კვირა, მაისი 10, 2026
მთავარი წაკითხვა გვერდი 770

რას წარმოადგენს მიოკარდიტი და რამდენად საშიშია ის ჩვენთვის?

მიერ
© საქართველოს საზოგადოებრივი ჯანდაცვის ინსტიტუტი
-
0

05/11/2023

ავტორი: ირინა დათაშვილი

#datashvil

ორგანიზმში პათოგენური აგენტების მოხვედრისას იმუნური სისტემა აქტიურდება და მის გასანადგურებლად წარმოქმნის ქიმიურ ნივთიერებებს, რათა თავიდან აგვარიდოს მათგან გამოწვეული ზიანი. როცა ჩვენი იმუნური სისტემა დაქვეითებულია, ან მავნე მიკროორგანიზმი თუ ვირუსი მეტად აგრესიულია, ორგანიზმი ვერ ახდენს სათანადოდ შეებრძოლოს მას. შედეგად კი ვითარდება მათგან გამოწვეული სიცოცხლისთვის საშიში მდგომარეობები და გართულებები. ვირუსული თუ ბაქტერიული ინფექციის ერთ-ერთი გართულებაა მიოკარდიტი.


რას წარმოადგენს მიოკარდიტი და რამდენად საშიშია ის ჩვენთვის? – ამ და სხვა მნიშვნელოვან თემებზე გვესაუბრება ჯო ენის საუნივერსიტეტო ჰოსპიტლის მოზრდილთა კარდიოლოგი ნინო ჯანაშია.


მიოკარდიტი არის დაავადება, რომელიც იწვევს გულის კუნთის (მიოკარდიუმის) ანთებას.


მიოკარდიუმი, გულის კუნთოვანი, ფუნქციურად ყველაზე მნიშვნელოვანი შრე, პასუხისმგებელია ამ ორგანოს შეკუმშვა-მოდუნებაზე, რაც გულში და მასთან ერთად მთელ სხეულში სისხლის ცირკულაციას უზრუნველყოფს.


გულის კუნთში მიმდინარე ანთებითი ცვლილებები გულის კუმშვადი ფუნქციის დაქვეითებას იწვევს, შედეგად დიდდება და სუსტდება გულის კუნთი, წარმოიქმნება ნაწიბუროვანი ქსოვილი, რაც შეკუმშვის უნარს ამცირებს და გულს მეტი ძალისხმევა სჭირდება სხეულისთვის სისხლის ადეკვატურად მიწოდებისთვის.


მსოფლიოში ყოველწლიურად მიოკარდიტის, დაახლოებით, 1,5 მილიონი შემთხვევა ფიქსირდება. ყოველი 100 000 ადამიანიდან 10-დან 20-მდე ადამიანი ავადდება. მიოკარდიტი ნებისმიერი ასაკის ადამიანს შეიძლება დაემართოს: ახალშობილს, ბავშვს, მოზარდს, ხშირია ახალგაზრდებში 50 წლამდე.


კაცები ორჯერ უფრო ხშირად ავადდებიან. ბავშვებსა და მოზარდებთან მიოკარდიტი უეცარი სიკვდილის მესამე წამყვანი მიზეზია. განსაკუთრებით რისკ-ჯგუფს მიეკუთვნებიან იმუნოსუპრესირებული (დაქვეითებული იმუნური სისტემით) ადამიანები.


რამ შეიძლება გამოიწვიოს მიოკარდიტი?


ზოგჯერ მიოკარდიტის გამომწვევი მიზეზის დადგენა ვერ ხერხდება, თუმცა, უხშირესად მისი გამომწვევი ვირუსული და ბაქტერიული ინფექციებია, ასევე სისტემური ანთებითი დაავადებები და ტოქსინები.


ვირუსები – რომლებიც ყველაზე ხშირად ასოცირდებიან მიოკარდიტთან: ადენოვირუსები (გრიპის გამომწვევი ვირუსები). კორონავირუსი COVID -19, კოქსაკის B ჯგუფის ვირუსები (ენტეროვირუსი); ეპშტეინ-ბარის ვირუსი (იწვევს ინფექციურ მონონუკლეოზს); ციტომეგალოვირუსი; C ჰეპატიტის ვირუსი; ჰერპესვირუსი; პარვოვირუს B19; ექოვირუსები (იწვევს კუჭ-ნაწლავის ინფექციებს). წითურას ვირუსი. მიოკარდიტი ხშირია აივ/შიდსით დაავადებულ პაციენტებში. ვირუსული მიოკარდიტის სიმძიმე დამოკიდებულია ვირუსის სახეობაზე, მის ვირულენტობაზე, ტროპიზმზე (პირველი დაავადების გამოწვევის უნარს აღნიშნავს, მეორე კი – სამიზნე ორგანოს დაზიანების უნარს) და ადამიანის იმუნური სისტემის მდგომარეობაზე.


ბაქტერია – მრავალ ბაქტერიას შეუძლია გამოიწვიოს მიოკარდიტი, მათ შორისაა: სტაფილოკოკი, სტრეპტოკოკი, დიფტერიის გამომწვევი ბაქტერია და ლაიმის დაავადების გამომწვევი ბაქტერია.


პარაზიტები – ტრიპანოსომა კრუზი, რომელიც იწვევს ჩაგასის დაავადებას და გადაეცემა მწერების საშუალებით.


ტოქსოპლაზმა – ამ ტიპის მიოკარდიტი ხშირია ცენტრალურ და სამხრეთ ამერიკაში, თუმცა, შესაძლოა შეგვხვდეს მოგზაურებში ან მსოფლიოს სხვა ქვეყნებიდან მიგრირებულ მოსახლეობაში.


სოკოები – ზოგიერთი საფუარა სოკო, როგორიცაა კანდიდა, ობის სოკო, როგორიცაა ასპერგილუსი და სხვა სოკოები.


სხვა მიზეზებია იმუნური რეაქცია მედიკამენტებსა (ანტიბიოტიკები, პენიცილინის და სულფანილამიდის ჯგუფის, კრუნჩხვის საწინააღმდეგო მედიკამენტები, ანტიდეპრესანტები) და ტოქსინებზე: ჭარბ ალკოჰოლზე, ნარკოტიკებზე(კოკაინი), მწერის, გველის ნაკბენზე, ვაქცინაზე, ქიმიური და რადიაციული თერაპიისთვის განკუთვნილ საშუალებებზე.


ასევე აღსანიშნავია სისტემური ავტოიმუნური დაავადებები, მაგალითად: სისტემური წითელი მგლურა და რევმატოიდული ართრიტი, რომელიც შეიძლება უძღოდეს წინ მიოკარდიტს.


რა სიმპტომებით ვლინდება მიოკარდიტი?


მიოკარდიტის დიაგნოსტიკა საკმაოდ რთულია, ვინაიდან გამოხატული სპეციფიკური სიმპტომატიკა არ გააჩნია, ზოგჯერ კი, შესაძლოა სულაც უსიმპტომოდ მიმდინარეობდეს.
მიოკარდიტის სიმპტომატიკა გარკვეულწილად დამოკიდებულია დაავადების გამომწვევ მიზეზზე.


ყველაზე ხშირი სიმპტომი გულმკერდში ტკივილია, რომელიც შეიძლება აღმოცენდეს როგორც მოსვენების, ისე ფიზიკური აქტივობის დროს. გავრცელდეს ბეჭში, მხარში, ზურგში. ხშირად ტკივილი მსგავსია სტენოკარდიული შეტევის.


ასევე დამახასიათებელია გრიპის მსგავსი სიმპტომები, როგორიცაა თავის, კუნთების, სახსრების და ყელის ტკივილი, ცხელება ან სუბფებრილური ტემპერატურის ეპიზოდები. დისპეფსიური მოვლენები (გულისრევა, ღებინება, დიარეა, მუცლის ტკივილი და შებერილობა).


არანამკურნალებ პირებში დაავადება დიდხანს და შეუმჩნევლად გრძელდება, რის შედეგადაც გულის კუნთის მნიშვნელოვანი დაზიანება ვითარდება და მოგვიანებით ვლინდება გულის უკმარისობისთვის დამახასიათებელი სიმპტომებით, როგორიცაა: სისუსტე, ადვილად დაღლა, ჰაერის უკმარისობა, ქოშინი უმნიშვნელო ფიზიკურ დატვირთვაზე, ზოგჯერ მოსვენებით მდგომარეობაშიც. ქვემო კიდურების, ტერფების, ხელის და ფეხის თითების, სახის შეშუპება, სწრაფი ან არარეგულარული გულისცემა (არითმია).


როგორ ხდება მიოკარდიტის დიაგნოსტიკა?


დიაგნოზის დასმისთვის მნიშვნელოვანია ანამნეზი. ახლო წარსულში გადატანილი დაავადებების, მათ შორის ვირუსული ინფექციის არსებობა, სხვადასხვა მედიკამენტების მოხმარება, გადატანილი ქიმიო თუ სხივური თერაპია, აუტოიმუნური დაავადებები, და ა.შ.


როდესაც ანამნეზი და სიმპტომები მიუთითებს მიოკარდიტის შესაძლო დიაგნოზზე, დამატებით ჩასატარებელი ტესტებია:

  • ელექტროკარდიოგრაფია (ეკგ);

  • ლაბორატორიული ანალიზები: კერძოდ, გულის ფერმენტები (კარდიოტროპონინი) და ანთებითი მარკერები;

  • ექოკარდიოგრაფია: საშუალებას იძლევა შეაფასოს გულის კუმშვადი ფუნქცია, გულის უკმარისობის ნიშნები;

  • გულის მაგნიტურ-რეზონანსული გამოსახულება გულის კუმშვადი ფუნქციის შეფასების გარდა, იძლევა მიოკარდიუმის ანთების უბნების ვიზუალიზაციის საშუალებას. ასევე, სასარგებლოა მომდევნო თვეებში მიოკარდიუმის აღდგენისა და ზოგადად პროგნოზის შესაფასებლად;

  • არასტაბილურ პაციენტებში, გართულებული ფორმებით, ან თუ რაიმე კონკრეტულ მიზეზზეა ეჭვი, შეიძლება ენდომიოკარდიული ბიოფსია. ლაბორატორიული ანალიზისთვის ხდება გულის კუნთის მცირე ნაწილის შერჩევა;

  • ზოგიერთ პაციენტში შეიძლება საჭირო გახდეს კორონაროგრაფიული კვლევის ჩატარება, რათა გამოირიცხოს კორონარული არტერიის დაავადება.


როგორ ვმკურნალობთ მიოკარდიტს?


მკურნალობა დამოკიდებული სიმპტომებზე და მათ გამომწვევ მიზეზზე.


თუ მიოკარდიტი ვირუსული წარმოშობისაა, დამატებით ინიშნება ანტივირუსული პრეპარატებიც. ანტიბიოტიკები, თუ მიზეზი არის ბაქტერიული ინფექცია. სისტემური დაავადების არსებობის შემთხვევაში ინიშნება კორტიკოსტეროიდები, რათა დაითრგუნოს იმუნური სისტემის აქტივობა და შემცირდეს გულის კუნთის დაზიანების ხარისხი.


ასევე ანთების საწინააღმდეგო არასტეროიდები, ტკივილგამაყუჩებლები. მაქსიმალურად უნდა შემცირდეს ფიზიკური დატვირთვა, თუ სპორტს მისდევს პაციენტი, უნდა შეწყვიტოს ვარჯიში სამი-ექვი თვით.


ზოგჯერ შესაძლოა მიოკარდიტმა გამოიწვიოს გულის უკმარისობა, დილატაციური კარდიომიოპათია. ამ შემთხვევაში პაციენტს ვმკურნალობთ გულის უკმარისობის შესაბამისი მკურნალობით. არითმიების შემთხვევაში, მედიკამენტებთან ერთად შესაძლოა საჭირო გახდეს პეისმეიკერის იმპლანტაცია.


პაციენტებში დილატაციური კარდიომიოპათიით, დეკომპენსირებული გულის უკმარისობის შემთხვევაში, შესაძლოა საჭირო გახდეს გულის გადანერგვაც კი. ახალგაზრდებში უეცარი სიკვდილიანობის თითქმის 20% დაკავშირებულია მიოკარდიტთან.


თუ პაციენტს ახლო წარსულში გადატანილი აქვს (ან მიმდინარეობს) ვირუსული ინფექცია, რასაც თან ახლავს მიოკარდიტისთვის დამახასიათებელი სიმპტომები, ან მიეკუთვნება მიოკარდიტის განვითარების რისკ-ჯგუფს, აუცილებლად უნდა მიმართოს კარდიოლოგს. ვინაიდან ექიმთან დროული ვიზიტი, ადრეული დიაგნოსტიკა და სწორად შერჩეული მკურნალობა მნიშვნელოვნად ამცირებს გართულებების რისკს და აუმჯობესებს დაავადების გამოსავალს. შესაბამისად, პროგნოზიც მეტად კეთილსაიმედოა.



ჯო ენის საუნივერსიტეტო ჰოსპიტალი “აკრედიტაცია კანადასთან“ ერთად იწყებს საერთაშორისო აკრედიტაციის სტანდარტებთან შესაბამისობაში მოყვანის პროცესს.

ლინკი:

https://www.accreditation.ge/post/%E1%83%AF%E1%83%9D-%E1%83%94%E1%83%9C%E1%83%98%E1%83%A1-%E1%83%A1%E1%83%90%E1%83%A3%E1%83%9C%E1%83%98%E1%83%95%E1%83%94%E1%83%A0%E1%83%A1%E1%83%98%E1%83%A2%E1%83%94%E1%83%A2%E1%83%9D-%E1%83%B0%E1%83%9D%E1%83%A1%E1%83%9E%E1%83%98%E1%83%A2%E1%83%90%E1%83%9A%E1%83%98-%E1%83%A1%E1%83%90%E1%83%94%E1%83%A0%E1%83%97%E1%83%90%E1%83%A8%E1%83%9D%E1%83%A0%E1%83%98%E1%83%A1%E1%83%9D-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%98%E1%83%A1-%E1%83%92%E1%83%90%E1%83%A1%E1%83%90%E1%83%95%E1%83%9A%E1%83%94%E1%83%9A%E1%83%90%E1%83%93-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%90-%E1%83%99%E1%83%90%E1%83%9C%E1%83%90%E1%83%93%E1%83%90%E1%83%A1%E1%83%97%E1%83%90%E1%83%9C




Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

მეცნიერება მოწევისთვის თავის დანებების სამი ყველაზე ეფექტიანი მეთოდი გამოავლინეს

მიერ
© საქართველოს საზოგადოებრივი ჯანდაცვის ინსტიტუტი
-
0

ერთ დიდ მიმოხილვაში, მეცნიერებმა ერთმანეთს შეადარეს მოწევისთვის თავის დანებების მეთოდები; შედეგად, გამოიკვეთა სამი აშკარა „გამარჯვებული“.

ბრიტანელ მკვლევართა განცხადებით, ყველაზე წარმატებული აღმოჩნდა პრეპარატები — ვარენიკლინი და ციტიზინი, ასევე ნიკოტინის შემცველი ელექტრონული სიგარეტი.

319 რანდომიზებულად კონტროლირებული ცდის ანალიზში სულ 157 179 მწეველი იყო ჩართული, რომლებმაც მოწევისთვის თავის დანებება სულ მცირე ექვსი თვით შეძლეს.

 

თურქეთში, „ანადოლუს სამედიცინო ცენტრში“, ონკოლოგიური დიაგნოზის მქონე ბავშვები მოინახულა

მიერ
© საქართველოს საზოგადოებრივი ჯანდაცვის ინსტიტუტი
-
0

04/11/2023

ავტორი: ირინა დათაშვილი

#datashvil


ევნილთა, შრომის, ჯანმრთელობისა და სოციალური დაცვის სამინისტრო ინფორმაციას ავრცელებს:


საქართველოს ჯანდაცვის მინისტრი, ზურაბ აზარაშვილმა, თურქეთში, „ანადოლუს სამედიცინო ცენტრში“, ონკოლოგიური დიაგნოზის მქონე ბავშვები მოინახულა. არასრულწლოვანები, თურქეთში, ონკოლოგიური დიაგნოზის მქონე ბავშვების მკურნალობის პროგრამის ფარგლებში იმყოფებიან და მათ მკურნალობას სახელმწიფო უზრუნველყოფს.


პროგრამის ფარგლებში, საქართველოდან საზღვარგარეთ უკვე 10 ბავშვი გაემგზავრა. 2-მა შესაბამისი სერვისი უკვე მიიღო და ქვეყანაში დაბრუნდა. 7 პაციენტი თურქეთში მკურნალობას განაგრძობს, ერთი კი ისრაელში, „იხილოვის სამედიცინო ცენტრში” მკურნალობს.


პროგრამა მიმდინარე წლის 1-ელ აგვისტოს დაიწყო და ონკოლოგიური დიაგნოზის მქონე ბავშვების მკურნალობას ესპანეთის „ქირონ სალუდის პროტონოთერაპიის ცენტრში“ , ისარელის „თელ-ავივ სოურასკის (იხილოვის) სამედიცინო ცენტრსა“ და თურქეთის „ანადოლუს სამედიცინო ცენტრში“ სახელმწიფო სრულად აფინანსებს.


პროგრამა, თითოეულ ბენეფიციარს, თანაბარ შესაძლებლობას აძლევს, მიიღოს მაღალტექნოლოგიური, მაღალი ხარისხის, სამედიცინო მომსახურება, რომელიც მოიცავს დიაგნოსტიკასა და მკურნალობის კურსს: ქიმიოთერაპიას, სხივურ თერაპიას, ოპერაციულ ჩარევას, ასევე, საჭიროების შემთხვევაში პროტონოთერაპიას. პროგრამას ჯანდაცვის სამინისტროს „სოლიდარობის ფონდი“ ახორციელებს.


საზღვარგარეთ მკურნალობის პროგრამა გარდამავალი ეტაპია, საქართველოში, თანამედროვე სტანდარტების, მაღალტექნოლოგიური აპარატურით აღჭურვილი ბავშვთა ონკოლოგიური სახელმწიფო ცენტრის გახსნამდე.


ცენტრში, ერთ სივრცეში იქნება ხელმისაწვდომი სამედიცინო სერვისების სრული სპექტრი.




Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

დემენციის დასაწყისია, თუ შეამჩნევთ, რომ… – ახალი კვლევა

მიერ
© საქართველოს საზოგადოებრივი ჯანდაცვის ინსტიტუტი
-
0
ხშირად, ისეთი მძიმე დიაგნოზი, როგორიცაა დემენცია, თავიდანვე რთული დასადგენია. თუმცა, ექიმებმა დაასახელეს ერთი ნიშანი, რომლის აღმოჩენისას ხანდაზმულ ნათესავს ყურადღება უნდა მიაქციოთ.

ნეიროფსიქოლოგ ჰენკ სვანეპოლის აზრით, ადამიანის იუმორის გრძნობის ცვლილება დემენციის დაწყებაზე მიუთითებს. ხუმრობები შეიძლება გახდეს დამცინავი და სასტიკი და თავად ადამიანი ამას ვერ შეამჩნევს.

„ხშირად, დემენციის მქონე პაციენტებს შეუძლიათ არაადეკვატური ხუმრობები ან ტაქტიკის ნაკლებობა გამოავლინონ“, – თქვა ექიმმა.

 
 
 

ნორმალურია თუ არა სიტყვების დავიწყება საუბრისას და როდის არის საშიში – მეცნიერების გაფრთხილება

მიერ
© საქართველოს საზოგადოებრივი ჯანდაცვის ინსტიტუტი
-
0
ნორმალურია თუ არა სიტყვების დავიწყება საუბრისას? როდის უნდა მივაქციოთ ყურადღება

ყველას ექნება დროდადრო სიტყვების მოძიების სირთულე, მაგრამ თუ ეს ხშირად ხდება სიტყვების, სახელებისა და რიცხვების ფართო სპექტრით, ეს შეიძლება იყოს ნევროლოგიური აშლილობის ნიშანი.

როდესაც ჯანსაღად მოლაპარაკე ვერ იხსენებს სიტყვას თავისი ლექსიკონიდან, მიუხედავად იმისა, რომ მან ეს სიტყვა იცოდა, ამას ენის მეცნიერები „ენის წვერის” ფენომენს უწოდებენ.

 

წაიკითხეთ სრულად

https://primetime.ge/news/mecniereba/normaluria-tu-ara-sityvebis-davitsyeba-saubrisas-da-rodis-aris-sashishi-metsnierebis-gafrtkhileba

2023 წლის ნობელის პრემია მედიცინასა და ფიზიოლოგიაში mRNA კოვიდვაქცინების ტექნოლოგიის შემქმნელებს

მიერ
© საქართველოს საზოგადოებრივი ჯანდაცვის ინსტიტუტი
-
0

03/11/2023

ავტორი: ირინა დათაშვილი

#datashvil

შვედეთის სამეფო ინსტიტუტის ნობელის ასამბლეამ გადაწყვიტა, რომ 2023 წლის ნობელის პრემია ფიზიოლოგიასა და მედიცინაში გადასცეს კატალინ კარიკოს და დრიუ ვაისმანს მათი აღმოჩენებისთვის ნუკლეოზიდური ფუძის იმ მოდიფიკაციათა შესახებ, რომლებმაც COVID-19-ის საწინააღმდეგო ეფექტიანი mRNA ვაქცინები შექმნა გახადა შესაძლებელი.


ნობელის ორი ლაურეატის აღმოჩენა კრიტიკულად მნიშვნელოვანი იყო 2020 წელს დაწყებული პანდემიისას COVID-19-ის საწინააღმდეგო ეფექტიანი mRNA ვაქცინების შესაქმნელად. თავიანთ რევოლუციური აღმოჩენებით, რომლებმაც ფუნდამენტურად შეცვალა ჩვენი წარმოდგენა ინფორმაციული რნმ-ის (mRNA) ჩვენს იმუნურ სისტემასთან ურთიერთქმედების შესახებ, ლაურეატებმა უპრეცედენტო წვლილი შეიტანეს ვაქცინის შექმნაში მაშინ, როდესაც ადამიანის ჯანმრთელობას თანამედროვე ეპოქაში ერთ-ერთი ყველაზე დიდი საფრთხე ემუქრებოდა.


ვაქცინები პანდემიამდე

ვაქცინაცია ასტიმულირებს იმუნური პასუხის წარმოქმნას კონკრეტული პათოგენისადმი. შედეგად, სხეული შემდეგში დაავადებასთან ბრძოლისთვის უკვე მზადაა, თუკი ის მას შეხვდება. უკვე დიდი ხანია, არსებობს ვაქცინები, რომლებიც მოკლულ ან შესუსტებულ ვირუსებს ეფუძნება. ამის მაგალითია პოლიოს, წითელას ან ყვითელი ცხელების ვაქცინები. 1951 წელს, ნობელის პრემია ფიზიოლოგიასა და მედიცინაში მაქს ტეილერს სწორედ ყვითელი ცხელების საწინააღმდეგო ვაქცინის შექმნისთვის გადაეცა.



ბოლო ათწლეულებში მოლეკულურ ბიოლოგიაში მიღწეული პროგრესის წყალობით, შეიქმნა ვაქცინები, რომლებიც არა მთლიან ვირუსებს, არამედ მხოლოდ მათ ცალკეულ კომპონენტებს ეფუძნება. ამ ვირუსული გენეტიკური კოდის ნაწილი, რომლებშიც ძირითადად ვირუსის ზედაპირზე არსებული ცილებია ჩაშიფრული, გამოიყენება იმ ცილების წარმოსაქმნელად, რომლებიც განაპირობებენ ვირუსების დამბლოკავი ანტისხეულების წარმოქმნას. ამის მაგალითია B ჰეპატიტისა და ადამიანის პაპილომავირუსის საწინააღმდეგო ვაქცინები. ამავე დროს, ვირუსული გენეტიკური კოდის შეიძლება გარდაიქმნას უსაფრთხო გადამტან ვირუსად, რასაც „ვექტორს“ უწოდებენ.


ეს მეთოდია გამოყენებული ებოლას ვირუსის საწინააღმდეგო ვაქცინაში. ვექტორული ვაქცინების გაკეთებისას, ჩვენს უჯრედებში წარმოიქმნება კონკრეტული ვირუსული ცილები, რომლებიც ასტიმულირებენ იმუნურ პასუხს სამიზნე ვირუსის წინააღმდეგ.


მთლიან ვირუსზე, ცილაზე ან ვექტორზე დაფუძნებული ვაქცინების შექმნა ფართომასშტაბიან უჯრედულ კულტურას მოითხოვს. რესურსებზე ასე დამოკიდებული პროცესი ეპიდემიის ან პანდემიის დროს ვაქცინების სწრაფად წარმოების შესაძლებლობას ზღუდავს. შესაბამისად, მეცნიერები დიდხანს ცდილობდნენ ვაქცინის ისეთი ტექნოლოგიების შექმნას, რომლებიც უჯრედულ კულტურაზე აღარ იქნებოდა დამოკიდებული. ეს მცდელობა საკმაოდ რთული აღმოჩნდა.


mRNA ვაქცინები

ჩვენს უჯრედებში, დნმ-ში ჩაშიფრული გენეტიკური ინფორმაცია ინფორმაციულ რნმ-ს (mRNA) გადაეცემა, რომელიც ცილების წარმოების ერთგვარ შაბლონად გამოიყენება. 1980-იან წლებში შეიქმნა ეფექტიანი მეთოდი რომლითაც mRNA უჯრედული კულტურის გარეშე იწარმოებოდა; ამას in vitro ტრანსკრიფცია უწოდეს. ამ გადამწყვეტმა ნაბიჯმა დააჩქარა მოლეკულური ბიოლოგიის გამოყენება რამდენიმე სფეროში.


გაჩნდა იდეა mRNA ტექნოლოგიების ვაქცინებსა და სხვა პრეპარატებში გამოყენების შესახებაც, მაგრამ იქვე თავი იჩინა დაბრკოლებებმა. In vitro ტრანსკრიბირებული mRNA არასტაბილურად მიიჩნეოდა და რთული იყო მისი მიწოდება, რაც მოითხოვდა გადამტანი ლიპიდების დახვეწილი სისტემების შექმნას, რომლებშიც mRNA უნდა გახვეულიყო. ამას გარდა, in vitro წარმოებული mRNA იწვევდა ანთებით რეაქციებს. ამიტომ, კლინიკური მიზნებისთვის mRNA ტექნოლოგიის შექმნის ენთუზიაზმი საკმაოდ შეზღუდული იყო.


ამ დაბრკოლებებმა ხელი ვერ შეუშალა უნგრელ ბიოქიმიკოს კატალინ კარიკოს, რომელიც მკურნალობაში mRNA-ის გამოყენების მეთოდების შექმნაზე მუშაობდა. 1990-იანი წლების დასაწყისში, როდესაც ის პენსილვანიის უნივერსიტეტის ასისტენტ-პროფესორი იყო, ერთგული რჩებოდა თავისი ხედვისა, რომლის მიხედვითაც, მკურნალობაში mRNA-ის გამოყენება შესაძლებელი იყო, მიუხედავად იმ მრავალი სირთულისა, რასაც საკუთარი პროექტების დონორების დარწმუნებაში აწყდებოდა. უნივერსიტეტში კარიკოს ახალი კოლეგა გახდა იმუნოლოგი დრიუ ვაისმანი.


ის დენდრიტული უჯრედებით იყო დაინტერესებული, რომლებსაც მნიშვნელოვანი ფუნქცია აქვთ იმუნურ მეთვალყურეობაში და ვაქცინით გამოწვეული იმუნური პასუხების გააქტიურებაში.


ახალი იდეებით აღფრთოვანებული ორი მკვლევრის თანამშრომლობა მალევე დაიწყო და ის ფოკუსირებული იყო, როგორ ურთიერთქმედებდა სხვადასხვა ტიპის რნმ იმუნურ სისტემასთან.


გარღვევა

კარიკომ და ვაისმანმა შენიშნეს, რომ დენდრიტული უჯრედები in vitro ტრანსკრიბირებულ mRNA-ს უცხო ნივთიერებად აღიქვამდნენ, რაც მათ გააქტიურებას და ანთებითი სასიგნალო მოლეკულების გამოყოფას იწვევდა. მათ აინტერესებდათ, რატომ აღიქმებოდა in vitro ტრანსკრიბირებული mRNA უცხო სხეულად მაშინ, როცა ძუძუმწოვართა უჯრედების mRNA იგივე რეაქციას არ იწვევდა. კარიკომ და ვაისმანმა გააცნობიერეს, რომ სხვადასხვა ტიპის mRNA-ში უნდა ერთმანეთისგან გამორჩეულიყო ზოგიერთი კრიტიკული თვისება.


რნმ ოთხ ფუძეს შეიცავს, რომელთა აბრევიატურებია A, U, G და C; შეესაბამებიან დნმ-ში არსებულ A, T, G და C გენეტიკურ კოდებს. კარიკომ და ვაისმანმა იცოდნენ, რომ ძუძუმწოვართა უჯრედების რნმ-ს ხშირად ქიმიურად მოდიფიცირებული ფუძეები ჰქონდა, რაც არ გააჩნდა in vitro ტრანსკრიბირებულ mRNA-ს. მათ აინტერესებდათ, ახსნიდა თუ არა არასასურველ ანთებით რეაქციას in vitro ტრანსკრიბირებულ რნმ-ში შეცვლილი ფუძეების არარსებობა. ამის გასარკვევად, მათ mRNA-ს სხვადასხვა ვარიანტები შექმნეს, რომელთაგან თითოეულს ფუძეში ჰქონდა უნიკალური ქიმიური ცვლილებები, რომლებსაც ისინი დენდრიტულ უჯრედებს გადასცემდნენ.


შედეგი გასაოცარი იყო: mRNA-ში შეტანილი მოდიფიკაციების შემდეგ, ანთებითი პასუხი თითქმის მთლიანად გაქრა. ეს გახლდათ პარადიგმის ცვლილება ჩვენს წარმოდგენაში უჯრედების მიერ სხვადასხვა სახის mRNA-ის ამოცნობისა და რეაგირების შესახებ. კარიკო და ვაისმანი მაშინვე მიხვდნენ, რომ მათ აღმოჩენას დიდი მნიშვნელობა ჰქონდა მკურნალობაში mRNA-ს გამოყენებისთვის. მათ მიერ მიღებული ასეთი შედეგები ოფიციალურად 2005 წელს გამოქვეყნდა, COVID-19-ის პანდემიის დაწყებამდე 15 წლით ადრე.


2008 და 2010 წლებში გამოქვეყნებულ კვლევებში, კარიკომ და ვაისმანმა აჩვენეს, რომ ფუძეების შეცვლით დამზადებული mRNA-ის შეყვანა მნიშვნელოვნად ზრდიდა ცილების წარმოებას, ვიდრე შეუცვლელი mRNA. ამ ეფექტის მიზეზი იყო ცილების წარმოების მარეგულირებელი ფერმენტის შემცირებული აქტივაცია. იმის აღმოჩენით, რომ ფუძის მოდიფიკაციები ანთებით რეაქციებსაც ამცირებდა და ცილების წარმოებასაც ზრდიდა, კარიკომ და ვაისმანმა სრულიად მოსპეს ის კრიტიკული დაბრკოლებები, რომლებიც mRNA-ის კლინიკურ გამოყენებას ეღობებოდა.


mRNA ვაქცინები


mRNA ტექნოლოგიისადმი ინტერესმა ზრდა დაიწყო და 2010 წელს, ამ მეთოდის შექმნაზე უკვე რამდენიმე კომპანია მუშაობდა. შეიქმნა ვაქცინები ზიკას ვირუსისა და MERS-CoV-ის წინააღმდეგ; ეს უკანასკნელი COVID-19-ის გამომწვევი კორონავირუსის, SARS-CoV-2-ის ახლო ნათესავია.


COVID-19-ის პანდემიის დაწყების შემდეგ, რეკორდული სიჩქარით შეიქმნა ორფუძეშეცვლილი mRNA ვაქცინები, რომლებშიც SARS-CoV-2-ის ზედაპირის ცილა იყო ჩაშიფრული. ვაქცინების ეფექტიანობა დაახლოებით 95 პროცენტი იყო და ორივე ვაქცინა მარეგულირებლებმა 2020 წლის დეკემბერში დაამტკიცეს.


mRNA ვაქცინების შთამბეჭდავი მოქნილობა და შექმნის სიჩქარე გზას უხსნის სხვა ინფექციურ დაავადებათა ვაქცინების ახალ პლატფორმებს. მომავალში, ეს ტექნოლოგია შეიძლება გამოიყენონ თერაპიული ცილების შესაყვანად ზოგიერთი ტიპის კიბოს სამკურნალოდ.


SARS-CoV-2-ის წინააღმდეგ ასევე სწრაფად შეიქმნა სხვადასხვა მეთოდოლოგიაზე დაფუძნებული სხვა რამდენიმე ვაქცინაც; საერთო ჯამში, გლობალურად მოხდა COVID-19-ის ვაქცინის 13 მილიარდზე მეტი დოზის ადმინისტრირება. ამ ვაქცინებმა მილიონობით ადამიანის სიცოცხლე გადაარჩინეს და მრავალ ადამიანს დაავადების გართულება აარიდეს. სწორედ ამ ყველაფერმა განაპირობა, რომ საზოგადოება ნორმალურ ცხოვრებას დაუბრუნდა.


ინფორმაციული რნმ-ის (mRNA) ფუძის მოდიფიკაციების მნიშვნელობის შესახებ ფუნდამენტური აღმოჩენებისა გამო, ნობელის პრემიის წლევანდელმა ლაურეატებმა კრიტიკულად მნიშვნელოვანი წვლილი შეიტანეს ჩვენი დროის ჯანდაცვის ერთ-ერთი უდიდესი კრიზისის დაძლევაში.


მომზადებულია nobelprize.org-ის მიხედვით.




Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze


წყარო: https://1tv.ge/news/2023-wlis-nobelis-premia-medicinasa-da-fiziologiashi-mrna-kovidvaqcinebis-teqnologiis-shemqmnelebs-gadaeca-1tvmecniereba/



მეცნიერები მუშაობენ აბზე, რომელსაც ვარჯიშის ეფექტი ექნება

მიერ
© საქართველოს საზოგადოებრივი ჯანდაცვის ინსტიტუტი
-
0
მეცნიერები მუშაობენ პრეპარატზე, რომელსაც ვარჯიშის ეფექტი, ფიზიკური აქტივობის გარეშე, ექნება. მათ აბი თაგვებზე გამოცადეს.

ინფორმაციას უცხოური მედია ავრცელებს.

„ახლად შემუშავებულმა ნაერთმა — SLU-PP-332 თაგვებზე კარგად იმოქმედა. მღრნელებმა წონაში დაიკლეს და მეტაბოლიზმი გაუუმჯობესდათ. ამან თაგვების ფიზიკური შესაძლებლობები გაზარდა და ეს ყველაფერი ვარჯიშის გარეშე“, – აღნიშნულია ფლორიდის უნივერსიტეტის პრესრელიზში.

 

„ნაერთი კუნთებზე დაახლოებით ისე მოქმედებს, როგორც ფიზიკური ვარჯიში”, – განაცხადა კვლევის ავოტორმა, თომას ბურისმა.

 

SLU-PP-332 პირდაპირ EFF ცილებზე მოქმედებს. ეს ცილები სხეულის ენერგიით მომარაგებაზე არიან პასუხისმგებელი. ცილები ბუნებრივად ვარჯიშის დროს გამოიყოფა, მაგრამ ახლა დასტურდება, რომ მათი სტიმულირება წამლითაც შეიძლება.

 

„როცა თაგვებს ამ ნაერთს ვაძლევთ, მთელი ორგანიზმის მეტაბოლიზმი ცხიმოვანი მჟავების გამოყენებაზე გადადის. ეს იმას ჰგავს რაც ვარჯიშისას ხდება. ასეთ დროს თაგვები ზედმეტ წონას კარგავენ”, – ამბობს ბურისი.

 

რა თქმა უნდა, თაგვები ადამიანები არ არიან, ამიტომ ზუსტად არ ვიცით როგორ იმოქმედებს ეს ჩვენზე.

 

მსგავს პრეპარატებზე მეცნიერები დიდი ხანია მუშაობენ. როგორც ბურისი ამბობს, მათ მიერ მიღებული ნაერთი განსხვავებულია. ამის არგუმენტად მას მოჰყავს ის ფაქტი, რომ თაგვებს არანაირი გვერდითი ეფექტი არ გამოუვლინდათ.

 

აბზე მომუშავე მეცნიერებმა აღნიშნეს, რომ კვლევების გაგრძელებას აპირებენ.

 
 
 

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

 

https://youtube.com/@drpkhakadze

 

აკრედიტაცია კანადა ძალიან აქტიურად მუშაობს…

მიერ
© საქართველოს საზოგადოებრივი ჯანდაცვის ინსტიტუტი
-
0
საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე საქართველოში ჩამოვიდა.

საქართველოში სამედიცინო დაწესებულებების აკრედიტაციის პროცესი დაიწყო.

საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.

„აკრედიტაცია კანადა მსოფლიოს 40-მდე ქვეყანაში 15,000-მდე ორგანიზაციას დაეხმარა, რომ დანერგონ საერთაშორისო სტანდარტი თავიანთ სამედიცინო დაწესებულებებში“, – ამბობს გიორგი ფხაკაძე.

ორგანიზაციამ საქართველოში უკვე ჩამოაყალიბა ოფისი, რომელიც ქართველ ექსპერეტებს მოამზადებს, რომლებიც შემდგომში დაეხმარებიან კლინიკებს საერთაშორისო სტანდარტების დაკმაყოფილებაში.

მთავრობის დადგენილება საყოველთაო ჯანდაცვის პროგრამაში ჩართულ კლინიკებს, 2025 წლის იანვრიდან საერთაშორისო აკრედიტაციის გავლას ავალდებულებს.

ხარისხიანი ჯანდაცვა, სამედიცინო სერვისები, კვალიფიციური პერსონალი და გამართული ინფრასტრუქტურა – ეს იმ სტანდარტების ნაწილია, რომელსაც კლინიკები უნდა აკმაყოფილებდნენ.

გიორგი ფხაკაძე მოუწოდებს კლინიკებს, დროულად დაიწყონ აკრედიტაციისთვის მზადების პროცესი, რასაც, შეიძლება რამდენიმე თვე ან წელი დაჭირდეს.

საზოგადოებრივი ჯანდაცვის ექსპერტი, ორგანიზაციის – „კანადა აკრედიტაციის“ ხელმძღვანელი გიორგი ფხაკაძე აცხადებს, რომ გადავდივართ რაოდენობრივ, ხარისხიან ჯანდაცვაზე, რათა ჯანდაცვა იყოს ხარისხიანი და კარგი.

მთავრობის დადგენილებით, 2025 წლის იანვრიდან ყველა სამედიცდინო დაწესებულება, რომელიც საყოველთაო ჯანდაცვის პროგრამაში მონაწილეობს, ვალდებული იქნება საერთაშორისო აკრედიტაცია გაიაროს.

2023 წლის ბოლომდე მათ დოკუმენტაციის გადაგზავნის პირველი ეტაპის ვადა ეწურებათ. ყველა სამედიცინო დაწესებულება მზადების აქტიურ ფაზაშია.

როგორია კრიტერიუმები და რას შეცვლის აკრედიტაციის ამ წესის შემოღება ქვეყნის ჯანდაცვის სისტემაში?

პაციენტსა და თანამშრომელზე ორიენტირება, უსაფრთხოება, ხარისხისა და კლინიკური რისკის მართვა, ინფორმაცია და კომუნიკაცია, ბოლოს კი ხელმძღვანელობის პრაქტიკა, ეს ის კრიტერიუმებია, როლმლითაც მსოფლიოში მოქმედი ყველა კლინიკა საერთაშორისო აკრედიტაციას გადის.

მთავრობის დადგენილებით, ამ აკრედიტაციის მიღება საქართველოში მოქმედი ყველა საავადმყოფოსთვის სავალდებულო ხდება.

2023 წლის ბოლომდე კლინიკებს პირველი ეტაპის ბოლო ვადა აქვთ. ამ ხნის განმავლობაში მათ აკრედიტაციის გამცემ კომპანიასთან კონტრაქტის გაფორმება უნდა მოასწრონ.

„მაქსიმალურად ვცდილობ, თქვენამდე მოვიდეს ინფორმაცია, რომელიც თქვენ დაგეხმარებათ მიიღოთ სწორი გადაწყვეტილება ჯანდაცვის კუთხით, თქვენს ჯანმრთელობასთან დაკავშირებით.

ასევე ვცდილობ მოგაწოდოთ ინფორმაცია, რომელიც არის ხელმისაწვდომი საზოგადოებისათვის თქვენთვის ხელმისაწვდომ ენაზე“, – განაცხადა გიორგი ფხაკაძემ.

28 სექტემბერს, სასტუმრო იოტაში, შეხვედრა გაიმართა სამედიცინო დაწესებულებების წარმომადგენლებთან საავადმყოფოების საერთაშორისო აკრედიტაციის ყველა პირობების გასაგებად.

„გუშინ მქონდა შეხვედრა სამედიცინო დაწესებულებების წარმომადგენლებთან. კიდევ ერთხელ განვიხილეთ, თუ რა არის სამედიცინო დაწესებულებების აკრედიტაციის გამოწვევა. საქართველოში საავადმყოფოების მხრივ ძალიან დიდი პრობლემაა“, – განაცხადა გიორგი ფხაკაძემ.

მისი თქმით, აკრედიტაცია კანადა ძალიან აქტიურად მუშაობს. პროცესში უკვე ჩართულია 14 სამედიცინო დაწესებულება. ორ სამედიცინო დაწესებულებასთან მალე დასრულდება მოლაპარაკება.

„აკრედიტაცია კანადა საქართველოში დაეხმარება მაქსიმუმ 22 სამედიცინო დაწესებულებას.

ჩვენი გუნდი დაკომპლექტებულია ყველაზე მაღალი დონის სპეციალისტებით. ეს არის ერთადერთი გუნდი საქართველოში, რომელსაც აქვს საერთაშორისო აკრედიტაციის ექსპერტიზა. ერთადერთი მაკრედიტებელი საერთაშორისო საქართველოში არის აკრედიტაცია კანადის გუნდი, რომლის ხელმძღვანელიც არის გიორგი ფხაკაძე.

ჩვენ გვაინტერესებს ხარისხიანი სერვისების მიწოდება იმ სამედიცინო დაწესებულებისთვის, რომლებიც შეძლებენ და აქვთ ინტერესი გაიარონ საერთაშორისო აკრედიტაცია.

რაც შეეხება სხვა მაკრედიტებელ ორგანიზაციებს, რომლებიც არიან ჯანდაცვის სამინისტროს სიაში, ამასთან დაკავშირებით მე ვისაუბრებ მომავალში. მე არ მაქვს პრეტენზია ჯანდაცვის სამინიოსტროსთან. მე მაქვს პრეტენზია იმ საავადმყოფოებთან, რომლებიც იღებენ არასწორ გადაწყვეტილებებს.

ხარისხიანი ჯანდაცვა ეს არის საქართველოს მოქალაქის უფლება და არა ფუფუნება…“ – აღნიშნა გიორგი ფხაკაძემ.

საქართველოში სამედიცინო დაწესებულებების აკრედიტაციის პროცესი დაიწყო.

ლინკი: https://www.accreditation.ge/post/%E1%83%A1%E1%83%90%E1%83%94%E1%83%A0%E1%83%97%E1%83%90%E1%83%A8%E1%83%9D%E1%83%A0%E1%83%98%E1%83%A1%E1%83%9D-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%98%E1%83%A1-%E1%83%9D%E1%83%A0%E1%83%92%E1%83%90%E1%83%9C%E1%83%98%E1%83%96%E1%83%90%E1%83%AA%E1%83%98%E1%83%90%E1%83%A1-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%90-%E1%83%99%E1%83%90%E1%83%9C%E1%83%90%E1%83%93%E1%83%90%E1%83%A1-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A8%E1%83%98-%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94

მნიშვნელოვან კითხვებზე პასუხები – ძალიან საინტერესო ინტერვიუ გიორგი ფხაკაძესთან

ლინკი: https://www.accreditation.ge/post/%E1%83%9B%E1%83%9C%E1%83%98%E1%83%A8%E1%83%95%E1%83%9C%E1%83%94%E1%83%9A%E1%83%9D%E1%83%95%E1%83%90%E1%83%9C-%E1%83%99%E1%83%98%E1%83%97%E1%83%AE%E1%83%95%E1%83%94%E1%83%91%E1%83%96%E1%83%94-%E1%83%9E%E1%83%90%E1%83%A1%E1%83%A3%E1%83%AE%E1%83%94%E1%83%91%E1%83%98-%E1%83%AB%E1%83%90%E1%83%9A%E1%83%98%E1%83%90%E1%83%9C-%E1%83%A1%E1%83%90%E1%83%98%E1%83%9C%E1%83%A2%E1%83%94%E1%83%A0%E1%83%94%E1%83%A1%E1%83%9D-%E1%83%98%E1%83%9C%E1%83%A2%E1%83%94%E1%83%A0%E1%83%95%E1%83%98%E1%83%A3-%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94%E1%83%A1%E1%83%97%E1%83%90%E1%83%9C

 
 

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

 
 

გაეროს გენ ასამბლეაზე ორი ქართველი მთელს მსოფლიოს აჩვენა პროფესიონალუზმი…

მიერ
© საქართველოს საზოგადოებრივი ჯანდაცვის ინსტიტუტი
-
0
04/10/2018 წელს ნიუ-იორკში, გაეროს გენ ასამბლეაზე ორი ქართველი მთელს მსოფლიოს აჩვენა პროფესიონალუზმი.
 

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე წერს:

 

„გაეროს გენერალური მდივნის დამოუკიდებელ ექსპერთა საბჭოს (IAP) 2018 წლის ანგარიში საქართველოს გამოცდილებას ეხმიანება ჯანდაცვის სფეროში კერძო სექტორის რეგულირების თაობაზე.


აღნიშნულ საკითხს მოიცავდა მარიამ ჯაშის გამოსვლაც ნიუ-იორკში შეხვედრაზეც, რომელსაც საერთაშორისო საპარლამენტო კავშირის, მსოფლიო ეკონომიკური ფორუმის, გაეროს სააგენტოებისა და სხვა საერთაშორისო ორგანიზაციების ხელმძღვანელები ესწრებოდნენ.


აღსანიშნავია, რომ გაეროს გენერალური მდივნის ექსპერტთა საბჭოს ათ წევრს შორის ჯანდაცვის სფეროში ქართველი ექსპერტი გიორგი ფხაკაძეა, რომელმაც უმნიშვნელოვანი წვლილი შეიტანა 2018 წლის ანგარიშში საქართველოს გამოცდილების დოკუმენტაციაში.

”გაეროს აღნიშნულ ანგარიშში საქართველოს გამოცდილებაზე საუბარი უმნიშვნელოვანესია. ეს პლატფორმა საშუალებას გვაძლევს გავაფართოვოთ საერთაშორისო თანამშრომლობა დედათა, ბავშვთა და ახალგაზრდების ჯანმრთელობის სფეროში” – აცხადებს მარიამ ჯაში


კომიტეტის თავმჯომარე ასევე აღნიშნავს, რომ 2018 წლის თებერვალში საქართველოში IAP ექსპერტთა ვიზიტის ორგანიზებას მნიშვნელოვნად შეუწყო ხელი გაეროს მუდმივმა წარმომადგენლობამ ნიუ-იორკში ბატონი კახა იმნაძის ხელმძღვანელობით და IAP საბჭოსთან თანამშრომლობის მომდევნო ნაბიჯებშიც არსებითი იქნება საქართველოს მისიის როლი.


დეტალურად შეხვედრის შესახებ იხილეთ ბმული


https://iapewec.org/news/2018-report-launch/
Mariam Jashi
Permanent Mission of Georgia to the United Nations

 
 
 

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

 

https://youtube.com/@drpkhakadze

 

 

ფიზიოლოგიასა და მედიცინაში ნობელის პრემია გადაეცათ – ვაქცინები

მიერ
© საქართველოს საზოგადოებრივი ჯანდაცვის ინსტიტუტი
-
0

03/11/2023

ავტორი: ირინა დათაშვილი

#datashvil

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ინფორმაციას ავრცელებს:


კატალინ კარიკოს და დრიუ ვაისმანს, რომელთა ტექნოლოგიითაც კოვიდპანდემიასთან საბრძოლველად ვაქცინები შეიქმნა, ფიზიოლოგიასა და მედიცინაში ნობელის პრემია გადაეცათ | შვედეთის სამეფო მეცნიერებათა აკადემიის წევრებმა მათ პრემია გადასცეს აღმოჩენებისთვის, რომლებიც ნუკლეოზიდური ბაზის მოდიფიკაციას შეეხება, რამაც Covid-ის წინააღმდეგ ეფექტური mRNA ვაქცინების შექმნა გახადა შესაძლებელი.


Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze

1...769770771...1,036გვერდი 770 of 1,036

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights