კორონავირუსი – მათ, ვინც COVID-19 გადაიტანეს…

ფსიქოლოგები ამბობენ, რომ გაიზარდა ისეთი პაციენტების მიმართვიანობა, რომლებმაც კოვიდ 19 გადატანეს, გამოჯანმრთელების შემდეგ პრობლემები შეექმნათ, გახდნენ მეტად ემოციურები, მათში ნეგატიური განწყობები გაიზარდა.

„კორონავირუსის გადატანის შემდეგ პაციენტებს ხშირად ახასიათებთ დაღლილობა და მოთენთილობა. ამ საკითხთან დაკავშირებით არსებობს საერთაშორისო კვლევებიც, მსგავსი სიმპტომების გამოვლენის შემთხვევაში პაციენტებმა სპეციალისტს დროულად უნდა მიმართონ, მდგომარეობა რომ არ გართულდეს“, – განაცხადა საზოგადოებრივი ჯანდაცვის ექსპერტმა, გაეროს გენერალურმა მდივანმა და ვაქცინებისა და იმუნიზაციების გლობალური ალიანსის მრჩეველმა, გიორგი ფხაკაძემ.

ფართო კვლევის ფარგლებში, ექიმებმა შენიშნეს, რომ ინფექციაგამოვლილი პაციენტების 55%-ს, როგორც მინიმუმ, ფსიქიკური აშლილობა აღმოაჩნდათ. შედეგების თანახმად, COVID-19-ის გადატანის შემდეგ პაციენტების 28%-ს პოსტტრავმული სტრესული აშლილობა, 31%-ს დეპრესია, 42%-ს შფოთვა აღენიშნებათ. ხშირად პაციენტებს ერთდროულად რამდენიმე აშლილობა აქვთ.

კვლევის მიხედვით ისიც დგინდება, რომ ვირუსის გადატანის შემდეგ ადამიანთა 40%-ს უძილობა აწუხებს.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„იმედია, მოსახლეობა სიფრთხილეს გამოიჩენს – ბრიტანული შტამი უფრო სწრაფად“

მიერ

ივლისი 21, 2021

09/04/2021

ავტორი: ირინა დათაშვილი

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე გვესაუბრა:
„რამდენიმე საკითხზე მინდა ვისაუბრო.

პირველ რიგში, დიდი მადლობა მინდა გადავუხადო ყველას, ვინც მისმენს, განსაკუთრებით ჟურნალისტებს, რომლებიც ჩემს ლაივებს, როგორც პლატფორმას, იყენებენ და საზოგადოებამდე მიაქვთ ინფორმაცია მაღალპროფესიულ დონეზე, ეს ძალზე მნიშვნელოვანია.

დღეს 9 აპრილია, განსაკუთრებით მძიმე და რთული დღეა ჩვენი სამშობლოსთვის, მაგრამ ამავე დროს, ეს არის საქართველოს თითოეული მოქალაქის გაერთიანების დღე, ვინც არ უნდა ვიყოთ და სადაც არ უნდა ვიყოთ. ჩვენ 9 აპრილის იდეამ უნდა გაგვაერთიანოს. 9 აპრილი არის ჩვენი სიძლიერის, სიმამაცისა და სამშობლოს სიყვარულის სიმბოლო.
შენს საქმეს კარგად თუ აკეთებ, ეს არის სამშობლოს სიყვარული, ეს არ უნდა ავურიოთ სხვა რაღაცაში. აი, იმაში, რაც დღეს ხდება. ამაზე მე კომენტარს არ გავაკეთებ, აპოლიტიკური ვარ, მაგრამ ბევრი რამეს, რაც ხდება დღეს საქართველოს პოლიტიკაში, მე, როგორც ადამიანი, ფიზიკურად ვერ ვგებულობ.

მეორე საკითხი: „საქართველოს აკრედიტაციის ინიციატივა“ – 24-საათიან რეჟიმში ვმუშაობთ, ახალ ვებგვერდს ვაკეთებთ, ერთი ქართული კომპანია გვეხმარება. თანმშრომლობის სურვილი რამდენიმე არასამთავრობო ორგანიზაციამ გამოთქვა, სხვადასხვა მიმართულებით: შშმ პირთა და პაციენტთა უფლებების დაცვა, თამბაქოს კონტროლი, უწყვეტი სამედიცინო განათლება და ა.შ. შემოგვიერთდნენ ექსპერტებიც;

10 დღეში 21 ორგანიზაციამ გამოთქვა აკრედიტაციის გავლის სურვილი, მათგან ხუთ ორგანიზაციასთან კონტრაქტი უკვე გაფორმდა;

მესამე საკითხი – ე.წ. ჭიები პირბადეებში.
ათასობით ადამიანი მეკითხება. გპასუხობთ,-არანაირი ჭიები პირბადეებში არ არსებობს, ამაზე სერიოზულად საუბარი სირცხვილია.

