ოთხშაბათი, ივნისი 10, 2026
მთავარი წაკითხვა გვერდი 774

ქრო­ნი­კუ­ლი ჰე­პა­ტი­ტი

მიერ
© საქართველოს საზოგადოებრივი ჯანდაცვის ინსტიტუტი
-
0

ქრო­ნი­კუ­ლი ჰე­პა­ტი­ტი

ქრო­ნი­კუ­ლი ჰე­პა­ტი­ტი არის ღვიძ­ლის ან­თე­ბა, რო­მე­ლიც, სულ მცი­რე, 6 თვის გან­მავ­ლო­ბა­ში გრძელ­დე­ბა.
ხში­რი მი­ზე­ზე­ბია B- და ჩ-ჰე­პა­ტი­ტის ვი­რუ­სე­ბი და მე­დი­კა­მენ­ტე­ბი;
ბევრ ადა­მი­ანს სიმ­პტო­მე­ბი სა­ერ­თოდ არ აქვს გა­მო­ხა­ტუ­ლი, სა­ნამ ღვიძ­ლის მძი­მე და­ნა­წი­ბუ­რე­ბა არ ჩა­მო­ყა­ლიბ­დე­ბა;
ქრო­ნი­კულ­მა ჰე­პა­ტიტ­მა შე­იძ­ლე­ბა გა­მო­იწ­ვი­ოს ცი­რო­ზი ელენ­თის გა­დი­დე­ბით, სითხ­ის მუც­ლის ღრუ­ში დაგ­რო­ვე­ბით და თა­ვის ტვი­ნის ფუნ­ქცი­ის დარ­ღვე­ვით;
დი­აგ­ნო­ზის და­სა­ზუს­ტებ­ლად ტარ­დე­ბა ბი­ოფ­სი­ა;
გა­მო­ი­ყე­ნე­ბა ან­ტი­ვი­რუ­სუ­ლი წამ­ლე­ბი და კორ­­ტიკო­ს­­ტე­რო­ი­დე­ბი; და­ა­ვა­დე­ბის შორს წა­სუ­­ლი ფორ­მის დროს შე­საძ­ლოა ღვიძ­ლის გა­და­­ნერ­გვა გახ­დეს სა­ჭი­რო.
ქრო­ნი­კუ­ლი ჰე­პა­ტი­ტი, რო­მე­ლიც მწვა­ვეს­თან შე­და­რე­ბით ნაკ­ლე­ბად გავ­რცე­ლე­ბუ­ლი­ა, შე­იძ­ლე­ბა გრძელ­დე­ბო­დეს წლე­ბის, ზოგ­ჯერ ათ­წლე­უ­ლე­ბის, გან­მავ­ლო­ბა­ში. ზო­გი­ერთ ადა­მი­ან­ში ის ძალ­ზე მსუ­ბუ­ქად მიმ­დი­ნა­რე­ობს და არ იწ­ვევს ღვიძ­ლის მნიშ­ვნე­ლო­ვან და­ზი­ა­ნე­ბას. თუმ­ცა, სხვა ადა­მი­ა­ნებ­ში, გა­ხან­გრძლი­ვე­ბუ­ლი ან­თე­ბა ნელ-ნე­ლა აზი­ა­ნებს ღვიძლს და სა­ბო­ლო­ოდ ცი­როზს (ღვიძ­ლის მძი­მე და­ნა­წი­ბუ­რე­ბას), ღვიძ­ლის უკ­მა­რი­სო­ბა­სა და ზოგ­ჯერ ღვიძ­ლის კი­ბოს იწ­ვევს.
მი­ზე­ზე­ბი
ქრო­ნი­კულ ჰე­პა­ტიტს, ჩვე­უ­ლებ­რივ, ჰე­პა­ტი­ტის ვი­რუ­სე­ბი­დან ერ­თ-ერ­თი იწ­ვევს (იხ. ცხრი­ლი „ჰე­პა­ტი­ტის ვი­რუ­სე­ბი“). ქრო­ნი­კუ­ლი ჰე­პა­ტი­ტის შემ­თხვე­ვა­თა 60-70% ჩ-ჰე­პა­ტი­ტის ვი­რუ­სით არის გა­მოწ­ვე­უ­ლი და მწვა­ვე ჩ ჰე­პა­ტი­ტის შემ­თხვე­ვე­ბის 75% ქრო­ნი­კულ ფორ­მა­ში გა­და­დის. B-ჰე­პა­ტი­ტის შემ­თხვე­ვე­ბის და­ახ­ლო­ე­ბით 5-7%, ზოგ­ჯერ D-ჰე­პა­ტი­ტის თან­დარ­თვით, ქრო­ნი­კუ­ლი ხდე­ბა. A და E-ჰე­პა­ტი­ტის ვი­რუ­სე­ბი არ იწ­ვე­ვენ ქრო­ნი­კულ ჰე­პა­ტიტს.
ქრო­ნი­კუ­ლი ჰე­პა­ტი­ტი შე­იძ­ლე­ბა გარ­კვე­ულ­მა წამ­ლებ­მა გა­მო­იწ­ვი­ოს, გან­სა­კუთ­რე­ბით მა­შინ, რო­დე­საც მათ ხან­გრძლი­ვად იყე­ნე­ბენ. ასეთ წამ­ლებს მი­ე­კუთ­ვნე­ბა იზო­ნი­ა­ზი­დი, მე­თილ­დო­ფა, ნიტ­რო­ფუ­რან­ტი­ო­ნი და, იშ­ვი­ა­თად, აცე­ტა­მი­ნო­ფე­ნი. ვილ­სო­ნის და­ა­ვა­დე­ბამ (იშ­ვი­ა­თი მემ­კვიდ­რუ­­ლი და­ა­ვა­დე­ბა, რომ­ლის დრო­საც ღვიძ­ლში სპი­­ლენ­ძი გროვ­დე­ბა), შე­საძ­ლოა აგ­რეთ­ვე გა­მო­იწ­­ვი­ოს ქრო­ნი­კუ­ლი ჰე­პა­ტი­ტი ბავ­შვებ­სა და მოზ­რდი­ლებ­ში. სხვა მი­ზე­ზებს მი­ე­კუთ­ვნე­ბა ალ­კო­ჰო­ლუ­რი ჰე­პა­ტი­ტი, ღვიძ­ლის გაცხ­ი­მოვ­ნე­ბა, რო­მე­ლიც არ არის გა­მოწ­ვე­უ­ლი ალ­კო­ჰო­ლის მი­ღე­ბით (ა­რა­ალ­კო­ჰო­ლუ­რი სტე­ა­ტო­ჰე­პა­ტი­ტი – ღვიძ­ლის არა­ალ­კო­ჰო­ლუ­რი ცხი­მო­ვა­ნი და­ა­ვა­დე­ბა) და ალ­ფა-­1-ან­ტიტ­რიფ­სი­ნის დე­ფი­ცი­ტი (მემ­კვიდ­რუ­ლი და­ა­ვა­დე­ბა).
უც­ნო­ბი­ა, თუ რა­ტომ იწ­ვევს გარ­კვე­უ­ლი ვი­რუ­სი ან წა­მა­ლი ზო­გი­ერთ ადა­მი­ან­ში ქრო­ნი­კულ ჰე­პა­ტიტს, ხო­ლო სხვებ­ში – არა და რა­ტომ არის და­ა­ვა­დე­ბის სიმ­ძი­მე ასე­თი ვა­რი­ა­ბე­ლუ­რი. ქრო­ნი­კუ­ლი ჰე­პა­ტი­ტის მქო­ნე ბევრ ადა­მი­ანს ვერ უდ­გე­ნენ ჰე­პა­ტი­ტის გა­მომ­წვევ აშ­კა­რა მი­ზეზს. ამ ადა­მი­ა­ნე­ბი­დან ზო­გი­ერ­თში ქრო­ნი­კუ­ლი ან­თე­ბა ემ­სგავ­სე­ბა ორ­გა­ნიზ­მის მი­ერ სა­კუ­თა­რი ქსო­ვი­ლე­ბის და­ზი­ა­ნე­ბით გა­მოწ­ვე­ულ ან­თე­ბას (ა­უ­ტო­ი­მუ­ნუ­რი რე­აქ­ცი­ა), მაგ­რამ ეს კავ­ში­რი დამ­ტკი­ცე­ბუ­ლი არა­ა. ამ ტი­პის ან­თე­ბას ეწო­დე­ბა აუ­ტო­ი­მუ­ნუ­რი ჰე­პა­ტი­ტი და ის უფ­რო ხში­რია ქა­ლებ­ში, ვიდ­რე მა­მა­კა­ცებ­ში.
სიმ­პტო­მე­ბი
და­ა­ვა­დე­ბულ­თა და­ახ­ლო­ე­ბით 2/3-ს ქრო­ნი­კუ­ლი ჰე­პა­ტი­ტი თან­და­თა­ნო­ბით და უსიმ­პტო­მოდ უვი­თარ­დე­ბა, სა­ნამ არ გა­მოვ­ლინ­დე­ბა ცი­რო­ზი. და­ნარ­ჩენ 1/3-ს ქრო­ნი­კუ­ლი ჰე­პა­ტი­ტი უყა­ლიბ­დე­ბა მწვა­ვე ვი­რუ­სუ­ლი ჰე­პა­ტი­ტის შე­ტე­ვის შემ­დეგ, რო­მე­ლიც გა­ხან­გრძლი­ვე­ბუ­ლია ან მე­ორ­დე­ბა (ხში­რად რამ­დე­ნი­მე კვი­რის შემ­დეგ).
სიმ­პტო­მე­ბი ხში­რად მო­ი­ცავს ავად­მყო­ფო­ბის გა­ურ­­კვე­ველ შეგ­რძნე­ბას (დის­კომ­ფორ­ტი), უმა­დო­ბას და და­ღ­­ლი­ლო­ბას. და­ა­ვა­დე­ბუ­ლებს ზოგ­ჯერ აქვთ სუბ­ფებ­რი­­ლუ­რი ტემ­პე­რა­ტუ­რა და ერ­თგვა­რი დის­კომ­ფორ­ტი მუც­ლის ზე­და ნა­წილ­ში. სიყ­ვით­ლე იშ­ვი­ა­თი­ა. ღვიძ­ლის ქრო­ნი­კუ­ლი და­ა­ვა­­დე­ბი­სა და ცი­რო­ზის გარ­თუ­ლე­ბე­ბი შე­იძ­ლე­ბა თან­და­თა­ნო­ბით გან­ვი­თარ­დეს. ამ დროს შე­იძ­ლე­ბა გა­დიდ­დეს ელენ­თა, კან­ზე გაჩ­ნდეს ობო­ბას­მაგ­ვა­რი სის­ხლძარ­ღვე­ბი, გა­წით­ლდეს ხე­ლის­გუ­ლე­ბი და დაგ­როვ­დეს სითხე მუც­ლის ღრუ­ში (ას­ცი­ტი). ღვიძ­ლის დის­ფუნ­ქცი­ამ შე­იძ­ლე­ბა გა­მო­იწ­ვი­ოს ტვი­ნის ფუნ­ქცი­ის დარ­ღვე­ვა (ღვიძ­ლის­მი­ე­რი ენ­ცე­ფა­ლო­პა­თი­ა), კერ­ძოდ, პა­ცი­ენ­ტებ­ში, რო­მელ­თაც აქვთ ჩ-ჰე­პა­ტი­ტით გა­მოწ­ვე­უ­ლი ცი­რო­ზი.
აუ­ტო­ი­მუ­ნურ­მა ჰე­პა­ტიტ­მა შე­იძ­ლე­ბა გა­მო­იწ­ვი­ოს სხვა სიმ­პტო­მე­ბი, რომ­ლე­ბიც შე­იძ­ლე­ბა, ფაქ­ტობ­რი­ვად, ნე­ბის­მი­ერ ორ­გა­ნო­თა სის­ტე­მას­თან იყოს და­კავ­ში­რე­ბუ­ლი, გან­სა­კუთ­რე­ბით ახალ­გაზრ­და ქა­ლებ­ში. ამ სიმ­პტო­მებს მი­ე­კუთ­ვნე­ბა აკ­ნე, მენ­სტრუ­ა­ლუ­რი ციკ­ლის შეწყ­ვე­ტა, სახ­სრე­ბის ტკი­ვი­ლი, ფილ­ტვე­ბის და­ნა­წი­ბუ­რე­ბა, ფა­რი­სებ­რი ჯირ­კვლი­სა და თირ­კმლის ან­თე­ბა და ანე­მი­ა.
ბევრ ადა­მი­ან­ში ქრო­ნი­კუ­ლი ჰე­პა­ტი­ტი წლე­ბის გან­მავ­ლო­ბა­ში არ პროგ­რე­სი­რებს. სხვებ­ში მი­სი მიმ­დი­ნა­რე­ო­ბა თან­და­თა­ნო­ბით უა­რეს­დე­ბა. გა­მო­სა­ვა­ლი ნა­წი­ლობ­რივ გა­მომ­წვევ მი­ზეზ­ზეა და­მო­კი­დე­ბუ­ლი:
ქრო­ნი­კულ ჩ-ჰე­პა­ტიტს მივ­ყა­ვართ ცი­რო­ზა­მ­­დე, რო­მე­ლიც წლე­ბის გან­მავ­ლო­ბა­ში ვი­­თა­რ­დე­ბა და­ა­ვა­დე­ბულ­თა 15-25%-ში. იზ­რ­დე­­ბა ღვიძ­ლის კი­ბოს გა­ჩე­ნის რის­კი, მაგ­რამ მხო­ლოდ ცი­რო­ზის არ­სე­ბო­ბი­სას.

ციროზი

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

ღვი­ძ­ლის და­ზი­ანების გამო ვითარდება

მიერ
© საქართველოს საზოგადოებრივი ჯანდაცვის ინსტიტუტი
-
0

ციროზი

ციროზის დროს ღვიძლის ნორმალური ქსოვილის დიდი ნაწილი ჩანაცვლებულია არა­ფუ­ქ­ცი­ონი­რებადი ნაწიბუროვანი ქსოვილით. ის ღვი­ძ­ლის და­ზი­ანების გამო ვითარდება. ღვიძლის უჯ­რედების აღ­დგენის მცდელობები დღემდე უშე­დეგოა.
ალკოჰოლიზმი და ჰეპატიტი ციროზის მთავარი გამომწვევი მიზეზებია;
ციროზის საწყისი სიმპტომებია: უმადობა, წონაში კლება, ავად ყოფნისა და დაღლილობის შეგრძნება;
დიაგნოზი ეფუძნება სიმპტომებს, ფიზიკური გამოკვლევის, სისხლის ანალიზების და ზოგჯერ რადიოლოგიური გამოკვლების ან ბიოფსიის შედეგებს.

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

„იმისთვის, რომ ბავშვი იყოს ნიჭიერი, წარმატებული და ბეჯითი, მას უნდა ჰქონდეს დადებითი ემოციები, რადგან წარმატება დგება მხოლოდ ბედნიერ და გახარებულ ტვინში“

მიერ
© საქართველოს საზოგადოებრივი ჯანდაცვის ინსტიტუტი
-
0

ბავშვთა და მოზარდთა ფსიქოლოგმა ნინო გოგიჩაძემ წარმატებული ბავშვების შესახებ ისაუბრა და ახსნა, რამდენად მნიშვნელოვანია ამ დროს პოზიტიური გარემო და მშობლის უპირობო მხარდაჭერა:

„ნებისმიერი შეფასებითი კომპონენტი, რომელსაც მშობელი გამოიყენებს, ბავშვზე აისახება. რაც ვიცით  წარმატების შესახებ, არის, რომ ეჭვი არ უნდა შევიტანოთ, რომ მე რაღაც გამომივა, რაღაცაში წარმატებული ვიქნები. როცა ვსაუბრობთ, რომ მშობელი გადამწყვეტია ბავშვთან მოლოდინების ფორმულირებაში, ეს ნიშნავს, რომ ჩვენ გვაქვს ერთგვარი კიბე და მშობელი გრძელვადიანად ხედავს, როგორია კიბის დასასრული. მაგრამ ყოველ მოცემულ მომენტში ის ბავშვს არ სთხოვს, მაღლა და მაღლა ავიდეს, არამედ ის საფეხური დაძლიოს, რომელიც მას ამ მომენტში შეუძლია. ამ დროს მშობელი ეხმარება ბავშვს და იღებს უკუკავშირს, ეს არის ყველზე ეფექტური და მარტივი მოდელი.

წაიკითხეთ სრულად

#datashvil    #drpkhakadze  #sheniganatleba

კვლევამ აჩვენა, რომ ვეგანური დიეტა გულის ჯანმრთელობას აუმჯობესებს

მიერ
© საქართველოს საზოგადოებრივი ჯანდაცვის ინსტიტუტი
-
0

ახალმა კვლევამ აჩვენა, რომორ თვეში ტყუპებს, რომლებიც ექსპერიმენტულ ვეგანურ დიეტაზე იყვნენ მოთავსებულნი, ჰქონდათ დაბალი ინსულინი, შემცირებული წონა და შემცირებული ცილის დონე, რომელიც დაკავშირებულია გულის დაავადებებთან და ინსულტთან. ვეგანური დიეტა სულ რაღაც 2 თვეში ინსულინის დონის დაწევას, წონის კლებასა და იმ ცილების რაოდენობის შემცირებას განაპირობებს, რომლებიც გულის დაავადებებთან და ინსულტთანაა დაკავშირებული. კვების ასეთი რაციონი არა მხოლოდ გარემოსთვის, არამედ ადამიანთა ჯანმრთელობისთვისაც სასარგებლოა ინფორმაციას უცხოური მედია ავრცელებს.

მეცნიერებმა ექსპერიმენტი იდენტური ტყუპების 22 წყვილზე ჩაატარეს, ისინი ორ ჯგუფად დაჰყვეს. ყველა მათგანის რაციონში ისეთი ჯანსაღი საკვები შედიოდა, როგორიც ბოსტნეული, ხილი, მთლიანი მარცვლეული, თხილეული და სხვადასხვა მცენარის თესლია. ერთადერთი განსხვავება ის იყო, რომ ტყუპებიდან თითო ინდივიდი დამატებით ხორცის ზომიერ რაოდენობასაც იღებდა. ორივე ჯგუფს მიეწოდა ჯანსაღი დიეტა, რომელიც შეიცავდა ბოსტნეულს, პარკოსნებს, ხილს, მთლიან მარცვლეულს, თხილს და თესლს. ერთადერთი განსხვავება ის იყო, რომ ტყუპების თითოეული ნაკრები ასევე მოიხმარდა ხორცს ჯანსაღ რაოდენობად, ხოლო მეორეს დიეტა მცენარეული იყო.

შედეგად, ორივე ჯგუფში გულ-სისხლძარღვთა ჯანმრთელობის გაუმჯობესება დაფიქსირდა, მაგრამ ეს ყველაზე შესამჩნევი სწორედ იმ ადამიანებში იყო, რომლებიც ვეგანურ დიეტაზე გადავიდნენ. მათ ორგანიზმში ინსულინის დონემ 20%-ით იკლო. შემცირდა დაბალი სიმკვრივის ლიპოპროტეინული ქოლესტერინის რაოდენობაც, ცხიმოვანი მოლეკულების, რომლებიც გულ-სისხლძარღვთა დაავადებების რისკს ზრდის.

ექსპერიმენტამდე საშუალო დონე იყო 118,5 მგ/დლ ყველამჭამელებისთვის, რომელიც დაეცა 116,1-მდე. ვეგანურ ჯგუფში ის 110,7-დან 95,5 მგ/დლ-მდე გაიზარდა.

„ვეგანურ დიეტას შეუძლია დამატებითი სარგებელი მოიტანოს, როგორიცაა ნაწლავის ბაქტერიების გაზრდა და ტელომერების დაკარგვის შემცირება, რაც ანელებს ორგანიზმში დაბერებას“, განმარტავს გარდნერი. მაგრამ “რაც უფრო მნიშვნელოვანია, ვიდრე მკაცრად ვეგანობაა, არის მეტი მცენარეული საკვების ჩართვა თქვენს დიეტაში.”

ავტორები ამბობენ, რომ ეს შესაძლოა, მეორე ჯგუფში წონის კლებითაც იყოს განპირობებული, რადგან კალორიების რაოდენობა არ კონტროლდებოდა. შესაბამისად, ამ ბიოლოგიურ მექანიზმს პირდაპირპროპორციულად მხოლოდ ვეგანურ დიეტასთან ვერ დავაკავშირებთ, რადგან სხვა მნიშვნელოვანი ფაქტორებიც გასათვალისწინებელია, როგორიც ფიზიოლოგიურო ცვლილებებია.

მეცნიერები აღნიშნავენ, რომ დაფიქსირდა ვიტამინ B12-ის დონის ოდნავ შემცირებაც, ამიტომ ვეგანურ კვებაზე გადასვლისას ასეთი საჭირო ნივთიერებების მიღებაც აუცილებელია. მაშასადამე, სწორი ვეგანური რაციონით ჩვენს ჯანმრთელობას ვარგებთ. სხვადასხვა ეთნიკურ ჯგუფში ეს წონაზე, სისხლის წნევაზე, დიაბეტის რისკსა და გულზე დადებითად აისახება. თუნდაც მეტი მცენარეული საკვების მიღებაც კარგი შედეგის მომტანია, რასაც მეცნიერები ხაზგასმით ამბობენ.

#datashvil    #drpkhakadze  #sheniganatleba

ჯანდაცვისა და სოციალური მომსახურების სერვისებით სარგებლობას საქართველოს მოქალაქეები ერთი ფანჯრის პრინციპით შეძლებენ

მიერ
© საქართველოს საზოგადოებრივი ჯანდაცვის ინსტიტუტი
-
0
ჯანდაცვისა და სოციალური მომსახურების სერვისებით სარგებლობას საქართველოს მოქალაქეები ერთი ფანჯრის პრინციპით შეძლებენ.
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
„თბილისში ჯანდაცვის სამინისტროს მომსახურების ცენტრი გაიხსნა, სადაც სოციალური მომსახურების, დასაქმების ხელშეწყობისა და ჯანმრთელობის ეროვნული სააგენტოების, ასევე – სახელმწიფო ზრუნვისა და ტრეფიკინგის მსხვერპლთა დახმარების მიმართულებით მოქალაქეები სრულყოფილ და უწყვეტ მომსახურებას, ერთ სივრცეში მიიღებენ.
ახლად გახსნილი ცენტრი ჯანდაცვის მინისტრმა ზურაბ აზარაშვილმა, მოადგილესთან თამარ ბარკალაიასთან ერთად დაათვალიერა. ზურაბ აზარაშვილის განმარტებით, ქვეყნის მასშტაბით, ერთი ფანჯრის პრინციპით, 15 მომსახურების ცენტრი გაიხსნება“, – ნათქვამია ინფორმაციაში.

ღვიძლის გაცხიმოვნება (სტეატოზი) არის ღვი­­ძ­ლის უჯრედებში გარკვეული ტიპის ცხიმე­ბის (ტრი­გლი­ცე­რი­დების) პათოლოგიური დაგ­რო­ვება

მიერ
© საქართველოს საზოგადოებრივი ჯანდაცვის ინსტიტუტი
-
0
ღვიძლის გაცხიმოვნება
ღვიძლის გაცხიმოვნება (სტეატოზი) არის ღვი­­ძ­ლის უჯრედებში გარკვეული ტიპის ცხიმე­ბის (ტრი­გლი­ცე­რი­დების) პათოლოგიური დაგ­რო­ვება.
ღვიძლის გაცხიმოვნებისას პაციენტს შეიძლება ჰქო­ნ­დეს დაღლილობა ან მსუბუქი დისკომფორტი მუცე­ლში; სხვა შემთხვევებში სიმ­პტო­მები არ აღინიშნება;
დიაგნოზის დასაზუსტებლად შეიძლება ღვი­ძ­ლის ბი­ოფ­სია გახდეს საჭირო;
მკურნალობა გულისხმობს ღვიძლის გაცხიმოვნების მიზეზის, მაგალითად, ალკოჰოლის მიღების აღკვე­თას.
აშშ-სა და დასავლეთის სხვა ქვეყნებში ღვიძლის გა­ცხიმოვნების ყველაზე ხშირი მიზეზებია ალკოჰოლი, ტო­ქსინები, ზოგიერთი წამალი, თანდაყოლილი მეტაბოლური დაავადებები, მეტაბოლიზმის შეძენილი დარღვევები, როგორიცაა ჭარბი წონა, ინსულინრეზისტენტობა და ტრიგლიცერიდების მა­ღა­ლი დონე სისხლში. მეტაბოლური პათოლოგი­ების კომ­ბინაციას მეტაბოლური სინდრომი ეწოდება. ეს მდგომარეობები ცხიმის ღვიძლის უჯრედებში დაგროვებას იწვევს ან ცხიმების სინთეზის გაძლიერების, ან ცხიმის გადამუშავების (მეტაბოლიზმი) და გამოყოფის შენელების გზით. სწორედ ამის შემდეგ და შედეგად ხდება ცხიმის დაგროვება და ჩალაგება ღვიძლის უჯრედებში. მხოლოდ დიდი რაოდენობით ცხიმიანი საკვების მიღება არ იწვევს ღვიძლის გაცხიმოვნებას. გენეტიკური მიდრეკილების მქონე ქალს ორსულობის დროს შეიძლება განუვითარდეს ღვიძლის გაცხიმოვნების იშვიათი ფორმა – მიკროვეზიკულური სტეატოზი.
ღვიძლის გაცხიმოვნება ზოგჯერ ანთებით არის თანხლებული, ზოგჯერ კი მის გარეშე მიმ­დი­­ნა­რე­ობს. ანთებამ შეიძლება დანაწიბურება (ფიბროზი) გამოიწვიოს, რომლის პროგრესირებას ციროზი მოჰყვება. ნებისმიერი მიზეზით გა­მოწვეულ ღვიძლის გაცხიმოვნებას, გარდა ალ­­კო­ჰო­ლიზმისა (ფიბროზით ან მის გარეშე), არა­­ალ­კო­ჰოლური სტეატოჰე­პატიტი ეწოდება. ეს და­ავადება ხშირად ემართებათ მეტაბოლური სინ­დრომის მქონე პირებს.
სიმპტომები და დიაგნოზი
ღვიძლის გაცხიმოვნება უსიმპტომოდ მიმ­დი­ნა­­­რე­ობს. ზოგიერთ პაციენტს აღენიშნება და­ღლი­­­ლო­ბა, გა­ურ­კვე­ველი დისკომფორტი მუ­­ცელ­ში. ღვიძლი დიდდება, რისი დადგენაც პა­ცი­ენ­ტის ფი­­ზი­კური გა­სინჯვით არის შესაძ­ლე­ბელი. თუ ეჭვი დაიბადა ღვიძ­ლის გაცხიმოვ­ნე­­ბა­ზე, ექი­მი ეკითხება პა­ცი­­ენტს, იღებს თუ არა ის ალკოჰოლს. ეს ინფორ­მა­­ცია გადამწყვ­ე­ტია. ალ­კო­ჰოლის ხანგრძლივად გა­­­­­დამეტებული რაოდენობით მიღება მძიმე დაზი­ა­ნე­­­­­ბას იწ­ვევს.
ღვიძლის დაავადების, მაგალითად, ანთე­ბის, და­­სად­გენად მნიშვნელოვანია სისხლის ანა­ლი­ზე­ბის შე­დეგები, ვინაიდან ჰეპატიტმა შეიძლება ცი­როზი გამოიწვიოს. სისხლის დამატებითი ანალი­ზები შე­სა­ძლებელს ხდის ღვიძლის სხვა დაავადებების, მაგალითად, ვირუსული ჰეპატი­ტის გამორიცხვას. ულტრასონოგრაფიით, კომ­პი­­უტერული ტომო­გ­რა­ფიითა და მაგნიტურ-რე­­ზო­­ნან­სული გამოკვლევით შესაძლებელია ღვი­ძ­­ლში ცხი­მის ჭარბი რაოდენობით ჩალაგების აღ­მო­ჩენა, მაგრამ ვერ ხერხდება იმის განსაზღვრა, არის თუ არა ანთება ან ფიბ­როზი.
დიაგნოზის დასადასტურებლად შეიძლება ღვი­­ძ­­ლის ბიოფსია გახდეს საჭირო. ბიოფსიის ჩა­სა­­ტა­­­რებლად ექიმს, ადგილობრივი ანესთეზიის ფონზე, კანის გავლით ღვიძლში შეჰყავს გრძელი, შედარებით ფართო დიამეტრის ნემსი, რომელიც ღვიძლის ქსოვილის მცირე ნაწილის მოპოვების შესაძლებლობას იძლევა. მიღებული მასალა მიკროსკოპით შეისწავლება. ბიოფსია შეიძლება დაგვეხმაროს იმის განსაზღვრაში, არის თუ არა ღვიძლი გაცხიმოვნებული, რა არის გაცხიმოვნების მიზეზი – ალკოჰოლი თუ რომე­ლიმე სხვა სპეციფიკური აგენტი, რამდენად მძიმეა ღვიძლის დაზი­ანება.
პროგნოზი და მკურნალობა
მხოლოდ ღვიძლის გაცხიმოვნება არ არის სე­რი­ო­ზუ­ლი პრობლემა. მაგალითად, თუ მიზეზი ალკოჰოლია, მისი მიღების შეწყვეტიდან 6 კვი­რის განმავლობაში გაცხიმოვნება შეიძლება გაქრეს. თუ მიზეზი ვერ დადგინდა და მკურნალობაც ვერ ჩატარდა, ღვიძლის გაცხიმოვნებამ შესაძლოა სერიოზული შედეგები გამოიწვიოს. მაგალითად, თუ ალკოჰოლის გადაჭარბებული მიღება გრძელდება, ან არ შეწყდა იმ წამლის მი­ღება, რომელიც ღვიძლის გაცხიმოვნებას იწ­ვევს, ღვიძლის ხელახალმა დაზიანებამ შეიძლება ციროზამდე მიგვიყვანოს. უარესი პროგ­ნოზი აქვს მიკროვეზიკულურ სტეატოზს.
მკურნალობის მიზანია ღვიძლის გაცხიმოვნების გა­მომწვევი მიზეზის ზემოქმედების შემცირება ან აღკვეთა. პაციენტმა უნდა შეწყვიტოს წამლის მიღე­ბა, დაიკლოს წონაში, ადეკვატურად უნდა აკო­ნ­­ტრო­ლოს დიაბეტი, შეეცადოს ტრიგლიცერიდე­ბის დონის შემცირებას და შეწყვიტოს ალკოჰოლის მიღება.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

ქიმერა – კაცობრიობის მხსნელი თუ გამანადგურებელი?! – ქი­მე­რე­ბის შექ­მნა გე­ნუ­რი ინ­ჟი­ნე­რი­ის მიღ­წე­ვაა

მიერ
© საქართველოს საზოგადოებრივი ჯანდაცვის ინსტიტუტი
-
0

ღეროვანი უჯრედების შესახებ კაცობრიობის ცოდნა ფართოვდება. დღეისთვის უკვე ცნობილია, რომ ღეროვანი უჯრედები არის ორგანიზმის “საშენი აგურები”, რომლებიც განუწყვეტელი გამრავლებით მთელ ორგანიზმსა და მის ორგანოებს წარმოქმნის: გულს, კანს, ღვიძლს, თმას და ა.შ.

ღე­რო­ვა­ნი უჯრე­დე­ბის გამ­რავ­ლე­ბის პრო­ცე­სი ბუ­ნებ­რი­ვი და გარ­და­უ­ვა­ლია ემ­ბრი­ონ­ში, რო­დე­საც მიმ­დი­ნა­რე­ობს ნა­ყო­ფის ჩა­მო­ყა­ლი­ბე­ბა. შემ­დეგ ღე­რო­ვა­ნი უჯრე­დე­ბის გამ­რავ­ლე­ბა მცირ­დე­ბა, თუმ­ცა მათი გან­სა­ზღვრუ­ლი რა­ო­დე­ნო­ბა ორ­გა­ნიზ­მში სი­ცო­ცხლის ბო­ლომ­დე რჩე­ბა, მეტ-ნაკ­ლე­ბად სხვა­დას­ხვა ორ­გა­ნო­ში (უმე­ტე­სო­ბა ძვალ­ში) – ანუ ეს უჯრე­დე­ბი ყვე­ლა­ზე ცხო­ველ­მოქ­მე­დი ემ­ბრი­ო­ნის ჩა­მო­ყა­ლი­ბე­ბის პე­რი­ოდ­შია.A ამი­ტო­მაც გაჩ­ნდა ჭიპ­ლა­რის უჯრე­დე­ბის ბან­კე­ბი, სა­დაც ამ უჯრე­დებს გა­ყი­ნულ მდგო­მა­რე­ო­ბა­ში ინა­ხა­ვენ. მი­ზა­ნი: თუ ოდეს­მე ადა­მი­ა­ნი მძი­მედ და­ა­ვად­დე­ბა, ექი­მე­ბი ჭიპ­ლა­რის ღე­რო­ვან უჯრე­დებს მის და­ა­ვა­დე­ბულ ორ­გა­ნო­ებ­ში “გა­უშ­ვე­ბენ”, რის შემ­დე­გაც ჭიპ­ლა­რის ჯან­მრთე­ლი ღე­რო­ვა­ნი უჯრე­დე­ბი ამა­ვე ორ­გა­ნოს ჯან­მრთელ უჯრე­დე­ბად გა­და­იქ­ცე­ვი­ან, გამ­რავ­ლდე­ბი­ან და და­ა­ვა­დე­ბულ უჯრე­დებს გან­დევ­ნი­ან. შე­დე­გად დგე­ბა გა­მო­ჯან­მრთე­ლე­ბა. თუმ­ცა ყო­ველ­თვის ასე არ არის, ჯერ­ჯე­რო­ბით, ღე­რო­ვან უჯრე­დებ­საც აქვს “ნაკ­ლი”. ამი­ტო­მაც დღეს უკვე მას მეც­ნი­ე­რე­ბი სრუ­ლი­ად ფან­ტას­ტი­კურ სფე­რო­ებ­ში ცდი­ან. მსოფ­ლი­ოს სხვა­დას­ხვა სა­მეც­ნი­ე­რო ლა­ბო­რა­ტო­რი­ა­ში მიმ­დი­ნა­რე­ობს ექ­სპე­რი­მენ­ტე­ბი ე.წ. ქი­მე­რე­ბის გა­მოყ­ვა­ნა­ზე. ქი­მე­რე­ბი ის ორ­გა­ნიზ­მე­ბია, რომ­ლე­ბიც, ჯერ­ჯე­რო­ბით, გარ­კვე­უ­ლიც არ არის, კა­ცობ­რი­ო­ბის სა­კე­თილ­დღე­ოდ იქ­მნე­ბა თუ პი­რი­ქით. მი­უ­ხე­და­ვად იმი­სა, რომ ჯერ ეს მხო­ლოდ ექ­სპე­რი­მენ­ტია, ამ კი­თხვის დას­მა უკვე სა­ინ­ტე­რე­სოა.

წაიკითხეთ სრულად

#datashvil    #drpkhakadze  #sheniganatleba

„კატეგორიულად იკრძალება ღამით დატკბილული სითხეების გამოყენება. უნდა გამოიყენოთ მხოლოდ წყალი“

მიერ
© საქართველოს საზოგადოებრივი ჯანდაცვის ინსტიტუტი
-
0

გადაცემა „იმედის დილა“

ჯანმრთელი კბილები და სწორი ჰიგიენის დაცვა

საუბრობს საქართველოს სტომატოლოგთა ასოციაციის პრეზიდენტი, პროფესორი ქეთევან გოგილაშვილი:

„არსებობს ბევრი მითი, მაგალითად, ორსულობის პერიოდში არ შეიძლება სტომატოლოგთან ვიზიტი. ორსულობის დროს ჰორმონალური ცვლილებები პირდაპირ აისახება პირის ღრუზე, ხელს უწყობს ნადების გაჩენას და ანთებითი პროცესის განვითარებას. შეიძლება, ამან ნაყოფის განვითარებასაც შეუქმნას საფრთხე“.

მისი თქმით, პირველ კბილსაც კი, რომელიც ამოიჭრება, მოვლა უნდა.

„პირველ კბილსაც კი, რომელიც ამოიჭრება, მოვლა უნდა. კატეგორიულად იკრძალება ღამით დატკბილული სითხეების გამოყენება. უნდა გამოიყენოთ მხოლოდ წყალი. ნახშირწყლები და მჟავეები არის იდეალური საშუალება, რომ პირის ღრუში განვითარდეს კარიესი.

კბილს აქვს 5 ზედაპირი, უნდა მოხდეს ყველა ზედაპირის გაწმენდა. ჩვეულებრივი ჯაგრისით მხოლოდ ის ზედაპირები იწმინდება, რომლებიც ჩანს. კბილთაშორისი სივრცე რჩება ისე. კბილთაშორის ზედაპირებზე შეიძლება დიდი რაოდენობით დაგროვდეს ნადები. არსებობს კბილთაშორისი სპეციალური ჯაგრისები, რომლებიც სპეციალურად უნდა შეირჩეს,“ – განაცხადა ქეთევან გოგილაშვილმა.

#datashvil    #drpkhakadze  #sheniganatleba

მსოფლიოში პირველი CRISPR–Cas9 გენის რედაქტირების თერაპია ნამგლისებრუჯრედოვანი დაავადების და ტრანსფუზიაზე დამოკიდებული β-თალასემიის სამკურნალოდ

მიერ
© საქართველოს საზოგადოებრივი ჯანდაცვის ინსტიტუტი
-
0
დიდი ბრიტანეთი გახდა პირველი ქვეყანა, რომელმაც დაამტკიცა მსოფლიოში პირველი CRISPR–Cas9 გენის რედაქტირების თერაპია ნამგლისებრუჯრედოვანი დაავადების და ტრანსფუზიაზე დამოკიდებული β-თალასემიის სამკურნალოდ.
Casgevy (exagamglogene autotemcel) არის Vertex Pharmaceuticals-ისა და CRISPR Therapeutics-ის მიერ შვეიცარიაში შექმნილი ამ ტიპის პირველი თერაპიული მეთოდი.
რაც შეეხება ამერიკის შეერთებულ შტატებს, FDA -ს გადაწყვეტილი აქვს CRISPR ტექნოლოგიის კლინიკური გამოყენების დამტკიცება 8 დეკემბერს ნამგლისებრუჯრედოვანი დაავადებისთვის და 2024 წლის 30 მარტს β-თალასემიისთვის.
დღეს გენური ინჟინერია უკვე უამრავ სფეროში გამოიყენება, იქნება ეს ფარმაკოლოგია, სოფლის მეურნეობა, ენერგეტიკა თუ სხვა. კვლევებში, რომლებიც ამჟამად მიმდინარეობს, გენური ინჟინერიის სხვადასხვა მეთოდის საშუალებით, ეფექტურად ხდება სხვადასხვა დაავადებების განკურნება და ადამიანის დაბერების შეჩერება.
უშუალოდ CRISPR ტექნოლოგიის გამოყენებით მეცნიერებს ნებისმიერი ტიპის გენეტიკური მასალის უსწრაფესად დაკორექტირება, გენის ინაქტივაცია, შეკეთება ან ჩანაცვლება შეუძლიათ. ამ ტექნოლოგიას უამრავი დაავადების არამარტო მკურნალობა, არამედ ამ დაავადებების ადამიანის გენომიდან საერთოდ მოცილებაც კი შეუძლია.
იმ დაავადებების მოკლე ჩამონათვალი, რომლის დროსაც CRISPR ტექნოლოგიის გამოყენება ძალიან ეფექტურადაა შესაძლებილი, არის: ჰემოფილია, ბეტა-თალასემია, კისტოზური ფიბროზი, ნამგლისებრუჯრედოვანი ანემია, ჰანტინგტონის დაავადება, კუნთოვანი დისტროფია, ავთვისებიანი სიმსივნე, თვალის გენეტიკური დაავადებები(პიგმენტური რეტინიტი და ლებერის თანდაყოლილი ამავროზი), პარკინსონის დაავადება და სხვა.
მიუხედავად იმის, რომ ძალიან იმედისმომცემ და უზარმაზარი პოტენციალის მქონდ თერაპიაზე ვსაუბრობთ, ამ მეთოდის კლინიკურ პირობებში გამოყენების უფლება ეთიკასთან და უსაფრთხოებასთან დაკავშირებულ ბევრ კითხვას აჩენს. CRISPR გენის რედაქტირების ტექნოლოგიის კლინიკური გამოყენების ავტორიზაცია სამედიცინო ეთიკის სფეროში ახალი ერის დაწყებას უკავშირდება, იმის გათვალისწინებით, რომ არ შეიძლება ასეთი მძლავრი ტექნოლოგიის პოტენციურად ბოროტად გამოყენების შესაძლებლობის იგნორირება.

კვლევის შესახებ წერს აშშ-ში მოღვაწე ქართველი ექიმი, ქეთი შავლიაშვილი.
https://www.gov.uk/…/mhra-authorises-world-first-gene…

ოპერაციებზე გამოიყენება ისეთი ინოვაციური მიდგომები და ტექნიკა, როგორიცაა მინიმალური ინვაზიური ქირურგია და ინტრაოპერაციული ტომოგრაფია

მიერ
© საქართველოს საზოგადოებრივი ჯანდაცვის ინსტიტუტი
-
0
„ინოვას” ნეიროქირურგიულ განყოფილებაში დიაგნოსტიკისა და მკურნალობის თანამედროვე მეთოდების გამოყენებით ქირურგიული ჩარევები ტარდება თავის ტვინისა და ზურგის ტვინის სხვადასხვა პათოლოგიებზე
ოპერაციებზე გამოიყენება ისეთი ინოვაციური მიდგომები და ტექნიკა, როგორიცაა მინიმალური ინვაზიური ქირურგია და ინტრაოპერაციული ტომოგრაფია.

კლინიკები საერთაშორისო აკრედიტაციის გავლისთვის მზადებას იწყებენ.

საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.

მთავრობის გადაწყვეტილებით, საყოველთაო ჯანდაცვის პროგრამაში ჩართული ყველა კლინიკა ვალდებული იქნება მსოფლიოში მოქმედი სტანდარტები დააკმაყოფილოს და საერთაშორისო აკრედიტაციის ორგანოს აღიარება მოიპოვოს.

ამასთან, მიმდინარე წელს სამედიცინო დაწესებულებებმა უკვე უნდა წარადგინონ კონტრაქტი აკრედიტაციის ორგანოსთან. საერთაშორისო ექსპერტების მიერ მოხდება სამედიცინო მომსახურების ხარისხის, კლინიკებში არსებული პროცესებისა და ინფრასტრუქტურის შესაბამისობის დადგენა საერთაშორისო სტანდარტებისგან.

კანადის საერთაშორისო აკრედიტაციის ორგანომ, “ვივო მედიქალ ჯგუფში” გაერთიანებულ სამედიცინო ცენტრებთან თანამშრომლობის ხელშეკრულება გააფორმა.

2016 წელს სამედიცინო ცენტრების გაერთიანება“Vivo Medical Group” დაფუძნდა, რომელიც აერთიანებს საქართველოს ბაზარზე არსებულ წამყვან მულტრიპროფილურ ცენტრებს: თბილისის ცენტრალური საავადმყოფო, ჟორდანიას კლინიკა, ბოხუას სახელობის კარდიოვასკულარული ცენტრი, სამედიცინო ცენტრი ინოვა, ინოვა ინვიტრო.

რეპროდუქციული ჯანრმთელობის და ინვიტრო განაყოფიერების კლინიკა ინოვა ინვიტრო გაიხსნა 2016 წელს.

ინოვა ინვიტროს პრიორიტეტული სფეროა ქალისა და მამაკაცის უნაყოფობის ყველა პათოლოგიის სრულყოფილი დიაგნოსტირება და მართვა- მკურნალობის საერთაშორისო სტანდარტის გათვალისწინებით.

კლინიკის სპეციალისტები გვთავაზობენ მკურნალობის საერთაშორისო სტანდარტებს და ინტეგრირებულ მიდგომას, რაც მოიცავს კომპლექსურ დიაგნოსტიკასა და კონსულტაციას.

ექიმები არიან სერთიფიცირებული რეპროდუქტოლოგიასა და მეან-გინეკოლოგიაში და აქვთ ინვიტრო განაყოფიერების სფეროში მუშაობის 15 წლიანი გამოცდილება.

კლინიკის საქმიანობის მიმართულებებია:

  • ინვიტრო განაყოფიერება

  • ინსემინაცია

  • დონაცია-სუროგაციის პროგრამები

  • გინეკოლოგიური ენდოკრინოლოგია

  • ნეიროენდოკრინოლოგია

  • კონსერვატიული გინეკოლოგია

  • თვითნებითი აბორტების მიზეზის დადგენა და შესაბამისი მკურნალობა

  • კონტრაცეპცია

ინოვა ინვიტროს ექიმების წარმატება გუნდის გაერთიანებული ძალისხმევის შედეგია, რომელიც მკურნალობას ახორციელებს თანამედროვე ექსპერტული ცოდნის და ინოვაციების შესაბამისად. კლინიკა აღჭურვილია თანამედროვე ლაბორატორიულ-ინსტრუმენტული ტექნოლოგიებით. მკურნალობის დაწყებისას გჭირდებათ იმის გარანტია, რომ თქვენ ირჩევთ წარმატებულ პროგრამას. გაითვალისწინეთ, რომ წარმატების შეფასება დამოკიდებულია ინდივიდუალურ ფაქტორებზე. თქვენი რეპროდუქტოლოგი დაგეხმარებათ შეაფასოთ წარმატების შანსები თქვენს კონკრეტულ სიტუაციაში.

საქართველოში სამედიცინო დაწესებულებების აკრედიტაციის პროცესი დაიწყო.

მნიშვნელოვან კითხვებზე პასუხები – ძალიან საინტერესო ინტერვიუ გიორგი ფხაკაძესთან

1...773774775...1,083გვერდი 774 of 1,083

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights