აფხაზეთში მკვეთრად გაიზარდა ყივანახველის შემთხვევები.
სოხუმის ინფექციური საავადმყოფოს მთავარი ექიმი ასტამურ გუნია ყივანახველის გავრცელებას მშობლების დიდი ნაწილის აცრაზე უარს უკავშირებს.
საქართველოს ოკუპირებული რეგიონის ე.წ. სანიტარიულ-ეპიდემიოლოგიურ სამსახურში მომხდარს ამ ეტაპზე ეპიდემიად არ მიიჩნევენ, თუმცა, ექსპერტების შეფასებით, სიტუაცია საკმაოდ მძიმეა.
სექტემბერ-ოქტომბერში გუდაუთის რაიონში ყივანახველას 72 შემთხვევა გამოვლინდა.
ყივანახველას აცრა ადრეულ ასაკში კეთდება.
სოხუმის ინფექციური საავადმყოფოს მთავარმა ექიმმა ასტამურ გუნიამ განაცხადა:
„სიტუაცია რთულია, მშობლები არ გვაძლევენ შვილების ვაქცინაციაზე თანხმობას, ისინი კატეგორიულად ეწინააღმდეგება აცრას. საბჭოთა პერიოდში ყველა, გამონაკლისის გარეშე, ვაქცინირებული ვიყავით და ვინც არ იყო აცრილი, არ უშვებდნენ სკოლაში და საბავშვო ბაღებში, ახლა ეს ყველაფერი ნებაყოფლობითია. მშობლის უარის შემთხვევაში, ბავშვები არ იცრებიან, ამიტომ ძალიან უჭირთ დაავადებასთან გამკლავება. ეს სიტუაციაა რუსეთშიც“.
მისი თქმით, სტატისტიკა ზუსტი არ არის, მხოლოდ ისინი მიმართავენ, ვისაც დაავადება ურთულდება.
„შვილების ვაქცინაციაზე მხოლოდ იმიტომ, რომ აცრების ეშინიათ. განსაკუთრებით ერთი და ორი თვის ჩვილებისთვის არის ეს საშიში, არსებობს სიკვდილის საფრთხეც. ისინი ამბობენ, – არ გვინდა ამის გაკეთებაო…
ინტერნეტში რაღაც წაიკითხეს ან მეზობელმა უთხრა. არც ერთ არ აქვს სამედიცინო განათლება და არ იციან რა გართულებები შეიძლება მოჰყვეს, სიკვდილიც კი.
ყველას ვურჩევ, გაიკეთონ აცრა. ჩვენ ყველა 100%-ით ვაქცინირებული ვიყავით, ჩვენი შვილებიც აცრილი იყვნენ, ჩვენი შვილების მტრები არ ვართ? როგორ შეგიძლია უარი თქვა და აიღო ასეთი პასუხისმგებლობა?!“.
ყივანახველას საწინააღმდეგო აცრა ოკუპირებული აფხაზეთის ყველა რეგიონის ნებისმიერ კლინიკაში სრულიად უფასოა.
სოხუმში Covid-ის მრავალი შემთხვევა ფიქსირდება. საბედნიეროდ, ხალხს ის ადვილად გადააქვს“, – აღნიშნა მან.
წყარო