ერთხელ გაეროში ერთ-ერთ შეხვედრაზე რუსებს პირში ვუთხარი, – თქვენ ხართ ოკუპანტები და ფაშისტები! 9 აპრილიც რუსული ფაშიზმის გაგრძელებაა. ამ ვიდეობის გავრცელების უკანაც რუსეთი დგას. გეტყვით, რატომაც.

ეშმაკი დეტალებშია, – ინფორმაციები, თითქოს პირბადეებში ჭიებია, რუსული ვაქცინა „სპუტნიკი“ კარგია და ა.შ. – ეს რუსული ფაშისტური პროპაგანდაა საქართველოს წინააღმდეგ.

საქართველოში დღეს არის ორი მტერი – რუსეთი და კოვიდი, საქართველოში თანამოქალაქეები ნუ ვებრძვით ერთმანეთს; ჩვენი ურთიერთდაპირისპირება აწყობს რუსეთს! დიახ, რუსეთს აწყობს, – ვიყოთ ურთიერთკინკლაობაში, საქართველოში არ იყოს გამართული ჯანდაცვის სისტემა, განათლება, გავრცელდეს უაზრო ვიდეოები, თითქოს პირბადეებში ჭიებია და დავრჩეთ თავდაცვის საშაულების გარეშე;
მე ამ ვიდეოების გავრცელების უკან ვხედავ რუსულ სტრატეგიულ გეგმას. ეს არის რუსეთის პოლიტიკა საქართველოში, რათა შიგნიდან გაანადგურონ ქვეყანა;
ჩვენი ქვეყნის პატრიოტები თუ ვართ, თუ გვახსოვს 9 აპრილი, მაშინ მიტინგი – ეს არ არის გამოსავალი. მუშაობა, აი, ეს არის გამოსავალი! ყველამ აკეთოს თავისი საქმე, – ეს არის გამოსავალი!

ჩვენ თუ გვინდა, პატივი მივაგოთ 9 აპრილის გმირების ხსოვნას, ხელებდაკაპიწებულებმა უნდა ვიმუშაოთ, მთელ მსოფლიოს და ჩვენივე საკუთარ თავს უნდა ვაჩვენოთ, რომ ვართ ძლიერები და შეგვიძლია, ავაშენოთ ძლიერი სახელმწიფო!
ძლიერი სახელმწიფო ნიშნავს ძლიერ განათლებას, ძლიერ ჯანდაცვას! ამისკენ უნდა წავიდეთ!
როცა იქნება ხარისხიანი ჯანდაცვა, ხარისხიანი განათლება, ხარისხიანი საკვები, ეს იქნება შემდგარი სახელმწიფო!
არც ერთი უცხოელი, არც ერთი დონორი და არც ერთი ინვესტორი ჩვენს ქვეყანას არ ააშენებს. ჩვენი ქვეყანა ჩვენი ასაშენებელია!

მე, გიორგი ფხაკაძე, არ ვეთანხმები იმ სიტუაციას, რაც ხდება ქვეყანაში. მე არ ვარ პოლიტიკოსი, არ მაინტერესებს პოლიტიკა , მე ვარ საქართველოს ერთი მოქალაქე, მიყვარს ჩემი ქვეყანა! მე ჩემი სამსობლოსთვის ვაკეთებ იმას, რაც ვიცი, რაც შემიძლია გავაკეთო! ვხედავ, საქართველოს ჯანდაცვის სისტემას სჭირდება გამართვა, ხარისხის გაუმჯობესება, დავაფასოთ ჩვენი პროფესიონალი ექიმების, ექთმების, სანიტრების კოლოსალური შრომა და თავდადება. მე მთელ ენერგიას, მთელ ჩემს გულს ვდებ ამ საქმეში! ამას ვაკეთებ თქვენთან ერთად!

მე ასე მესმის სამშობლოს სიყვარული! ყველამ ვაკეთოთ ის, რაც ვიცით, რაც შეგვიძლია, რაც გამოგვდის და ამით გვიყვარდეს საქართველო! საქმით გვიყვარდეს საქართველო!

9 აპრილი 9 აპრილს არ დამთავრებულა, ის დღემდე გრძელდება. დღესაც 9 აპრილია, ხვალაც 9 აპრილი იქნება, ჩვენთან 9 აპრილი არის ყოველი დღე, რადგან ბრძოლა დამოუკიდებლობისთვის ეს არ არის ერთდღიანი ბრძოლა, ეს არის პროცესი, ჩვენ ჩვენი შრომით და ბრძოლით დამოუკიდებლობა ყოველდღე უნდა მოვიპოვოთ!
როცა მიდიხართ სამსახურში და თქვენს საქმეს ძალიან მაღალ დონეზე ასრულებთ, თქვენ ქვეყნის თავისუფლებისთვის, დამოუკიდებლობისთვის იბრძვით! როცა თქვენს საქმეს აკეთებთ სიყვარულით და პროფესიონალურად, ამით სახელმწიფოს აშენებთ და აძლიერებთ! აი, ამ დროს ვერ მოგვერევა მტერი! ნებისმიერი სამუშაო, ნებისმიერი საქმე, რომელსაც კარგად შეასრულებთ, ეს არის პატრიოტიზმი, ეს არის ქვეყნის სიყვარული!
ეს სხვისი ბრალი არ არის, ჩვენი ბრალია, რომ ვართ იქ, სადაც ვართ, გამოსავალი ჩვენს ხელშია! უნდა ვიმუშაოთ და გამოვასწოროთ, სხვა გზა არ არსებობს!

კორონავირუსის მესამე ტალღა დაიწყო. ყველა ბერკეტი, რითაც შეიძლებოდა შეკავება, გაწყდა! დღეს ბოლო თოკი გაწყდა იმ თავყრილობით, რასაც ყველანი ვუყურებდით!
ჩემო კოლეგეო, ექიმებო, ექთნებო, სანიტრებო, საავადმყოფოს ტექნიკურო პერსონალო, მოემზადეთ!- მომავალი ორი კვირა ძალიან მძიმე იქნება, მოვამზადოთ ჟანგბადები, პერსონალური თავდაცვის საშაულებებეი, პირბადეები.
გაუფრთხილდით თავს, თქვენ ფრონტის წინა ხაზზე ხართ! თქვენ თუ გახდებით ავად, მოსახლეობა ჯანდაცვის სისტემის გარეშე დარჩება. თქვენ ხართ ახლა მთავარი! ნურავის უსმენთ. უსმინეთ თქვენს გულს და თქვენს პროფესიონალიზმს!
თქვენ თუ გადაიტანეთ კოვიდი, ეს არ ნიშნავს, დაცულები ხართ, არ უნდა იაროთ პირბადის გარეშე.

საქართველოში უკვე არის ბრიტანული შტამი!
ბრიტანული შტამი უფრო სწრაფად ვრცელდება!
მესმის, რომ პოლიტიკური დუღილია, მაგრამ საბოლოო ჯამში რად გინდა ის პოლიტიკა, ხალხი თუ აღარ დაგრჩა?!
სამწუხაროდ, მე ვერავისგან ვხედავ ვერც პოლიტიკურ და ვერც ზნეობრივ გადაწყვეტილებას. არავინ ამობს, – კოვიდი რახან მძვინვარებს, დროებით გადავავადოთ ყველა აქტივობა, დაველოდოთ ვირუსის შემცირებას და შემდეგ გავაგრძელოთ პოლიტიკური პროცესები. აგიზგიზებულ ცეცხლში ყველა შეშას უკეთებს, მე არ ვიცი, ყველაფერი ეს რითი დამთავრდება!

მივმართავ მოსახლეობას:
გამოიყენეთ სამედიცინო პირბადეები, დაიცავით 2-მეტრიანი დისტანცია, დაიბანეთ ხელები, ნუ მიხვალთ ხალხმრავალ ადგილებში. ეს არის ერთადერთი საშუალება, მესამე ტალღა უფრო იოლად გადავიტანოთ!
იმედია, მოსახლეობა იქნება უფრო მობილიზებული და სიფრთხილეს გამოიჩენს!“

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

დეკემბრის თვე საქართველოში იქნება უმძიმესი – გიორგი ფხაკაძე

მიერ

ივლისი 21, 2021

10/11/2021

დეკემბრის თვე საქართველოში იქნება უმძიმესი,- ამის შესახებ ჯანდაცვის ექსპერტი, გიორგი ფხაკაძე სოციალურ ქსელში წერს.

„საქართველოში დაიწყო კოვიდის მე-5 ტალღა;

დღეს საქართველომ დაკარგა 78 მოქალაქე;

ეს არის მხოლოდ და მხოლოდ სასაწყისი;

დაკემბრის თვე საქართველოში იქნება უმძიმესი;

გამოფხიზლდით, გონს მოეგეთ… საკუთარ თავს უწყობთ გენოციდს.

ყველა ვართ დამნაშავე, დიახ ყველა.

გამოსავალი არის მხოლოდ ერთობაში.

საქართველოს ყავს ორი მტერი: კოვიდი და რუსეთი.

78 ადამიანი …..

მაინდამაინც 100 ადამიანის სიკვდილის შემდეგ დავიწყებთ შეწუხებული სახეებით სიარულს, რა გვჭირს.

ყველა ვინც არ იყენებს სამედიცინო პირბადეს არის მკვლელი, ყველა ვინც არ იცრება არის მკვლელი,

ყველა არაპროფესიონალი ვინც იღებს უაზრო გადაწყვეტილებებს (ჩამონათვალი დიდია) არის მკვლელი,

ყველა ეგრეთ წოდებული “ანტივაქსერი” “ბლოგერი” თუ ჯანდაბა ყველანი არიან მკვლელები.

კვდება არა აცრილი ადამიანი,

ვირუსს ავრცელებენ არა აცრილი ადამიანები.

გამოსავალი დღეს არის მხოლოდ:

ქვეყანა უნდა გადავიდეს დღესვე ერთ ვაქცინაზე (ფაიზერზე)

ვაქცინა უნდა იყოს სავალდებული 100% დაფარვით კონკრეტული ჯგუფებისთვის:

სამედიცინო სფერო, საგანმანათლებლო სფერო, სერვისი სფერო, ძალოვანი სტრუქტურებე, და მედია სფერო.

კივიდ ელექტრონული სტატუსი უნდა იყოს დანერგილი ქვეყანაში რაც შეიძლება მალე, მაქსიმუმ 1 კვირაში და წარდგენილი “მწვანე” კრიტერიუმები არის გადასახედი და უნდა იყოს მხოლოდ 2 კრიტერიუმი – აცრილი ფაიზერით 6 თვე ან პსრ ტესტი 72 საათი.

თავს ნუ ვიტყულებთ – მწვანე საშვი არ უნდა გჭირდებიდეს: აფთიაქი, საავადმყოფო, სასურსათო მაღაზია და შიდა საქალაქო ტრანსპირტი.

ყველა დანარჩენ შემთხვევაში უნდა იქნას ამოქნედებული მწვანე საშვი თავისი ჯარიმით. 500ლარი იმ დაწესებულებას, თითოეულ არა მწვანე საშვიანზე

სამედიცინო პირბადე უნდა იყოს სავალდებული ყველგან გარე და შიდა სივრცეებში (განსაკუთრებით სასწავლო დაწესებულებებში) და ჯარიმა უნდა იყოს მყისიერი, 50 ლარი.

დისტანცია მინიმუმ 1 მეტრა უნდა იქნას დაცული საზოგადოებრივ ტრანსპირტში და სხვა დახურულ სივრცეში 1.5 ნეტრა, სასურვრლია 2 მეტრიანი დისტანცია.

ყველა დაწესებულება განიხილოს მაქსიმალურად დისტანციურ რეჯიმზე გადასვლა. დიახ, ყველა კერძო და საჯარო სამსახურები უნდა გადავიდნენ დისტანციურზე.

გეკითხებით ბუღალტერს, ანალიტიკოსს, და იურისტს რა უნდა ოფისში ?!

გამოვიყენოთ საღი აზრი და გადავარჩინოთ სიცოცხლე სხვა ალტერნატივა არ არის“,- წერს ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://old.primetime.ge/dekembris-tve-saqartveloshi-iqneba-umdzimesi-giorgi-fkhakadze/

„მაშინ როგორ გაყიდიან “ფუფალას რეცეპტით” დამზადებულ წამალს?! – სიმართლე ვის უნდა?! …

მიერ

ივლისი 21, 2021

21/04/2021

ავტორი: ირინა დათაშვილი

https://www.ema.europa.eu/ – COVID-19 ვაქცინა იანსენი: EMA პოულობს შესაძლო კავშირს იშვიათ შემთხვევებში სისხლის უჩვეულო თრომბებით დაბალი თრომბოციტებით

„შეკითხვა არ გიჩნდებათ, ჩინური და რუსული ვაქცინები რატომ არ/ვერ გადიან რეგისტრაციას ევროპის წამლის სააგენტოში ისე, როგორც ასტრაზენეკა, მოდერნა, ფაიზერი, ჯონსონი?! ალბათ, იმიტომ, რომ დარწმუნებული არიან, დამოუკიდებელი ექსპერტები იტყვიან სიმართლეს … სიმართლე კი ვის უნდა?! … ვის აინტერესებს?!… მაშინ როგორ გაყიდიან “ფუფალას რეცეპტით” დამზადებულ წამალს?!.

ვაქცინაციის პროცესი უნდა იყოს
ნებაყოფლობითი,
უსაფრთხო,
ეფექტური,
გამჭვირვალე და
პროფესიონალების მიერ მართული! ….“ – წერს პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე.

2021 წლის 20 აპრილის შეხვედრაზე EMA– ს უსაფრთხოების კომიტეტმა (PRAC) დაასკვნა, – COVID-19 ვაქცინის ჯანსის პროდუქტის შესახებ ინფორმაციას უნდა დაემატოს გაფრთხილება დაბალი თრომბოციტებით უჩვეულო თრომბების შესახებ. PRAC– მა ასევე დაასკვნა, რომ ეს მოვლენები შეტანილი უნდა იყოს, როგორც ვაქცინის ძალიან იშვიათი გვერდითი მოვლენები.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო. ვაქცინაციის პროცესი ამ ეტაპზე „ასტრაზენეკასა“ და „ფაიზერის“ ვაქცინით მიმდინარეობს. საქართველომ „სინოფარმის“ ვაქცინის 100 ათასი დოზა მიიღო.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

რატომ არის ეს ძალზე შემაშფოთებელი ? – „დიდი მადლობა …. მართლა დავიღალეთ ამდენი არა ადექვატური…

მიერ

ივლისი 21, 2021

22/02/2021

ავტორი: ირინა დათაშვილი

George Kavkasidze
19 თებერვალი, 13:53-ზე ·

„დიდი მადლობა …. მართლა დავიღალეთ ამდენი არა ადექვატური ინფორმაცით“, – წერს ჯანდაცვის საკითხებში გაეროს გენერალური მდივნის მრჩეველი, პროფესორი, გიორგი ფხაკაძე.

უკვე მერამდენე კვლევაა რომელიც აჩვენებს ანტიგენის სწრაფი ტესტის “ცრუ უარყოფითი” რეზულტატების მაღალ (>50%) პროცენტს.
რატომ არის ეს ძალზე შემაშფოთებელი ?

დღეს ე.წ. რისკჯგუფების უმეტესობა იტესტება ანტიგენის სწრაფი ტესტებით. საქართველოში არავის გადაუმოწმებია ამ ტესტების სიზუსტე. არ ვიცით ანტიგენის სწრაფი ტესტით უარყოფით რეზულტატებიდან რა ნაწილია ცრუ უარყოფითი, ანუ რამდენი ადამიანია ინფიცირებული და კოვიდ-19 გამავრცელებელი “ოფიციალურად” არაინფიცირებულებს შორის.

ბრიტანეთში ჩატარებული კვლევის შედეგად, როდესაც ანტიგენის სწრაფი ტესტის უარყოფითი რეზულტატები შეამოწმეს PCR-ტესტირებით, 52% ინფიცირებული აღმოჩნდა.
აშშ-ში ჩატარებული კვლევით – 54.5%.

როგორც სტატიაშია აღნიშნული, ცრუ უარყოფით რეზულტატების მაღალ პროცენტი საფრთხეს უქმნის საზოგადოებრივ ჯანდაცვას.
The high proportion of false-negative antigen tests (54.5%) may have public health implications.

ნახეთ: https://www.jpeds.com/article/S0022-3476(21)00034-2/fulltext?fbclid=IwAR3UpnuVCsHPRNthx_zkg0iWbtbfvE9tAIs3QyGgu4BaFBDexUZwmaGPl40

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

рофессор Гиорги Пхакадзе. #ПрофессорПхакадзе

„ვირუსის შესაჩერებლად ორი გზა არსებობს… – დამიკავშირდით, გეტყვით“

მიერ

ივლისი 21, 2021

04/05/2021

ავტორი: ირინა დათაშვილი

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე გვესაუბრა, თემა: ვაქცინები და ვაქცინაციის პროცესი.
„ვირუსის შეჩერება თუ გვინდა, ამისთვის ორი გზა არსებობს:
ქვეყანაში 4 მილიონი ვაქცინა უნდა ჩამოიტანო, მაგრამ ჩინური ნაგავი კი არა, „ფაიზერი“. მაგათი ვაქცინა 15 დოლარი ღირს, ჩინურზე უფრო იაფია. ორ თვეში საქართველოს მოსახლეობის ვაქცინაცია სრულიად შესაძლებელია. ამის ათასი ხრიკი არსებობს, მე გასწავლით, თუ გინდათ, მაგრამ ამის სურვილი არ არსებობს. ამ 4 მლნ ვაქცინის გაკეთების შემდეგ შეიძლება, ქვეყანა გაიხსნას; მეორე ვარიანტია, ქვეყანა უნდა ჩაიკეტოს, საზღვარგარეთიდან ჩამოსული ყველა ადამიანი კარანტინში უნდა გადავიდეს.
ქვეყანას ვერ დაკეტავენ, რადგანაც სახელმწიფოს ეკონომიკა გაკოტრებულია. ალბათ, არჩევნებს ჩაატარებენ და დეფოლტს გამოაცხადებენ, რადგანაც ფული და სემოსავლები პრაქტიკულად აღარ არის.
მე გეუბნებით, გზა არსებობს, როგორ შეიძლება ქვეყნის გახსნა და ჩვენ ვიცხოვროთ კოვიდთან ერთად. დამიკავშირდით, გეტყვით“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„ჩინურით აცრას აიძულებენ?! ერთი, ორი, სამი დოზა ექნებათ გასაკეთებელი და მაინც დაავადდებიან, რადგან…“

მიერ

ივლისი 21, 2021

11/05/2021

ავტორი: ირინა დათაშვილი

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე გვესაუბრა:

„კიდევ ერთხელ, – რეალობაა, რომ უნდა ვიყოთ ფრთხილად. მაგალითად, ამ კვირას ბათუმში ფეხბურთის სტადიონი ხალხით რომ იყო გადაჭედილი, ეს იყო კაგასტროფა. ამის ორგანიზატორების თავში ჩამახედა. პირდაპირ ვამბობ, ესენი არიან ქვეყნის მტრები, ვინც მიტინგებს აწყობს, ვინც სტადიონებს ავსებს. თუ ასეთ რამეებს აკეთებთ, რატომ გაქვთ 9 საათზე კომენდანტის საათი?! ლოგიკას ვერ ვხედავ!

ევროპა დაკეტილია, მიუხედავად იმისა, რომ იქ ვაქცინაცია მიდის. საქართველოში კი ყველაფერი ღიაა და არც ვაქცინაციაა. ის რამდენიმე ათასი ვაქცინირებული არაფერს ნიშნავს. ეს პოლიტიკური ტრიუკია. იცით, როგორ მეცოდებიან სახელმწიფო მოხელეები, რომლებსაც ამ ჩინურით აცრას აიძულებენ?! ერთი, ორი, სამი დოზა ექნებათ გასაკეთებელი და მაინც დაავადდებიან, რადგან ეს ვაქცინა არ იცავს. არ არის კვლევები. როგორ გითხრათ, კარგია-თქო?!

დაბოლოს, რატომ ვლაპარაკობ და რატომ ვცდილობ ამდენს?! ერთი სიცოცხლე მაინც თუ გადავარჩინე ამდენი ლაივების შემდეგ, იმედია, ჩამეთვლება კეთილ საქმედ, როცა თავის დროზე ღმერთთან წარვდგები.

ძალიან დიდი იმედი მაქვს, – მაისის ბოლოს ეს ტალღა ჩაცხრება და კარგი ზაფხული გვექნება. არ დაგვავიწყდეს ისიც, რომ სექტემბრის ბოლოს მეოთხე ტალღა იქნება. მოვემზადოთ. მე თქვენ გაძლევთ სწორ ინფორმაციას. ვიყოთ შეიარაღებული. გავუფრთხილდეთ ჩვენს თავს და ერთმანეთს. ყველოაფერი იქნება კარგად!

გისურვებთ ჯანმრთელობას!“

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

გიორგი ფხაკაძე – „ახალგაზრდას ახალგაზრდა უნდა ელაპარაკოს, ძველგაზრდას ძვლეგაზრდა“

მიერ

ივლისი 21, 2021

16/01/2021

ავტორი: ირინა დათაშვილი

გაეროს გენერალური მდივნის მრჩეველი ჯანდაცვის საკითხებში, პროფესორი, გიორგი ფხაკაძე – „ახალგაზრდას ახალგაზრდა უნდა ელაპარაკოს, ძველგაზრდას ძვლეგაზრდა“.

ნახეთ ვიდეო

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

“ჩუმი გენოციდი მიმდინარეობს…” – გიორგი ფხაკაძე საქართველოში კორონავირუსის მძიმე მე-5 ტალღას პროგნოზი

მიერ

ივლისი 21, 2021

10/10/2021

ჯანდაცვის დამოუკიდებელი ექსპერტი, გიორგი ფხაკაძე ფეისბუკ „ლაივში“ მოქალაქეებს მიმართავს და აღნიშნავს, რომ საქართველოში მე-5 ტალღა მეტად მძიმე იქნება.

მისივე თქმით, სიკვდილიანობის მზარდი მაჩვენებელი ისეთი პატარა ქვეყნისთვის, როგორიც საქართველოა, გენოციდის ტოლფასია.

„იმის ნაცვლად, რომ 3-5 გარდაცვლილი გვყავდეს, 30 ადამიანი გვეღუპება ყოველდღე. ეს არის საქართველოს მოსახლეობის გენოციდი. თავის დროზე აფხაზეთში – რუსებმა და აფხაზებმა, ცხინვალის რეგიონში – რუსებმა და ოსებმა ხომ გაგვიკეთეს გენოციდი, ახლა კი საქართველოში ვერ მართული პანდემიის სახით, ჩუმი გენოციდი მიმდინარეობს.

დღეში 30-40 ადამიანი გვეღუპება და ქვეყანაში ყველაფერი გახსნილია, ვაქცინაციის პროცესი ჩავარდნილია, ხალხის უმრავლესობა პირბადის გარეშე დადის და ა.შ.

ზოგადად, ეს ქვეყანა ბოლო 30 წელიწადია, ვერ ჩამოყალიბდა. აქ ფული და გავლენები უფრო მნიშვნელოვანია, ვიდრე პროფესიონალიზმი, ამიტომაც ვართ იქ, სადაც ვართ.

გახსოვთ ჩემი პროგნოზი, რომ გეუბნებოდით, იანვარში რთული მეხუთე ტალღა გვექნება-თქო?! ახლა რაც ქვეყანაში ხდება, არანაირ ლოგიკაში არ ჯდება.

გავიგე – არასტაბილური ქვეყანა ვართ, გავიგე – დემოკრატია ჯერ კიდევ მშობიარობის პროცესშია, მაგრამ არალოგიკურობა როდემდე?!

ვაქცინაციის ლატარია არის აბსურდი.

სხვათა შორის, თავის დროზე ბატონმა გია ხუხაშვილმა თქვა, კარგი იქნება, წასახალისებლად ხალხს ვაჩუქოთ მანქანა, ბინა, სარეცხის მანქანა, ნივთებიო.

დავამატებდი, სახელმწიფო კი არ უნდა ჩარეულიყო ვაქცინაციის ლატარიაში, არამედ ბიზნესის აქტიური ჩართულობა უნდა უზრუნველეყოთ, ფსიქოლოგიურად მეტი სტიმული და ეფექტურობა იქნებოდა ნივთების გადაცემით, ვიდრე ამ 50-100 ლარით“, – ამბობს ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://old.primetime.ge/chumi-genotsidi-mimdinareobs-giorgi-fkhakadze-saqartveloshi-koronavirusis-mdzime-me-5-talghas-prognozirebs/

„გვინდა „ფაიზერი“ – აი, მიტინგი რაზე უნდა მოაწყოთ. დადიხართ მიტინგებზე და რაც მოსათხოვია…“

მიერ

ივლისი 21, 2021

23/06/2021

ავტორი: ირინა დათაშვილი

პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე აცხადებს, რომ საქართველოში ვაქცინაციის პროგრამა ჩავარდა, კოლაფსია.

„საქართველოში ვაქცინაციის პროგრამა ჩავარდა, კოლაფსია. ამიტომ ვლაპარაკობდი ნოემბრიდან, ჩართეთ ელექტრონული ჯანდაცვა-თქო. სტომატოლოგიურ კლინიკებში ჩაირთო, რატომ არ არის ჩართული სხვა კლინიკებში?!

პასუხი მარტივია – მედიკამენტების შემომტან კომპანიებს არ აწყობთ, გვქონდეს ელექტრონული ჯანდაცვა, ელექტრონული რეცეპტი, რომ ადამიანმა ვერ შეძლოს, მაგალითად, ანტიბიოტიკის შეძენა რეცეპტის გარეშე. საქართველოში აფთიაქში ყველაფერს იყიდი , ევროპაში უმარტივეს ანტიბიოტიკსაც კი ვერ შეიძენ ურეცეპტოდ. რადგან ანტიბიოტიკებისადმი რეზისტენტობის განვითარება რთული პრობლემაა.

ვაქცინაციის ჩავარდნას რაც შეეხება – რამდენი ხნის წინ ვამბობდი, რომ ვაქცინაციის პროცესს ერთი პასუხისმგებელი პირი უნდა ხელმძღვანელობდეს. ჩვენთან თითქოს ყველა პასუხისმგებელია და სინამდვილეში – არავინ. მადლობა „აზიის განვითარების ბანკს“, რომელმაც საქართველოს თანხა გამოუყო ვაქცინაციის გეგმის შესაქმნელად. 82-მა ინკოგნიტო ექსპერტმა „ვაქცინაციის გეგმა“ რომ დაწერა, გასაგებია, ფული გააკეთეს, მაგრამ შედეგი?! გეგმა კი არა, სადღეგრძელოა.

იცით, რაზე ვგიჟდები?! საქართველოში მაინც ყველაფერი გასდით. ყოფილი მინისტრები, ყოფილი მინისტრის მოადგილეები, ყოფილი კომიტეტის თავმჯდომარეები დღეს ჭკუას გვარიგებენ. როცა სათავეში იყავით, რატომ არ აამუშავეთ ელექტრონული ჯანდაცვა, რომელიც აშშ-ის დახმარებით გაკეთდა?!“

მისი თქმით, ქვეყანაში ელექტრონული ჯანდაცვა რომ არ გვაქვს, ამის ბრალია ის, რომ 2 დღეა, ხალხი „ასტრაზენეკას“ მეორე დოზით აცრას ვერ ახერხებს.

„ქვეყანაში ელექტრონული ჯანდაცვა რომ არ გვაქვს, ამის ბრალია ის, რომ 2 დღეა, ხალხი „ასტრაზენეკას“ მეორე დოზით აცრას ვერ ახერხებს.

ჩინურ ვაქცინებზე კიდევ ერთხელ ვიტყვი – ჩინური ვაქცინები არის „პლაცებო“. თუ უნდათ, დამბლოკონ, ტყუილს ვერ ვიტყვი, მე დამოუკიდებელი ვარ, სიმართლეს ვლაპარაკობ. ამის გამო ზოგჯერ ფინანსურად კარგ კონტრაქტებზეც უარს ვამბობ.

საქართველოში სიმართლეს თითქმის ვერავინ ამბობს. რომ თქვან, სამსახურს დაკარგავენ.

სიმართლეს მე გეტყვით, ნუ გეშინიათ. მე როცა ლაივს ვრთავ, ზოგიერთებს ცივი ოფლი ასხამს, კიდევ რას დაახეთქებს ფხაკაძეო.

ევროპაში პირველი დოზა „ასტრაზენეკა“ ვისაც აქვს გაკეთებული, მეორეს „ფაიზერს“ უკეთებენ.

ჩემი რეკომენდაცია – თუ გაიკეთეთ ვაქცინის პირველი დოზა, მეორეც აუცილებლად გაიკეთეთ. თუ იმავე ვაქცინის მეორე დოზა გაწყდა, როგორც, მაგალითად, ახლა „ასტრაზენეკას“ შემთხვევაშია, მეორე დოზად მოითხოვეთ მხოლოდ „ფაიზერი“!

„გვინდა „ფაიზერი“ – აი, მიტინგი რაზე უნდა მოაწყოთ. დადიხართ მიტინგებზე და რაც მოსათხოვია, იმას არ ითხოვთ. პარლამენტში სისულელეებზე ლაპარაკობენ, ამოვარდნილი არიან რეალობიდან. ქვეყანაში მოითხოვეთ “ფაიზერი“, ესაა პრობლემა!“-ამბობს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе