შაბათი, მაისი 9, 2026
მთავარი წაკითხვა გვერდი 719

მელიტინს, სარძევე ჯირკვლის კიბოს უჯრედების ერთ საათში განადგურება შეუძლია!

მიერ
© საქართველოს საზოგადოებრივი ჯანდაცვის ინსტიტუტი
-
0
ფუტკრის შხამს კიბოს საწინააღმდეგო ეფექტი აქვს, კერძოდ – მელანომის, ფილტვის, საკვერცხის და პანკრეასის კიბოს საწინააღმდეგო.
ჟურნალ Nature-ში გამოქვეყნდა in vitro კვლევა. კვლევით დადგინდა, რომ ფუტკრის შხამის ძირითად კომპონენტს, მელიტინს, სარძევე ჯირკვლის კიბოს უჯრედების ერთ საათში განადგურება შეუძლია! მელიტინი არის ის ნივთიერება, რომელიც პასუხისმგებელია ფუტკრის ნაკბენით გამოწვეულ მტკივნეულ შეგრძნებაზე.
კვლევამ გამოსცადა მელიტინი ძუძუს კიბოს აგრესიულ ტიპებზე, სამმაგი უარყოფითი სარძევე ჯირკვლის კიბოზე და HER2-დადებითი სარძევე ჯირკვლის კიბოზე, რომლებსაც, ძირითადად, ცუდი გამოსავალი აქვთ და არსებული სამკურნალო საშუალებების მიმართ რეზისტენტობას ავითარებენ.
მელიტინს 60 წუთში შეუძლია გაანადგუროს კიბოს უჯრედების მემბრანები და დაარღვიოს კიბოს უჯრედებს შორის ქიმიური კავშირები, რაც სასიცოცხლოდ მნიშვნელოვანია მათი ზრდისა და გამრავლებისთვის!
ქიმიოთერაპიისა და რადიაციისგან განსხვავებით, ფუტკრის შხამმა არ აჩვენა უარყოფითი ზეგავლენა გარემომცველ ჯანმრთელ უჯრედებზე!
ფუტკრის შხამი და მისი ძირითადი კომპონენტი მელიტინი ძლიერად იწვევენ უჯრედების სიკვდილს, განსაკუთრებით აგრესიულ სამმაგ ნეგატიურ და HER2-ით გამდიდრებულ სარძევე ჯირკვლის კიბოს ქვეტიპებში. ფუტკრის შხამი და მელიტინი თრგუნავენ EGFR და HER2-ის აქტივაციას ამ რეცეპტორების ფოსფორილირებაში ჩარევით სარძევე ჯირკვლის კარცინომის უჯრედების პლაზმურ მემბრანაში. მუტაციური კვლევები აჩვენებს, რომ დადებითად დამუხტული C-ტერმინალური მელიტინის თანმიმდევრობა შუამავლობს პლაზმური მემბრანის ურთიერთქმედებას და კიბოს საწინააღმდეგო აქტივობას. RGD მოტივის ინჟინერია კიდევ უფრო აძლიერებს მელიტინის დამიზნებას ავთვისებიან უჯრედებზე მინიმალური ტოქსიკურობით ნორმალური უჯრედებისთვის. და ბოლოს, მელიტინის შეყვანა აძლიერებს დოცეტაქსელის ეფექტს მკერდის სიმსივნის ზრდის ჩახშობაში ალოტრანსპლანტულ მოდელში. ჩვენი ნაშრომი ავლენს მოლეკულურ მექანიზმს, რომელიც ემყარება მელიტინის კიბოს საწინააღმდეგო სელექციურობას და ასახავს მკურნალობის სტრატეგიებს აგრესიული ძუძუს კიბოსთვის.
შესაძლებელია, მომავალში მელიტინზე დაფუძნებული ძუძუს კიბოს პოტენციური სამკურნალო პრეპარატი შეიქმნას.

24-საათიანი მარკეტები და აფთიაქები იხურება

მიერ
© საქართველოს საზოგადოებრივი ჯანდაცვის ინსტიტუტი
-
0
თბილისში 24-საათიანი მარკეტები და აფთიაქები იხურება

„ანაზღაურების DRG მეთოდი პაციენტისთვის მოხერხებული, გამჭვირვალე და სამართლიანია“

მიერ
© საქართველოს საზოგადოებრივი ჯანდაცვის ინსტიტუტი
-
0
„მშობიარობისა და საკეისრო კვეთის მომსახურებაზე, ანაზღაურების DRG მეთოდი პაციენტისთვის მოხერხებული, გამჭვირვალე და სამართლიანია. პაციენტმა იცის, რომ სახელმწიფო ფარავს ყველაფერს, რაც მას ამ დროს სჭირდება“. ამის შესახებ ჯანდაცვის მინისტრის მოადგილემ თამარ გაბუნიამ გადაცემაში „მოამბე“.
მისი თქმით, ცვლილების ამოქმედებიდან, პირველსავე თვეში, გვაქვს საკეისრო კვეთების გარკვეული კვლება, რაც მანამდე, სამწუხაროდ, ძალიან მაღალი იყო – ზოგადი სურათის მიხედვით, საკეისრო კვეთების წილი უკვე 40%-ზე ნაკლებია;
„ის, რაც დღეს, ჯანდაცვის სამინისტროში დანერგილია ხარისხის სისტემის უზრუნველყოფის სახით, მთელს ქვეყანაში თანაბარი სტანდარტის მოლოდინის შესაძლებლობას იძლევა;
კლინიკის პასუხისმგებლობაა, რომ მშობიარეს დაახვედროს გამოცდილი გუნდი და ექიმი, რომელსაც შეუძლია ყველანაირი სირთულის მშობიარობის მართვა“ – ამბობს თამარ გაბუნია.

#datashvil    #drpkhakadze  #sheniganatleba

„მე ამ საკითხზე აქტიურად ვმუშაობდი 2014 წლიდან. მიზანს მივაღწიე 2023 წელს“ – გიორგი ფხაკაძე

მიერ
© საქართველოს საზოგადოებრივი ჯანდაცვის ინსტიტუტი
-
0

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე საქართველოში ჯანდაცვის აკრედიტაციის სისტემის დანერგვასთან დაკავშირებით საქართველოში აქტიურად მუშაობს 2014 წლიდან.

„14/12/2014 წელს მქონდა ვიზიტი თურქეთში ჯანდაცვის აკრედიტაციის სისტემის დანერგვასთან დაკავშირებით, საქართველოში. დიახ, მე ამ საკითხზე აქტიურად ვმუშაობდი 2014 წლიდან. მიზანს მივაღწიე 2023 წელს“ – ამბობს გიორგი ფხაკაძე.

აკრედიტაცია კანადას ახალი პარტნიორია მალხაზ კაციაშვილის მრავალპროფილური გადაუდებელი დახმარების ცენტრი

მიერ
© საქართველოს საზოგადოებრივი ჯანდაცვის ინსტიტუტი
-
0

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე საქართველოში იმყოფება.

კლინიკებმა საერთაშორისო აკრედიტაციის გავლისთვის მზადება დაიწყეს.

საერთაშორისო აკრედიტაციის ორგანიზაციას „აკრედიტაცია კანადას“ საქართველოში  გიორგი ფხაკაძე წარმოადგენს.

მთავრობის გადაწყვეტილებით, საყოველთაო ჯანდაცვის პროგრამაში ჩართული ყველა კლინიკა ვალდებული იქნება მსოფლიოში მოქმედი სტანდარტები დააკმაყოფილოს და საერთაშორისო აკრედიტაციის ორგანოს აღიარება მოიპოვოს.

ამასთან, მიმდინარე წელს სამედიცინო დაწესებულებებმა უკვე უნდა წარადგინონ კონტრაქტი აკრედიტაციის ორგანოსთან. საერთაშორისო ექსპერტების მიერ მოხდება სამედიცინო მომსახურების ხარისხის, კლინიკებში არსებული პროცესებისა და ინფრასტრუქტურის შესაბამისობის დადგენა საერთაშორისო სტანდარტებისგან.

აკრედიტაცია კანადას ახალი პარტნიორია მალხაზ კაციაშვილის მრავალპროფილური გადაუდებელი დახმარების ცენტრი.

გიორგი ფხაკაძე მალხაზ კაციაშვილის მრავალპროფილური გადაუდებელი დახმარების ცენტრს ეწვია. შეხვდა კლინიკის ხელმძღვანელობას.

„აკრედიტაცია კანადას ახალი პარტნიორია მალხაზ კაციაშვილის მრავალპროფილური გადაუდებელი დახმარების ცენტრი. ეს დიდი პატივია. სამედიცინო დაწესებულების აკრედიტაცია მიმდინარეობს წარმატებით“, – განაცხადა გიორგი ფხაკძემ.

მისივე თქმით, 20-მდე სამედიცინო დაწესებულებამ გააკეთა სწორი არჩევანი.
„საქართველოში, 20-მდე სამედიცინო დაწესებულებამ გააკეთა სწორი არჩევანი.
მე დღეს ვამბობ და ვადასტურებ, რომ 20-მდე სამედიცინო დაწესებულების აკრედიტაცია მიმდინარეობს წარმატებით“, – აღნიშნა კრედიტაცია კანადას წარმომადგენელმა საქართველოში გიორგი ფხაკაძემ.
მალხაზ კაციაშვილის მრავალპროფილური გადაუდებელი დახმარების ცენტრი მდებარეობს შემდეგ მისამართზე: ქ. თბილისი, ალ.გობრონიძის 10

ტკი­ვი­ლი, რო­გორც წე­სი, გვერ­დის, წელის არეში ან კუ­დუ­სუ­ნის ზე­მოთ იგრძნობა

მიერ
© საქართველოს საზოგადოებრივი ჯანდაცვის ინსტიტუტი
-
0

ტკი­ვი­ლი წე­ლის არე­ში
თირ­კმლე­ბის და­ა­ვა­დე­ბე­ბით გა­მოწ­ვე­უ­ლი ტკი­ვი­ლი, რო­გორც წე­სი, გვერ­დის, წე­ლის არე­ში ან კუ­დუ­სუ­ნის ზე­მოთ იგ­რძნო­ბა. ზოგ­ჯერ იგი მუც­ლის შუა ნა­წი­ლის­კენ გა­და­ე­ცე­მა. ტკი­ვილს თირ­კმლე­ბის გა­რე­დან მფა­რა­ვი კაფ­სუ­ლის და­ჭიმ­ვა იწ­ვევს, რაც, თა­ვის მხრივ, ამა თუ იმ და­ა­ვა­დე­ბი­სას თირ­კმლე­ბის სწრა­ფად შე­შუ­პე­ბის გა­მო ხდე­ბა. ძლი­ერ ტკი­ვილს ხში­რად გუ­ლის­რე­ვა და ღე­ბი­ნე­ბა ახ­ლავს თან.
მი­ზე­ზე­ბი
თირ­კმლე­ბის კენ­ჭი აუ­ტა­ნელ ტკი­ვილს იწ­ვევს, რო­ცა და­იძ­ვრე­ბა და შარ­დსაწ­ვეთ­ში გა­და­დის. კენ­ჭის მოძ­რა­ო­ბის სა­პა­სუ­ხოდ შარ­დსაწ­ვე­თი იკუმ­შე­ბა და ადა­მი­ა­ნი ძლი­ერ, ჭვა­ლის­მაგ­ვარ ტკი­ვილს გრძნობს (თირ­კმლე­ბის ან შარ­დსაწ­ვე­თის კო­ლი­კა) გვერ­დში და წელ­ში, ხში­რად სა­ზარ­დულ­ში ან სა­თეს­ლე ჯირ­კვლებ­ში გა­და­ცე­მით. ტკი­­ვი­ლი მოვ­ლი­თი ხა­სი­ა­თი­სა­ა. ის შე­იძ­ლე­ბა გა­გ­­რძელ­დეს 20-დან 60 წუ­თამ­დე და შემ­დეგ გაქ­რეს. ტკი­ვი­ლი ყუჩ­დე­ბა და აღარ გრძელ­დე­ბა, თუ შარ­დ­სა­წ­ვე­თი მო­დუნ­და ან კენ­ჭი შარ­დის ბუშ­ტში გა­და­ვი­და.
თირ­კმლე­ბის ინ­ფექ­ცია (პი­ე­ლო­ნეფ­რი­ტი) ამ ორ­გა­ნოს შე­შუ­პე­ბას იწ­ვევს, რაც ჭი­მავს კაფ­სუ­ლას და პა­ცი­ენ­ტი მუდ­მივ, მღრღნელ ტკი­ვილს გრძნობს. თირ­კმლე­ბის სიმ­სივ­ნე­ე­ბი, რო­გორც წე­სი, არ იწ­ვევს ამ შეგ­რძნე­ბას, სა­ნამ ძა­ლი­ან დი­დი ზო­მი­სა არ გახ­დე­ბა.
წე­ლის ტკი­ვი­ლის სხვა მი­ზე­ზე­ბი­ა: თირ­კმლე­ბის ან ნაწ­ლა­ვის სის­ხლით მო­მა­რა­გე­ბის მწვა­ვე მოშ­ლა, აორ­ტის ანევ­რიზ­მა გამ­სკდა­რი ან, ზოგ­ჯერ, გას­კდო­მის გა­რე­შე, ხერ­ხემ­ლის ან ზურ­გის ტვი­ნის ნერ­ვე­ბის და­ა­ვა­დე­ბე­ბი, კუნ­თე­ბის ან ძვლე­ბის და­ზი­ა­ნე­ბე­ბი და მუც­ლის ღრუს უკა­ნა ნა­წი­ლის (რეტ­რო­პე­რი­ტო­ნე­უ­მი) სიმ­სი­ვნეე­ბი.

შე­ფა­სე­ბა და მკურ­ნა­ლო­ბა
სიმ­პტო­მე­ბის შე­ფა­სე­ბი­სა და პა­ცი­ენ­ტის გა­სინ­ჯვის შემ­დეგ ექი­მი ხში­რად შარ­დის ანა­ლიზს ნიშ­ნავს. ამ კვლე­ვის შე­დე­გით დგინ­დე­ბა, არის თუ არა შარ­დში სის­ხლის წი­თე­ლი უჯ­რე­დე­ბი ან ჭარ­ბი რა­ო­დე­ნო­ბით თეთ­რი უჯ­რე­დე­ბი, რაც ინ­ფექ­ცი­ას ხდის სა­ვა­რა­უ­დოს. სა­ჭი­რო­ე­ბი­სას შე­საძ­ლოა შარ­დში მიკ­რო­ბუ­ლი კულ­ტუ­რის შეს­წავ­ლა. თუ ადა­მი­ანს ძა­ლი­ან ძლი­ე­რი, შე­ტე­ვითი ხა­სი­ა­თის ტკი­ვი­ლი აქვს (ჭვა­ლი) და შარ­დში სის­ხლი აღ­მოჩ­ნდე­ბა, დი­დი ალ­ბა­თო­ბით მი­ზე­ზი თირ­კმლე­ბის კენ­ჭო­ვა­ნი და­ა­ვა­დე­ბა­ა. თუ ტკი­ვი­ლი შე­და­რე­ბით სუს­ტი­ა, თა­ნა­ბა­რი, აღი­ნიშ­ნე­ბა მტკივ­ნე­უ­ლო­ბა რო­მე­ლი­მე თირ­კმლის საპ­რო­ექ­ციო არე­ზე ხე­ლის მსუ­ბუ­ქად დარ­ტყმი­სას, მა­ღა­ლი ტემ­პე­რა­ტუ­რა და სის­ხლის თეთ­რი უჯ­რე­დე­ბის რა­ო­დე­ნო­ბის სი­ჭარ­ბე შარ­დში, სა­ვა­რა­უ­დო დი­აგ­ნო­ზი თირ­კმლე­ბის ინ­ფექ­ცი­ა­ა. თუ ექი­მი კენ­ჭის არ­სე­ბო­ბას ვა­რა­უ­დობს, რო­გორც წე­სი, კომ­პი­უ­ტე­რულ­-ტო­მოგ­რა­ფი­უ­ლი კვლე­ვა ტარ­დე­ბა, რა­თა ზუს­ტად გა­ნი­საზღ­ვროს კენ­ჭის ზო­მა და მდე­ბა­რე­ო­ბა, ასე­ვე ის, თუ რამ­დე­ნად უშ­ლის ის ხელს შარ­დის დი­ნე­ბას. ინ­ტრა­ვე­ნუ­რი სა­კონ­ტრას­ტო ნივ­თი­ე­რე­ბა სა­ჭი­რო არ არის კომ­პი­უ­ტე­რუ­ლი ტო­მოგ­რა­ფი­ის ჩა­სა­ტა­რებ­ლად. თუ ტკი­ვი­ლის მი­ზე­ზი გა­ურ­კვე­ვე­ლი­ა, შე­საძ­ლოა იგი­ვე გა­მოკ­ვლე­ვა ჩა­ტარ­დეს კონ­ტრას­ტუ­ლი ნივ­თი­ე­რე­ბით ან სხვა კვლე­ვა და­ი­ნიშ­ნოს.
სა­ჭი­როა დად­გე­ნი­ლი და­ა­ვა­დე­ბის მკურ­ნა­ლო­ბა. სა­შუ­ა­ლო სიძ­ლი­ე­რის ტკი­ვი­ლი შე­იძ­ლე­ბა გა­ყუჩ­დეს აცე­ტა­მი­ნო­ფე­ნის ან არას­ტე­რო­ი­დუ­ლი ან­თე­ბის სა­წი­ნა­აღ­მდე­გო სა­შუ­ა­ლე­ბე­ბის (ა­ასს) მი­ღე­ბის შემ­დეგ. კენ­ჭით გა­­მოწ­ვე­უ­ლი ტკი­ვი­ლი შე­იძ­ლე­ბა ძა­ლი­ან ძლი­ე­რი იყოს და ინ­­ტრა­ვე­ნუ­რი ოპი­ო­ი­დე­ბის გა­მო­ყე­ნე­ბა გახ­დეს სა­ჭი­რო.

თირ­კმლე­ბი­სა და სა­შარ­დე გზე­ბის და­ა­ვა­დე­ბე­ბის სიმ­პტო­მე­ბი და დი­აგ­ნო­ზი

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

#datashvil    #drpkhakadze  #sheniganatleba

შე­საძ­ლოა, და­ა­ზი­ა­ნოს ერ­თი ან ორი­ვე თირ­­კმე­ლი, ერ­თი ან ორი­ვე შარდსაწვეთი, შარ­დის ბუშ­ტი ან შარდსადენი

მიერ
© საქართველოს საზოგადოებრივი ჯანდაცვის ინსტიტუტი
-
0

თირ­კმლე­ბი­სა და სა­შარ­დე გზე­ბის და­ა­ვა­დე­ბე­ბის სიმ­პტო­მე­ბი და დი­აგ­ნო­ზი

თირ­კმლე­ბი­სა და სა­შარ­დე გზე­ბის და­ა­ვა­დე­­­ბებ­მა შე­საძ­ლოა და­ა­ზი­ა­ნოს ერ­თი ან ორი­ვე თირ­­კმე­ლი, ერ­თი ან ორი­ვე შარ­დსაწ­ვე­თი, შარ­დის ბუშ­ტი ან შარ­დსა­დე­ნი.

სიმ­პტო­მე­ბი
სა­შარ­დე გზე­ბის ზო­გი­ერ­თი და­ა­ვა­დე­ბა იშ­ვი­ა­თად იწ­ვევს სიმ­პტო­მებს მა­ნამ, სა­ნამ ძა­ლი­ან არ გაღ­რმავ­დე­ბა. ასე­თი და­ა­ვა­დე­ბე­ბი­ა: თირ­კმლე­ბის უკ­მა­რი­სო­ბა, სიმ­სივ­ნე­ე­ბი და კენ­ჭე­ბი, თუ ისი­ნი არ უშ­ლის ხელს შარ­დის დი­ნე­ბას, აგ­რეთ­ვე, ზო­გი ნაკ­ლე­ბად მძი­მე ინ­ფექ­ცი­ა.
ზოგ­ჯერ სიმ­პტო­მე­ბი ვლინ­დე­ბა, მაგ­რამ იმ­დე­ნად ზო­გა­დი­ა, რომ ექი­მის­თვის ძნე­ლია მა­თი თირ­კმელ­თან და­კავ­ში­რე­ბა. მა­გა­ლი­თად, შე­უძ­ლოდ ყოფ­ნა ან უმა­დო­ბა, ან გუ­ლის­რე­ვა, ან გავ­რცე­ლე­ბუ­ლი ქა­ვი­ლი შე­საძ­ლოა თირ­კმლე­ბის ქრო­­ნი­კუ­ლი უკ­მა­რი­სო­ბის ერ­თა­დერ­თი სიმ­პტო­მი იყოს. მო­ხუ­ცებ­ში ინ­ფექ­ცია ან თირ­კმლე­ბის უკ­მა­რი­სო­ბა პირ­ვე­ლად ცნო­ბი­ე­რე­ბის მოშ­ლით შე­იძ­ლე­ბა გა­მოვ­ლინ­დეს. სიმ­პტო­მე­ბი, რომ­ლე­ბიც უფ­რო მე­ტად მი­ა­ნიშ­ნებს თირ­კმლე­ბის ან სა­შარ­დე გზე­ბის პრობ­ლე­მებ­ზე, შემ­დე­გი­ა: ტკი­ვი­ლი წე­ლის არე­ში, ქვე­და კი­დუ­რე­ბის შე­შუ­პე­ბა და შარ­დვის გა­მო­ყო­ფის დარ­ღვე­ვე­ბი.

წვა ან ტკი­ვი­ლი შარ­დვი­სას
მო­შარ­დვის დროს ტკი­ვი­ლი ან წვა (დი­ზუ­რი­ა) შე­საძ­ლოა იგ­რძნო­ბო­დეს შარ­დსა­დე­ნის გა­რე­თა ხვრე­ლის მი­და­მო­ში ან, უფ­რო იშ­ვი­ა­თად, შარ­დის ბუშ­ტის არე­ში (მენ­ჯში, მუც­ლის ქვე­და ნა­წილ­ში, ბოქ­ვე­ნის ძვლის ზე­მოთ). ზოგ­ჯერ ქა­ლებ­ში შარ­დვი­სას ტკი­ვი­ლი ან წვა მა­ში­ნაც არის, რო­ცა სა­შოს ან მი­სი მიმ­დე­ბა­რე არის ინ­ფექ­ცია ან ან­თე­ბა, ანუ ვულ­ვო­ვა­გი­ნი­ტია გა­მო­ხა­ტუ­ლი.

მი­ზე­ზე­ბი
დი­ზუ­რია გავ­რცე­ლე­ბუ­ლი პრობ­ლე­მა­ა, გან­სა­კუთ­რე­ბით ზრდას­რუ­ლი ასა­კის ქა­ლებს შო­რის. მი­სი მი­ზე­ზი ხში­რად სა­შარ­დე გზე­ბის ინ­ფექ­ცი­ა­ა, მა­გა­ლი­თად, ცის­ტი­ტი ან ურეთ­რი­ტი. თუმ­ცა, დი­ზუ­რია შე­საძ­ლოა აწუ­ხებ­დეს ნე­ბის­მი­ე­რი ასა­კის მა­მა­კაცს ან ქალს, მაგ­რამ ინ­ფექ­ცი­ით გა­მოწ­ვე­უ­ლი არ იყოს.
შე­ფა­სე­ბა
ექი­მე­ბი ზოგ­ჯერ მი­ზეზს და­ახ­ლო­ე­ბით ხვდე­ბი­ან იმის მი­ხედ­ვით, თუ სად არის ეს შეგ­რძნე­ბა ყვე­ლა­ზე მე­ტად გა­მო­ხა­ტუ­ლი. მა­გა­ლი­თად, თუ წვა ან ტკი­ვი­ლი ყვე­ლა­ზე ძლი­ე­რია ბოქ­ვე­ნის ძვლის ზე­მოთ, მა­შინ შარ­დის ბუშ­ტის ინ­ფექ­ცია – ცის­ტი­ტია სა­ვა­რა­უ­დო. ქა­ლე­ბი, რომ­ლებ­საც ხში­რად აქვთ ეს პრობ­ლე­მა, ზოგ­ჯერ სიმ­პტო­მე­ბის გა­მოვ­ლე­ნის­თა­ნა­ვე ხვდე­ბი­ან, რომ მო­რი­გი გამ­წვა­ვე­ბაა მო­სა­ლოდ­ნე­ლი. თუ შეგ­რძნე­ბა შარ­დსა­დე­ნის გა­რე­თა ხვრელ­თა­ნაა ყვე­ლა­ზე მკვეთ­რი, მი­ზე­ზი შე­იძ­ლე­ბა შარ­დსა­დე­ნის ან­თე­ბა – ურეთ­რი­ტი იყოს. მა­მა­კა­ცებს შო­რის პე­ნი­სი­დან გა­მო­ნა­დე­ნის მი­ზე­ზი ხში­რად ურეთ­რი­ტი­ა. თუ წვა ძი­რი­თა­დად სა­შოს მი­და­მო­ში იგ­რძნო­ბა და ქალს გა­მო­ნა­დე­ნიც აქვს, ვა­გი­ნი­ტია სა­ვა­რა­უ­დო.
გა­სინ­ჯვამ შე­საძ­ლოა გა­მო­ავ­ლი­ნოს დი­ზუ­რი­ის გა­მომ­წვე­ვი და­ა­ვა­დე­ბა. მა­გა­ლი­თად, შე­იძ­ლე­ბა და­დას­ტუ­რ­­დეს გა­მო­ნა­დე­ნის არ­სე­ბო­ბა, სა­შოს ან გა­რე­თა სას­ქე­­სო ორ­გა­ნო­ე­ბის (ვულ­ვა) ან­თე­ბა და ატ­რო­ფი­ა, რაც ვულ­­ვო­ვა­გი­ნი­ტის ნი­შა­ნი­ა. გა­დი­დე­ბუ­ლი წი­ნამ­დე­ბა­რე ჯი­რ­­კვა­ლი მი­სი კე­თილ­თვი­სე­ბი­ა­ნი ჰი­პერ­პლა­ზი­ის და­მა­დას­ტუ­რე­ბე­ლი შე­იძ­ლე­ბა იყოს. სა­თეს­ლე და­ნა­მა­ტის ან სა­თეს­ლე ჯირ­კვლე­ბის მტკივ­ნე­უ­ლო­ბა შე­საძ­ლოა ეპი­დი­დი­მო­ორ­ქი­ტით იყოს გა­მოწ­ვე­უ­ლი, წი­ნამ­დე­ბა­რე ჯირ­კვლის მტკივ­ნე­უ­ლო­ბა – პროს­ტა­ტი­ტით.
ექი­მე­ბი ყო­ველ­თვის ვერ თან­ხმდე­ბი­ან და­მა­­ტე­ბი­თი გა­მოკ­ვლე­ვე­ბის სა­ჭი­რო­ე­ბა­ზე. ზო­გი მათ­გა­ნი უბ­რა­ლოდ მკურ­ნა­ლობს ზრდას­რულ ქა­ლებს, რომ­ლებ­საც ცის­ტი­ტის და­მა­ხა­სი­ა­თე­ბე­­ლი სიმ­პტო­მე­ბი აქვთ. ზო­გი გა­მოკ­ვლე­ვებს უნიშ­ნავს ყვე­ლას ან მათ, ვი­სი დი­აგ­ნო­ზიც გარ­კვე­უ­ლი არ არის. ამ დროს, რო­გორც წე­სი, პირ­ვე­ლად შარ­დის ანა­ლი­ზი კეთ­დე­ბა. ხში­რად სა­ჭი­რო ხდე­ბა შარ­დში მიკ­რო­ბუ­ლი კულ­ტუ­რის შეს­წავ­ლა ინ­ფექ­ცი­ის გა­მომ­წვე­ვი მიკ­რო­ორ­გა­ნიზ­მის და­სად­გე­ნად და ეფექ­ტუ­რი ან­ტი­ბი­ო­ტი­კე­ბის შე­სარ­ჩე­ვად. ქა­ლებ­ში სა­შო­დან გა­მო­ნა­დე­ნის ნაცხ­საც იღე­ბენ და მიკ­როს­კო­პით სწავ­ლო­ბენ. გარ­და ამი­სა, უნ­და დად­გინ­დეს, იმ მა­მა­კა­ცებს და ქა­ლებს, რომ­ლებ­საც შარ­დსა­დე­ნი­დან გა­მო­ნა­დე­ნი აწუ­ხებთ, ხომ არა აქვთ გო­ნო­რეა ან ქლა­მი­დი­­ოზი.
მკურ­ნა­ლო­ბა
უპირ­ვე­ლე­სად პრობ­ლე­მის მი­ზეზ­ზე ზე­მოქ­მე­დე­ბაა სა­ჭი­რო. ხში­რად მი­ზე­ზი ინ­ფექ­ციაა და მკურ­ნა­ლო­ბა ადა­­მი­ანს 1-2 დღე­ში ჰგვრის შვე­ბას. თუ დი­ზუ­რია ძა­ლი­ან მკვეთ­რი­ა, პირ­ვე­ლი ორი დღის გან­მავ­ლო­ბა­ში ექიმ­მა შე­იძ­ლე­ბა ფე­ნა­ზო­პი­რი­დი­ნი და­ნიშ­ნოს დის­კომ­ფორ­ტის მო­სახ­სნე­ლად. ეს მე­დი­კა­მენ­ტი შარდს მო­წი­თა­ლო-­ნა­რინ­ჯის­ფრად ღე­ბავს.

თირ­კმლე­ბის ფუნ­ქცი­ე­ბი

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

#datashvil    #drpkhakadze  #sheniganatleba

თირ­კმლე­ბის ფუნ­ქცი­ე­ბი – ყვე­ლა ის ფუნ­ქცი­ა, რო­მელ­საც ნორ­მა­ში ორი თირ­კმე­ლი ას­რუ­ლებს, შე­იძ­ლე­ბა ერ­თმა ჯან­მრთელ­მაც შე­ას­რუ­ლოს

მიერ
© საქართველოს საზოგადოებრივი ჯანდაცვის ინსტიტუტი
-
0

თირ­კმლე­ბის ფუნ­ქცი­ე­ბი
ყვე­ლა ის ფუნ­ქცი­ა, რო­მელ­საც ნორ­მა­ში ორი თირ­კმე­ლი ას­რუ­ლებს, შე­იძ­ლე­ბა ერ­თმა ჯან­მრთელ­მაც შე­ას­რუ­ლოს. ზო­გი ადა­მი­ა­ნი ცა­ლი თირ­კმლით იბა­დე­ბა, ზო­გი კი დო­ნო­რი ხდე­ბა – ერთ თირ­კმელს გას­ცემს სხვის­თვის გა­და­სა­ნერ­გად. სხვა შემ­თხვე­ვა­ში შე­იძ­ლე­ბა ერ­თი თირ­კმე­ლი ტრავ­მამ ან და­ა­ვა­დე­ბამ ძა­ლი­ან მძი­მედ და­­აზი­ა­ნოს და მი­სი ფუნ­ქცი­ო­ნი­რე­ბა შეწყ­დეს.
თირ­კმლე­ბის ძი­რი­თა­დი ფუნ­ქცია ორ­გა­ნიზ­მში წყლი­სა და მი­ნე­რა­ლე­ბის (მათ შო­რის ელექ­ტრო­ლი­ტე­ბის) ბა­ლან­სის შე­ნარ­ჩუ­ნე­ბა­ა. გარ­და ამი­სა, თირ­კმლებ­ში იფი­ლ­ტრე­ბა და თირ­კმლე­ბის გზით გა­მო­ი­ყო­ფა საკ­ვე­ბის, წამ­ლე­ბი­სა და მავ­ნე ნივ­თი­ე­რე­ბე­ბის (ტოქ­სი­ნე­ბის) გა­და­მუ­შა­ვე­ბის შე­დე­გად წარ­მოქ­მნი­ლი ნივ­თი­ე­რე­ბე­ბი, აგ­რეთ­ვე, გა­მო­მუ­შავ­დე­ბა ზო­გი ჰორ­მო­ნი. თირ­კმლე­ბი არ­ტე­რი­უ­ლი წნე­ვის რე­გუ­ლა­ცი­ა­შიც მო­ნა­წი­ლე­ობს.
წყლი­სა და ელექ­ტრო­ლი­ტე­ბის ბა­ლან­სი: ადა­­­მი­­­ა­ნის­თვის წყლის რე­გუ­ლა­რუ­ლად მი­ღე­ბა სა­­სი­­ცოცხ­ლოდ აუ­ცი­ლე­ბე­ლი­ა. კი­დევ უფ­რო მე­­ტი წყა­ლი საკ­ვე­ბის გა­და­მუ­შა­ვე­ბი­სას (მე­ტა­ბო­­ლიზ­მი) გა­მო­ი­ყო­ფა. თუ მი­ღე­ბუ­ლი და გა­მო­ყო­­ფი­­ლი წყლის რა­ო­დე­ნო­ბა თა­ნა­ბა­რი არ არის, ის სწრა­ფად გროვ­დე­ბა სხე­ულ­ში, ადა­მი­ა­ნი ავად­­დე­ბა და შე­საძ­ლოა და­ი­ღუ­პოს კი­დეც. ჭარ­ბი რა­ო­დე­ნო­ბით წყა­ლი გა­ნა­ზა­ვებს ორ­გა­ნიზ­მში ელექ­­ტრო­ლი­ტებს, წყლის რა­ო­დე­ნო­ბის შემ­ცი­რე­ბი­სას კი, პი­რი­ქით, მა­თი კონ­ცენ­ტრა­ცია იზ­რდე­ბა. ამა­ვე დროს, ელექ­ტრო­ლი­ტე­ბის კონ­ცენ­ტრა­ცი­ის მუ­დ­­­მი­ვო­ბა ძა­ლი­ან დი­დი სი­ზუს­ტით უნ­და იყოს შე­­ნარ­­ჩუ­ნე­ბუ­ლი, რა­საც თირ­კმლე­ბი უზ­რუნ­ველ­­ყოფს.
სის­ხლი გლო­მე­რუ­ლა­ში მა­ღა­ლი წნე­ვით შე­დის. მი­სი თხე­ვა­დი ნა­წი­ლის დი­დი რა­ო­დე­ნო­ბა გო­რ­­გლის მცი­რე ზო­მის ფო­რებ­ში იფილ­ტრე­ბა, უჯ­რე­დე­ბი და დი­დი მო­ლე­კუ­ლე­ბი, მა­გა­ლი­თად ცი­ლე­ბი, სის­ხლძარ­ღვში რჩე­ბა. გამ­ჭვირ­ვა­ლე, გა­ფილ­ტრუ­ლი სითხე ბო­უ­მე­ნის სივ­რცე­ში გა­და­დის და იქი­დან მი­ლა­კე­ბით გა­ე­დი­ნე­ბა. ზრდას­რულ, ჯან­მრთელ ადა­მი­ა­ნებ­ში თირ­კმლე­ბის მი­­ლა­­კებ­ში დღე­ში 180 ლიტ­რი გა­ფილ­ტრუ­ლი სი­თხე გა­ივ­ლის. იგი თით­ქმის მთლი­ა­ნად (ე­ლექ­ტრ­ო­­ლი­ტე­ბის ჩათ­ვლით) უკან შე­ი­წო­ვე­ბა თირ­კ­მე­ლ­ში­ვე. მი­სი და­ახ­ლო­ე­ბით 1,5%-2% შარ­დის სა­­ხით გა­მო­ი­ყო­ფა. უკუ­შე­წო­ვის გან­სა­ხორ­ცი­ე­ლებ­ლად ნეფ­რო­ნის სხვა­დას­ხვა ნა­წი­ლი აქ­ტი­უ­რად გა­მოჰ­ყოფს ან შე­ი­წოვს სხვა­დას­ხვა ელექ­ტრო­ლი­ტს, რომ­ელ­საც თან წყა­ლიც „მიჰ­ყვე­ბა“. ნეფ­რო­ნის ზო­გი ნა­წი­ლი, სა­ჭი­რო­ე­ბი­სა­მებრ, ცვლის წყლის გა­ტა­რე­ბის პრო­ცესს, რი­თიც უკუ­შე­წო­ვი­ლი სითხ­ის რა­ო­დე­ნო­ბა რე­გუ­ლირ­დე­ბა. ეს საკ­მა­ოდ რთუ­ლი და მრა­ვალ­სა­ფე­ხუ­რი­ა­ნი პრო­ცე­სი­ა.
მი­ლა­კის პირ­ველ ნა­წილ­ში (პროქ­სი­მა­ლუ­რი კლაკ­ნი­ლი მი­ლა­კი) ნატ­რი­უ­მის, წყლის, გლუ­კო­ზი­სა და სხვა გა­ფილ­ტრუ­ლი ნივ­თი­ე­რე­ბე­ბის უდი­დე­სი ნა­წი­ლი უკან შე­ი­წო­ვე­ბა და სისხლს უბ­რუნ­დე­ბა. მი­ლა­კის შემ­დეგ ნა­წილ­ში (ჰენ­ლეს მარ­ყუ­ჟი) ნატ­რი­უ­მი, კა­ლი­უ­მი და ქლო­რი გა­რეთ გა­ე­დი­ნე­ბა და, შე­სა­ბა­მი­სად, დარ­ჩე­ნი­ლი სითხე უფ­რო მე­ტად არის გან­ზა­ვე­ბუ­ლი. ის გა­ივ­ლის მი­ლა­კის მომ­დევ­ნო ნა­წილს (დის­ტა­ლურ კლაკ­ნილ მი­ლაკს), სა­დაც დარ­ჩე­ნი­ლი ნატ­რი­უ­მის უდი­დე­სი ნა­წი­ლი მი­ლა­კი­დან გა­რეთ გა­ე­დი­ნე­ბა კა­ლი­უ­მი­სა და მჟა­ვას სა­ნაც­ვლოდ, რომ­ლე­ბიც მი­ლაკ­ში შე­დის.
რამ­დე­ნი­მე ნეფ­რო­ნის მი­ლა­კე­ბი­დან სითხე შემ­კრებ სა­დი­ნარ­ში გროვ­დე­ბა. სა­დი­ნა­რებ­ში ის შე­იძ­ლე­ბა გან­ზა­ვე­ბუ­ლი დარ­ჩეს ან წყა­ლი უკან, სის­ხლში გა­და­ვი­დეს, რის შე­დე­გა­დაც უფ­რო კონ­ცენ­ტრი­რე­ბუ­ლი შარ­დი წარ­მო­იქ­მნე­ბა. წყლის უკუ­შე­წო­ვა რამ­დე­ნი­მე ჰორ­მო­ნით რე­გუ­ლირ­დე­ბა, მათ შო­რის ან­ტი­დი­უ­რე­ზუ­ლი ჰორ­მო­ნით (რო­მელ­საც ჰი­პო­ფი­ზი წარ­მოქ­მნის). ეს ნივ­თი­ე­რე­ბე­ბი ეხ­მა­რე­ბა თირ­კმელს ფუნ­ქცი­ო­ნი­რე­ბა­ში, შარ­დის შე­მად­გენ­ლო­ბის კონ­ტროლ­ში, წყლის და ელექ­ტრო­ლი­ტე­ბის ბა­ლან­სის შე­ნარ­ჩუ­ნე­ბა­ში.
ფილ­ტრა­ცია და გა­მო­ყო­ფა: ორ­გა­ნიზ­მში სა­კ­ვე­ბის გა­და­მუ­შა­ვე­ბის პრო­ცეს­ში ნარ­ჩე­ნი ნივ­თი­ე­რე­ბე­ბი წარ­მო­იქ­მნე­ბა, რომ­ლე­ბიც სხე­უ­ლი­დან უნ­და გა­მო­ი­ყოს. მათ შო­რის ერ­თ-ერ­თი ძი­რი­თა­დია შარ­დო­ვა­ნა, რო­მე­ლიც ცი­ლე­ბის გა­და­მუ­შა­ვე­ბის შე­დე­გად გროვ­დე­ბა. ის თა­ვი­სუფ­ლად გა­და­დის გლო­მე­რუ­ლა­დან მი­ლა­კო­ვან სითხ­ე­ში და რად­გა­ნაც, რო­გორც წე­სი, უკან არ შე­ი­წო­ვე­ბა, შარ­დით გა­მო­ი­ყო­ფა.
სხვა არა­სა­სურ­ვე­ლი ნივ­თი­ე­რე­ბე­ბი, რო­გო­რი­ცაა მე­ტა­ბო­ლიზ­მის შე­დე­გად წარ­მოქ­მნი­ლი მჟა­ვე­ბი, ბევ­რი ტოქ­სი­ნი და წა­მა­ლი, შარ­დში გა­მო­იყო­ფა თირ­კმლე­ბის მი­ლა­კე­ბის უჯ­რე­დე­ბის მი­ერ (ი­სი­ნი შარ­დის და­მა­ხა­სი­ა­თე­ბელ სუნს გა­ნა­პი­რო­ბე­ბენ).
არ­ტე­რი­უ­ლი წნე­ვის რე­გუ­ლი­რე­ბა: თირ­კ­მ­ლე­­ბის კი­დევ ერ­თი ფუნ­ქცია არ­ტე­რი­უ­ლი წნე­ვის რე­­გუ­ლა­ცი­ა­ა, რაც ზედ­მე­ტი ნატ­რი­უ­მის ორ­გა­ნიზ­მი­დან გა­მო­ყო­ფის გზით ხორ­ცი­ელ­დე­ბა. თუ ნატ­რი­უ­მი მცი­რე რა­ო­დე­ნო­ბით გა­მო­ი­ყო, წნე­ვა, რო­გორც წე­სი, მა­ტუ­ლობს. რე­გუ­ლა­ცი­ის კი­დევ ერ­თი გზაა სპე­ცი­ფი­კუ­რი ფერ­მენ­ტის, რე­ნი­ნის, გა­მო­ყო­ფა. რო­ცა წნე­ვა ნორ­მა­ზე დაბ­ლა ეცე­მა, თირ­კმლე­ბი სის­ხლში გად­მო­ის­ვრი­ან ამ ნივ­თი­ე­რე­ბას, რის შე­დე­გად აქ­ტი­ურ­დე­ბა რე­ნინ­-ან­გი­ო­ტენ­ზინ­-ალ­დოს­ტე­რო­ნის სის­ტე­მა, რო­მე­ლიც წნე­ვის მო­მა­ტე­ბას გა­ნა­პი­რო­ბებს. თირ­კმლე­ბის უკ­მა­რი­სო­ბის მქო­ნე ადა­მი­ა­ნებ­ში არ­ტე­რი­უ­ლი წნე­ვის რე­გუ­ლი­რე­ბის უნა­რი დაქ­ვე­ი­თე­ბუ­ლია და წნე­ვა ხში­რად მა­ღა­ლი­ა.
ჰორ­მო­ნე­ბის გა­მო­მუ­შა­ვე­ბა: ჰორ­მო­ნე­ბის გა­მო­ყო­ფის გზით თირ­კმლე­ბი სხვა მნიშ­ვნე­ლო­ვან ფუნ­ქცი­ებ­­საც ას­რუ­ლებს, მა­გა­ლი­თად, არე­გუ­ლი­რებს სის­ხლის წი­თე­ლი უჯ­რე­დე­ბის წარ­მოქ­მნას, ძვლე­ბის ზრდა­სა და გან­ვი­თა­რე­ბას.
თირ­კმ­ლებ­ში გა­მომ­უ­შავ­დე­ბა ჰორ­მო­ნი ერით­­რო­პო­ე­ტი­ნი, რო­მე­ლიც ძვლის ტვინ­ში სის­ხლის წი­თე­ლი უჯ­რე­დე­ბის წარ­მოქ­მნას უწყ­ობს ხელს, რომ­ლე­ბიც შემ­დეგ ძვლის ტვი­ნი­დან სის­ხლში გად­მო­დის.
ჯან­მრთე­ლი ძვლე­ბის ზრდა და გან­ვი­თა­რე­ბა რთუ­ლი პრო­ცე­სი­ა, რო­მე­ლიც ორ­გა­ნო­თა რამ­დე­ნი­მე სის­ტე­მა­ზეა და­მო­კი­დე­ბუ­ლი, მათ შო­რის თირ­კმლებ­ზე. მა­თი მეშ­ვე­ო­ბით რე­გუ­ლირ­დე­ბა კალ­ცი­უ­მი­სა და ფოს­ფო­რის შემ­ცვე­ლო­ბა, ანუ იმ მი­ნე­რა­ლე­ბი­სა, რომ­ლე­ბიც აუ­ცი­ლე­ბე­ლია ძვლე­ბის სი­ჯან­სა­ღის­თვის. თირ­კმლე­ბი ამას კან­ში წა­რ­მოქ­მნი­ლი და საკ­ვე­ბით მი­ღე­ბუ­ლი D ვი­ტა­მი­ნის აქ­ტი­ურ ფორ­მა­ში (კალ­ციტ­რი­ო­ლი) გა­დაყ­ვა­ნით უზ­რუნ­ველ­ყო­ფენ. კალ­ციტ­რი­ო­ლი მოქ­მე­დებს რო­გორც ჰორ­მო­ნი და ას­ტი­მუ­ლი­რებს კალ­ცი­უ­მი­სა და ფოს­ფო­რის შე­წო­ვას წვრილ ნაწ­ლავ­ში.

თირ­კმლე­ბი­სა და სა­შარ­დე გზე­ბის ბი­ო­ლო­გია

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

#datashvil    #drpkhakadze  #sheniganatleba

თირ­კმლე­ბი ლო­ბი­ოს მარ­ცვლის ფორ­მის ორ­­­გა­­ნო­ე­ბი­ა, რო­მელ­თა სიგ­რძე და­ახ­ლო­ე­ბით 12 სა­ნ­­ტი­მეტ­რი­ა

მიერ
© საქართველოს საზოგადოებრივი ჯანდაცვის ინსტიტუტი
-
0

თირ­კმლე­ბი­სა და სა­შარ­დე გზე­ბის
ბი­ო­ლო­გია

ადა­მი­ანს ორი თირ­კმე­ლი აქვს. სა­შარ­დე გზე­ბის და­ნარ­ჩე­ნი ნა­წი­ლე­ბი­ა: ორი შარ­დსაწ­ვე­თი (ი­სი­ნი თი­თო­ე­ულ თირ­კმელს აკავ­ში­რებს შარ­დის ბუშ­ტთან), შარ­დის ბუშ­ტი და შარ­დსა­დე­ნი (მი­ლი, რო­მე­ლიც შარ­დის ბუშ­ტი­დან სხე­უ­ლის გა­რეთ მი­ე­მარ­თე­ბა). თი­თო­ე­უ­ლი თირ­კმე­ლი მუდ­მი­ვად წარ­მოქ­მნის შარდს, რო­მე­ლიც შარ­დსაწ­ვე­თე­ბის გავ­ლით შარ­დის ბუშ­ტში და­ბა­ლი წნე­ვით ჩა­ე­დი­ნე­ბა. შემ­დეგ შარ­დი შარ­დსა­დე­ნის გავ­ლით გა­მო­დის სხე­უ­ლი­დან, მა­მა­კა­ცებ­ში პე­ნი­სით, ხო­ლო ქა­ლებ­ში – ვულ­ვის სი­ახ­ლო­ვეს. შარ­დში ნორ­მა­ში, რო­გორც წე­სი, არ არის ბაქ­ტე­რი­ე­ბი და სხვა პა­თო­ლო­გი­უ­რი მიკ­რო­ორ­გა­ნიზ­მე­ბი.

თირ­კმლე­ბი
თირ­კმლე­ბი ლო­ბი­ოს მარ­ცვლის ფორ­მის ორ­­­გა­­ნო­ე­ბი­ა, რო­მელ­თა სიგ­რძე და­ახ­ლო­ე­ბით 12 სა­ნ­­ტი­მეტ­რი­ა. ისი­ნი ხერ­ხემ­ლის აქეთ­-ი­ქით, სა­ჭ­­­­­მლის მომ­ნე­ლე­ბე­ლი ორ­გა­ნო­ე­ბის შემ­ცვე­ლი მუც­­­ლის ღრუს უკა­ნაა გან­თავ­სე­ბუ­ლი. თი­თო­ე­უ­ლი მათ­გა­ნი სისხლს აორ­ტის ტო­ტე­ბი­დან – თირ­კმლე­ბის არ­ტე­რი­ე­ბი­დან იღებს. სის­ხლი მათ­გან უფ­რო და უფ­რო მცი­რე არ­ტე­რი­ებ­ში მი­ე­დი­ნე­ბა, რო­მელ­თა­გან ყვე­ლა­ზე მცი­რე ზო­მი­სას არ­ტე­რი­ო­ლე­ბი ეწო­დე­ბა. არ­ტე­რი­ო­ლე­ბი­დან სის­ხლი გლო­მე­რუ­ლებ­ში, ანუ გორ­გლებ­ში გა­და­დის, სა­დაც უმ­ცი­რე­სი სის­ხლძარ­ღვე­ბის – კა­პი­ლა­რე­ბის ქსე­ლია გან­თავ­სე­ბუ­ლი. გლო­მე­რუ­ლე­ბი­დან სის­ხლი არ­ტე­რი­ო­ლე­ბით გა­მო­დის და პა­ტა­რა ვე­ნებ­ში გა­და­ე­დი­ნე­ბა, რომ­ლე­ბიც ერ­თი­ან­დე­ბა და წარ­მოქ­მნის თირ­კმლის ვე­ნას, რო­მელ­საც ამ ორ­გა­ნო­დან სის­ხლი გა­აქვს.
ნეფ­რო­ნი თირ­კმლის უმ­ცი­რე­სი, მიკ­როს­კო­პი­უ­ლი ერ­­თე­­უ­ლი­ა, რო­მე­ლიც ფილ­ტრავს სისხლს და წარ­მოქ­მნის შარდს. თი­თო­ე­ულ თირ­კმელ­ში და­ახ­ლო­ე­ბით ერ­თი მი­ლი­ო­ნი ნეფ­რო­ნი­ა. ისი­ნი შედ­გე­ბა გლო­მე­რუ­ლის, მი­ლა­კი­სა და შემ­კრე­ბი სა­დინა­რის­გან. გლო­მე­რუ­ლას, ანუ გორ­გალს, გარს აკ­რავს თხე­ლი, თა­სის ფორ­მის ბო­უ­მე­ნის კაფ­სუ­ლა. კაფ­სუ­ლის შიგ­ნით არ­სე­ბუ­ლი ბო­უ­მე­ნის სივ­რცი­დან გა­ფილ­ტრუ­ლი სითხე (შარ­დი) მი­ლა­კით გა­ე­დი­ნე­ბა. ნეფ­რო­ნის მე­სა­მე ნა­წი­ლი შემ­კრე­ბი სა­დი­ნა­რი­ა, რო­მელ­შიც შარ­დი რამ­დე­ნი­მე მი­ლა­კი­დან გროვ­დე­ბა. თი­თო­ე­უ­ლი მი­ლა­კი, თა­ვის მხრივ, სა­მი ერ­თმა­ნეთ­თან და­კავ­ში­რე­ბუ­ლი ნა­წი­ლის­გან შედ­გე­ბა: პროქ­სი­მა­ლუ­რი კლაკ­ნი­ლი მი­ლა­კი, ჰენ­ლეს მარ­ყუ­ჟი და დის­ტა­ლუ­რი კლაკ­ნი­ლი მი­ლა­კი.
თირ­კმელ­ში ორი ნა­წი­ლი გა­მო­ი­ყო­ფა: გა­რე­თა (ქერ­ქო­ვა­ნი) ნა­წი­ლი და შიგ­ნი­თა (ტვი­ნო­ვა­ნი) ნა­წი­ლი. ყვე­ლა გლო­მე­რუ­ლა გა­რე­თა ნა­წილ­შია მო­თავ­სე­ბუ­ლი, მი­ლა­კე­ბი კი – რო­გორც ქერ­ქო­ვან, ისე ტვი­ნო­ვან ნა­წი­ლებ­ში. ათა­სო­ბით ნეფ­რო­ნის შემ­კრე­ბი სა­დინ­არი­დან შარ­დი თირ­კმლე­ბის ფი­ა­ლებ­ში ჩა­ე­დი­ნე­ბა. თი­თო­ე­ულ თირ­კმელ­ში რამ­დე­ნი­მე ფი­ა­ლა­ა, რომ­ლე­ბიც ცენ­ტრა­ლურ სივ­რცეს – თირ­კმლე­ბის მენჯს უკავ­შირ­დე­ბა. მენ­ჯი­დან შარ­დი შარ­დსაწ­ვეთ­ში გა­და­დის.

წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)

#datashvil    #drpkhakadze  #sheniganatleba

UNFPA-სა და ჟორდანიას კლინიკას შორის თანამშრომლობის მემორანდუმი გაფორმდა – კლინიკა „მამების სკოლის“ პარტნიორი ხდება

მიერ
© საქართველოს საზოგადოებრივი ჯანდაცვის ინსტიტუტი
-
0

გაეროს მოსახლეობის ფონდის (UNFPA) საქართველოს ოფისსა და ჟორდანიას კლინიკას შორის ურთიერთთანამშრომლობის მემორანდუმს მოეწერა ხელი. გაეროს ერთობლივი პროგრამის „გენდერული თანასწორობისთვის“ ფარგლებში, რომელიც შვედეთის მხარდაჭერით ხორციელდება, 2024 წლიდან ჟორდანიას კლინიკა „მამების სკოლას“ უმასპინძლებს. თანამშრომლობა ხორციელდება UNFPA-ის პარტნიორ არასამთავრობო ორგანიზაციასთან „ვიზრუნოთ ერთად“, რომელიც „მამების სკოლის“ პროგრამის კოორდინაციაზეა პასუხისმგებელი.

ინფორმაციას საქართველოში გაეროს მოსახლეობის ფონდის (UNFPA) ოფისი ავრცელებს.

„მამების სკოლის“ მიზანია, ხელი შეუწყოს კაცებში ისეთი უნარებისა და ქცევების განვითარებას, რომელიც მათ უფრო მზრუნველ მამებად და პარტნიორებად აქცევს. “მამების სკოლის” პროგრამა ასევე დაეხმარება კაცებს, მეტი გაიგონ გენდერული თანასწორობის და იმ სტერეოტიპების და საზიანო სოციალური ნორმების შესახებ, რაც რეალური თანასწორობის მიღწევას აფერხებს.

სკოლის სამიზნე აუდიტორიას ის კაცები წარმოადგენენ, ვინც ახლო მომავალში გეგმავს მამობას, ამჟამად ელოდება შვილის დაბადებას, ან სამ წლამდე ბავშვის მამაა. სკოლაში სწავლა უფასოა და დაინტერესებული მამები მონაწილეობას ონლაინ რეგისტრაციის საშუალებით შეძლებენ.

„მამების სკოლა“ რვა ძირითადად სესიას მოიცავს. თითოეული სესიის ხანგრძლივობა ორი საათია. საგანგებოდ შემუშავებული მოდულის საშუალებით, მამები მიიღებენ ცოდნასა და ინფორმაციას ისეთ მნიშვნელოვან თემებზე, როგორიცაა:

•    როგორ შევარჩოთ შვილის ყოლისთვის სასურველი დრო;
•    როგორ დავუჭიროთ მხარი პარტნიორს ორსულობისა და მშობიარობის დროს;
•    როგორ გავინაწილოთ საოჯახო შრომა;
•    როგორ ავარჩიოთ ბავშვის აღზრდის მეთოდები;
•    როგორ დავიცვათ შვილი ძალადობისგან;
•    როგორ შევინარჩუნოთ ჰარმონიული ურთიერთობა ოჯახში;
•    რატომ არის მნიშვნელოვანი თანასწორი პარტნიორობა.

ასევე, „მამების სკოლის“ ფარგლებში დაგეგმილია შეხვედრები პროფესიონალებთან, რომლებიც ბავშვის აღზრდის პროცესში აქტიურად არიან ჩართული.

შვილებზე ზრუნვასა და აღზრდაში მამების აქტიური ჩართულობის სარგებელი არაერთი კვლევითაა დამტკიცებული – ამ დროს ბავშვები გაცილებით ბედნიერები არიან, გამოირჩევიან ფიზიკური და მენტალური ჯანმრთელობით, მაღალი აკადემიური მიღწევებით, უკეთესი სოციალური უნარებით, მაღალი თვითშეფასებით, ნაკლები ქცევითი პრობლემებითა და სტრესისადმი გაზრდილი მედეგობით.

UNFPA-ის ინიციატივით, საქართველოში პირველად „მამების სკოლა“ 2021 წელს თბილისში, გაგუას კლინიკასთან და ქუთაისში – ქალთა ჯანმრთელობის ცენტრ „ჰერასთან“ თანამშრომლობით გაიხსნა პროგრამის “ევროკავშირი გენდერული თანასწორობისათვის: ერთად გენდერული სტერეოტიპებისა და გენდერული ძალადობის დასაძლევად” ფარგლებში, რომელიც ხორციელდება გაეროს მოსახლეობის ფონდის (UNFPA) და გაეროს ქალთა ორგანიზაციის (UN Women) მიერ, ევროკავშირის მხარდაჭერით. აღნიშნულია ინფორმაციაში.

#datashvil    #drpkhakadze  #sheniganatleba

1...718719720...1,035გვერდი 719 of 1,035

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights