გასული ოცი წლის განმავლობაში, დასავლურ ქვეყნებში ყელის კიბოს შემთხვევათა რაოდენობა სწრაფად გაიზარდა, ისე, რომ ზოგი მას ეპიდემიასაც უწოდებს. ამის მიზეზია ყელის კიბოს კონკრეტული ტიპის, ოროფარინგალური (გლანდების ზონა და ყელის უკანა ნაწილი) კიბოს შემთხვევათა დიდი ზრდა.
მასკიმა ნებართვა უკვე მიიღო, რომ ჩიპები ადამიანის ტვინში ჩანერგოს
ცნობილმა მილიარდერმა ილონ მასკმა გააზიარა ინფორმაცია, რომ მისმა კომპანიამ Neuralink, რომელიც ტვინისთვის ჩიპების შექმნაზე მუშაობს, FDA–გან ნებართვა უკვე მიიღო, რომ ეს ჩიპები ადამიანის ტვინში ჩანერგოს.
ეს ნიშნავს, რომ ვიცით, როდის შეძლებს ხალხი ამ უნიკალური ჩიპის ტარებას და მისი პოტენციალის გამოყენებას. ეს მნიშვნელოვანი ნაბიჯია ტექნოლოგიის განვითარებაში, რომელიც მედიცინისთვის და ტვინის ინტერფეისების სფეროს ფართოდ გამოსაკვლევად ახალ შესაძლებლობებს იძლევა.
ილონ მასკის თქმით, Neuralink–ის ნეიროჩიპებს დიდი პოტენციალი აქვთ იმ ადამიანების აღსადგენად, რომელთაც მხედველობის პრობლემები და დამბლა აწუხებთ.
2017 წელს კომპანიამ Neuralink განაცხადი შეიტანა FDA–ში (აშშ–ში საკვები პროდუქტების და მედიკამენტების ხარისხის მარეგულირებელი სააგენტო). თუმცა განაცხადი უარყოფილ იქნა, რადგან ჩიპები ხალხზე გამოსაყენებლად საკმარისად მზად არ იყო. დღემდე კომპანია კვლევებს მხოლოდ ცხოველებზე ატარებდა.
ნოემბერში ილონ მასკის მიერ დაარსებულმა კომპანიამ Neuralink სოციალური ქსელის Twitter საკუთარ გვერდზე გამოაცხადა, რომ ხალხთან სამუშაოს დასაწყებად მზად არიან.
მასკი აცხადებს: „სანამ მოწყობილობის ადამიანში გამოყენებას დავიწყებთ, უკიდურესი სიფრთხილე გვინდა გამოვიჩინოთ და დავრწმუნდეთ, რომ საუკეთესოდ იმუშავებს. ჩვენი დოკუმენტების დიდი ნაწილი უკვე წარვუდგინეთ FDA–ს და, დიდი ალბათობით, 6 თვის შემდეგ ადამიანებში ჩიპების ჩასმას შევძლებთ“.
2023 წლის 25 მაისს კომპანიამ განაცხადა, რომ FDA–გან ნებართვა მიიღეს და ახლა ადამიანებზე კვლევების დაწყება შეუძლიათ.
#datashvil #drpkhakadze #sheniganatleba #sheniambebi #sheniekimi
მსოფლიოში სწრაფად ვრცელდება ომიკრონის ახალი ქვევარიანტი – ჯანმოს მიერ კლასიფიცირებულია “საინტერესო ვარიანტი”
ჯანდაცვის მსოფლიო ორგანიზაციამ დაასახელა COVID-19 ვარიანტი JN.1, როგორც ცალკე ინტერესის ვარიანტი BA.2.86.
კორონავირუსის ომიკრონის შტამის ქვევარიანტი ჯანდაცვის მსოფლიო ორგანიზაციის მიერ კლასიფიცირებულია “საინტერესო ვარიანტი”. მიზეზი ამ შტამის “სწრაფად მზარდი გავრცელებაა”.
ვირუსის ქვევარიანტი სახელად JN.1 აღმოჩენილია მსოფლიოს მრავალ ქვეყანაში, მათ შორის, ინდოეთში, ჩინეთსა და ამერიკის შეერთებულ შტატებში. ჯანმო-ს განცხადებით ამ ეტაპზე ვირუსთან დაკავშირებული რისკი დაბალია, რადგან ამ დროისთვის არსებული ვაქცინები იცავენ ადამიანს დაავადების გართულებისგან.
ჯანდაცვის მსოფლიო ორგანიზაციამ დაასახელა COVID-19 ვარიანტი JN.1, როგორც ცალკე ინტერესის ვარიანტი BA.2.86 მშობელი ხაზისგან, მისი სწრაფად მზარდი გავრცელების გამო; მიმდინარე მტკიცებულებებზე დაყრდნობით, JN.1-ით გამოწვეული გლობალური ჯანმრთელობის რისკი დაბალი რჩება.
ომიკრონის შტამი გარკვეული პერიოდის განმავლობაში გლობალურად დომინანტური ვარიანტი იყო. ჯანდაცვის მსოფლიო ორგანიზაცია ამ ეტაპზე აკვირდება ომიკრონის რამდენიმე ქვევარიანტს და მათ შორის JN1-ს, თუმცა აცხადებენ, რომ არც ერთი ქვევარიანტი არ ითვლება შემაშფოთებლად.
JN.1 ამჟამად ყველაზე სწრაფად მზარდი ვარიანტია შეერთებულ შტატებში. აშშ-ის დაავადებათა კონტროლისა და პრევენციის ცენტრების მიხედვით, ინფექციების 15-დან 29%-მდე სწორედ JN.1-ია.
ჯანდაცვის ორგანიზაციამ დასძინა, რომ ის მუდმივად აკონტროლებს მტკიცებულებებს და საჭიროების შემთხვევაში განაახლებს JN.1 რისკის შეფასებას.
ჯანდაცვის მსოფლიო ორგანიზაციის თქმით, ამჟამინდელი ვაქცინები აგრძელებენ დაცვას მძიმე დაავადებისა და სიკვდილისგან
The World Health Organization has classified the COVID-19 variant JN.1 as a separate variant of interest from the parent lineage BA.2.86 due to its rapidly increasing spread; based on current evidence, the global health risk posed by JN.1 remains low.
„განცხადებაში განსაკუთრებული ვერაფერი ამოვიკითხე“ – ზურაბ აზარაშვილი ფარმაცევტული კომპანიების განცხადებაზე
„ფარმაცევტული კომპანიების განცხადებაში ვერაფერი განსაკუთრებული ვერ ამოვიკითხე“, – ასე უპასუხა ჯანდაცვის მინისტრმა ფარმაბიზნესის ერთობლივ განცხადებას.
სამინისტრომ განაცხადება გაავრცელა, სადაც ნათქვამი იყო, რომ მედიკამენტები, რომლებზეც რეფერენტული ფასი ჯერ არ მოქმედებს, აფთიაქებში, იმპორტის ფასთან შედარებით, 32-ჯერ ძვირად, ზოგ შემთხვევაში 1000%, 2000% და 3000%-იანი ფასნამატით იყიდება.
აღნიშნულ განცხადებას ფარმაბიზნესი გამოეხმაურა: „ჯანდაცვის სამინისტროს მიერ დღეს გამოქვეყნებული მედიკამენტების ჩამონათვალიდან მხოლოდ ერთი მედიკამენტი(დიოვანი) არის PSP-ს მიერ იმპორტირებული; ყველა დანარჩენს შესყიდულია ადგილობრივი მომწოდებლებისგან. დიოვანის ფასნამატი 26%-ია, ხოლო ყველა დანარჩენ მედიკამენტზე არა 3000%, არამედ მარჟა 29%-ს არ აღემატება“.
აღნიშნული განცხადების შესახებ „რუსთავი 2“-ის ეთერში ჯანდაცვის მინისტრმა ზურაბ აზარაშვილმა თქვა, რომ განცხადებაში განსაკუთრებული ვერაფერი ამოიკითხა.
კითხვაზე, კონკურენციის სააგენტო, მხოლოდ ფარმაბიზნესის საქმიანობას იკვლევს, თუ დისტრიბუტორების პასუხისმგებლობაც დგას, რომლებიც ფარმაცევტულ კომპანიებს მედიკამენტებს გაზრდილი ფასით აწვდიან, მინისტრმა უპასუხა: „შეიძლება 6%-იანი მარჟა იყოს რაიმე მედიკამენტზე იმპორტის ფასთან მიმართებაში? მეც ვნახე ეს განცხადება და ვერაფერი განსაკუთრებული ვერ ამოვიკითხე. შეუძლიათ იმპორტის ფასები ამოიღონ კონკრეტულ მედიკამენტებზე და ნახონ ის მედიკამენტი აფთიაქში როგორ იყიდება“, – განაცხადა აზარაშვილმა.
მინისტრის ამ განცხადებამდე, რამდენიმე საათის წინ, ჯანდაცვის სამინისტრომ ინფორმაცია გაავრცელა, სადაც წერია, რომ წამლების ჩამონათვალი, რომელზეც რეფერენტული ფასი მოქმედებს, გაფართოვდა და ფასის ზედა ზღვარი, ჯამში, 5 000-ზე მეტ მედიკამენტზეა განსაზღვრული.
ჯანდაცვის სამინისტროს მიერ გავრცელებულ განცხადებას ასევე გამოეხმაურა ფარმაცევტული კომპანიების ასოციაცია, სადაც მიაჩნიათ, რომ ბოლო პერიოდში ფარმაცევტული სექტორის ავტორიტეტისა და რეპუტაციის შემლახავი კამპანია მიზანმიმართულად მიმდინარეობს.
#datashvil #drpkhakadze #sheniganatleba #sheniambebi #sheniekimi
„2024 წლიდან, საყოველთაო ჯანდაცვას სახელმწიფო პროგრამას კიბოს ადრეული დიაგნოსტიკის პროგრამა ემატება“ – ზურაბ აზარაშვილი
„2024 წლიდან, საყოველთაო ჯანდაცვას სახელმწიფო პროგრამას კიბოს ადრეული დიაგნოსტიკის პროგრამა ემატება, – ამის შესახებ ჯანდაცვის მინისტრმა ზურაბ აზარაშვილმა “რუსთავი 2”-ის ეთერში განაცხადა.
მისი თქმით, კიბოს ადრეული დიაგნოსტიკა, ფინანსური კუთხითაც ეფექტურია.
“როგორც კი ეჭვი გაჩნდება რაიმე ტიპის სიმსივნეზე, კონკრეტულ კლინიკებში, საბოლოო დიაგნოზის დასმას და ამ პროცესის დაფინანსებას უზრუნველვყოთ.
ეს საშუალებას მოგვცემს, რაც შეიძლება ადრეულ ეტაპზე აღმოვაჩინოთ ონკოლოგიური დაავადება. ასეთ დროს, განკურნების შანსი უფრო მაღალია და გაცილებით ეფექტურია დანახარჯების კუთხითაც და ამას მსოფლიოს სხვადასხვა ქვეყნის გამოცდილებაც ადასტურებს, სადაც ადრეული დიაგნოსტიკის შემთხვევაში, დანახარჯები, დაახლოებით, 40%-ით მცირდება“, – აღნიშნა მინისტრმა.
#datashvil #drpkhakadze #sheniganatleba #sheniambebi #sheniekimi
მეცნიერები: სისხლის მარტივ ანალიზს შეუძლია გამოავლინოს სუიციდური აზრების არსებობა
მეცნიერები: სისხლის მარტივ ანალიზს შეუძლია გამოავლინოს სუიციდური აზრების არსებობა
ნიკოლაი ვორონინი
თანამდებობა, სამეცნიერო კორესპონდენტი
2023 წლის 20 დეკემბერი
კალიფორნიის უნივერსიტეტის სან დიეგოს მედიცინის სკოლის (აშშ) მეცნიერები ამბობენ, რომ სერიოზული დეპრესია და სუიციდური აზრები შეიძლება დაისვას სისხლის მარტივი ანალიზით.
მათ აღმოაჩინეს, რომ დეპრესიამ (ფსიქიკის დეპრესიულმა დარღვევებმა) და სუიციდურმა აზრებმა შეიძლება გავლენა იქონიოს ორგანიზმის ნივთიერებათა ცვლაზე (მეტაბოლიზმი), ისევე როგორც ინფექციური დაავადებების და კიბოს შემთხვევაში.
მეტაბოლიზმის ცვლილება აუცილებლად იწვევს სისხლის ქიმიური შემადგენლობის ცვლილებას, სადაც ჩნდება სპეციფიკური ნაერთები, რომლებიც დამახასიათებელია გარკვეული მეტაბოლური დარღვევებისთვის. მათ ბიომარკერებს უწოდებენ.
თითოეულ დაავადებას აქვს ბიომარკერების საკუთარი ნაკრები, რომელიც შეიძლება გამოვლინდეს სისხლის ანალიზის დროს.
ეს ნიშნავს, რომ თეორიულად, ასეთი ანალიზი შეიძლება მიუთითებდეს, რომ პაციენტს აქვს დეპრესია და სუიციდური აზრებიც კი.
„ფსიქიკური აშლილობის მიზეზები და მათი ზემოქმედება ორგანიზმზე სცილდება ტვინის ფარგლებს,“ განმარტავს რობერტ ნავიო, პროფესორი სან დიეგოს მედიცინის სკოლის მედიცინის, პედიატრიისა და პათოლოგიის განყოფილებებში.
ზოგიერთ მძიმე შემთხვევებში, დეპრესია პრაქტიკულად განუკურნებელია. ამ პაციენტების უმეტესობას უვითარდება სუიციდური აზრები და თითქმის ყოველ მესამეს ერთხელ მაინც აქვს თვითმკვლელობის მცდელობა.
საჭირო ბიომარკერების აღმოსაჩენად, მეცნიერებმა გამოიკვლიეს ასობით მძიმე დეპრესიით დაავადებული პაციენტის სისხლი და შეადარეს ისინი საკონტროლო ჯგუფიდან იმავე რაოდენობის ჯანსაღი პანციეტების შედეგებს.
დადგინდა, რომ სისხლში ასობით სხვადასხვა მოცირკულირე ნაერთიდან ხუთი შეიძლება რეალურად გამოვიყენოთ, როგორც ბიომარკერი რეზისტენტული დეპრესიისა და სუიციდური აზრების არსებობისთვის პაციენტში.
ამავდროულად, ხუთი ნაერთის ნაკრები განსხვავებული აღმოჩნდა ქალებისთვის და მამაკაცებისთვის. თუმცა, ორივე ვარიანტი მოიცავს ბიომარკერებს, რომლებიც მიუთითებენ მიტოქონდრიების ფუნქციონირების დარღვევაზე, რომლებიც პასუხისმგებელნი არიან უჯრედში ენერგიის გამომუშავებაზე.
ეს აშლილობა კარგად არის შესწავლილი და ცნობილია მისი მკურნალობის მეთოდები. შესაძლებელია, რომ მათმა გამოყენებამ შეიძლება შეანელოს ან თუნდაც შეაჩეროს მძიმე მკურნალობისადმი რეზისტენტული დეპრესიისა და სუიციდური აზრების განვითარება.
ყველაზე ფართო სპექტრის ფსიქიკური აშლილობა – ნარკოდამოკიდებულებიდან შიზოფრენიამდე – დიაგნოზირებულია თითქმის 1 მილიარდ ადამიანში დედამიწაზე.
მათგან ყველაზე გავრცელებული – შფოთვითი აშლილობები და დეპრესია – გლობალურ ეკონომიკას ყოველწლიურად თითქმის 1 ტრილიონი დოლარი უჯდება, რაც შედარებულია მთელი თურქეთის ან საუდის არაბეთის მშპ-სთან.
ეს არ ითვალისწინებს იმ ფაქტს, რომ ფსიქიკური დაავადების ან ფსიქიკური აშლილობის გამო მუშაობის დაქვეითება იწვევს პროდუქტიულობის დაქვეითებას. რაც წელიწადში დაახლოებით 250 მილიარდი დოლარი ღირს (საბერძნეთის, ახალი ზელანდიის ან ყატარის მშპ-სთან შედარებით).
ჯანდაცვის მსოფლიო ორგანიზაციის მონაცემებით, ბოლო 20 წლის განმავლობაში, თვითმკვლელობის საშუალო მაჩვენებელი მსოფლიოს უმეტეს ქვეყნებში სტაბილურად მცირდება – რუსეთშიც კი, რომელიც ამ მაჩვენებლის თვალსაზრისით პირველ სამეულშია.
და მაინც, ყოველწლიურად 700 ათასზე მეტი ადამიანი იკლავს თავს. უფრო მეტიც, მამაკაცები ამას თითქმის ორჯერ უფრო ხშირად აკეთებენ, ვიდრე ქალები (და რუსეთში – რვაჯერ).
სუიციდის მცდელობის საშუალო ასაკი კლებულობს. ორივე სქესის ახალგაზრდებში, 15-30 წლის ასაკში, ის სიკვდილის მეოთხე ყველაზე გავრცელებული მიზეზია.
#datashvil #drpkhakadze #sheniganatleba #sheniambebi #sheniekimi
„მნიშვნელოვნად გაიზარდა ბავშვის სოციალური გასაცემელი“
ჯანდაცვის მინისტრის მოადგილე თამარ ბარკალაია გადაცემაში „მოამბე“
„2024 წელს, სახელმწიფო პენსია გაიზრდება.
70 წლის და მეტი ასაკის პირთა პენსია განისაზღვრება 415 ლარის ოდენობით. მაღალმთიან დასახლებებში მცხოვრებთათვის კი თითქმის 500 ლარს მიაღწევს;
70 წლამდე პირთა პენსია გახდება 315 ლარი, ხოლო მაღალმთიან დასახლებებში 378 ლარი;
ამისათვის, სახელმწიფო ბიუჯეტიდან 3 მილიარდ 930 მილიონია გამოყოფილი და მომავალი წლიდან, გაზრდილ პენსიას 835 000 პენსიონერი მიიღებს“, – განაცხცადა თამარ ბარკალაიამ.
მისი თქმით, ბავშვების კეთილდღეობაზე ზრუნვა და ოჯახების გაძლიერება სახელმწიფოს პრიორიტეტია, რისთვისაც გასულ და მიმდინარე წელს მნიშვნელოვნად გაიზარდა ბავშვის სოციალური გასაცემელი. ივლისიდან აღნიშნული გასაცემელი 200 ლარია.
„საზოგადოებრივი დასაქმების პროგრამა 2022 წლის მარტიდან ამოქმედდა, რომლის მიზანიც გრძელვადიანი უმუშევრობიდან ღია შრომის ბაზარზე დასაქმებისაკენ ხიდის როლის შესრულებაა. ამ ეტაპზე, დასაქმების პროგრამაში, 33 000 ადამიანია დასაქმებული. პარალელურად, დასაქმების სახელმწიფო სააგენტო, აქტიურად მუშაობს სოციალურად დაუცველებთან და სხვა დასაქმების მაძიებლებთან, იმისათვის, რომ მათ ღია შრომის ბაზარზე არსებული ვაკანსიები შესთავაზოს“, – აღნიშნა თამარ ბარკალაიამ.
„მოქალაქეებმა 350 მილიონი ლარი დაზოგეს…“ – ზურაბ აზარაშვილი
ჯანდაცვის მინისტრი ზურაბ აზარაშვილი გადაცემაში “ღამის კურიერი”.
„მედიკამენტებზე, რეფერენტული ფასების დაწესებითა და თურქული ფარმაცევტული ბაზრის გახსნით, მოქალაქეებმა 350 მილიონი ლარი დაზოგეს.
მედიკამენტების არასამართლიანი ფასებით, ზარალდება, როგორც მოქალაქე, ისე სახელმწიფო.
შესაძლებელია შემოსავლების სამსახურიდან, იმპორტის ფასების შესახებ ინფორმაციის გამოთხოვა და ნახვა, თუ რა ფასად იყიდება ეს მედიკამენტები საცალო ქსელში.
მედიკამენტების ჩამონათვალი, რომლებზეც რეფერენტული ფასი დაწესდა გაიზარდა. 5 000-ზე მეტ მედიკამენტს რეფეტენტული ფასი აქვს, რაც ფარმაცევტული ბაზრის ნახევარზე მეტია“, – განაცხადა ჯანდაცვის მინისტრმა, ზურაბ აზარაშვილმა.
მისი თქმით, 2024 წლიდან, საყოველთაო ჯანდაცვას სახელმწიფო პროგრამას კიბოს ადრეული დიაგნოსტიკის პროგრამა ემატება.
„2024 წელს, სახელმწიფო პენსია გაიზრდება. 70 წლის და მეტი ასაკის პირთა პენსია განისაზღვრება 415 ლარის ოდენობით. მაღალმთიან დასახლებებში მცხოვრებთათვის კი თითქმის 500 ლარს მიაღწევს; 70 წლამდე პირთა პენსია გახდება 315 ლარი, ხოლო მაღალმთიან დასახლებებში 378 ლარი;
საზოგადოებრივი დასაქმების პროგრამა 2022 წლის მარტიდან, პრემიერი ინიციატივით ამოქმედდა, ამ დროისთვის პროგრამით 33 000 ადამიანია დასაქმებული.
2024 წლიდან იწყება უსახლკარო, მძიმე საცხოვრებელ პირობებში მყოფი მრავალშვილიანი ოჯახების განსახლების მიზნობრივი სახელმწიფო პროგრამა, რომლის ფარგლებშიც, 2025 წლამდე 1000 უსახლკარო ოჯახი მიიღებს ბინას.
დევნილთა განსახლების უპრეცედენტო პროექტი მიმდინარეობს, რომლის ბიუჯეტიც 900 მილიონი ლარია, პროექტის ფარგლებში, 2025 წლის ბოლომდე 13000 ოჯახი განსახლდება“, – აღნიშნა მინისტრმა.
ნახეთ წამლების ჩამონათვალი, რომელზეც რეფერენტული ფასი მოქმედებს, გაფართოვდა
წამლების ჩამონათვალი, რომელზეც რეფერენტული ფასი მოქმედებს, გაფართოვდა. ფასის ზედა ზღვარი, ჯამში, 5 000-ზე მეტ მედიკამენტზეა განსაზღვრული.
აღსანიშნავია, რომ რეფერენტული ფასწარმოქმნის მექანიზმი, იმ წამლებზეც გავრცელდა, როლებზეც ფარმაცევტულ ქსელებს ჭარბი ფასნამატი ჰქონდათ განსაზღვრული და იმპორტის ფასთან შედარებით 1000%, 2000% და 3000%-ით ძვირად ყიდდნენ.
რეფერენტული ფასწარმოქმნის მექანიზმი ქრონიკულ და ონკოლოგიურ მედიკამენტებზე, ანტიბიოტიკებზე, გულ-სისხლძარღვთა დაავადებების სამკურნალო მედიკამენტებზე, ანტიჰისტამინურ, ანთების საწინააღმდეგო, ფსიქოლეფსიურ, კუჭ-ნაწლავის ტრაქტზე მოქმედ, ტკივილგამაყუჩებელ, ფსიქოტროპულ, ანტივირუსულ და ანტიჰელმინთურ წამლებზე მოქმედებს.
წამლების ჩამონათვალი რომლებზეც ფასის ზედა ზღვარი მოქმედებს ეტაპობრივად გაფართოვდება და ფარმაცევტულ ბაზარზე, აქტიურად მიმოქცევაში არსებული მედიკამენტების მოცვა სრულად მოხდება.
რეფორმის მიზანი, მოქალაქეებისთვის მედიკამენტებზე მაქსიმალური ხელმისაწვდომობის უზრუნველყოფაა. რეფორმა ფარმაცევტული პროდუქტის ფასებს საშუალოდ, 40%-ით ამცირებს.
მედიკამენტების ჩამონათვალისა და მაქსიმალური ზღვრული ფასის შესახებ
ინფორმაცია აღნიშნულ გვერდზეა განთავსებული:
2024 წელს, აჭარის ჯანმრთელობისა და სოციალური დაცვის სამინისტრო უპრეცედენტო ბიუჯეტით ხვდება
2024 წელს, აჭარის ჯანმრთელობისა და სოციალური დაცვის სამინისტრო უპრეცედენტო ბიუჯეტით ხვდება. უწყების მთავარი ფინანსური დოკუმენტი 2023 წლის საწყის ბიუჯეტთან მიმართებაში – 18 020 000 ლარით გაიზრდება და 51 255 000 ლარი იქნება.
ჯანმრთელობის დაცვის სერვისების დაფინანსება გაიზრდება 51.3 %-ით;
სოციალური დაცვის სერვისების 20.5%-ით;
საზოგადოებრივი ჯანდაცვის სერვისების 12.4%-ით;
დასაქმების ხელშეწყობის დაფინანსება კი 15.3%-ით.
ამის შესახებ აჭარის ჯანმრთელობის და სოციალური დაცვის მინისტრმა ნინო ნიჟარაძემ აჭარის ტელევიზიის “მთავარის” ეთერში ისაუბრა.
