.accreditation.ge/post/%E1%83%A9%E1%83%98%E1%83%9C%E1%83%94%E1%83%97%E1%83%9B%E1%83%90-%E1%83%90%E1%83%A6%E1%83%98%E1%83%90%E1%83%A0%E1%83%90-%E1%83%A9%E1%83%98%E1%83%9C%E1%83%A3%E1%83%A0%E1%83%98-%E1%83%95%E1%83%90%E1%83%A5%E1%83%AA%E1%83%98%E1%83%9C%E1%83%94%E1%83%91%E1%83%98%E1%83%A1-%E1%83%94%E1%83%A4%E1%83%94%E1%83%A5%E1%83%A2%E1%83%98%E1%83%90%E1%83%9C%E1%83%9D%E1%83%91%E1%83%90-%E1%83%93%E1%83%90%E1%83%91%E1%83%90%E1%83%9A%E1%83%98%E1%83%90

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე ვაქცინაციის შესახებ გვესაუბრა:

„ჩვენ ერთი რამე ვისწავლეთ, – ამ კონკრეტულ პანდემიას ახასიათებს ხუთთვიანი ციკლურობა, ყოველ ხუთ თვეში არის პიკი. ეს დამოკიდებულია უშუალოდ ამ ვირუსის მოქმედებაზე.

ვიცით, რომ ადამიანებმა, ვინც ვირუსი გადაიტანეს, ხუთი თვე არის დაცული, „ხუთთვიანი ვაქცინა აქვს გაკეთებული“, მაგრამ ხუთი თვის შემდეგ ისევ არის დაუცველი და შეიძლება მოხდეს რეინფიცირება.

საქართველოში ინფიცირების ყველაზე მაღალი მაჩვენებელი იყო ნოემბრის თვეში. ნოემბრიდან გასულია ხუთი თვე. მე იანვარში ვთქვი, გათვლების მიხედვით, საქართველოში მესამე ტალღა იქნებოდა აპრილში.

როცა ვიცით, რომ პანდემიას ახასიათებს ციკლურობა (ეს მეცნიერული დასკვნებია), რა უნდა გააკეთოს მოსახლეობამ და ჯანცავის სფერომ? – უნდა მოემზადოს!

მესამე ტალღა დაიწყო სამი კვირის წინ, მარტის ბოლო კვირას. სამწუხაროდ, არაფერი კეთდება იმისათვის, რომ შეაჩერონ მესამე ტალღა, ყველა აკეთებს საწინააღმდეგოს, რაც შეიძლება ძლიერი ტალღა იყოს ქვეყანაში. როცა ვიცით ყველა მექანიზმი, როგორ ვაკონტროლოთ და როგორ შევაჩეროთ. ძალიან კარგი მაგალითი იყო ნოემბერში, როცა 10 ათასი ადამიანი იყო ინციფირებული და დეკემბერში უკვე აკონტროლებდნენ. ახლა იგივე შეცდომებს უშვებენ.

მე აღარ ვილაპარაკებ, რა არის გასაკეთებელი. ჯანდაცვის სამინისტრომ ძალიან კარგად იცის, რაც არის გასაკეთებელი, მაგრამ ჩემი დასკვნა არის ასეთი: „ჩვენ არაფერი არ ვისწავლეთ, იგივე შეცდომებს ვუშვებთ!“

ჩვენ ვიცით, რომ ვირუსთან ბრძოლის საუკეთესო საშუალება არის სამედიცინო პირბადე (დღესდღეობით სამედიცინო პირბადეს ალტერნატივა არ აქვს. სამედიცინო პირბადე უნდა გამივიყენოთ 5 წლის ასაკიდან), 2-მეტრიანი დისტანცია, ხელების დაბანა, თავშეყრის ადგილებს მაქსიმალურად აარიდეთ თავი.

საქართველოში უკვე არის ბრიტანული შტამი, რომელიც არის უფრო გადამდები.

სამწუხაროდ, საქართველოში ჯანდაცვის სისტემა არის აწყობილი რაოდენობაზე და არა ხასირისხზე. ხარისხიან ჯანდაცვაზე ყურადღების არმიქცევამ მოგვცა ის შედეგი, რაც გვაქვს. ექიმებს არ აქვთ უწყვეტი სამედიცინო განათლება, არ ტარდება შესაბამისი ტრენინგები.

პრაქტიკულად, ნოემბერში ვირუსის გავრცელების წყარო იყო სამედიცინო დაწესებულებები, ახლაც იქნება იგივე სიტუაცია.

ორი კვირის წინ დავიწყე საქართველოს აკრედიტაციის ინიციატივა. ძირითადი მიზანი არის, საქართველოში ჯანდაცვის სისტემა გავააუმჯობესოთ, დავეხმაროთ საავადმყოფოებს, აწიონ ხარისხი. თუ არ დავალაგეთ ჯანდაცვის სისტემა, ყოველთვის ვიქნებით ამ პრობლემების წინაშე.

არც ერთი ვაქცინა არ არის საბოლოოდ დამტკიცებული. 10-ზე მეტმა ვაქცინამ უკვე მიიღო სხვადასხვა ქვეყნებისა და ორგანიზაციების მიერ დროებითი მოხმარების თანხმობა, გადაუდებელ მდგომარეობაში შეიძლება იყოს გამოყენებული.

ჯანდაცვის ორგანიზაციამ დაამტკიცა ფაიზერი, ასტრაზენეკა და Johnson & Johnson, ევროკავშირის წამლის სააგენტონ დაამტკიცა ფაიზერი, მოდერნა, Johnson & Johnson და ასტრაზენეკა. აშშ-ის წამლის სააგენტომ დაამტკიცა მხოლოდ და მხოლოდ ფაიზერი, მოდერნა და Johnson & Johnson. ასტრაზენეკა აშშ-ში არ არის დამტკიცებული.

ყველა ვაქცინა არის ცდების, კვლევის პროცესში, ყველა ვაქცინას აქვს როგორც დადებითი, ისე უარყოფითი ნაწილი. როცა ჩვენ ვანხორცილებთ ვაქცინაციის პროგრამას, პრინციპი უნდა იყოს, რომ ვაქცინაცია არის ნებაყოფლობითი, უნდა იყოს პროცესის გამჭვირვალობა, ღიად უნდა უთხრან მოსახლეობას, რა რისკები არსებობს და რა დადებითი შედეგის მოტანა შეუძლია ვაქცინას. უნდა ვითანამშრლოთ მწარმოებლებთან და დიდ ორგანიზაციებთან, გავცვალოთ ინფორმაცია და ვისწავლოთ, სხვა ქვეყნებში რა ხდება.
გუშინ გავავრცელე ინფორმაცია, – სამწუხაროდ, ჩინური ვაქცინა არ არის ისეთი ეფექტური.“

ჩინურ ვაქცინებს „დაცვის მაღალი მაჩვენებელი არ აქვს ფაიზერი / Pfizer-მა მსოფლიოში პირველმა შეიტანა განაცხადი ამერიკის წამლის სააგენტოში (ძლიერი მარეგულირებელი), ამჯერად 12-18 ასაკის ახალგაზრდებში ვაქცინის გამოყენებაზე.

ასტრაზენეკა აკეთებდა იგივე კვლევას და შეაჩერა“.

ფაიზერი გეგმავს 12-დან 15 წლამდე მოზარდებში ვაქცინაციას…

ლინკი: https://www.accreditation.ge/post/%E1%83%A4%E1%83%90%E1%83%98%E1%83%96%E1%83%94%E1%83%A0%E1%83%98-%E1%83%92%E1%83%94%E1%83%92%E1%83%9B%E1%83%90%E1%83%95%E1%83%A1-12-%E1%83%93%E1%83%90%E1%83%9C-15-%E1%83%AC%E1%83%9A%E1%83%90%E1%83%9B%E1%83%93%E1%83%94-%E1%83%9B%E1%83%9D%E1%83%96%E1%83%90%E1%83%A0%E1%83%93%E1%83%94%E1%83%91%E1%83%A8%E1%83%98-%E1%83%95%E1%83%90%E1%83%A5%E1%83%AA%E1%83%98%E1%83%9C%E1%83%90%E1%83%AA%E1%83%98%E1%83%90%E1%83%A1

აშშ-ის ჯანდაცვის ოფიციალურმა უწყებებმა Johnson & Johnson-ის ვაქცინის გამოყენების შეჩერების რეკომენდაცია გასცეს, მას შემდეგ, რაც გავრცელდა ინფორმაცია, ვაქცინაციის შემდეგ ექვს ადამიანს თრომბები განვითარდა. წერს Euronews-ი .
მანამდე ევროპის მედიკამენტების სააგენტომ გაავრცელა ინფორმაცია, Johnson & Johnson-ის ვაქცინით აცრის შემდეგ თრომბი ოთხ ადამიანს განუვითარდა.
აშშ-მა Johnson-ის მიერ წარმოებული ვაქცინის 6.8 დოზა მიიღო.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

რა პრინციპით მოხდა/ხდება ვაქცინების შენახვის/ხმარების ვადების გაზრდა – ქართული მითი ფაიზერის…

მიერ

ივლისი 14, 2021

21/02/2022

ავტორი: ირინა დათაშვილი

„აკრედიტაციასაზღვრებისგარეშე“ ხელმძვანელი, პროფესორიგიორგიფხაკაძე პრეპარატის შენახვის/ხმარების ვადის გაგრძელებასთან დაკავშირებით, სოციალურ ქსელში წერს:

“ქართული მითი ფაიზერის “ვადაგასულ” ვაქცინაზე.

როგორც ირკვევა, ჩვენმა სამედიცინო საზოგადოების უმეტესმა ნაწილმა არ იცის, როგორ, რატომ და/ან როდის ხდება პრეპარატის შენახვის/ხმარების ვადის გაგრძელება. ამიტომ ვრცელდება მითი ფაიზერის “ვადაგასულ” ვაქცინაზე.

როგორც აშშ, ასევე ევროპული ფარმაკოპეით საინექციო პრეპარატების შენახვის/ხმარების მაქსიმალური ვადაა 2 წელი. ტაბლეტების-კაფსულების და ა.შ. – 5 წელი. ამ ვადებში სავალდებულოა მწარმოებლის მიერ მოწოდებული შენახვის პირობების დაცვა.

ბაზრის რეგულატორისთვის ახალი პრეპარატის ბაზარზე დასაშვებად წარდგენილ ტექნიკურ დოკუმენტაციაში (CTD) აუცილებელია შენახვის პირობებისა და ხმარების/შენახვის ვადის მითითება. შენახვის/ხმარების ვადა ასევე მითითებული უნდა იყოს ბაზარზე უკვე დაშვებული (დარეგისტრირებული/ავტორიზებული) პრეპარატის მარკირებაშიც.

როგორ ხდება ახალი საინექციო პრეპარატის (ვაქცინების ჩათვლით) შენახვის ვადის განსაზღვრა:

პრეპარატის პარტიას (რომელიც შეიძლება, იყოს 1 მილიონიდან 10 მილიონ ცალამდე ან მეტი) პრეპარატის შენსახვისთვის აუცილებელ პირობებში (მაგალითად, მინუს 60 გრადუს ცელსიუს ტემპერატურაზე) ინახავენ 6 თვე და შემდეგ რადნომულად ამოწმებენ პრეპარატის სტაბილურობას ანუ ეფექტურობას. თუ პრეპარატი გაივლის სტაბილურობის ტესტს, პარტიის შენახვის ვადა იქნება 6 თვე. წარმოებული პარტიის (დიდი) ნაწილი გამოდის ბაზარზე, ნაწილი კი რჩება შემდგომი ტესტისთვის, რომელიც, როგორც წესი მომდევნო 2-3 თვის შემდეგ ტარდება. ტესტირების შემდეგ თუ პრეპარატს შენარჩუნებული აქვს სტაბილურობა/ეფექტურობა, მთელი პარტიის შენახვის/ხმარების ვადა იზრდება 2-3 თვით ანუ პარტიის შენახვის/ხმარების ვადა ხდება 8 ან 9 თვე. 2-3 თვის შემდეგ ისევ ხდება სტაბილურობის ტესტირება და თუ პრეპარატმა გაიარა ტესტი, პარტიის შენახვის/ხმარების ვადა გრძელდება კიდევ 2 ან 3 თვით ანუ პრეპარატის შენახვის/ხმარების ვადა ხდება 11 ან 12 თვე, შესაბამისად, და ა.შ.

პრეპარატის შენახვის/ხმარების ვადას აგრძელებს ფარმაცევტული რეგულატორი (აშშ- FDA, ევროპაში-EMA ან ნაციონალური რეგულატორი), რომელიც დეტალურად სწავლობს პრეპარატის ტესტირების პირობებს და შედეგებს.

ამ პრინციპით მოხდა/ხდება მოდერნას, ფაიზერის, ჯონსონ@ჯონსონის. ასტრა-ზენეკას და სხვა მწარმოებლების ახალი ვაქცინების შენახვის/ხმარების ვადების გაზრდა”, – წერს ფხაკაძე.

#drpkhakadze Giorgi Pkhakadze

✅ქართული მითი ფაიზერის “ვადაგასულ” ვაქცინაზე.

✅როგორც ირკვევა, ჩვენმა სამედიცინო საზოგადოების უმეტესმა ნაწილმა არ იცის, როგორ, რატომ და/ან როდის ხდება პრეპარატის შენახვის/ხმარების ვადის გაგრძელება. ამიტომ ვრცელდება მითი ფაიზერის “ვადაგასულ” ვაქცინაზე….

მეტის ნახვა

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„პირბადე ხომ გავიტანეთ ერთად?!-გავიტანეთ!!! ახლა, ელექტრონული ბარათები გავიტანოთ!!! წითელი ზონები…

მიერ

ივლისი 14, 2021

01/03/2021

ავტორი: ირინა დათაშვილი

https://www.facebook.com/watch/live/?ref=watch_permalink&v=10159814194760579

„ბრიტანეთში სუტუაცია არის საგანგაშო – პრაქტიკულად, ბოლო რამდენიმე კვირა, არის „ვირუსის აფეთქება“, ქვეყანა ჩაკეტილია, ყველაფერი დახურულია.

ყველა ვირუსს ახასიათებს, ზოგადად, მუტაცია. ბევრი ვირუსი 2-3 წელიწადში გაქრა. მუტაცია კარგია, მუტაციის შედეგად ქრებიან. რამდენიმე წლის წინ იყო სარსი და მერსი. მერსი ერთ წელიწადში გაქრა, სარსი ერთ წელიწადში, ვაქცინის და წამლის გარეშე.
მუტაციის შედეგად კოვიდი შეიცვალა. თავიდან იყო იფრო აგრესიული.
საქართველოს გაუმართლა, არ არის ისეთი ძლიერი შტამი, ამიტომაც არის სიკვდილიანობის მაჩვენებელიც არ არის მაღალი – ძალიან სასიხარულო და ძალიან კარგია.
ახალი შტამი არის უფრო ვრცელდება, უფრო გადამდებია. საქართველოში 1300 ადამიანი ინფიცირებული როცა იყო, შემდედ ავიდა 500-მდე, სიკვდილიანობის მაჩვენებელი იყო – 50 ადამიანი დღეში.
ახალი შტამი არის უფრო აგრესიული, (როცა დღეში იყო 1300 ადამიანი ინფიცირებული), შესაძლებელია, ეს ვირუსი 50%-ით უფრო ვერგია, ერთ დღეში, ერთ კვირაში, ორ კვირაში, ერთ თვეში ადამიანების ინფიცირების რაოდენობა გეომეტრიულად აფეთქება ხდება (ჩვენ ეს უკვე გამოცდილი გვაქვს) – 1300 ინფიცირებულიდან, შეიძლება ავიდეს 10 ათასამდე. ახალი შტამი არ იწვევს სიკვდილიანობის მაღალ მაჩვენებელს (რეალური ინფორმაცია არავინ იცის), უნდა დაელოდონ, ადამიანი როდის გარდაიცვლება, რომელ ქვეყნებშიც, სადაც ნორმალური ლაბორატორიაა, ნორმალური ჯანდაცვის სისტემაა, ელექტრონული სისტემაა, რომ დაადგინონ, რომელი ვირუსით იყო დაავადებული, რითი გარდაიცვალა ადამიანი (არის მორგში), აკვირდებიან, რა იყო სიკვდილის მიზეზი.

რა არის გამოსავალი, ამ მდგომარეობიდან?
ვინაიდან, ქვეყანაშ არ არის ჩამოყალიბებული ჯანდაცვის სისტემა, ჩვენ არ ვიცით, რამდენი ადამიანია ინფიცირებული ახალი შტამით. ასევე არ ვიცით, რამდენი ადამიანია კოვიდით ინფიცირებული. არ ვიცით, რამდენი ადამიანი გარდაიცვალა კოვიდის გამო.
მე როცა მქონდა საუბარი, პრემიერ-მინისტრთან, მინისტრებთან, დაავადებათა კონტროლის ცენტრის თანამშრომლებთან, ეს საკითხი დავაყენე, ძალიან უხეში პასუხი მივიღე დაავადებათა კონტროლის ცენტრიდან, რომ ეს ყველაფერი ვიცითო.

თქვენ ბევრი რაღაც იცით, მაგრამ იმდენი ჩავარდნა იყო, საზღვარი აღარ არის.
ვირუსმა არ იცი არც პოლიტიკოსობა, არც ბიზნესმენობა, არც შენი რელიგია.

საზღვრები დაკეტილი არ არის და, ვირუსი თუ შემოვა საქართველოში, მარტივი კითხვა მაქვს, საიდან შემოვა?
ჩვენს ირგვლივ სამეზობლოში, – სომხეთში, აზერბაიჯანში, რუსეთში, თურქეთში რაც ხდება, ღმერთმა დაგვიფაროს, „აფეთქებაა“ და ჩვენ ვართ ამ „აფეთქების“ შუაგულში“.
ვამბობ, რომ უნდა გაკეთდეს „წითელი დერეფნები“. ტრაილერი შემოვიდა რუსეთიდან და მიდის სომხეთში, – დაულუქე მანქანა.
იყავით ფრთხილად! ვირუსი არის ძალიან ვერაგი!
პირბადე ხომ გავიტანეთ ერთად?!-გავიტანეთ!!!

ახლა, ელექტრონული ბარათები გავიტანოთ!!!

წითელი ზონები გავიტანოთ!!!

მწვანე რაიონები გავიტანოთ!!!

და უმი ,,ხაჭაპური” არ შემოვიტანოთ ქვეყანაში!!!!“- განაცხადა საზოგადოებრივი ჯანდაცვის ექსპერტმა, გაეროს გენერალურმა მდივანმა და ვაქცინებისა და იმუნიზაციების გლობალური ალიანსის მრჩეველმა, გიორგი ფხაკაძემ.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

მგონი, ინდოეთში სექს-მუშაკების 99% მიცნობდა – გიორგი ფხაკაძე

მიერ

ივლისი 14, 2021

28/11/2021

გაეროს გენერალური მდივნის მრჩეველმა ჯანდაცვის საკითხებში გიორგი ფხაკაძემ გადაცემაში „ნოესთან“ ინდოეთში გატარებული წლები გაიხსენა, სადაც ფხაკაძე გარკვეული პერიოდის განმავლობაში სექს-მუშაკებს უფასოდ იკვლევდა და მკურნალობდა.

„ინდოეთის ყველაზე ძლიერ საავადმყოფოში, „აპოლო ჰოსპიტალში“ ვმუშაობდი. მე მგონი ყველა ასაკისა და გენდერის სექს-მუშაკების 99% მიცნობდა, იმიტომ რომ ყველა მყავდა გასინჯული, როგორც ექიმს. არა მარტო მათ, ვიცნობდი მათ პარტნიორებს – მუდმივებსა და არამუდმივებს“, – იხსენებს ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

Prepared by: ირინა დათაშვილი #datashvil

წყარო: https://old.primetime.ge/mgoni-indoetshi-seqs-mushakebis-99-mitsnobda-giorgi-fkhakadze/

„ბევრჯერ გვქონია ფინანსური პრობლემები…“ – დაუჯერებელი ამბავი გიორგი ფხაკაძის დიდ ბაბუაზე, რომელზეც

მიერ

ივლისი 14, 2021

02/09/2021

პროფესორი, დიპლომირებული მედიკოსი (MD), ჯანდაცვის მაგისტრატურა (MPH), მედიცინის დოქტორი (PhD), საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი გიორგი ფხაკაძე, „პრაიმტაიმს“ ვაქცინაციასთან დაკავშირებულ პრობლემებზე და პირადი ცხოვრების აქამდე უცნობ დეტალებზე, ექსკლუზიურად ესაუბრა:

გთავაზობთ ამონარიდს ვრცელი ინტერვიუდან

ყველაზე სასაცილო ის არის, რომ „Factcheck.ge“ – „ნაცების“ სააგენტოა და „მედიაკრიტიკა“ „ოცნების“ და დასკვნა არის, რომ არც ერთის მხარე არ ვარ.

გადარეულები არიან – ვის მხარეს არის ფხაკაძე? – ფხაკაძე, არავისი არ არის! ფხაკაძე დამოუკიდებელი, თავისუფალი ადამიანია. ასე გამზარდეს ჩემმა მშობლებმა. ჩემი დიდი ბაბუიდან მოყოლებული, ჩვენთვის თავისუფლება უფრო მნიშვნელოვანი იყო, ვიდრე ფული.

– რომელ ბაბუაზე საუბრობთ?

ნიკიფორე ფხაკაძეზე – დიდი კაცი იყო ბაბუა, რამდენიმე ფაეტონი ჰქონდა ქუთაისში, ოჯახურ ბიზნესს ეწეოდა. 1921 წელს, როცა საქართველოში რუსული არმია შემოვიდა, მიიღეს გადაწყვეტილება, რომ მთელი ჩვენი ქვეყნის განძი (ოქრო, ფული), თბილისიდან ქუთაისის საცავში და შემდეგ, ფოთის პორტის გავლით, საზღვარგარეთ (საფრანგეთში) გაეტანათ.

ქუთაისში, ჩემი დიდი ბაბუის, ნიკიფორეს ფაეტონები დაიქირავეს, რომ ოქრო ფოთამდე გადაეტანათ. ფოთიდან, გვიან ღამით დაბრუნებულა ბაბუა დაღლილი და დაუძინია. ბებიამ დაბინავება გადაწყვიტა და ერთ-ერთ ფაეტონში, ერთი დიდი შეკვრა (ოქრო, ფული) ბანკის ძვირფასეულობა აღმოაჩინა.

მაშინ ეს უდიდესი თანხა იყო. ნიკიფორემ, სამი ვერცხლის მონეტით, მიწა იყიდა, ეს კი იმდენად დიდი თანხა იყო, ნახევარ ქუთაისს იყიდდა.

– და როგორ მოიქცა ბებია?

ძველი ქართული ტრადიციული ოჯახი იყო, რას იზამდა. გააღვიძა ბაბუა და განძეულობა აჩვენა. ნიკიფორემ სასწრაფოდ ჩაიცვა და შუაღამეს ფაეტონით უკან გაემგზავრა, რომ განძი დაებრუნებინა. ასეთი პატიოსანი ადამიანი იყო, რომ არ ჩაებარებინა, კაციშვილი ვერ გაიგებდა ამ ამბავს.

– სავარაუდოდ, არც ამ სასწაულს დაიჯერებენ…

ეს მართლაც სასწაული ისტორიაა ჩვენ ოჯახზე. სახლში დაბრუნებულ ნიკიფორეს, ყველა აღშფოთებული დახვდა, მაგრამ ოჯახის უფროსის გადაწყვეტილება იყო და ვერავინ შეეწინააღმდეგებოდა. დილით როცა საუზმობდა, კითხეს, ნიკიფორე რა ხდება, წუხელ სად იყავიო? ძალიან მარტივი იყო, ბაბუას პასუხი – მირჩევნია, რუხი პური და ტკბილი ძილი, ვიდრე, თეთრი პური და უძილობა!

ეს სიტყვები ჩვენ ოჯახში, დღემდე შემორჩენილია. ბევრჯერ ყოფილა, რომ ფინანსური პრობლემები გვქონია, გვითქვამს – „ნიკიფორე, შენ რა გითხარი, ერთი მონეტა დაგეტოვებინა , ხომ გადავიტანდით ამ გაჭირვებასო!“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе