01/10/2021

პროფესორი, დიპლომირებული მედიკოსი (MD), ჯანდაცვის მაგისტრატურა (MPH), მედიცინის დოქტორი (PhD), საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი გიორგი ფხაკაძე იხსენებს იმ საწყის ეტაპს, როდესაც მისი ოცნება ქუთაისში, საღორის საავადმყოფოში ქირურგად მუშაობა იყო.

ჯანდაცვის ექსპერტი, გიორგი ფხაკაძე უკვე რამდენიმე დღეა სამშობლოში იმყოფება. ორწლიანი განშორების შემდეგ, ყველა იმ ადამიანს მოინახულებს, რომელიც მოენატრა. მოგზაურობას გეგმავს რამდენიმე რეგიონში.ამ ყველაფრისთვის კი ერთი თვე აქვს, მერე ისევ საფრანგეთში უნდა დაბრუნდეს და აქტიურად შეუდგეს მუშაობას.

„პრაიმტაიმთან“ საუბარში იხსენებს იმ დღეს, როდესაც სამშობლოში დაბრუნებული პირველად გავიდა ქუჩაში.

„საქართველოში ჩამოსვლიდან მეორე დღეს, როდესაც გარეთ გავედი, ქუჩაში ადამიანები უცნაურად მიყურებენ, თითქოს რაღაც დავაშავე. ადრე ასე არ იყო. როგორც ჩანს სოციალურ ქსელში ჩემი აქტიურობიდან გამომდინარე დღეს უკვე ბევრი ადამიანი მცნობს. ადრე ძირითადად აკადემიური სფეროდან პროფესორები, ექიმები, სამედიცინო დაწესებულების ხელმძღვანელები მცნობდნენ.

მიუხედავად იმისა, რომ პირბადით დავდივარ, მაინც მცნობს. მეკითხებიან, თქვენ ბატონი გიორგი ფხაკაძე ბრძანდებით?! რამოდენიმე საინტერესო საუბარში შედგა სრულიად უცნობ ადამიანებთან. მთხოვენ „სელფების“ გადაღებას.

უარს არ ვეუბნები, მაგრამ სოციალური დისტანციას მაინც ვიცავთ. ერთმა ქალბატონმა მითხრა, ბატონი გიორგი, ძალიან მაბრაზებთ, მაგრამ მაინც მიყვარხართო. უამრავ კითხვას მისვამენ ვაქცინაციასთან დაკავშირებით და მეც ვუხსნი მათთვის გასაგებ ენაზე, რა და როგორ.“ – ამბობს გიორგი ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/giorgi-fkhakadze-quchashi-adamianebi-utsnaurad-mikureben-titqos-raghats-davashave/

26/12/2021

ჯანდაცვის დამოუკიდებელი ექსპერტი გიორგი ფხაკაძე ექიმ გიორგი ღოღობერიძის ვიდეოჩართვას ეხმაურება, სადაც ეს უკანასკნელი პანდემიაზე საუბრობს.

ლინკი – https://www.facebook.com/watch/live/?ref=watch_permalink&v=277934114209854

„არაერთმა ადამიანმა ჩამიგდო ეს ლინკი. კოვიდი არის გაციება?! პოსტკოვიდი სად არის? საინტერესოა, მაგრამ ზღაპრებზე რატომ გადავდივართ ?! მოკლედ, რა… დღეს დაზუსტებით არაფერი ვიცით ამ ვირუსის ახალი შტამის შესახებ. დეტალური ინფორმაცია იქნება 2-3 კვირაში, ისიც ნაწილობრივ, ვაქცინების კუთხით.

გაზიარებული ინფორმაცია არის “misleading”(მცდარი). იქნებ კლინიკურ საკითხებს მივხედოთ და საზოგადოებრივ ჯანდაცვას ამ ეტაპზე თავი ავარიდოთ. ყველას გვაქვს ჩვენს (სამედიცინო) სფეროში ლიცენზიები და მივყვეთ ჩვენს დარგს. ყველა ახალგაზრდა კოლეგის აქტიურობას მივესალმები, მაგრამ სჯობს, ჯერ დაველოდოთ მოვლენების განვითარებას. ექიმი საუბრობდე პანდემიაზე და არ ახსენო ვაქცინაცია?! ეს, უბრალოდ, ეთიკის საკითხია. სამედიცინო ეთიკა და დაუწერელი სამედიცინო კოდექსი არასდროს არ უნდა დავარღვიოთ.

რეზიდენტებს ბევრი ეპატიებათ, ფაქტობრივად, სტუდენტები არიან, მაგრამ როცა ექიმის ლიცენზიას აიღებ, ეს უკვე პასუხისმგებლობაა. დიდი იმედგაცრუებაა, რაც ახლა ვნახე … იმედია, ვცდები.

P.S.: ახლა დამესევიან ფანკლუბის წევრები“, – წერს გიორგი ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/akhla-damesevian-fanklubis-tsevrebi-giorgi-fkhakadze-giorgi-ghoghoberidzes-akritikebs/

24/11/2021

ჯანდაცვის დამოუკიდებელი ექსპერტი გიორგი ფხაკაძე საკოორდინაციო საბჭოს დღევანდელ გადაწყვეტილებებს ეხმაურება და მწვავედ აკრიტიკებს.

„ახალი გადაწყვეტილებები… კომენტარი რომ დავიწყო, საიდან დავიწყო… ფაქტია, რომ საღი აზრი აღარავის შერჩა. დაუჯერებელია, არაპროფესიონალიზმი კლავს“, – დაწერა ფხაკაძემ სოციალურ ქსელში და მოიყვანა უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადება:

„კიდევ ერთხელ მინდა დავაზუსტო, რა არის მწვანე სტატუსი და რომელ დაწესებულებებში დაგვჭირდება მწვანე სტატუსის გამოყენება. მწვანე სტატუსი ენიჭება ადამიანს, რომელიც სრულად ვაქცინირებულია, ანუ გაკეთებული აქვს 2 დოზა აცრის. გადატანილი აქვს კოვიდ ინფექცია, ოღონდ ლაბორატორიულად დადასტურებული შემთხვევიდან გასული უნდა იყოს 14 დღე. ამ შემთხვევაში აღარ ვრცელდება პერიოდი. ანუ კოვიდის გადატანის შემდეგ ე.წ. ჩამკეტი აღარ არის და მას მწვანე სტატუსი ექნება მუდმივად. ასევე თუ ადამიანს აქვს გაკეთებული 72-საათიანი ვალიდურობის PCR ტესტი, ასევე თუ ადამიანს აქვს 24-საათიანი ვალიდურობის ანტიგენის დამადასტურებელი ტესტი“, – განაცხადა გიორგი ღიბრაძემ.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/daujerebelia-ras-ambobs-giorgi-fkhakadze-sakoordinatsio-sabtchos-gadatskvetilebebze/