თბილისს ატმოსფერული ჰაერის ხარისხის მართვის გეგმა ექნება – რა უნდა შეიცვალოს?
სტუმარი: გიორგი ჯაფარიძე – არასამთავრობო ორგანიზაცია დამფუძნებელი
#datashvil #drpkhakadze #sheniganatleba #sheniambebi #sheniekimi
კლინიკებს, სადაც სიკვდილიანობის მაჩვენებელი მაღალი იქნება, სახელმწიფო დაფინანსება შეუწყდებათ
კლინიკებს, სადაც სიკვდილიანობის მაჩვენებელი მაღალი იქნება, სახელმწიფო დაფინანსება შეუწყდებათ…
სიკვდილიანობის 6%-იანი მაჩვენებლის შემთხვევაში, კლინიკებს სახელმწიფოსგან დაფინანსების შეწყვეტა ემუქრებათ.
| სპეციალისტები შიშობენ, რომ ეს პაციენტების სიცოცხლის უფლებასაც კი დაარღვევს და ლეტალობა გაიზრდება, რადგან დახურვის რისკის გამო მომაკვდავ პაციენტებს კლინიკები აღარ მიიღებენ…
#datashvil #drpkhakadze #sheniganatleba #sheniambebi #sheniekimi
ნახეთ – სად ამოქმედდა დიალიზის სერვისები
წალენჯიხაში, საგარეჯოში, დუშეთში, ახალქალაქში, ყვარელში, ტყიბულში, სენაკში, მარტვილში, ხულოსა და ჭიათურაში დიალიზის სერვისი ამოქმედდა, – ამის შესახებ ინფორმაციას ჯანდაცვის სამინისტრო ავრცელებს. უწყების ცნობით, ქვეყნის მასშტაბით წელს, დიალიზის 10 სერვისცენტრი გაიხსნა.
„ცვლილებების შედეგად, მომსახურებაზე კიდევ უფრო გაიზარდა გეოგრაფიული მოცვა და ხელმისაწვდომობა. შესაბამისად, ბენეფიციარები, სერვისს მათსავე ქალაქში, საცხოვრებელ სახლებთან ახლოს მიიღებენ.
სამედიცინო დაწესებულებები დიალიზისთვის საჭირო აპარატურით სრულად აღიჭურვა. ჰემოდიალიზის საჭიროების მქონე პირებს სათანადოდ გადამზადებული მედპერსონალი ყოველდღიურად მოემსახურება. დიალიზის ახალი ცენტრები, სამინისტროს ჩართულობით, კერძო სექტორთან თანამშრომლობის შედეგად მოეწყო.
აღსანიშნავია, რომ გეოგრაფიული ხელმისაწვდომობა განსაკუთრებით მნიშვნელოვანია, ვინაიდან, მანამდე, ბენეფიციარებს, პროცედურის ჩასატარებლად კვირაში რამდენჯერმე, კილომეტრების დაშორებით, სხვადასხვა ქალაქში უწევდათ გადაადგილება, რაც ჯანმრთელობის მდგომარეობის გაუარესებასთან დროსა და ხარჯებთან იყო დაკავშირებული.
დღეს, ქვეყნის 49 მუნიციპალურ ერთეულში, დიალიზის ცენტრები ყოველდღიურად 2600 პაციენტს ემსახურება. პროგრამის გაფართოება ჯანდაცვის სამინისტრომ 2022 წლის აპრილში დააანონსა, რის შემდეგაც მომსახურება ამავე წელს ეტაპობრივად ამოქმედდა მესტიაში, ამბროლაურში, ლანჩხუთში, ყაზბეგსა და თიანეთში. უახლოეს მომავალში კი, სამედიცინო მომსახურება, ასევე, კასპში, ცაგერში, წნორსა და დედოფლისწყაროშიც ამოქმედდება“, – აღნიშნულია გავრცელებულ ინფორმაციაში.
#datashvil #drpkhakadze #sheniganatleba #sheniambebi #sheniekimi
ონკოლოგიური დიაგნოზის მქონე პაციენტებისთვის გათვალისწინებული სერვისების შესახებ ინფორმაცია
ჯანდაცვის სამინისტრო ონკოლოგიური დიაგნოზის მქონე პაციენტებისთვის გათვალისწინებული სერვისების შესახებ განცხადებას ავრცელებს. მასში ნათქვამია, რომ ონკოლოგიური დიაგნოზის მქონე პაციენტების საჭიროებების დაკმაყოფილება და ხარისხიანი სერვისის ხელმისაწვდომობა ჯანდაცვის სამინისტროს ერთ-ერთი პრიორიტეტია. საყოველთაო ჯანდაცვის პროგრამის ფარგლებში, თითოეული ბენეფიციარისთვის, ონკოლოგიური დაავადებების მკურნალობა თანაბრად ხელმისაწვდომია, რისთვისაც უწყებამ, ბოლო წლების განმავლობაში, მნიშვნელოვანი რეფორმები განახორციელა.
„2022 წლის ნოემბრიდან, ონკოლოგიური დიაგნოზის მქონე პაციენტების მკურნალობისა (ჰორმონოთერაპია, ქიმიოთერაპია, სხივური თერაპია) და მედიკამენტების წლიური ლიმიტი, ყველა ბენეფიციარისთვის, 25 000 ლარამდე გაიზარდა, პაციენტის თანაგადახდის გარეშე.
გასული წლიდან, საქართველოს ყველა მოქალაქისთვის, ფინანსდება ქიმიო, ჰორმონო და სხივური თერაპიის, ასევე – ონკოქირურგიის სერვისები.
აღსანიშნავია, რომ ჯანდაცვის სამინისტრომ, მაღალი ხარისხის ონკოლოგიური მედიკამენტების შეძენა, უშუალოდ მწარმოებლისგან დაიწყო. კომპანია „როშესთან“ და „ნოვარტისთან“ გაფორმებული ხელშეკრულების შედეგად, სახელმწიფომ, ძვირადღირებული მედიკამენტები მნიშვნელოვნად დაბალ ფასად შეიძინა, რაც პაციენტების საჭიროებების მეტად დაკმაყოფილებას, მეტი მედიკამენტით უზრუნველყოფასა და ბენეფიციართა მოცვის გაზრდას უწყობს ხელს.
მუდმივად მზარდია სახელმწიფო დაფინანსებაც – თუ ონკოლოგიის მიმართულების ბიუჯეტი 2012 წელს 17 მილიონი ლარი იყო, 2023 წელს, პროგრამების ბიუჯეტი 250 მილიონ ლარამდე გაიზარდა. უშუალოდ მწარმოებლისგან, ონკოლოგიური მედიკამენტების მნიშვნელოვნად დაბალ ფასად შეძენისა და გატარებული რეფორმების ხარჯზე, 2024 წელს, სამინისტროს, 350 მილიონ ლარზე მეტი ბიუჯეტის მედიკამენტის და სერვისის განსაზღვრის შესაძლებლობა ექნება.
საყოველთაო ჯანდაცვის პროგრამის გარდა, პაციენტების საჭიროებებს, ჯანდაცვის სამინისტრო, რეფერალური კომისიის ფარგლებშიც განიხილავს, სადაც პაციენტისთვის, სამედიცინო სერვისებისა და მედიკამენტების დაფინანსება ინდივიდუალურად ხდება.
მნიშვნელოვანია, რომ 2024 წლის მარტიდან, ამოქმედდება კიბოს ადრეული დიაგნოსტიკის პროგრამა, რაც გულისხმობს ადრეული კვლევების დაფინანსებას. პროგრამა მოიცავს მაღალტექნოლოგიურ გამოკვლევებსა და სპეციალისტის კონსულტაციას, რაც გააუმჯობესებს ონკოლოგიური დაავადებების გამოვლენას, ადრეულ ეტაპზე.
ჯანდაცვის სამინისტრო, ონკოლოგიური დაავადებების მქონე პაციენტებთან შეხვედრებს გეგმავს, სადაც მათთვის მნიშვნელოვან ნებისმიერ საკითხზე, დეტალურ ინფორმაციას მიაწვდიან“, – აღნიშნულია განცხადებაში.
#datashvil #drpkhakadze #sheniganatleba #sheniambebi #sheniekimi
გულის დაავადებების არსებობაზე მიუთითებს ტკივილი გულმკერდის არეში, ქოშინი, გულის ფრიალის შეგრძნება, ქვედა კიდურებისა და მუცლის შეშუპება
ავადმყოფობის ისტორია და ფიზიკური გასინჯვა
თავდაპირველად ექიმი აგროვებს ინფორმაციას სიმპტომების შესახებ. გულის დაავადებების არსებობაზე მიუთითებს ტკივილი გულმკერდის არეში, ქოშინი, გულის ფრიალის შეგრძნება, ქვედა კიდურებისა და მუცლის შეშუპება.
სხვა, ზოგადი ხასიათის სიმპტომები, როგორიცაა ცხელება, სისუსტე, ადვილად დაღლა, უმადობა, შეუძლოდ ყოფნა ასევე გულის პათოლოგიით შეიძლება იყოს გამოწვეული.
ტკივილი, დაბუჟება, კუნთოვანი სპაზმები დამახასიათებელია პერიფერიული არტერიების დაავადებებისთვის, რომლებიც აზიანებს ზედა კიდურის, წვივის, ტანის სისხლძარღვებს (გარდა კორონარული არტერიებისა).
ამის შემდეგ ექიმი აგროვებს ინფორმაციას გადატანილი ინფექციური დაავადებების, ქიმიურ ნივთიერებებთან შესაძლო კონტაქტის, გამოყენებული მედიკამენტების – მათ შორის აკრძალული წამლების, ალკოჰოლისა და თამბაქოს მოხმარების, საცხოვრებელი გარემოსა და სამუშაო ადგილის თავისებურებების, დასვენებისა და გართობის ჩვევების შესახებ, აგრეთვე, ოჯახის წევრების გულის, სისხლძარღვების ან სხვა რომელიმე დაავადების თაობაზე.
ფიზიკური გასინჯვისას ექიმი აფასებს პაციენტის წონას, გარეგნობის თავისებურებებს, კანის ფერს და ტენიანობას, ძილიანობას და სხვა სიმპტომებს, რომლებიც გულის დაავადების არაპირდაპირი სიმპტომებია. ყურადღება ექცევა პაციენტის განწყობას, საკუთარი ჯანმრთელობის მდგომარეობის მისეულ შეფასებას.
ფიზიკური გასინჯვისას ყურადსაღებია კანის ფერი, ვინაიდან სიფერმკრთალე, კანის მოლურჯო ან მეწამული (ციანოზური) შეფერილობა მიუთითებს ანემიაზე ან არაადეკვატურ სისხლით მომარაგებაზე. ეს იმას ნიშნავს, რომ კანი ვერ იღებს საკმარისი რაოდენობით ჟანგბადს, რაც, თავის მხრივ, ფილტვების დაავადების, გულის უკმარისობის ან ცირკულაციის დარღვევის სხვა მიზეზების შედეგი შეიძლება იყოს.
#datashvil #drpkhakadze #sheniganatleba #sheniambebi #sheniekimi
შესაძლოა, ალცჰაიმერი არაჯანსაღ კვებასთან იყოს დაკავშირებული
არაჯანსაღი კვება ჩვენი ჯანმრთელობისთვის საზიანოა, მაგრამ იცოდით, რომ ეს, პოტენციურად, ნევროლოგიური დარღვევების რისკსაც შეიცავს?
ახალი კვლევის ფარგლებში მეცნიერებმა დიდი ოდენობით ხორცისა და დამუშავებული საჭმლის მიღება ალცჰაიმერის ჩამოყალიბებასთან დააკავშირეს. ავსტრალიაში მდებარე ბონდის უნივერსიტეტის სპეციალისტებმა საერთო ჯამში 438 ადამიანის კვებითი ჩვევები შეისწავლეს. მათგან 108 ინდივიდს ზემოხსენებული დაავადების დიაგნოზი ჰქონდათ დასმული, სხვები კი ჯანმრთელები იყვნენ.
მკვლევრებმა ხანდაზმულობის ბიოინდიკატორებისა და ცხოვრების სტილის კვლევის პროექტ AIBL-ის ფარგლებში მოპოვებული მონაცემები სტატისტიკურად გააანალიზეს. კერძოდ, დააკვირდნენ, როგორი რაციონი ჰქონდა თითოეულ ადამიანს, რათა ამის მიხედვით მოგვიანებით მათში ალცჰაიმერის ჩამოყალიბებასთან რაიმე კავშირი გამოევლინათ.
აღმოჩნდა, რომ აღნიშნული დაავადების მქონე ინდივიდებს ხორცეულითა და დამუშავებული საკვებით მდიდარი რაციონი ჰქონდათ. კერძოდ, ხშირად იღებდნენ ძროხისა და ღორის ხორცს, ხორცის ღვეზელებს, სოსისებს, ჰამბურგერებსა და პიცას – საჭმელებს, რომლებიც საზოგადოების დიდ ნაწილს ძალიან უყვარს.
ასევე, ჯანმრთელ ადამიანებთან შედარებით, მათ დიეტაში ხილსა და ბოსტნეულს მცირე ადგილი ეკავა. რაც საინტერესოა, ისინი უფრო ცოტა ღვინოს სვამდნენ, ვიდრე სხვები. ამ მონაცემების მიხედვით მეცნიერები ასკვნიან, რომ შესაძლოა, ასეთი რაციონი ალცჰაიმერის განვითარებაზე ზემოქმედებდეს.
„ტვინში ალცჰაიმერის ჩამოყალიბება შუახნის ასაკში იწყება და მისი გავლენა შესაძლოა, ახალგაზრდობაში ცხოვრების არაკონტროლირებად სტილს დავუკავშიროთ.
ახალგაზრდებში ფოთლოვანი მცენარეების, ორგანული და სახლში მომზადებული საკვების სარგებლის შესახებ ცნობიერების ამაღლება უმნიშვნელოვანესია, იმის ნაცვლად, რომ არაჯანსაღი ან დამუშავებული საჭმელი ჭარბად მიიღონ”, – ამბობენ ავტორები.
როგორ განაპირობებს მსგავსი დიეტა ალცჰაიმერის ჩამოყალიბებას, უცნობია. არაა გამორიცხული, ამგვარი ცხიმიანი საკვები ჩვენს სხეულში ანთებით პროცესებსა და ოქსიდაციას იწვევდეს, ეს კი ტვინის ფუნქციონირებაზე აისახებოდეს ან სულ სხვა მექანიზმი მოქმედებდეს.
#datashvil #drpkhakadze #sheniganatleba #sheniambebi #sheniekimi
აჭარის ჯანმრთელობისა და სოციალური დაცვის სამინისტროს პროგრამა
აჭარის ჯანმრთელობისა და სოციალური დაცვის სამინისტროს პროგრამა. „ამბულატორიული მაღალტექნოლოგიური დიაგნოსტიკური კვლევა” ითვალისწინებს მაღალტექნოლოგიური დიაგნოსტიკური კვლევების დაფინანსებას.
მოსარგებლეები:
– „სოციალურად დაუცველი ოჯახების მონაცემთა ერთიან ბაზაში” რეგისტრირებული 200 000-ის ჩათვლით სარეიტინგო ქულის მქონე პაციენტები;
– შეზღუდული შესაძლებლობის სტატუსის მქონე პირები;
– ომის ვეტერანები;
– ტერიტორიული მთლიანობისათვის ომში მონაწილეები, დაღუპულთა ოჯახის წევრები (დედა, მამა, მეუღლე, შვილი);
– მრავალშვილიანი (18 წლამდე ასაკის 4 და მეტი შვილი ან/და ნაშვილები) ოჯახის წევრები;
– პოლიტიკური რეპრესიების მსხვერპლად აღიარებული პირები;
– უსახლკაროთა თავშესაფარის კონტიგენტი;
– უსახლკაროები;
– მარტოხელა მშობელი და მისი არასრულწლოვანი შვილები;
– ტრეფიკინგისა და ძალადობის მსხვერპლი პირები;
– საოჯახო ტიპის საცხოვრებელ სახლში მცხოვრები, სახელმწიფო მზრუნველობის ქვეშ მყოფი 0 დან-18 წლამდე ასაკის ბავშვები;
– 6-დან 18 წლამდე ასაკის მოზარდები;
– ასაკობრივი და მიზნობრივი ჯგუფი: 0-დან 6 წლამდე ასაკის ბავშვები, სტუდენტები, ასაკით პენსიონერები.
დაფინანსება ხორციელდება პროგრამის შესრულების წესით გათვალისწინებული პროპორციების დაცვით, სამედიცინო დაწესებულებიდან წარმოდგენილი ანგარიშ-ფაქტურის მიხედვით, არაუმეტეს პროგრამაში გათვალისწინებული მაღალტექნოლოგიური დიაგნოსტიკური კვლევის ღირებულებისა.
პროგრამის ბიუჯეტი: 1,800,000 ლარი.
ვრცლად პროგრამის შესახებ: https://bitly.ws/3cuY2
სამინისტრო აფინანსებს მოზრდილი მოსახლეობის სამედიცინო რეაბილიტაციას
აჭარის ჯანმრთელობისა და სოციალური დაცვის სამინისტრო აფინანსებს მოზრდილი მოსახლეობის სამედიცინო რეაბილიტაციას.
პროგრამის მიზანია, მოზრდილი მოსახლეობის (18 წლის ზემოთ) ნებისმიერი ორგანული სისტემის დაავადებით ან დაზიანებით განპირობებული უუნარობის ფუნქციის აღდგენა და შესაბამისად ცხოვრების ხარისხის ამაღლება.
პროგრამის ბენეფიციარებს წარმოადგენენ:
სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების წევრები, რომლებსაც მინიჭებული აქვთ 100 000-ის ჩათვლით სარეიტინგო ქულა;
შეზღუდული შესაძლებლობის სტატუსის მქონე პირები;
ვეტერანები.
2024 წლის პროგრამის ბიუჯეტი: 744,000 ლარი
ვრცლად პროგრამის შესახებ: https://bitly.ws/3cYx7
ჰოსპიტალში კვლევებზე მოყვანილ ბავშვთან ურთიერთობისას გაითვალისწინოთ შემდეგი რჩევები:
ჯო ენის საუნივერსიტეტო ჰოსპიტლის ფსიქო-სოციალური სამსახური გირჩევთ, ჰოსპიტალში კვლევებზე მოყვანილ ბავშვთან ურთიერთობისას გაითვალისწინოთ შემდეგი რჩევები:
Jo Ann University Hospital • ჯო ენის საუნივერსიტეტო ჰოსპიტალი ჩართულია აკრედიტაცია კანადას საერთაშორისო სამედიცინო აკრედიტაციის პროგრამაში.
#datashvil #drpkhakadze #sheniganatleba #sheniambebi #sheniekimi
პინეო პარკინსონით დაავადებულ პირებს უფასო კონსულტაციებს სთავაზობს
მიმდინარე კვირაში პინეო პარკინსონით დაავადებულ პირებს უფასო კონსულტაციებს სთავაზობს. პაციენტებს საშუალება ექნებათ, გაეცნონ დიაგნოსტიკის და მკურნალობის ახალ მეთოდებს.
კონსულტაციებს ჩაატარებს ექიმი-ნევროლოგი, მოძრაობის დარღვევების სპეციალისტი სოფიო სოფრომაძე.
სოფიო სოფრომაძე აქტიურად ეწევა პედაგოგიურ საქმიანობას. გახლავთ სხვადასხვა საერთაშორისო ორგანიზაციის წევრი და მიღებული აქვს კვალიფიკაცია მსოფლიოს სხვადასხვა წამყვან კლინიკასა და ინსტიტუტში:
Sobell Department of Motor Neurosciences and Movement Disorders, University College London, Queen Square, ლონდონი, გაერთიანებული სამეფო
The Parkinson’s & Movement Disorder Institute Fountain Valley, Long Beach, კალიფორნია, აშშ
The King’s College Hospital, ლონდონი, გაერთიანებული სამეფო
ვიზიტის დასაგეგმად დაგვიკავშირდით ნომერზე: 032 2 24 44 55; 032 2 424 550.
პინეო სამედიცინო ეკოსისტემა სამ თვეზე მეტია ჩართულია აკრედიტაცია კანადას საერთაშორისო სამედიცინო აკრედიტაციის პროგრამაში.
#datashvil #drpkhakadze #sheniganatleba #sheniambebi #sheniekimi
