თირკმლის კენჭები საშარდე გზების დახშობის ხშირი მიზეზია – ჰიდრონეფროზი თირკმლის შარდით გადავსება და გაფართოებაა

მიერ

-

თებერვალი 13, 2024

ჰიდრონეფროზი

ჰიდრონეფროზი თირკმლის შარდით გადავსება და გაფართოებაა (დილატაცია), რაც შარდის დინების დარღვევით და თირკმლებში წნევის გაზრდით არის გამოწვეული.

თირკმლის კენჭები საშარდე გზების დახშობის ხშირი მიზეზია.

როცა ჰიდრონეფროზი სწრაფად ვითარდება, ადამიანს შეიძლება გაუსაძლისი ტკივილი ჰქონდეს გვერდის არეში (ნეკნებსა და თეძოებს შორის სივრცე).

როცა ჰიდრონეფროზი თანდათან ვითარდება, სიმპტომები შეიძლება საერთოდ არ გამოვლინდეს ან ტკივილი გვერდში იყოს დროდადრო, ყრუ, მღრღნელი ხასიათის.

საწყის ეტაპზე ექიმები შარდის ბუშტის კათეტერიზაციას ან ულტრასონოგრაფიას ნიშნავენ ჰიდრონეფროზის აღმოსაჩენად, ხოლო დახშობის ზუსტი ადგილის დასადგენად შეიძლება სხვა გამოსახულებითი კვლევებიც გამოიყენონ.

მკურნალობა ობსტრუქციის მიზეზზეა დამოკიდებული.

ნორმაში შარდი თირკმლიდან ძალიან დაბალი წნევით გაედინება. თუ დინება შეფერხდა, დახშობის ადგილიდან შარდი ზევით მიემართება და თანდათან აღწევს უმცირეს მილაკებსა და თირკმელში მისი დაგროვების ადგილს (თირკმლის მენჯს). შედეგად თირკმელი ფართოვდება და მის შიდა სტრუქტურებზე ზეწოლა იზრდება. საშარდე გზების დახშობის გამო გაზრდილმა წნევამ შეიძლება დააზიანოს თირკმელი და მისი ფუნქცია მოიშალოს. როცა შარდის დინება შეფერხებულია, საკმაოდ ხშირია საშარდე გზების ინფექციები და კენჭების ფორმირების რისკიც იზრდება. თუკი ორივე თირკმელი დაზიანდა, შესაძლოა თირკმლის უკმარისობა განვითარდეს.

თირკმლის მენჯისა და შარდსაწვეთის ხანგრძლივმა გაფართოებამ შეიძლება დაარღვიოს კუნთთა რიტმული შეკუმშვები, რომლითაც შარდი შარდსაწვეთის გავლით შარდის ბუშტში ჩაედინება (პერისტალტიკა). შარდსაწვეთების კედელში ნორმალური კუნთოვანი ქსოვილი შესაძლოა ნაწიბუროვანმა ჩაანაცვლოს, რაც გამოუსწორებელ დაზიანებას იწვევს.

წაიკითხეთ სრულად

#datashvil #drpkhakadze #sheniganatleba #sheniambebi #sheniekimi

ვაქცინაცია რესპირატორული ინფექციებისგან დასაცავად

მიერ

-

თებერვალი 13, 2024

0

გადაცემა „იმუნიტეტი“

სეზონური ვირუსები;

გრიპი და რესპირატორული ინფექციები;

სეზონური ვირუსებისა და გრიპის მკურნალობა;

მაღალი ტემპერატურის მართვა;

გრიპის გართულებათა რისკ-ფაქტორები;

ვაქცინაცია რესპირატორული ინფექციებისგან დასაცავად;

გადაცემაში სტუმრად:

ფატი გაბუნია – ინფექციონისტი

თამარ მაყაშვილი – მსახიობი

თამარ ობგაიძე – პედიატრი

როგორ ვმართოთ ეპილეფსიური გულყრა?…

მიერ

-

თებერვალი 13, 2024

0

საქართველოს პირველი არხის გადაცემა „პირადი ექიმი – მარი მალაზონია“

როგორ ვმართოთ ეპილეფსიური გულყრა?…

#datashvil #drpkhakadze #sheniganatleba #sheniambebi #sheniekimi

მერია და პარლამენტის გენდერული თანასწორობის საბჭო, აუტისტური სპექტრის მქონე ბავშვთა მშობლების გაძლიერების მიზნით, ერთობლივ პროექტ – “მწვანე შუქს” განახორციელებს

მიერ

-

თებერვალი 13, 2024

0

რუსთავში სარეაბილიტაციო-განმავითარებელი ცენტრ “კესანეში”, აუტისტური სპექტრის მქონე ბავშვთა მშობლებისთვის ცნობიერებისა და ფსიქიკური ჯანმრთელობის გაზრდის მიზნით, გენდერული თანასწორობის მუდმივმოქმედი საპარლამენტო საბჭოს მიერ ინიციირებული საპილოტე პროექტი – “მწვანე შუქი” განხორციელდება. ამის შესახებ ინფორმაციას რუსთავის მერია ავრცელებს.

მათივე ცნობით, რუსთავის მერმა ნინო ლაცაბიძემ, გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანთან დღეს სამუშაო შეხვედრა გამართა, რომელსაც რუსთავის მერის მოადგილე ოთარი ტატალაშვილი, „კესანეს” ხელმძღვანელი ეკა ნოზაძე, ქალთა და შშმ პირთა მხარდამჭერი ცენტრ „ილაპარაკეს” დამფუძნებელი მარიამ დალაქიშვილი ესწრებოდნენ.

საპილოტე პროექტი „მწვანე შუქი” აუტისტური სპექტრის მქონე პირების მშობლების ცნობიერებისა და ფსიქოლოგიური ჯანმრთელობის გაზრდის მიზნით, ინტერდისციპლინური სერვისის მიწოდებას ითვალისწინებს.

“რუსთავში რამდენიმე წელია დავიწყეთ რეფორმები და ვაუმჯობესებთ მუნიციპალურ სერვისებს, რომლებიც თითოეულ მოქალაქეს ეხება. დღეს აუტისტური სპექტრის მქონე ბავშვთა მშობლების გაძლიერებაზე ვისაუბრეთ და ვიმსჯელეთ იმაზე თუ როგორ შეიძლება მუნიციპალიტეტმა კიდევ უფრო ეფექტიანი გახადოს ამ მიმართულებით არსებული სერვისები. სწორედ ამ მიზნით, ცენტრ “კესანეში” ვგეგმავთ პროექტს, რომელიც საპილოტეა და პირველად რუსთავში განხორციელდება”, – განაცხადა რუსთავის მერმა ნინო ლაცაბიძემ.

მერიის ცნობით, პროექტ “მწვანე შუქის” მულტიფუნქციური საქმიანობა, შშმ ბავშვთა დედებისთვის ფსიქიატრის, კლინიკური ფსიქოლოგის, კოგნიტურ-ბიჰევიორული თერაპევტის, პერსონალური ქოუჩისა და სოციალური თერაპიის კომბინირებულ მიწოდებას გულისხმობს.

პროექტი, რუსთავის სარეაბილიტაციო-განმავითარებელი ცენტრის ,,კესანეს“ აღსაზრდელების მშობლებისთვის, სპეციალური ტრენინგ-კურსის ჩატარებას და ზოგადად შშმ პირთა ოჯახების მხარდაჭერას ითვალისწინებს.

„დღეს, ჩვენ საფუძველი ჩავუყარეთ უმნიშვნელოვანესი იდეის განხორციელებას, რომელიც საპილოტედ რუსთავში დაიწყება და ჩემი განსაკუთრებული მადლობა რუსთავის მერს, ნინო ლაცაბიძეს, რომელიც განსაკუთრებული მგრძნობელობით მიუდგა ამ საკითხს. პროექტი შეეხება შშმ ბავშვთა მშობლების უფლებების გაძლიერებას, მათი ფსიქო-ემოციური ფონის გაუმჯობესებას და მათ, გარკვეულწილად, მენტორებად ჩამოყალიბებას იმისთვის, რომ შეძლონ სხვა დედებსაც მისცენ რჩევა და რეკომენდაციები თუ როგორი მიდგომები უნდა ჰქონდეთ შშმ ბავშვების მოვლისა და აღზრდის პროცესში. მიხარია, რომ პარლამენტის გენდერული თანასწორობის საბჭო, არასამთავრობო ორგანიზაციასთან და რუსთავის მერიასთან ერთად გეგმავს ამ საპილოტე პროექტს, რომელიც, იმედი მაქვს, რომ საფუძველს ჩაუყრის ამ იდეის უფრო დიდი მასშტაბით განხორციელებას“, – განაცხადა ნინო წილოსანმა.

რუსთავის სარეაბილიტაციო განმავითარებელ ცენტრი “კესანე” განსაკუთრებული საჭიროების მქონე 430 ბენეფიციარს ემსახურება, რომელთაგან 125, აუტისტური სპექტრის მქონე ბავშვია.

რუსთავის მერია, სოციალური პროგრამების ფარგლებში, შეზღუდული შესაძლებლობების მქონე ბავშვების საკურორტო მომსახურებას, სხვადასხვა სახის სამედიცინო პროცედურებს და აუტისტური სპექტრის მქონე ბავშვთათვის საჭირო თერაპიას აფინანსებს.

ახალი ვირუსით ადამიანის პირველი სიკვდილი დაფიქსირდა

მიერ

-

თებერვალი 13, 2024

0

ხანდაზმული ამერიკელი მამაკაცი გარდაიცვალა ალასკაპოქსის ვირუსით (AKPV), რომელიც 2015 წელს აღმოაჩინეს. დაავადება უვნებლად ითვლებოდა, ადრე ვინც ავად გახდა, ყველა განიკურნა. ინციდენტის დეტალები ადგილობრივ ხელისუფლებაზე დაყრდნობით გამოაცხადა Alaska Public Media პორტალმა.

თავდაპირველად ექიმები ფიქრობდნენ, რომ პაციენტს ჩუტყვავილა ჰქონდა. ამაზე მიუთითებდა წითელი ლაქები, მომატებული ტემპერატურა და გადიდებული ლიმფური კვანძები. მხოლოდ გარდაცვალების შემდეგ, ექიმებმა კვლავ შეამოწმეს მისი ანალიზები და სისხლში AKPV-ის კვალი აღმოაჩინეს.
ექსპერტების აზრით, ეს ვირუსი ცხოველში გაჩნდა. მათგან ის მღრღნელებზე გადავიდა. ალასკას მცხოვრებს შესაძლოა, საშიში დაავადება შინაური კატისგან გადაედო, რომელმაც შეჭამა ინფიცირებული ცხოველი, განმარტა Alaska Public Media-მ.

აღნიშნულია, რომ ამერიკელს სიმსივნის მკურნალობის გამო დასუსტებული იმუნური სისტემა ჰქონდა. ის მარტო ცხოვრობდა ტყიან ტერიტორიაზე და კონტაქტში იყო მაწანწალა კატასთან, რომელიც, მისი თქმით, რეგულარულად პატარა ძუძუმწოვრებზე ნადირობდა. ცხოველს ტესტირება AKPV-ზე უარყოფითი აღმოჩნდა.

ალასკაპოქსის ვირუსი შტატში 2015 წელს აღმოაჩინეს და მისი სიმპტომები ჩუტყვავილას სიმპტომების მსგავსია. ალასკანის ჩუტყვავილას ინფექცია მხოლოდ ექვს ადამიანში დადასტურდა, ყველა მათგანი დაფიქსირდა ფეირბენქსის რაიონში ცენტრალურ ალასკაში. ყველა ინფექცია მოხდა ცხოველებთან კონტაქტის შედეგად.

#datashvil #drpkhakadze #sheniganatleba #sheniambebi #sheniekimi

მკვეთრად გაიზარდა ახალგაზრდებში კიბოს შემთხვევები – The Wall Street Journal

მიერ

-

თებერვალი 13, 2024

0

ოლო 20 წლის განმავლობაში მსოფლიოში მკვეთრად გაიზარდა კიბოს ახალი შემთხვევების რიცხვი.

ამის შესახებ The Wall Street Journal-ი ჟურნალ BMJ Oncology-ში გამოქვეყნებულ კვლევაზე დაყრდნობით იტყობინება.

ექსპერტები შეშფოთებულნი არიან იმით, რომ კიბოს ახალი შემთხვევები 50 წლამდე ადამიანებში გახშირდა. შეერთებულ შტატებში ეს მაჩვენებელი 12,8 პროცენტით გაიზარდა 2000 წლიდან 2019 წლამდე – ნათქვამია კვლევაში. მსგავსი ტენდენცია შეინიშნება ავსტრალიასა და დასავლეთ ევროპის ქვეყნებშიც.

ამერიკის შეერთებულ შტატებში, მემორიალ სლოან კეტერინგის კიბოს ცენტრში კუჭ-ნაწლავის კიბოს ადრეული გამოვლინების მქონე პაციენტებისთვის პროგრამის ხელმძღვანელი, ანდრეა ჩერჩეკი ვარაუდობს, რომ კიბოს მქონე პაციენტების ასაკის შემცირება შეიძლება დაკავშირებული იყოს გარემოს, თანამედროვე საკვების და მედიკამენტების ცვლილებებთან. თუმცა, ექიმებმა აღნიშნეს, რომ ეს ფაქტორები სრულად ვერ ხსნიან მიზეზებს.

წაიკითხეთ სრულად

#datashvil #drpkhakadze #sheniganatleba #sheniambebi #sheniekimi

ყინულში გამომწყვდეული უძველესი „ზომბი ვირუსები” შესაძლოა, „გაცოცხლდნენ” – შეუძლიათ ახალი სასიკვდილო პანდემია

მიერ

-

თებერვალი 13, 2024

0

მეცნიერები ვარაუდობენ, რომ ანტარქტიდის და არქტიკის ყინულის დნობამ შესაძლოა, უძველესი ვირუსები გამოათავისუფლოს და მსოფლიოს მასშტაბით საგანგაშო მდგომარეობა გამოცხადდეს.

„ჩვენ ახლა ხელშესახები საფრთხის წინაშე ვდგავართ და მზად უნდა ვიყოთ მასთან გასამკლავებლად”, – განუცხადა Guardian-ს მარსელის უნივერსიტეტის მედიცინის და გენომიკის პროფესორმა, ჟან-მიშელ კლავერიმ.

ექსპერტები უკვე თანამშრომლობენ არქტიკის უნივერსიტეტთან, რომ შექმნან მონიტორინგის ქსელი, რომელიც უძველესი მიკროორგანიზმების მიერ გამოწვეული დაავადებების ადრეულ იდენტიფიცირებაში დაეხმარებათ.

ქსელი ასევე უზრუნველყოფს საკარანტინო ობიექტების გახსნას და ინფიცირებულთათვის სამედიცინო მომსახურებას, რომ პოტენციური ეპიდემიის აფეთქება მინიმუმამდე შემცირდეს, მათ შორის გადამდები პაციენტების რეგიონის დატოვების პრევენციას.

ე.წ. მეთუზალაჰის მიკრობებს, ცნობილს, როგორც “ზომბი ვირუსებს” შეუძლიათ, გაყინულ ნიადაგში ათიათასობით წლის განმავლობაში იცოცხლონ, რომელიც მოიცავს დედამიწის ჩრდილოეთ ნახევარსფეროს თითქმის 20%-ს.

„ნიშვნელოვანი, ვიცოდეთ, რომ ის ცივია, ბნელი და ჟანგბადი აკლია, რაც ბიოლოგიური მასალის შესანახად შესანიშნავი პირობებია”, – თქვა კლავერიმ. “შეიძლება იოგურტი ჩატოვო ყინულში და 50 000 წლის შემდეგაც კი საკვებად გამოსადეგი იყოს”.

მეცნიერები თვლიან, რომ მუდმივი ყინვის ღრმა ფენებში შეიძლება მოხდეს ვირუსების შენარჩუნება, რომლებიც ბინადრობდნენ დედამიწაზე მილიონამდე წლის წინ, როგორც ვარაუდობენ, პლანეტაზე პირველად გამოჩნდნენ დაახლოებით 300 000 წლის წინ.

„ჩვენი იმუნური სისტემა შესაძლოა არასდროს ყოფილა ზოგიერთ ამ მიკრობთან კონტაქტში და ეს კიდევ ერთი შემაშფოთებელი რამაა… ის სცენარი, რომ შესაძლოა ნეანდერტალელების უცნობი ვირუსი ჩვენთან დაბრუნდეს, ახლა უკვე რეალური გახდა”, – განაცხადა კლავერიმ.

ვირუსოლოგები მიიჩნევენ, რომ “ზომბი ვირუსის” გავრცელების საფრთხის სიმცირესთან ერთად, შეშფოთების საფუძველი მაინც არსებობს.

„არ ვიცით ყინულში რა ვირუსებია შემონახული. ვფიქრობ, იმის რეალური რისკი არსებობს იმისა, რომ ის რაიმე პანდემიის გამომწვევი მიზეზი გახდეს, მაგალითად, პოლიომიელიტის უძველესი ფორმის”, – აცხადებს ვირუსოლოგი მარიონ კუპმანსი ერასმუსის სამედიცინო ცენტრიდან.

წყარო:

#datashvil #drpkhakadze #sheniganatleba #sheniambebi #sheniekimi

სასწრაფოს ექიმებმა შუახნის ქალბატონს გაჩერებული გული აუმუშავეს

მიერ

-

თებერვალი 12, 2024

0

„თბილისის მე-7 რაიონული სამსახურის 0733 სასწრაფო დახმარების ბრიგადის წარმატება.

გამოძახების ადგილზე მისულ თბილისის მე-7 რაიონული სამსახურის 0733 სასწრაფო დახმარების ბრიგადას შუახნის ქალბატონი გულის გაჩერებით დახვდათ.

ბრიგადის ექიმების მიერ მოხდა პაციენტის მონიტორზე აყვანა და დაწყებულ იქნა პროტოკოლით გათვალისწინებული რეანიმაციული ღონისძიებები. გამოყენებულ იქნა გულ-ფილტვის რეანიმაციის ტუმბო, რომლის მეშვეობით აღდგა რითმი, მონიტორზე დაფიქსირდა პარკუჭოვანი ტაქიკარდია. პაციენტი სტაბილური მდგომარეობით თბილისის ერთ-ერთ კლინიკაში იქნა შეყვანილი.

გვეამაყება: პარამედიკოსი – ირაკლი ხეჩიკაშვილი, უმცროსი ექიმი – სალომე ჩიკვაიძე, მძღოლი – სიმონ მამაიაშვილი” – წერს გვერდი “შენი სიცოცხლის გადასარჩენად”

#datashvil #drpkhakadze #sheniganatleba #sheniambebi #sheniekimi

როგორ დავჯდეთ სწორად სამუშაო მაგიდასთან – ერგონომიული რჩევა თქვენი ხერხემლის ჯანმრთელობისთვის

მიერ

-

თებერვალი 12, 2024

0

სახლიდან მუშაობისას შეზღუდვებს არავინ გვიწესებს. ხშირად ვართ მოკალათებული სავარძელში ან კომფორტულად ვწევართ დივანზე. თუმცა უმეტესად გვავიწყდება, რომ ჩვენი ჯანმრთელობისთვის გარკვეული პოზები შეიძლება კომფორტული, თუმცა საზიანოა. მაგალითად, ჯდომისას ბეჭებში მოხრა, რაც გრძელვადიან პერსეპქტივაში იწვევს ხერხემლის გამრუდებას.

იმისათვის, რომ აირიდოთ სხვადასხვა სახის ტკივილები, მოგცემთ სასარგებლო ერგონომიულ რჩევს, რომელიც სამუშაო მაგიდასთან ჯდომისას გამოგადგებათ:

არ გქონდეთ ფეხები დაკიდულ მდგომარეობაში

წაიკითხეთ სრულად

#datashvil #drpkhakadze #sheniganatleba #sheniambebi #sheniekimi

სმენა ზიანდება – „არ შეიძლება დინამიკების ამხელა ხმის ქვეშ…“

მიერ

-

თებერვალი 12, 2024

0

რა გავლენა აქვს ბავშვების სმენაზე რესტორნებსა და დაბადების დღის ცენტრებში მაღალ ხმაზე ჩართულ მუსიკას

საუბრობს ოტორინოლარინგოლოგი არჩილ წულაძე გადაცემაში „პირადი ექიმი“

„ბავშვებს ისეთ ხმაურიან გარემოში ვამყოფებთ, თუ დავფიქრდებით, რამდენად მავნებელი შეიძლება იყოს ეს მათი სმენისთვის, ალბათ, თავადაც რეაქცია გვექნება. მაგალითად, დაბადების დღის ცენტრებში, რესტორნებში, მშობელმაც ყურადღება მიაქციოს და ამ დაწესებულებების მფლობელებმაც.

დადგება დრო, ჩვენთან დეციბელების კონტროლი აუცილებლად დაინერგება. არ შეიძლება დინამიკების ამხელა ხმის ქვეშ ამდენი ბავშვი შეკრიბო და დაბადების დღე გადაუხადო. ამ დროს სმენა ზიანდება“.

#datashvil #drpkhakadze #sheniganatleba #sheniambebi #sheniekimi

ვაქცინაცია რესპირატორული ინფექციებისგან დასაცავად

როგორ ვმართოთ ეპილეფსიური გულყრა?…

ახალი ვირუსით ადამიანის პირველი სიკვდილი დაფიქსირდა

მკვეთრად გაიზარდა ახალგაზრდებში კიბოს შემთხვევები – The Wall Street Journal

ყინულში გამომწყვდეული უძველესი „ზომბი ვირუსები” შესაძლოა, „გაცოცხლდნენ” – შეუძლიათ ახალი სასიკვდილო პანდემია

სასწრაფოს ექიმებმა შუახნის ქალბატონს გაჩერებული გული აუმუშავეს

როგორ დავჯდეთ სწორად სამუშაო მაგიდასთან – ერგონომიული რჩევა თქვენი ხერხემლის ჯანმრთელობისთვის

სმენა ზიანდება – „არ შეიძლება დინამიკების ამხელა ხმის ქვეშ…“

ბოლო სიახლეები

ჰანტავირუსით 8 ადამიანია ინფიცირებული – განახლებული ინფორმაცია -უნდა ვინერვიულოთ თუ არა?

ჰანტავირუსი საკრუიზო გემზე — WHO-მ გაავრცელა ინფორმაცია, მაგრამ საქართველოში პანიკის საფუძველი არ არსებობს

პოპულარული ამბები

არ შეიძინოთ ხორცი მსგავს ადგილებში: საქართველოში ტრიქინელოზი დაფიქსირდა

მომაკვდინებელი პარაზიტი, ბავშვი გარდაიცვალა – საქართველოში შოკისმომგვრელი შემთხვევა დაფიქსირდა

კატეგორიები

ჩვენ შესახებ

გამოგვყევი სოციალურ ქსელებში