მსოფლიოში ხუთ მილიონზე მეტი ადამიანი იტანჯება დაავადებით სახელწოდებით ლუპუსი, რომელიც ფაქტობრივად არ იკურნება. არსებობს დაავადების რამდენიმე ნიშანი, რომელსაც ყურადღება უნდა მიაქციოთ იქამდე, სანამ ის პროგრესირდება.
როდის მიგვაქვს ეჭვი ჭიებზე (ნაწლავის პარაზიტებზე)?
როდის მიგვაქვს ეჭვი ჭიებზე (ნაწლავის პარაზიტებზე)?
მუცლის ტკივილი;
კბილების კრაჭუნი;
უსიამოვნო სუნი პირის ღრუში;
თავის ტკივილი ან უკანა ტანის ქავილი;
ნერწყვისდენა;
უმადობა ან პირიქით გაძლიერებული მადა;
ტკივილი ეპიგასტრიუმის არეში;
მარჯვენა ფერდქვეშა არეში;
აგზნებულობა;
თვალის უპეების ჩაშავება;
გულის რევის შეგრძნება;
სახის მიმიკური კუნთების უნებლიე მოძრაობა;
გამონაყარი;
ეს ის სიმპტომებია,რომელთა გამოვლენის დროსაც ეჭვი მიგვაქვს პარაზიტების არსებობაზე ორგანიზმში.
ასეთ დროს აუცილებელია კვლევა ჩავატაროთ მხოლოდ სწორი მეთოდით- განავლისა და პერიანალური ნაცხის მიკროსკოპიით (და არა სისხლით).
ფრინველის გრიპის მაღალპათოგენური შტამის ეპიდაფეთქება დაფიქსირდა
ბელგიაში, ერთ-ერთ მეფრინველეობის ფერმაზე ფრინველის გრიპის H5N1-ის ახალი მაღალპათოგენური შტამის ეპიდაფეთქება დაფიქსირდა. იტყობინება ცხოველთა ჯანმრთელობის მსოფლიო ორგანიზაციის (WOAH) მონაცემებზე დაყრდნობით Reuters-ი.
ფერმა ბელგიაში, საფრანგეთის საზღვართან მდებარეობს.
ეპიდემიის აღსაკვეთად სპეცილისტებმა 20 000-ზე მეტი ფრინველი მოკლეს.
„ელექტრონული რეცეპტების შედეგია ის, რომ ბოლო ერთი წლის განმავლობაში აქტიურად ვაანალიზებთ იმას, ვინ რა რეცეპტებს წერს და რამდენად კეთილსინდისიერად წერს“
„ელექტრონული რეცეპტების შედეგია ის, რომ ბოლო ერთი წლის განმავლობაში უკვე აქტიურად ვაანალიზებთ იმას, ვინ რა რეცეპტებს წერს და რამდენად კეთილსინდისიერად წერს“, – განაცხადა ჯანდაცვის მინისტრმა, ზურაბ აზარაშვილმა „ქრონიკაში“.
„სწორედ, ასეთი გამოწერილი რეცეპტების ბაზიდან შევძელით გამოგვევლინა ის რამდენიმე დაწესებულება, რომელსაც თითქოს ამბულატორიული კლინიკები ეწოდებოდათ, იქ დასაქმებული ექიმები კი წერდნენ ათასობით რეცეპტს. ეს ათასობით რეცეპტი ასიათასობით მედიკამენტია, რომელიც სამწუხაროდ მთელი ქვეყნის მასშტაბით იყიდებოდა სხვადასხვა აფთიაქიდან. ჩვენ ასევე გავამკაცრეთ აფთიაქების კონტროლი. ხდებოდა ზოგიერთი არაკეთილსინდისიერი აფთიაქის შეთანხმება არაკეთილსინდისიერ კლინიკებთან და ხდებოდა ყალბი რეცეპტების გამოწერა. ეს საქმეები გადაგზავნილია პროკურატურაში, ფინანსურ პოლიციაში და ისინი გააგრძელებენ გამოძიებას“, – აღნიშნა ზურაბ აზარაშვილმა.
„გავრცელდა ინფორმაცია, თითქოს ჩვენების გარეშე საკეისროს ვინმეს ვუკრძალავთ“
საქართველოს ჯანდაცვის მინისტრმა, ზურაბ აზარაშვილმა „ქრონიკაში“ განაცხადა, რომ ბოლო წლების განმავლობაში ქვეყანაში ძალიან ცუდი ტენდენცია გვაქვს. მშობიარობების საშუალოდ, 55-60% ხდება საკეისროს მეშვეობით. აქედან ძალიან დიდი ნაწილი არის ჩვენების გარეშე საკეისროები, რაც სამომავლოდ ქვეყანაში დემოგრაფიულ პრობლემებს ქმნის.
„სწორედ აქედან გამომდინარე ჩვენ შევქმენით ახალი ტარიფი, რომელიც არ ასხვავებს ფიზიოლოგიური მშობიარობას საკეისრო მშობიარობისგან და ორივე შემთხვევაში ერთი და იგივე ტარიფია. თუ საკეისრო ჩვენების გარეშე იქნება, ექიმს მოტივაცია ექნება რომ აღარ გააკეთოს და ასევე ექნება მშობიარესაც, რადგან მაშინ გადახდა თვითონ მოუწევს.
გავრცელდა არასწორი ინფორმაცია, რომ თითქოს ჩვენ ჩვენების გარეშე საკეისროს ვინმეს ვუკრძალავთ. ჩვენ არავის არაფერს ვუკრძალავთ – ვამბობთ, რომ სწორ შემთხვევაში სახელმწიფო სწორად ჩატარებულ საკეისროს, მშობიარობასა და ექიმის ხარჯებს დააფინანსებს“, – აღნიშნა ჯანდაცვის მინისტრმა.
ამ ბაქტერიებს შეუძლიათ ხელი შეუწყონ გულის კუნთის აღდგენას ინფარქტით გამოწვეული დაზიანების შემდეგ
ახალმა კვლევამ აჩვენა, რომ ნაწლავის სპეციფიკურმა ბაქტერიებმა, რომლებიც ცნობილია როგორც „ბუტირატის გამომმუშავებელი ბაქტერიები“, რომლებიც წარმოქმნიან ნაერთს, სახელად ბუტირატს, შეიძლება გადამწყვეტი როლი ითამაშონ გულის კუნთის აღდგენაში მიოკარდიუმის ინფარქტის შემდეგ.
მეცნიერებმა გამოიკვლიეს მიოკარდიუმის ინფარქტის მქონე 77 ადამიანის ნაწლავის ბაქტერიები. აღმოჩნდა, რომ “ბუტირატის გამომმუშავებელი ბაქტერიები”-ს რაოდენობა ნაწლავში მნიშვნელოვნად გაიზარდა გულის შეტევის შემდეგ. კვლევამ აჩვენა, რომ ამ ბაქტერიებს შეუძლიათ ხელი შეუწყონ გულის კუნთის აღდგენას ინფარქტით გამოწვეული დაზიანების შემდეგ.
საცდელმა თაგვებმა, რომლებსაც ბუტირატი მიეცათ გულის შეტევის შემდეგ, აჩვენეს გაუმჯობესებული გულის ფუნქცია, განსაკუთრებით მაშინ, როდესაც მათ მიოკარდიუმის ინფარქტამდე ნაწლავის ჯანსაღი მიკრობიომი ჰქონდათ.
ბუტირატი არის მოკლეჯაჭვოვანი ცხიმოვანი მჟავა. კვლევებით დადასტურებულია, რომ მას აქვს ანთების საწინააღმდეგო ეფექტი და ხელს უწყობს ნაწლავის ჯანსაღი ლორწოვანი გარსის შენარჩუნებას და მსხვილი ნაწლავის ჯანმრთელობას. არსებული მტკიცებულებები ბუტირატს მსხვილი ნაწლავის კიბოს შემცირებულ რისკთან აკავშირებენ. ის ასევე ხელს უწყობს არტერიული წნევის რეგულირებას, ამცირებს არტერიების ანთებას და აუმჯობესებს ინსულინისადმი მგრძნობელობას.
ბუტირატი„ბუტირატის გამომმუშავებელი ბაქტერიების“ მიერ, დიეტური ბოჭკოების და რეზისტენტული სახამებლის დუღილის გზით წარმოიქმნება ნაწლავში.
ამიტომ, ბუტირატის კარგ წყაროდ ითვლება ბოჭკოვანი საკვები, როგორიცაა მთლიანი მარცვლეული, ბროკოლი, ლობიო, პარკოსნები, ხილი და ის ბოსტნეული,რომელიც მდიდარია მდგრადი სახამებლით, როგორიცაა ტკბილი კარტოფილი, მწვანე ბანანი და შვრია. კვლევის შესახებ წერს აშშ-ში მოღვაწე ქართველი ექიმი, ქეთი შავლიაშვილი.
სამი ნიშანი 18 თვემდე ბავშვებში აუტიზმის ამოსაცნობად…
ბავშვთა ნევროლოგმა ნანა ტატიშვილმა აუტიზმის 3 ნიშანზე ისაუბრა, რომელიც წლინახევრის ბავშვების მშობლებს ამ დიაგნოზის ამოცნობაში შეიძლება დაეხმაროს.
„ერთ-ერთი ნიშანი არის, როდესაც ბავშვი მისი სახელის დაძახებისას არ იხედება. მან მინიმუმ 10 დაძახებიდან, 6-7 ჯერ უნდა გამოგვხედოს.
მეორე არის ის, რომ ის არ იყენებს მისათითებლად საჩვენებელ თითს.
მესამე კი არის ის, რომ ჩვენს მითითებულ ადგილსა თუ ნივთზე, არ ატრიალებს თავს და არ რეაგირებს.
თუ ეს სამი ნიშანი აქვს, თუნდა 14 ან 18 თვის ბავშვს, აუცილებლად მიაკითხეთ ექიმს.
არ დაეთანხმოთ იმ მოსაზრებას, რომ თავისით გამოსწორდება. თავისით არ გამოსწორდება. სჯობს, გადაჭარბებულად ვიმუშაოთ და შევაფასოთ, ვიდრე გამოგვეპაროს და ამ ნიშნების ამოცნობა დაგვიანდეს“
#datashvil #drpkhakadze #sheniganatleba #sheniambebi #shenipulsi
ბავშვის ნერვული სისტემა და დამოუკიდებლობა – „არავითარ ინტელექტუალურ უნარებზე ეს არ მეტყველებს…“
საქართველოს პირველი არხის გადაცემა „პირადი ექიმი – მარი მალაზონია“
ბავშვის ნერვული სისტემა და დამოუკიდებლობა, როგორი უნდა იყოს დამოუკიდებელი ბავშვი, რა უნდა შეეძლოს და სინამდვილეში როგორ ყალიბდება ბავშვში დამოუკიდებლობა?
ნევროლოგი თამარ ედიბერიძე საუბრობს:
„დამოუკიდებლობა ძალიან მძლავრი უნივერსალური იარაღია, რათა მომავალში ადამიანი ცხოვრებაში არსებულ გამოწვევებს გაუმკლავდეს და მათ მიმართ ემოციურად გამძლე იყოს.
ბავშვის დამოუკიდებლობაზე საუბარს ძალიან ადრეულ ასაკში ვიწყებთ, ჩვილობიდანაც კი. ბავშვს რომ მოსწონს მის წინაშე მდებარე სათამაშო, მისკენ ხელს გაიწვდის, ცდილობს მოიპოვოს, ეს უკვე პირველი ნაბიჯებია დამოუკიდებლობისკენ. მან მოინდომა და შეცვალა გარემო მის სასარგებლოდ – ეს პირველი აგურია მისი მომავალი დამოუკიდებლობისკენ.
როგორ გამოიყურება 3 წლის დამოუკიდებელი ბავშვი?
უნდა შეეძლოს საკვების დამოუკიდებლად მიღება, რა თქმა უნდა, ასაკის და ფიზიკური შესაძლებლობების პირობებში. ტიპიური განვითარების პირობებში, 3 წლის ასაკში მეტყველება უკვე საკმაოდ განვითარებული უნდა ჰქონდეს, უნდა გააჩნდეს სიტყვათა კარგი მარაგი, ფრაზული მეტყველებაც განვითარებულია და დიალოგის წარმოება შეუძლია, გადმოსცემს თავის სურვილებს, არგუმენტირებულად გამოთქვამს აზრს, წარმოაჩენს თავის მოლოდინებს. მხოლოდ „მინდას“ არ გამოხატავს, იცის, რა გავაკეთოთ, როგორ გავაკეთოთ, რა ვითამაშოთ. 3 წლიდან თუნდაც ხანმოკლე, მაგრამ თავისუფალი თამაში ბავშვს უნდა შეეძლოს. მივცეთ საშუალება, მარტომ გააკეთოს სათამაშოს არჩევანი და მარტომ დაგეგმოს თამაში. მაგალითად, ამ თოჯინას ამას ჩააცმევს, ამ საწოლში დააძინებს, მეორე თოჯინას აჭმევს, ჩააცმევს, გახდის და ა. შ. აქ მარტო შემეცნებითი დამოუკიდებლობა არ ვლინდება. ამ მოქმედებებით ის მოტორულ დამოუკიდებლობასაც ეჩვევა. როდესაც თოჯინას ხდის და აცმევს, ღილებს ხსნის, წვრილი დეტალებით თამაშობს, ის მოტორულ უნარებსაც ივითარებს. იგივე ხდება ხატვის დროს, – თვითონ არჩევს ფლომასტრის ფერს, მათი გამოყენების თანმიმდევრობას, სივრცეში გადაანაწილებს ნახატს, ეს უკვე მისი დამოუკიდებელი აზროვნების შედეგია.
მშობლების მთავარი პასუხისმგებლობა არის ის, რომ სადაც ბავშვი თამაშობს, ის სივრცე მისთვის უსაფრთხო უნდა გავხადოთ. უჯრა არ უნდა დაუკეტოთ, ის იმ ნივთებით უნდა გაავსოთ, რაც ბავშვისთვის დასაშვები და საინტერესოა. ფეხზე მოსიარულე ბავშვის აწეული ხელის სიმაღლეს რომ დაახლოებით 20-30 სანტიმეტრი დავამატოთ, ამ სიმაღლის ფარგლებში გარემო უნდა იყოს უსაფრთხო მისთვის. მსხვრევადი და სახიფათო ნივთები მის ტეროტორიაზე საერთოდ არ უნდა ჩანდეს, წინააღმდეგ შემთხვევაში, შეუძლებელია ყოველ წამს თვალი ვადევნოთ ან ყველფერი აუკრძალოთ.
ხშირად გაიგონებთ მშობლებისგან: „ისეთი გონიერია, ისე კარგად იცის რა როგორ ჩართოს, გადართოს, იპოვოს სასურველი თამში თუ მულტფილმი“ – სინამდვილეშ ეს მხოლოდ ილუზიაა დამოუკიდებლობის და არ არის ის უნარი, რაც უნდა გვიხაროდეს. არავითარ ინტელექტუალურ უნარებზე ეს არ მეტყველებს და არ მოქმედებს სასიკეთოთ. ყოველი ზედმეტი წუთი ეკრანთან გატარებული უფრო ზიანის მომტანია, არათუ სარგებლის.
ბავშვი უნდა ჩავრთოთ ოჯახის ყოველდღიურ აქტივობებში. დავამკვიდროთ კარგი ტრადიცია, რომ ყველაფერი, რაც ოჯახს ეხება, ერთად გავაკეთოთ. რაც არ უნდა პატარა იყოს ბავშვი, მაინც შეიძლება რაღაც ფუნქცია გავუნაწილოთ. ანუ ვაკეთებთ ყველაფერს ერთად. მეორე ნაბიჯია მაგალითის მიცემა, ჩვენს საქციელზე პასიური დაკვირვებითაც ბევრ რამეს სწავლობს. მესამე არის ჰიპერმზრუნველობაზე უარის თქმა. უსაფრთხოება აუცილებელია, მაგრამ ამან არარაციონალური სახე არ უნდა მიიღოს. საფრთხის შიში და ჰიპერმზრუნველობა ხშირად გვიშლის ხელს დროულად მივანიჭოთ ბავშვებს დამოუკიდებლობა და მივცეთ საჭირო უნარების გამომუშავების საშუალება. ვაღიაროთ და შევუქოთ ის, რაც მან თავად, დამოუკიდებლად გააკეთა. ამით გახარებაც უნდა ვასწავლოთ”.
შშმ პირებისთვის განკუთვნილი ალტერნატიული სერვისების განვითარება – მიმდინარე პროგრამები და სამომავლო გეგმები
შშმ პირთა უფლებების შესახებ კანონის აღსრულებისკენ მიმართულ ღონისძიებათა ერთიანი საკოორდინაციო საბჭოს წევრებმა, წლის შემაჯამებელ ღონისძიებაზე, მიმდინარე პროგრამები და სამომავლო გეგმები განიხილეს. ინფორმაციას ჯანდაცვის სამინისტრო ავრცელებს.
შეხვედრა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გახსნა. თამილა ბარკალაიამ, საბჭოს მნიშვნელობასა და შშმ პირების უფლებების დაცვის კუთხით განხორციელებულ, თუ მიმდინარე პროექტებზე ისაუბრა. ღონისძიებაზე, ასევე, სიტყვით გამოვიდნენ: ადამიანის უფლებათა დაცვის საკითხებში პრემიერ-მინისტრის მრჩეველი ნიკო თათულაშვილი, საპარლამენტო ფრაქცია ქართული ოცნების” თავმჯდომარის მოადგილე რატი იონათამიშვილი და ჩეხეთის რესპუბლიკის საელჩოს განვითარების სფეროში თანამშრომლობის ხელმძღვანელი იანა ზელინგეროვა.
შეხვედრაზე, სამინისტროს სოციალური დაცვის, დევნილთა და შრომის პოლიტიკის დეპარტამენტის უფროსმა, თამარ კურტანიძემ, საქართველოში, შშმ პირებისთვის განკუთვნილი ალტერნატიული სერვისების განვითარებაზე წარადგინა პრეზენტაცია. შემაჯამებელ შეხვედრაზე, პრეზენტაციები წარადგინეს საბჭოში შემავალი დეინსტიტუციონალიზაციის, სოციალური სერვისების განვითარებისა და შესაძლებლობის შეზღუდვის სტატუსის განსაზღვრის კომიტეტების წარმომადგენლებმა. ღონისძიების მონაწილეებმა, შშმ პირთა საჭიროებებზე იმსჯელეს და სამომავლო გეგმებიც განიხილეს.
შეხვედრას საჯარო უწყებების, არასამთავრობო ორგანიზაციებისა და შშმ თემის წარმომადგენლები ესწრებოდნენ. ღონისძიება, ჩეხეთის რესპუბლიკის კარიტასისა და სამინისტროს თანამშრომლობის ფარგლებში, ჩეხეთის განვითარების სააგენტოს მხარდაჭერით გაიმართა.
