შაბათი, მაისი 9, 2026
მთავარი წაკითხვა გვერდი 778

„აკრედიტაცია კანადა ნერგავს საერთაშორისო სტანდარტებს საქართველოში“

მიერ
© საქართველოს საზოგადოებრივი ჯანდაცვის ინსტიტუტი
-
0

14/09/2023

ავტორი: ირინა დათაშვილი

#datashvil

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე წერს:


„გაიგეთ აკრედიტაციის სტანდარტები და ორგანიზაცია ნამდვილად თუ არის საერთაშორისო “აკრედიტაცია კანადა“ არის გარე შეფასების განმახორციელებელი ორგანიზაციებისთვის აკრედიტაციის მიმნიჭებელი საერთაშორისო ორგანოს – „ჯანმრთელობის დაცვის ხარისხის საერთაშორისო საზოგადოების/გარე შეფასების ასოციაციის“ (International Society for Quality in Health Care/External Evaluation Association (ISQua/ISQuaIEEA) წევრი და მინიჭებული აქვს აკრედიტაცია, ბოლო განახლება 2022-2026.


ამის გადამოწმება მარტივია. შედით ბმულზე:


https://ieea.ch/our-programmes/accreditation-programmes.html დაინახავთ მსოფლიო რუკას. რუკის ქვემოთ არის 3 ველი «Country» «Survey Type» «Search Organisation»


ველი «County» აკრიბეთ: Canada


ველი «Survey Type» მიუთითეთ: Accredited Organisation


და დააჯირეთ “ძებნა”


ქვემოთ დაინახავთ: «CURRENT AWARD HOLDERS»


პირველი ორგანიზაცია სიაში არის «Accreditation Canada»


ასევე თქვენ შეგიძლიათ ნახოთ თუ რომრლი ორგანიზაციის საერთაშორისო სტანდარტები არის აღიარებული SQua/ISQuaIEEA მიერ. ამის გადამოწმება მარტივია. შედით ბმულზე:


https://ieea.ch/our-programmes/accreditation-programmes.html დაინახავთ მსოფლიო რუკას. რუკის ქვემოთ არის 3 ველი «Country» «Survey Type» «Search Organisation»


ველი «County» აკრიბეთ: Canada


ველი «Survey Type» მიუთითეთ: « Accredited Standards »


და დააჯირეთ “ძებნა”


ქვემოთ დაინახავთ: «CURRENT AWARD HOLDERS»


მე 5-თე ორგანიზაცია სიაში არის «Health Standards Organisation» ეს ორგანიზაცია არის Accreditation Canada-ს ნაწილი და ლინკიც არის მითითებული.


ასევე თქვენ შეგიძლიათ ნახოთ, აკრედიტაციის შემფასებლების ტრეინინგი არის აღიარებული SQua/ISQuaIEEA მიერ. ამის გადამოწმება მარტივია. შედით ბმულზე:


https://ieea.ch/our-programmes/accreditation-programmes.html დაინახავთ მსოფლიო რუკას. რუკის ქვემოთ არის 3 ველი «Country» «Survey Type» «Search Organisation»


ველი «County» აკრიბეთ: Canada


ველი «Survey Type» მიუთითეთ: Accredited Surveyor Training Programme


და დააჯირეთ “ძებნა”


ქვემოთ დაინახავთ: « CURRENT AWARD HOLDERS »


ერთადერთი ორგანიზაცია სიაში არის «Accreditation Canada»


აკრედიტაცია კანადა მიესალმება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებას – „სამედიცინო მომსახურების მიმწოდებელი დაწესებულებების საერთაშორისო აკრედიტაციის პირობების დამტკიცების შესახებ“ (ბრძანება №4/ნ 2023 წლის 26 იანვარი), და მზად არის ხელი შეუწყოს სამედიცინო დაწესებულებებს ამ პროცესში.


ზემოთ ხსენებული ბრძანების 1-ლი მუხლის მიხედვით, 2025 წლის 1 იანვრიდან, საქართველოს მთავრობის 2013 წლის 21 თებერვლის №36 დადგენილებით დამტკიცებული „საყოველთაო ჯანმრთელობის დაცვის სახელმწიფო პროგრამის“ (დანართი №1) მე-4 მუხლის პირველი პუნქტით განსაზღვრული მომსახურების მიმწოდებლად განისაზღვროს დაწესებულება, რომელსაც მოპოვებული ექნება საერთაშორისო აკრედიტაცია.


ამ პროცესის ხელშეწყობის მიზნით, „აკრედიტაცია კანადამ“ მიიღო გადაწყვეტილება გაეხსნა ოფიციალური წარმომადგენლობა საქართველოში, რომელიც არის დაკომპლექტებული უმაღლესი გამოცდილების ქართველი ექსპერტებით, რომლებიც არიან მომზადებულნი „აკრედიტაცია კანადას“ საერთაშორისო სტანდარტების მიხედვით. ადგილობრივ მრჩეველთა გუნდი მაქსიმალურად შეამცირებს აკრედიტაციისათვის მოსამზადებელ დროს (ყველა კომუნიკაცია არის ქართულ ენაზე, ნებისმიერ კითხვაზე პასუხი გაცემული არის მაქსიმუმ 24 საათში, ქართულენოვანი ქოლ-ცენტრი, ოფისები (თბილისში, ქუთაისში, ბათუმში), პირადი მრჩეველი მიმაგრებული თითოეულ დაწესებულებას, რეგულარული შეხვედრები ყოვრლუ კვირა 3 საათი უშუალოდ დაწესებულებაში), რათა საავადმყოფოებმა შეძლონ გაიარონ აკრედიტაცია 2025 წლის 1 იანვრამდე.


აკრედიტაცია კანადა ნერგავს საერთაშორისო სტანდარტებს საქართველოში“










საქართველოში სამედიცინო დაწესებულებების აკრედიტაციის პროცესი დაიწყო.

ლინკი: https://www.accreditation.ge/post/%E1%83%A1%E1%83%90%E1%83%94%E1%83%A0%E1%83%97%E1%83%90%E1%83%A8%E1%83%9D%E1%83%A0%E1%83%98%E1%83%A1%E1%83%9D-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%98%E1%83%A1-%E1%83%9D%E1%83%A0%E1%83%92%E1%83%90%E1%83%9C%E1%83%98%E1%83%96%E1%83%90%E1%83%AA%E1%83%98%E1%83%90%E1%83%A1-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%90-%E1%83%99%E1%83%90%E1%83%9C%E1%83%90%E1%83%93%E1%83%90%E1%83%A1-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A8%E1%83%98-%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94



მნიშვნელოვან კითხვებზე პასუხები – ძალიან საინტერესო ინტერვიუ გიორგი ფხაკაძესთან

ლინკი: https://www.accreditation.ge/post/%E1%83%9B%E1%83%9C%E1%83%98%E1%83%A8%E1%83%95%E1%83%9C%E1%83%94%E1%83%9A%E1%83%9D%E1%83%95%E1%83%90%E1%83%9C-%E1%83%99%E1%83%98%E1%83%97%E1%83%AE%E1%83%95%E1%83%94%E1%83%91%E1%83%96%E1%83%94-%E1%83%9E%E1%83%90%E1%83%A1%E1%83%A3%E1%83%AE%E1%83%94%E1%83%91%E1%83%98-%E1%83%AB%E1%83%90%E1%83%9A%E1%83%98%E1%83%90%E1%83%9C-%E1%83%A1%E1%83%90%E1%83%98%E1%83%9C%E1%83%A2%E1%83%94%E1%83%A0%E1%83%94%E1%83%A1%E1%83%9D-%E1%83%98%E1%83%9C%E1%83%A2%E1%83%94%E1%83%A0%E1%83%95%E1%83%98%E1%83%A3-%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94%E1%83%A1%E1%83%97%E1%83%90%E1%83%9C





Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

„პირველი ვიყავი საქართველოში, ვინც საჯაროდ ვაფრთხილებდი მოსახლეობას “გრძელი კოვიდის” შესახებ“

მიერ
© საქართველოს საზოგადოებრივი ჯანდაცვის ინსტიტუტი
-
0

14/09/2023

ავტორი: ირინა დათაშვილი

#datashvil


საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე 2021 წლის 14 სექტემბერს გვაფრთხილდება “გრძელი კოვიდის” შესახებ.


საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე წერს:


„14/09/2021


პირველი ვიყავი საქართველოში, ვინც საჯაროდ ვაფრთხილებდი მოსახლეობას “გრძელი კოვიდის” შესახებ.


სამწუხაროდ, მოსახლეობა ცრუ მეცნიერებებს და შარლატან/კლოუნებს აყვა და შედეგსაც ვხედავთ.


გრძელი კოვი და პოსტ კოვიდი უკვე გახდა ცალკე “სპეციალიზაცია” და პოსტ კოვიდური კლინიკების მომრავლება ამის დასტურია.


მოუსმინეთ და დაიჯერეთ დარგის დამოუკიდებელ ექსპერტებს (ვიღაცისტები, თავად იცით ვინ არიან)“




„შეიძლება, მთელი ცხოვრება დაგტანჯოთ“ – ნახეთ რას ამბობს გიორგი ფხაკაძე

ლინკი:

https://old.primetime.ge/sheidzleba-mteli-tskhovreba-dagtanjot-nakhet-ras-ambobs-giorgi-fkhakadze/?fbclid=IwAR1SeAopV58E8aSJqDF3Od1mwppmP0zKLFT9a9oFGBQwax8ZNVX9jQDtmdE




Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

მეცნიერებმა ღეროვანი უჯრედები ინსულინის მწარმოებელ უჯრედებად გარდაქმნეს, რამაც თაგვებში დიაბეტი

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

მეცნიერებმა ადამიანის კუჭის უჯრედები გადააკეთეს ქსოვილად, რომელიც სისხლში შაქრის მომატების საპასუხოდ ინსულინს გამოიმუშავებს; მიღწევა აჩენს იმედს, რომ პირველი ტიპის დიაბეტის მართვის ეფექტიან გზას მივაგნებთ.


ექსპერიმენტმა, რომელიც აშშ-ის უეილ კორნელის სამედიცინო კოლეჯის მკვლევრებმა ჩაატარეს, ცხადყო, რომ კუჭის ინსულინის გამომყოფ უჯრედთა (GINS) ტრანსპლანტატებმა თაგვებში დიაბეტი უკუაქციეს.


ჩვეულებრივ, პანკრეასის ბეტა უჯრედები ჰორმონ ინსულინს სისხლში შაქრის დონის მატების საპასუხოდ გამოყოფენ. დიაბეტის მქონე ადამიანებში, ეს ქსოვილები დაზიანებული ან მკვდარია და შესაბამისად, მოშლილია მათ მიერ უჯრედებში გლუკოზის საწვავად გადატანის უნარი.


მიუხედავად იმისა, რომ კუჭის ინსულინის გამომყოფი უჯრედები ბეტა უჯრედები არ არის, შეუძლიათ მათი ფუნქციის მიბაძვა. საჭმლის მომნელებელ ტრაქტში უხვად არის ღეროვანი უჯრედები, რომლებიც სხვა მრავალი ტიპის უჯრედებად შეიძლება გარდაიქმნას. თანაც, ისინი სწრაფად მრავლდებიან. მთავარი იმედი ის არის, რომ დიაბეტის მქონეებში, ნაწლავის ღეროვანი უჯრედების კუჭის ინსულინის გამომყოფ უჯრედებად გარდაქმნამ უნდა შეამციროს ორგანიზმის მიერ მათი უკუგდების რისკი.


„კუჭი ჰორმონების გამომყოფ საკუთარ უჯრედებს გამოიმუშავებს, კუჭის და პანკრეასის უჯრედები განვითარების ემბრიონული ეტაპის მომიჯნავეა და შესაბამისად, არ არის გასაკვირი, რომ შესაძლებელია კუჭ-ნაწლავის ღეროვანი უჯრედები ასე ადვილად გარდაიქმნას ბეტას მსგავს ინსულინის გამომყოფ უჯრედებად“, — ამბობს უეილ კორნელის სამედიცინო კოლეჯის რეგენერაციული მედიცინის ასოცირებული პროფესორი ჯო ჟუ.


ამის მიღწევას მეცნიერები უკვე მრავალი წელია ცდილობენ, მაგრამ რეალურ წარმატებას ვერ აღწევდნენ. ამ კვლევაში, კუჭის ინსულინის გამომყოფ უჯრედებად ტრანსფორმაციის გამოსაწვევად, მეცნიერთა ჯგუფმა უჯრედებში კონკრეტული თანმიმდევრობით გაააქტიურა ის სამი კონკრეტული ცილა, რომლებიც გენების ექსპრესიას აკონტროლებენ.


გადაპროგრამების პროცესი მაღალეფექტიანია. როდესაც უჯრედები მცირე გროვებად, ორგანოიდებად გაიზარდნენ, გლუკოზისადმი მგრძნობელობა აჩვენეს. ამის შემდეგ, მათ თაგვებში ხანგრძლივი ეფექტები აჩვენეს დიაბეტზე.


მკვლევართა განცხადებით, კუჭის უჯრედებიდან კუჭის ინსულინის გამომყოფი უჯრედების (GINS) წარმოება განსაკუთრებით რთული პროცესი არ არის. საჭიროა მხოლოდ რამდენიმე დღე და როგორც ტესტებმა აჩვენა, ახალი ორგანოიდები გადანერგვის შემდეგ მრავალ თვეს ძლებს.


„კუჭის ინსულინის გამომყოფმა ორგანოიდებმა გლუკოზისადმი მგრძნობელობა ინდუქციიდან ათი დღის შემდეგაც აჩვენა. ვიდრე თვალს ვადევნებდით (6 თვე) ისინი სტაბილურობას ინარჩუნებდნენ, გამოყოფდნენ ადამიანის ინსულინს და თაგვებში დიაბეტი უკუაქციეს“, — წერენ მკვლევრები.


ჰორმონი ინსულინი გადამწყვეტ როლს ასრულებს სისხლში შაქრის რეგულირებაში. საკმარისი ოდენობის გარეშე, ჩნდება ჯანმრთელობის გართულების მრავალი რისკი. დიაბეტი მსოფლიოში მილიონობით ადამიანს აქვს და გლუკოზის დონის საკონტროლებლად, ისინი ინსულინის ინიექციებს იყენებენ.


ახალი მიდგომა ჯერ ძლიერ ადრეულ ეტაპზეა, მაგრამ მთავარი ის არის, რომ მან სხეულს ინსულინის კვლავ უფრო ბუნებრივად მართვის საშუალება მისცა. მკვლევრები ხაზს უსვამენ რამდენიმე სხვაობას ადამიანისა და თაგვის კუჭის უჯრედებს შორის, რომლებსაც სამომავლო კვლევებში გადაჭრა სჭირდება; ამას გარდა, საჭიროა კუჭის ინსულინის გამომყოფი უჯრედების ისე დამზადება, რომ ისინი ნაკლებად მოწყვლადნი იყვნენ იმუნური სისტემის მხრიდან თავდასხმისადმი.


თუმცა, პირველადი ნიშნები იმედისმომცემია. დიაბეტთან ბრძოლას მეცნიერები სხვადასხვა გზით, აქტიურად აწარმოებენ.


კვლევა Nature Cell Biology-ში გამოქვეყნდა.


მომზადებულია news.weill.cornell.edu-სა და ScienceAlert-ის მიხედვით.




Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze


წყარო: https://1tv.ge/news/mecnierebma-gherovani-ujredebi-insulinis-mwarmoebel-ujredebad-gardaqmnes-ramac-tagvebshi-diabeti-gankurna-1tvmecniereba/?fbclid=IwAR0UGbX7MHMvNb2f2YTZ6LTj9jHKD6LWlPqRM8dUbvqV_TfqaeAbgm8YvrI


DRG მოდელის ამოქმედების შემდეგ, სამედიცინო სერვისებზე პაციენტის თანაგადახდა, მნიშვნელოვნად, 27%-დან

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

, შრომის, ჯანმრთელობისა და სოციალური დაცვის სამინისტრო ინფორმაციას ავრცელებს:


საქართველოში DRG მოდელის ამოქმედების შემდეგ, სამედიცინო სერვისებზე პაციენტის თანაგადახდა, მნიშვნელოვნად, 27%-დან 10%-მდე შემცირდა. ამის შესახებ DRG-ის უწყებათაშორისი საკოორდინაციო საბჭოს წევრები აცხადებენ.


საბჭოს სხდომაზე სამედიცინო დაწესებულებებში, დაფინანსების ახალი მოდელის 10 თვის შედეგები და სამომავლო გეგმები განიხილეს.


ჯანმრთელობის მსოფლიო ორგანიზაციის საქართველოს წარმომადგენლობის ხელმძღვანელის, სილვიო დომენტეს შეფასებით, საქართველოში DRG მოდელის დანერგვით, მოსახლეობის ფინანსურ დაცულობა გაიზარდა, სამედიცინო დაწესებულების მართვა კი გაუმჯობესდა და მეტად გამჭვირვალე გახდა.


საბჭოს წევრებმა, DRG მოდელის გაფართოების აუცილებლობაზე იმსჯელეს. აღინიშნა, რომ წლის ბოლომდე, დაფინანსების ახალი სისტემა მშობიარობას, საკეისრო კვეთასა და ნეონატალური ასაკის ინტენსიურ მკურნალობას შეეხება.


დაფინანსების აღნიშნული მოდელი, სისტემის მეტ გამჭვირვალობას უზრუნველყოფს, შესაბამისად, სამინისტრო, უმოკლეს ვადებში, ახდენს რეაგირებას დარღვევებსა და არაკეთილსინდისიერ ქმედებებზე.


DRG უწყებათაშორისი საკოორდინაციო საბჭოს წევრები ჯანდაცვის სამინისტროს, პარლამენტის ჯანდაცვის კომიტეტის, ფინანსთა სამინისტროს, ეკონომიკისა და მდგრადი განვითარების სამინისტროს, სტატისტიკის ეროვნული სამსახურის, კონკურენციის სააგენტოს, ჯანმრთელობის მსოფლიო ორგანიზაციის, ასევე, დარგობრივი ასოციაციების წარმომადგენლები არიან.


სამედიცინო დაწესებულებებში DRG მოდელის დანერგვა ჯანდაცვის სერვისების ხარისხისა და გამოსავლების გაუმჯობესებას ისახავს მიზნად. DRG მეთოდით ავტომატურად გამოითვლება ის სამართლიანი ფასი, რასაც სახელმწიფო, მოქალაქეების ხარისხიანი მკურნალობისთვის, სამედიცინო დაწესებულებებს გადაუხდის.






Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

პროექტის მიზანი დიაბეტის პრევენცია და მკურნალობის გაუმჯობესებაა – შაქრიანი დიაბეტის მიმართულებით

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

დევნილთა, შრომის, ჯანმრთელობისა და სოციალური დაცვის სამინისტრო ინფორმაციას ავრცელებს:


ჯანდაცვის მინისტრის მოადგილე, თამარ გაბუნია დიაბეტის მსოფლიო ფონდის დირექტორთა საბჭოს წევრებს შეხვდა.ჯანდაცვის მინისტრის მოადგილემ სტუმრებს, ქვეყანაში შაქრიანი დიაბეტის მიმართულებით მიმდინარე და განხორციელებული პროექტები გააცნო. მხარეებმა განიხილეს პროგრამული სიახლეებიც.


როგორ შეხვედრაზე აღინიშნა, უკვე მეორე წელია, სამინისტრო, ბენეფიციარებისთვის, სისხლში გლუკოზის უწყვეტი მონიტორინგის სისტემებისა და სენსორების (CGM) შესყიდვას უზრუნველყოფს. ასევე, გაიზარდა დიაბეტის მართვის პროგრამის გეოგრაფიული ხელმისაწვდომობა.


დიაბეტის მსოფლიო ფონდის წარმომადგენლებმა ამ მიმართულებით განხორციელებული პროექტები დადებითად შეაფასეს და სამომავლო თანამშრომლობის გაღრმავებაზე მზადყოფნაც გამოთქვეს.


შეხვედრაზე, მხარეებმა, დიაბეტის მართვის გაიდლაინის შემუშავებაზეც ისაუბრეს, რომელიც სხვადასხვა მიმართულების ექიმების გადამზადებას, დაავადების მულტიდისციპლინური მართვის პრინციპების განხორციელებასა და ჯანდაცვის სისტემის სხვადასხვა რგოლებს შორის ეფექტურ კოორდინაციას ითვალისწინებს.


აღსანიშნავია, რომ დიაბეტის მსოფლიო ფონდი, გლობალურად, დიაბეტის პროექტების დონორი ორგანიზაციაა, რომელიც საქმიანობას 119 ქვეყანაში ახორციელებს. პროექტის მიზანი დიაბეტის პრევენცია და მკურნალობის გაუმჯობესებაა.


Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

ერთობლივი სამომავლო გეგმები და თანამშრომლობის პერსპექტივებიც განიხილეს

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

დევნილთა, შრომის, ჯანმრთელობისა და სოციალური დაცვის სამინისტრო ინფორმაციას ავრცელებს:


ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი საქართველოში იაპონიის ელჩს, იშიძუკა ჰიდეკის შეხვდა.


მხარეებმა, ორ ქვეყანას შორის თანამშრომლობაზე და საერთო მიმდინარე პროექტებზე ისაუბრეს. ჯანდაცვის მინისტრმა, ელჩს მადლობა გადაუხადა იაპონიის საერთაშორისო თანამშრომლობის სააგენტოსა და სხვა ორგანიზაციების მიერ, საქართველოში განხორციელებული პროგრამებისთვის.


გაცნობითი ხასიათის შეხვედრაზე, ზურაბ აზარაშვილმა, იშიძუკა ჰიდეკის ჯანდაცვის სამინისტროს საქმიანობა, ასევე – განხორციელებული და მიმდინარე რეფორმები გააცნო.


იაპონიის ელჩმა, ჯანდაცვის სამინისტროში მიმდინარე პროცესები დადებითად შეაფასა და თანამშრომლობის კიდევ უფრო გაღრმავებისთვის, მზადყოფნა გამოთქვა. მხარეებმა, ერთობლივი სამომავლო გეგმები და თანამშრომლობის პერსპექტივებიც განიხილეს.


შეხვედრას, ასევე, ესწრებოდა საელჩოს მესამე მდივანი ბატონი ივატარე ოტარო.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

„რამდენიმე კლინიკას, საერთოდ შეუჩერდა საყოველთაო ჯანდაცვის პროგრამის მიმწოდებლის სტატუსი“

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

ჯანდაცვის მინისტრის მოადგილემ, ილია ღუდუშაურმა გადაცემაში “ქრონიკა” – განაცხადა:


„სამინისტროს გააჩნია მონიტორინგისა და კონტროლის ეფექტური მექანიზმი, რომლის მეშვეობითაც დეტალურად აღირიცხება, რა სერვისებს აწვდიან კლინიკები პაციენტებს. ონლაინ რეჟიმში შეგვიძლია აღმოვაჩინოთ, თუ კი რაიმე დარღვევა ან გადაცდომა დაფიქსირდება, სამედიცინო დაწესებულების მხრიდან“.


მისი თქმით, DRG სისტემის ამოქმედებიდან დღემდე, მონიტორინგის შედეგად გამოვლენილი დარღვევების გამო, რამდენიმე კლინიკას, საერთოდ შეუჩერდა საყოველთაო ჯანდაცვის პროგრამის მიმწოდებლის სტატუსი.


„უწყების მთავარი ამოცანა მოსახლეობის დაცულობის გაზრდა, დანახარჯების და თანაგადახდის წილის შემცირებაა, დაფინანსების DRG მოდელი კი, სისტემის მეტ გამჭვირვალობას უზრუნველყოფს. შესაბამისად, სამინისტრო, უმოკლეს ვადებში, ახდენს რეაგირებას დარღვევებსა და არაკეთილსინდისიერ ქმედებებზე.


DRG-ის ამოქმედების შემდეგ, ნახევარ მილიონამდე სამედიცინო შემთხვევაა დაფინანსებული და სამედიცინო სერვისებზე პაციენტის თანაგადახდა, მნიშვნელოვნად, 27%-დან 10%-მდე შემცირდა;


საქართველოში დანერგილ DRG მოდელს ყველა საერთაშორისო ორგანიზაცია დადებითად აფასებს, ეს ნიშნავს, რომ რეფორმა წარმატებით მიმდინარეობს;


წლის ბოლომდე, DRG დაფინანსების სისტემა გაფართოვდება და მოიცავს იმ სერვისების დაფინანსებას, რომლებიც მსოფლიოშია აპრობირებული – მშობიარობას, საკეისრო კვეთასა და ნეონატალური ასაკის ინტენსიურ მკურნალობას“, – აღნიშნა მინისტრის მოადგილემ.





Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

ძირითადი გამოწვევები, რაც DRG სისტემის ამოქმედების შემდეგ გვხვდება, კლინიკიდან გაზრდილი ტარიფების გა

მიერ
© საქართველოს საზოგადოებრივი ჯანდაცვის ინსტიტუტი
-
0

13/09/2023

ავტორი: ირინა დათაშვილი

#datashvil

ჯანდაცვის მინისტრის მოადგილის, ილია ღუდუშაურის განცხადებით, ძირითადი გამოწვევები, რაც DRG სისტემის ამოქმედების შემდეგ გვხვდება, კლინიკიდან გაზრდილი ტარიფების გამოგზავნაა.


„ძირითადი გამოწვევები, რაც DRG სისტემის ამოქმედების შემდეგ გვხვდება, კლინიკიდან გაზრდილი ტარიფების გამოგზავნაა. ასევე, არის პაციენტების შეცდომაში შეყვანის, ან თანაგადახდის გაზრდის შემთხვევები. თუმცა, ასეთ ფაქტებზე, მკაცრი და დროული რეაგირება გვაქვს“, – განაცხადა ჯანდაცვის მინისტრის მოადგილემ ილია ღუდუშაურმა.


მისი განმარტებით, სამინისტროს მონიტორინგისა და კონტროლის ეფექტური მექანიზმი გააჩნია, რომლის მეშვეობითაც დეტალურად აღირიცხება, რა სერვისებს აწვდიან კლინიკები პაციენტებს.

„ამ სისტემით, შესაძლებლობა გვაქვს, ონლაინ რეჟიმში, აღმოვაჩინოთ, თუ კი რაიმე დარღვევა დაფიქსირდება. ჩვენ ეფექტურად ვახორციელებთ კონტროლს იმ კლინიკებზე, რომელთა მხრიდანაც გარკვეული დარღვევები, ან გადაცდომები ფიქსირდება. თუმცა, აღსანიშნავია, რომ ასეთი შემთხვევები, თანდათან, უფრო იკლებს.

DRG სისტემის ამოქმედებიდან დღემდე, მონიტორინგის შედეგად გამოვლენილი დარღვევების გამო, რამდენიმე კლინიკას, საერთოდ შეუჩერდა საყოველთაო ჯანდაცვის პროგრამის მიმწოდებლის სტატუსი, ზოგიერთს კი, ნაწილობრივ შეეზღუდა გარკვეული სერვისების მიწოდების უფლება“, – განაცხადა ილია ღუდუშაურმა.

მისივე განმარტებით, გამოვლენილი დარღვევების გამო, სამინისტროს მხრიდან გატარებული ღონისძიებები, პაციენტებისთვის, მომსახურების მიწოდებასთან დაკავშირებით, არანაირ პრობლემას არ ქმნის.

„საყოველთაო ჯანდაცვის პროგრამაში, ჯამში, 300-მდე კლინიკაა რეგისტრირებული. კლინიკები გაძლიერებული კონტროლის შემთხვევაში, მეტად მოტივირებულები იქნებიან, რომ ხარისხი გააუმჯობესონ და პაციენტს შესაბამისი სერვისი შესთავაზონ, რაც საერთო ჯამში, გააჯანსაღებს ჯანდაცვის სექტორს. ამ დასკვნამდე მივიდნენ ჯანმრთელობის მსოფლიო ორგანიზაციის ექსპერტები და სწორედ ეს იყო ერთ-ერთი მთავარი მიზეზი, რატომაც პროექტმა, 10 თვის შეჯამებისას, დადებითი შეფასება მიიღო“, – განაცხადა ილია ღუდუშაურმა, რომლის განცხადებასაც ჯანდაცვის სამინისტრო ავრცელებს.


Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

ჩუტყვავილა — გამომწვევი მიზეზი, სიმპტომები, მკურნალობა და პრევენცია

მიერ
© საქართველოს საზოგადოებრივი ჯანდაცვის ინსტიტუტი
-
0

12/09/2023

ავტორი: ირინა დათაშვილი

#datashvil

ჩუტყვავილა ძლიერ გადამდები დაავადებაა, რომელსაც ვარიცელა-ზოსტერის ვირუსი იწვევს (VZV). სხვადასხვა სიმპტომთან ერთად, ახასიათებს ქავილი და ბუშტუკებიანი გამონაყარი. გამონაყარი პირველად მკერდზე, ზურგსა და სახეზე ჩნდება, შემდეგ კი მთელ სხეულს ედება.


ჩუტყვავილა შეიძლება გართულდეს, განსაკუთრებით ორსულებში, ჩვილებში, მოზარდებში, მოზრდილებში და სუსტი იმუნური სისტემის მქონეებში.


ჩუტყვავილას პრევენციის საუკეთესო გზა ვაქცინაციაა.

ნიშნები და სიმპტომები


ჩუტყვავილა შეიძლება შეხვდეს ნებისმიერს, ვისაც ის ჯერ არ ჰქონია ან ამ დაავადების საწინააღმდეგო ვაქცინა არ მიუღია. როგორც წესი, დაავადება დაახლოებით 4-7 დღეს ვრცელდება.


ჩუტყვავილას კლასიკური სიმპტომია გამონაყარი, რომელსაც ქავილი ახასიათებს და გადაიქცევა სითხით სავსე ბუშტუკებად, რომლებიც საბოლოოდ, მუწუკებად იქცევა.


გამონაყარი თავდაპირველად მკერდზე, ზურგსა და სახეზე ჩნდება, შემდეგ კი მთელ სხეულზე ვრცელდება, მათ შორის პირში, თვალის ქუთუთოებზე და გენიტალიების ზონაში. დაახლოებით ერთ კვირაში, ყველა ბუშტუკი მუწუკად გადაიქცევა.


გამონაყარის გამოჩენამდე ერთი ან ორი დღით ადრე შეიძლება გამოჩნდეს სხვა ტიპური სიმპტომები:

  • სიცხე

  • დაღლილობის შეგრძნება

  • მადის დაქვეითება

  • თავის ტკივილი


როგორც წესი, ჩუტყვავილას გამო ბავშვებს სკოლის ან საბავშვო ბაღის გაცდენა 5-6 დღით უწევთ.

ჩუტყვავილა ვაქცინირებულ პირებში

ჩუტყვავილა მაინც შეიძლება შეხვდეს ზოგიერთ ვაქცინირებულ ადამიანს. თუმცა, როგორც წესი, არავაქცინირებულებისგან განსხვავებით, მათ მხოლოდ მსუბუქი სიმპტომები აქვთ სიცხის სახით და საერთოდ არ აქვთ სითხიანი ბუშტუკები, აქვთ დაბალი სიცხე (ან საერთოდ არ აქვთ) და დაავადებაც გაცილებით ცოტა ხანს გრძელდება. თუმცა, არის გამონაკლისი შემთხვევები, როდესაც ვაქცინირებულ პირებს დაავადება ზუსტად ისე უვითარდებათ, როგორც არავაქცინირებულებს.

ჩუტყვავილას გამწვავების რისკის ქვეშ მყოფი ადამიანები

ზოგიერთ ადამიანს შეიძლება ჩუტყვავილას სიმპტომები მწვავედ გამოუვლინდეს და მაღალი იყოს გართულებათა რისკი.

გართულებები

ჩუტყვავილას შეიძლება გართულებები მოჰყვეს, მაგრამ როგორც წესი, ასეთი რამ არ ხდება ინფიცირებულ, ჯანმრთელ ადამიანებში.

იმ ადამიანებს შორის, ვისაც შეიძლება ჩუტყვავილა გაუმწვავდეს და შეიძლება გართულებათა მაღალი რისკის ქვეშ მოექცნენ, არიან:

  • ჩვილები

  • მოზარდები

  • მოზრდილები

  • ორსულები

  • ავადმყოფობის ან მკურნალობის გამო შესუსტებული იმუნური სისტემის მქონეები, მაგალითად,

  • ⦿ ვისაც აქვს აივ/შიდსი ან კიბო

  • ⦿ ვისაც გადანერგილი აქვს რომელიმე ორგანო

  • ⦿ ვინც იმყოფება ქიმიოთერაპიაზე, იღებს იმუნიტეტის დამთრგუნველ მედიკამენტებს ან დიდი ხანია, რაც იღებს სტეროიდებს


ჩუტყვავილას სერიოზულ გართულებებს შორის არის:


  • კანისა და რბილი ქსოვილების ბაქტერიული ინფექციები ბავშვებში, მათ შორის, A ჯგუფის სტრეპტოკოკული ინფექციები

  • ფილტვის ინფექცია (პნევმონია)

  • თავის ტვინის ინფექცია ან შეშუპება (ენცეფალიტი, ცერებრალური ატაქსია)

  • სისხლდენის პრობლემები (ჰემორაგიული გართულებები)

  • სისხლის მიმოქცევის ინფექციები (სეფსისი)

  • დეჰიდრატაცია

ჩუტყვავილას გართულებებმა ზოგიერთი ადამიანი შეიძლება იმდენად ავად გახადოს, რომ საჭირო გახდეს საავადმყოფოში გადაყვანა. ჩუტყვავილამ შეიძლება გამოიწვიოს სიკვდილიც.


ვაქცინების წყალობით, ჩუტყვავილათი სიკვდილი დღეს უკვე იშვიათია. თუმცა, ჩუტყვავილა ზოგჯერ მაინც იწვევს ჯანმრთელი, არავაქცინირებული ბავშვების ან მოზარდების სიკვდილს. ფაქტები მიუთითებს, რომ წარსულში, ჩუტყვავილათი გარდაცვლილ ჯანმრთელ მოზარდებს დაავადება არავაქცინირებული ბავშვებისგან გადაედოთ.

გადადება

ჩუტყვავილა ძლიერ გადამდები დაავადებაა, რომელსაც ვარიცელა-ზოსტერის ვირუსი იწვევს (VZV). ვირუსი ადვილად ვრცელდება ჩუტყვავილათი ინფიცირებული ადამიანიდან სხვებში, ვისაც ის არასოდეს ჰქონია ან ვაქცინირებული არ არის. თუ ერთ ადამიანს ჩუტყვავილა აქვს, მასთან ახლო კონტაქტის მქონე არაიმუნურ ადამიანთა 90 პროცენტი ინფიცირდება. ვირუსი ძირითადად ინფიცირებულთან ახლო კონტაქტით ვრცელდება.



ჩუტყვავილას მქონე პირი გადამდებად მიიჩნევა გამონაყარის გაჩენიდან ერთი-ორი დღით ადრე პერიოდიდან იქამდე, ვიდრე ყველა ბუშტუკი ქერქს არ გაიკეთებს (დამუწუკება). ვაქცინირებულ პირებს შეიძლება გაუჩნდეთ გამონაყარი, რომელიც არ მუწუკდება. ასეთი ადამიანები გადამდებად მიიჩნევა იქამდე, ვიდრე მომდევნო 24 საათში ახალი გამონაყარი აღარ გაუჩნდება.


ვარიცელა-ზოსტერის ვირუსი ასევე იწვევს ჰერპესს. ჩუტყვავილას შემდეგ, ვირუსი სხეულში რჩება (მიძინებული). ჰერპესი მაშინ ჩნდება, როდესაც VZV ვირუსი ჩუტყვავილას გავლის შემდეგ სხეულში ხელახლა აქტიურდება. ჰერპესის მქონე ადამიანებმა VZV ვირუსი შეიძლება გადასდონ ისეთებს, ვისაც ჩუტყვავილა არასოდეს ჰქონია ან ვაქცინირებული არ არის. ეს შეიძლება მოხდეს ჰერპესის ბუშტუკებიანი გამონაყარის სითხესთან პირდაპირი კონტაქტით ან ბუშტუკებიდან ამოსული ვირუსული ნაწილაკების შესუნთქვით. ასე ინფიცირების შემთხვევაში, ადამიანს ჩუტყვავილა განუვითარდება და არა ჰერპესი.


ჩუტყვავილა ვლინდება ჩუტყვავილას ან ჰერპესის მქონე ადამიანთან კონტაქტიდან დაახლოებით ორ კვირაში (10-21 დღე). გადამდებია ვაქცინირებული, მაგრამ ინფიცირებული ადამიანიც. უმეტეს შემთხვევაში, ჩუტყვავილა სამუდამო იმუნიტეტს ტოვებს. შესაძლებელია ეს დაავადება რამდენჯერმე შეგხვდეს, მაგრამ ძალიან იშვიათად.

პრევენცია და მკურნალობა
პრევენცია

ჩუტყვავილას პრევენციის საუკეთესო გზა მისი საწინააღმდეგო ვაქცინის მიღებაა. ყველასთვის, მათ შორის ბავშვების, მოზარდებისა თუ ზრდასრულებისთვის, საჭიროა ორი დოზა, თუკი მათ ჩუტყვავილა არასოდეს ჰქონიათ ან არ არიან წარსულში ვაქცინირებული.


ჩუტყვავილას ვაქცინები ძლიერ უსაფრთხო და ეფექტიანია დაავადების პრევენციის თვალსაზრისით. ვაქცინირებულ ადამიანთა უმეტესობას ჩუტყვავილა არ ემართება. თუკი ვაქცინირებულ ადამიანს ის მაინც შეხვდა, სიმპტომები ძირითადად მსუბუქია, მხოლოდ სიცხე გამონაყარის გარეშე (ან უბრალოდ წითელი წერტილების სახით); ან დაბალი სიცხე, ან საერთოდ უსიცხოდ.



ჩუტყვავილას ვაქცინა ახდენს დაავადების თითქმის ყველა მწვავე შემთხვევის პრევენციას. მას შემდეგ, რაც აშშ-ში ჩუტყვავილას ვაქცინაციის პროგრამა დაიწყო, შემთხვევათა რაოდენობა 97 პროცენტით შემცირდა. უიშვიათესი გახდა ჰოსპიტალიზებისა და სიკვდილის შემთხვევები.


სახლში მკურნალობა


ჩუტყვავილას სიმპტომების შემსუბუქებისა და კანის ინფექციების პრევენციისთვის, რამდენიმე რამ სახლში შეგიძლიათ გააკეთოთ. ქავილის შემსუბუქება შეუძლია კალამინის ლოსიონს და ცივ აბაზანაში დამატებულ საჭმელ სოდას, დაუმუშავებელ შვრიის ფაფას ან კოლოიდურ შვრიის ფაფას. მოკლედ დაიჭერით ფრჩხილები და მინიმუმამდე დაიყვანეთ ფხანა, რათა თავიდან აიცილოთ ვირუსის სხვა ადამიანებზე გავრცელება. თუკი ფხანის დროს ბუშტიკი შემთხვევით გაგისკდათ, ხელები საპნით და წყლით დაიბანეთ სულ მცირე 20 წამის განმავლობაში.


ურეცეპტოდ გაცემული მედიკამენტები


ჩუტყვავილას დროს სიცხის დასაწევად, არ მიიღოთ ასპირინი ან ასპირინის შემცველი პროდუქტები. ჩუტყვავილას მქონე ბავშვებში ასპირინის გამოყენება დაკავშირებული აღმოჩნდა რეის სინდრომთან — მწვავე დაავადებასთან, რომელიც ღვიძლსა და თავის ტვინს აზიანებს და შეიძლება სიკვდილიც გამოიწვიოს. სიცხის დასაწევად, შეგიძლიათ გამოიყენოთ პრეპარატები, რომლებიც არ შეიცავს ასპირინს, მაგალითად აცეტამინოფენი (პარაცეტამოლი).


ამერიკის პედიატრთა აკადემია გასცემს რეკომენდაციას, რომ თუკი შესაძლებელია, მოვერიდოთ იბუპროფენის გამოყენებას, რადგან ეს დაკავშირებული აღმოჩნდა სიცოცხლისთვის საშიშ კანის ინფექციებთან.


როდის მივმართოთ ჯანდაცვის პროვაიდერს


ჩუტყვავილას ან ჰერპესის მქონე ადამიანებისთვის, ჯანდაცვის პროვაიდერთან უნდა დავრეკოთ იმ შემთხვევაში, თუ პირს:

  • არასოდეს ჰქონია ჩუტყვავილა და არ არის ვაქცინირებული

  • ორსულია

  • აქვს ინფექციებთან ბრძოლის სუსტი უნარი (შესუსტებული იმუნური სისტემა), რაც გამოწვეულია დაავადებით ან მკურნალობით; მაგალითად:

  • ⦿ ვისაც აქვს აივ/შიდსი ან კიბო

  • ⦿ ვისაც გადანერგილი აქვს რომელიმე ორგანო

  • ⦿ ვინც იმყოფება ქიმიოთერაპიაზე, იღებს იმუნიტეტის დამთრგუნველ მედიკამენტებს ან დიდი ხანია, რაც იღებს სტეროიდებს


თუ სიმპტომები გაქვთ, დარეკეთ თქვენს ჯანდაცვის პროვაიდერთან. ეს განსაკუთრებით მნიშვნელოვანია, თუ პირი:


1. სერიოზული გართულებების რისკის ქვეშაა, რადგან:

  • არის ერთ წელზე ნაკლები ასაკის

  • არის 12 წელზე მეტის

  • აქვს შესუსტებული იმუნური სისტემა

  • ორსულია

ან


2. აქვს ქვემოთ მოცემული ნებისმიერი სიმპტომი:

  • სიცხე უკვე ოთხ დღეზე მეტხანს

  • სიცხე აჭარბებს 38,9°c-ს

  • გამონაყარის რომელიმე უბანი ძლიერ გაწითლდა, გაცხელდა, დარბილდა ან გადმოდის სითხე (ბლანტი, უფერო სითხე), რადგან ეს სიმპტომები შეიძლება ბაქტერიულ ინფექციაზე მიუთითებდეს

  • უჭირს გაღვიძება ან დაბნეულად იქცევა

  • უჭირს სიარული

  • გაუშეშდა კისერი

  • ხშირად აღებინებს

  • ძლიერ ახველებს

  • აქვს მუცლის ძლიერი ტკივილი

  • გამონაყარიდან მოსდის სისხლი ან აქვს სისხლჩაქცევები


მომზადებულია cdc.gov-ის მიხედვით.





Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze


წყარო: https://1tv.ge/news/chutyvavila-gamomwvevi-mizezi-simptomebi-mkurnaloba-da-prevencia-1tvmecniereba/?fbclid=IwAR1bFh9eDtavOxkZ7yVVcacCBrYSwPAxdfaqbrbTWw9xJRe1AuRNK2ijdKQ


თვალის ბადურაში მიძინებულ უჯრედთა გააქტიურებით შეიძლება დაკარგული მხედველობა აღდგეს

მიერ
© საქართველოს საზოგადოებრივი ჯანდაცვის ინსტიტუტი
-
0

12/09/2023

ავტორი: ირინა დათაშვილი

#datashvil

თვალის ბადურის დეგენერაციული დაავადება მსოფლიოში მილიონობით ადამიანს აწუხებს; ვითარდება მაშინ, როდესაც თვალის უკანა მხარეს მოთავსებული სინათლისადმი მგრძნობიარე უჯრედები, სახელად ფოტორეცეპტორები კვდება და მათი ჩანაცვლება შეუძლებელია. ახალი კვლევის წყალობით, ამ პრობლემის გადაჭრა შეიძლება არც ისე შორს იყოს.


კანადელმა მეცნიერებმა მიაგნეს გზას, როგორ გარდაქმნან მიძინებული მხარდამჭერი ნეირონები, სახელად მიულერის გლიური უჯრედები ისეთ ქსოვილებად, რომლებიც თვალის ბადურის კოლბის ფოტორეცეპტორების მსგავსად მოქმედებენ; ეს უკანასკნელები კი საჭიროა ფერის აღქმისა და მხედველობის სიმკვეთრისთვის. მიუხედავად იმისა, რომ პროცესი მხოლოდ თაგვის უჯრედებზე გატესტეს, თანდათანობით შეიძლება გადაიქცეს თერაპიად, რომელიც ადამიანებს მხედველობას აღუდგენს.


ნაწილობრივი მიზეზი იმისა, თუ რატომ აირჩიეს კვლევისთვის მიულერის გლიური უჯრედები, არის მათი უნარი, რომ გადაპროგრამდნენ ზოგიერთ ცხოველში. სამწუხაროდ, ადამიანებში ამ უჯრედებს ეს არ შეუძლიათ.


„საინტერესოა, რომ თევზებში მიულერის გლიური უჯრედები რეაქტიულია და თვალის ბადურას აღადგენენ. თუმცა, ძუძუმწოვრებში, მათ შორის ადამიანებშიც, ისინი ამას არ აკეთებენ არც დაზიანების და არც დაავადების შემდეგ. ბოლომდე არ ვიცით, რატომ“, — ამბობს კვლევის ავტორი, მონრეალის უნივერსიტეტის ნეირომეცნიერი კამილ ბუდრო-პინსონო.


ამ კვლევაში საკვანძო იყო ორი გენი — Ikzf1 და Ikzf4 და მათ მიერ წარმოებული ცილები. ამ ცილებს დროებით იდენტიფიცირების ფაქტორებს უწოდებენ და ცნობილია, რომ მნიშვნელოვან როლს ასრულებენ სხვადასხვა ტიპის უჯრედების განვითარებაში.


მიულერის გლიური უჯრედები ჯერ გამოყვეს და მოახდინეს მათი კულტივირება, შემდეგ კი სხვადასხვა დროებითი იდენტიფიცირების ფაქტორის გამოყენებით გადააპროგრამეს, მათ შორის Ikzf1-ის და Ikzf4-ის საშუალებით. ამ ფაქტორებმა გლიური უჯრედები ბადურის კონუსის უჯრედებად სრულად ვერ გარდაქმნა, მაგრამ მისცა ზოგიერთი ისეთი აუცილებელი მახასიათებელი, რომელიც ფოტორეცეპტორების მსგავსად ფუნქციონირებისთვის არის საჭირო.


მიუხედავად იმისა, რომ გლიური უჯრედები ხელს უწყობენ თვალის სხვა უჯრედების კვებას, რეგულირებას და ორგანიზებას, მკვლევართა განცხადებით, ამ დამხმარე უჯრედთა ჭარბი რაოდენობა საკმარისია, რომ გარკვეული ნაწილი გარდაიქმნას ფოტორეცეპტორის მსგავს უჯრედებად, რომლებიც გადამწყვეტია სინათლის დასანახად და ფერების გასარჩევად.


ჯერ ძალიან ადრეული ეტაპია, მაგრამ ეს პროცესი შეიძლება თანდათან ისე დაიხვეწოს, რომ ადამიანებშიც იმუშაოს, ყოველგვარი ახალი უჯრედების გადანერგვის გარეშე. ამას გარდა, კვლევის შედეგები ასევე შეიძლება გამოსადეგი იყოს თავის ტვინის დაავადებათა სამკურნალოდ — დაზიანებული ნეირონები ჩავანაცვლოთ გადაპროგრამებული სხვა ტიპის უჯრედებით.


წინ კიდევ ბევრი სამუშაოა, მაგრამ დასაწყისი საკმაოდ იმედისმომცემია. ამის შემდეგ, ჯგუფს სურს, რომ უფრო ახლოს შეისწავლოს ამ უჯრედთა გარდაქმნაში ჩართული მექანიზმი და გამოავლინოს გზები, რომლითაც ის უფრო ეფექტიანი შეიძლება გახდეს.
კვლევა ჟურნალ PNAS-ში გამოქვეყნდა.




მომზადებულია nouvelles.umontreal.ca-სა და ScienceAlert-ის მიხედვით.



Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze


წყარო: https://1tv.ge/news/tvalis-badurashi-midzinebul-ujredta-gaaqtiurebit-sheidzleba-dakarguli-mkhedveloba-aghdges-1tvmecniereba/?fbclid=IwAR3BZRzBc52CTNj7mWYaiw3f-IAGudMbCip85a_rMwXXAnh4GvlH6Hc4DN8


1...777778779...1,035გვერდი 778 of 1,035

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights