რას აზიანებს ცხვირის სპრეის გადაჭარბებული გამოყენება…
ისეთი მდგომარეობების დროს, როგორიცაა გრიპი, მწვავე სურდო, ჰაიმორიტი და სინუსური ინფექციები, გაჭედილი ცხვირის გასახსნელად, რეკომენდებულია მყისიერი მოქმედების ე.წ. დეკონგესტანტური სპრეისა თუ წვეთების გამოყენება, თუმცა აუცილებელია ვიცოდეთ იმ რისკების შესახებ, რაც ამ საშუალებების ჭარბად მოხმარებას ახლავს.
#datashvil #drpkhakadze #sheniganatleba #sheniambebi #sheniekimi
#datashvil #drpkhakadze #sheniganatleba #sheniambebi #sheniekimi
იცით თუ არა, რომ…
ადამიანთა უმრავლესობას, რომლებსაც ჭარბი რაოდენობით ბაქტერიები აქვთ შარდში, სიმპტომები არ აწუხებს და მკურნალობაც არ ესაჭიროება.
უსიმპტომო ბაქტერიურია
უსიმპტომო ბაქტერიურიის დროს შარდში ბაქტერიები ნორმაზე დიდი რაოდენობითაა, მაგრამ სიმპტომები არ ვლინდება.
ამ მდგომარეობას, როგორც წესი, არ მკურნალობენ, რადგან გართულებები იშვიათია, ხოლო ბაქტერიების მოშორება – საკმაოდ რთული. ასევე, ანტიბიოტიკების მიღებამ შეიძლება ორგანიზმში მიკროორგანიზმების ბალანსის მოშლა გამოიწვიოს და ზოგჯერ ისეთი ბაქტერიები გამრავლდეს, რომელთა საწინააღმდეგო მკურნალობაც კიდევ უფრო რთულია.
#datashvil #drpkhakadze #sheniganatleba #sheniambebi #sheniekimi
#datashvil #drpkhakadze #sheniganatleba #sheniambebi #sheniekimi
ამაზონის ტროპიკული ტყე უზარმაზარ ზეწოლას განიცდის, რამაც შეიძლება, ის სულ მალე, 2050 წლისთვის მიიყვანოს ეკოსისტემის ფართომასშტაბიან კოლაფსთან. ამის შესახებ ახალი კვლევა იუწყება, რომელშიც მეცნიერები გვაფრთხილებენ იმ საზარელი შედეგების შესახებ, რაც ამ კოლაფსს ექნება რეგიონსა და მთელ პლანეტაზე.
ამაზონის რეგიონში თავს იყრის მსოფლიო მრავალფეროვნების 10 პროცენტზე მეტი; ამას გარდა, ინახავს და აკავებს იმდენ ნახშირბადს, რამდენის გამოყოფასაც (ნახშირორჟანგი) მსოფლიო დაახლოებით 20 წელი მოანდომებდა. ამით ის გლობალურ კლიმატს ასტაბილურებს.
ტყის ჩეხვის, გვალვების, ხანძრებისა და ტემპერატურის მატებით გამოწვეულმა სტრესებმა ამაზონის ტყეებს შოკებისადმი მდგრადობის უნარი შეუსუსტა; მეცნიერთა აზრით, ამან ის შეიძლება ე. წ. გარდამტეხ წერტილამდე მიიყვანოს, რაც უმნიშვნელოვანეს ეკოსისტემას უახლოეს ათწლეულებში შეუქცევადი გარდასვლის პროცესში შეიყვანს.
#datashvil #drpkhakadze #sheniganatleba #sheniambebi #sheniekimi
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე დიპლომისშემდგომი სამედიცინო განათლების პროგრამაში მონაწილე ახალგაზრდებს შეხვდა. შეხვედრაზე ამ სფეროში არსებულ გამოწვევებზე ისაუბრეს.
ახალგაზრდების მოსაზრებით, დიპლომისშემდგომი სამედიცინო განათლება ანუ რეზიდენტურა, რომელიც თანამედროვე სტანდარტებისა და საერთაშორისო რეკომენდაციების შესაბამისი დონის ექიმი-სპეციალისტების მომზადებას ითვალისწინებს, დღევანდელ ეტაპზე არსებულ მოთხოვნებს ვეღარ აკმაყოფილებს და გარკვეულ სრულყოფას საჭიროებს.
ახალგაზრდებმა კომიტეტის თავმჯდომარეს საკითხის მოგვარების თაობაზე თავიანთი ხედვა გააცნეს და იმ მიზეზებზე ისაუბრეს, რის გამოც დღეს პროფესიიდან ბევრი ახალგაზრდა გაედინება.
„ამ სფეროში გამოწვევები ნამდვილად არსებობს. დღეს უკვე მეორედ შევხვდით ახალგაზრდებს და მათ დეტალურად წარმოადგინეს ამ სფეროს რეფორმის შესახებ წინადადებები. მნიშვნელოვანია, რომ ბევრ საკითხში ჩვენი მოსაზრებები ემთხვევა, მათ შორის, არის ის, რომ საკმარისი არაა სარეზიდენტო ადგილები და ეს ადგილები დამატებით მოსაპოვებელია. ასევე ყურადსაღებია ის ფაქტი, რომ ბევრი სარეზიდენტო პროგრამა არის ფასიანი. განსაკუთრებით მოთხოვნად საექიმო სპეციალობებზე გვაქვს ადგილების დეფიციტი. ამ მიმართულებით მართლაც ბევრი გამოწვევა დაგროვდა, რომელთა გადაწყვეტაზე სამინისტროსთან ერთად ვმუშაობთ და უახლოეს ხანში წარმოვადგენთ ჩვენს გადაწყვეტილებას“, – განაცხადა ზაზა ლომინაძემ შეხვედრის შემდეგ.
#datashvil #drpkhakadze #sheniganatleba #sheniambebi #sheniekimi
ტექნოლოგიური განვითარება მუდმივად თამაშობდა გადამწყვეტ როლს სამუშაო ბაზრის ჩამოყალიბებაში. დღეს, ხელოვნური ინტელექტი (AI) გარდაქმნის სამუშაო ძალას, რადგან ახალი სისტემები თანდათან სწავლობენ როგორ შეასრულონ სხვადასხვა ამოცანები. მიუხედავად იმისა, რომ პროცესი შეიძლება არ იყოს მყისიერი, ხელოვნური ინტელექტი ნელ-ნელა იკვალავს გზას სხვადასხვა ინდუსტრიებში. მოდით განვიხილოთ თუ რა სამუშაოების ჩანაცვლება შეუძლია AI-ს.
მომხმარებელთა მხარდაჭერის წარმომადგენლები:
კლიენტებისგან ბევრი შეკითხვა მეორდება და არ საჭიროებს მაღალ ემოციურ ან სოციალურ ინტელექტს. ხელოვნურ ინტელექტს შეუძლია ავტომატური პასუხების გაცემა ხშირად დასმულ კითხვებზე, როგორიცაა შეკვეთის სტატუსი, გადახდის დადასტურება და თანხის დაბრუნება. როდესაც ხელოვნური ინტელექტი ვერ პასუხობს შეკითხვას, მას შეუძლია კლიენტის გადამისამართება ადამიანური მომსახურების წარმომადგენელთან.
ადმინისტრატორები:
ზოგიერთი კომპანია უკვე იყენებს ხელოვნური ინტელექტის მქონე მისაღებ სივრცეებს. მოწინავე AI სისტემებს თავისუფლად შეუძლიათ დაინახონ, მოუსმინონ, გაიგონ და უპასუხონ სტუმრებსა თუ მომხმარებლებს. სავარაუდოა, რომ მომავალში ხელოვნური ინტელექტი კიდევ უფრო დაიხვეწება და შესაბამისად, მთლიანად გააქრობს ამ სამსახურებს.
ბუღალტრები:
ხელოვნური ინტელექტი გარდაქმნის ბუღალტრულ აღრიცხვას. AI-ზე მომუშავე სერვისებს შეუძლიათ ეფექტურად გაუმკლავდნენ მონაცემთა შეყვანას, შეგროვებას, შენახვას და ანალიზს. AI-ის გამოყენება ბუღალტრული აღრიცხვისთვის არის არა მხოლოდ ეკონომიურად მომგებიანი, არამედ გაცილებით ზუსტი, რაც ამცირებს ადამიანის ჩარევის საჭიროებას.
საოფისე სამუშაოები:
ხელოვნურ ინტელექტზე ორიენტირებული პროგრამული პროდუქტები, ავტომატიზირებს სხვადასხვა საოფისე ამოცანებს, მონაცემთა მოპოვებიდან დაწყებული მონაცემთა ანალიზით დასრულებული. მიუხედავად იმისა, რომ ადამიანები კვლავ ჩაერთვებიან ტრენინგებსა და უფრო მაღალი დონის ანალიზში, რუტინული ამოცანები, როგორიცაა მონაცემთა შეყვანა და დახარისხება, მთლიანად ხელოვნურ ინტელექტზე დამოკიდებული გახდება.
გაყიდვების წარმომადგენლები:
AI ცვლის სარეკლამო და საცალო ლანდშაფტს. სოციალური მედიის პლატფორმებზე მიზანმიმართული მარკეტინგის შესაძლებლობები საშუალებას გაძლევთ შექმნათ პერსონალური კონტენტი. ხელოვნურ ინტელექტს შეუძლია ისწავლოს სავაჭრო ქცევები და მიაწოდოს პერსონალიზებული პროდუქტის რეკომენდაციები. თვითმომსახურების სარეკლამო ბაზრები ასევე საშუალებას აძლევს ბიზნესს შექმნან საკუთარი რეკლამა, რაც ამცირებს ტრადიციული გამყიდველების საჭიროებას.
ტაქსის და სატვირთო მანქანის მძღოლები:
უახლოეს წლებში ტაქსები და ავტობუსები სრულად ავტონომიური გახდება. გარდა ამისა, სატვირთო მანქანების მძღოლების დეფიციტი შესაძლებელს ხდის, რომ ხელოვნური ინტელექტის მქონე სატვირთო მანქანები ჩაანაცვლებენ ადამიანურ მძღოლებს. კომპანიები, როგორიცაა Waymo და Cruise, უკვე ლიდერობენ ავტონომიური მართვის ტექნოლოგიაში.
კორექტორები და მთარგმნელები:
ხელოვნური ინტელექტის მქონე აპლიკაციები, ეხმარებიან მწერლებს შეამოწმონ თავიანთი ნამუშევარი წაკითხვის, ორთოგრაფიული შეცდომებისა და გრამატიკული შეცდომებისთვის. AI ასევე აადვილებს თარგმნის პროცესს, რაც მართალია მთარგმნელებისთვის დიდი დახმარებაა, თუმცა ეს ერთგვარი გამოწვევაცაა.
#datashvil #drpkhakadze #sheniganatleba #sheniambebi #sheniekimi
15 თებერვალს მეორე წიგნის – „ყველაფერი ფიტნესის შესახებ“ პრეზენტაცია გაიმართა. ეს არის მეორე ქართულენოვანი ადაპტირებული გამოცემა საქართველოში.
წიგნი შექმნილია პირველი ფიტნეს აკადემიისა და ევროპული აკადემიის ერთობრივი რესურსით, ეს წიგნი, როგორც პირველი გაივლის განათლების სამინისტროს აკრედიტაციას.
წიგნი განკუთვნილია მკითხველთა ორი ტიპისათვის: მათთვის, ვინც უკვე გამოცდილი მოვარჯიშეა და აინტერესებს ფიტნესის სიღრმისეულად გაგება, ასევე მათთვის, ვინც ახლა იწყებს ვარჯიშს.
წიგნი გამოვა ელექტრონული ვერსიის სახით.
#datashvil #drpkhakadze #sheniganatleba #sheniambebi #sheniekimi
#აქტიური #აქტიურისხეულიაქტიურიგონება #activebodyactivemind
ცოტა ხნის წინ შევიტყვეთ, რომ ილონ მასკის კომპანიამ ადამიანის ტვინში პირველი ჩიპი ჩადგა.
როგორც ცნობილია, ყველაფერმა კარგად ჩაიარა. პაციენტის პირველადმა გამოკვლევამ ნეირონული აქტიურობა და იმპულსები გამოავლინა. პროცედურის შემდგომ ის თავს კარგად გრძნობდა.
პროდუქტს Telepathy ჰქვია. მისი მეშვეობით ადამიანები ტელეფონისა თუ კომპიუტერის გაკონტროლებას გონებით შეძლებენ, პირველი ცდის პირები კი ის ინდივიდები იქნებიან, რომლებიც კიდურებს ვერ ამოძრავებენ.
და აი ახლა, მასკი ამბობს, რომ იმპლანტის მიმღები ადამიანი მაუსის კურსორს გონებით მართავს.
„პროგრესი აშკარაა. ოპერაციის შემდეგ პაციენტი სრულად გამოჯანმრთელდა, ნერვული ეფექტები აღდგენილია და ახლა მას ეკრანზე მაუსის კურსორის გადაადგილება მხოლოდ ფიქრით შეუძლია”, — თქვა მასკმა.
Neuralink-ის მიზანი ადამიანის ტვინისა და კომპიუტერის ერთმანეთთან დაკავშირებაა, რასაც ნეიროკომპიუტერული ინტერფეისი ეწოდება. მისი მეშვეობით სხვადასხვა მძიმე ნევროლოგიური პრობლემის მქონე ინდივიდებს საშუალება ექნებათ, რომ სხვებთან ნორმალური კომუნიკაცია შეძლონ.
ჯერ კიდევ 2021 წელს ჩვენ ვნახეთ მაიმუნი, რომელიც Neuralink-ის ტვინის იმპლანტით Pong-ს გონებით თამაშობდა.
მაშინ ვიდეოს დიდი გამოხმაურება მოჰყვა. მაიმუნმა თავდაპირველად ჯოისტიკის გამოყენებით ისწავლა თამაში, რისთვისაც ბანანის სასმლით აჯილდოებდნენ. ამ დროს კი, Neuralink-ის მოწყობილობა იწერდა ინფორმაციას იმის შესახებ, თუ რომელი ნეირონები აქტიურდებოდა თამაშისას. ამ ინფორმაციის საფუძველზე მეცნიერებმა შეძლეს მაიმუნის კიდურების მოძრაობის პროგნოზირება. ნიმუშების შესწავლის შემდეგ, ჯოისტიკი, რომელსაც პეიჯერი იყენებდა, კომპიუტერიდან გამოაერთეს, მაიმუნმა კი მხოლოდ თავისი გონების გამოყენებით გააგრძელა თამაში.
ახლა, როგორც ჩანს, ადამიანის ჯერიც მოვიდა.
ამ მიმართულებით სხვა კომპანიებიც აქტიურად მუშაობენ. ასეთია, მაგალითად, Blackrock Neurotech, რომელმაც ადამიანის ტვინში ჩიპი ჯერ კიდევ 2004 წელს ჩანერგა. ასევე, Neuralink-ზე ნაკლებად არაინვაზიური პროცედურა შეიმუშავა Precision Neuroscience-მა. როგორ შედეგებს აჩვენებს Neuralink-ის ინტერფეისი, მომავალში გავიგებთ.
#datashvil #drpkhakadze #sheniganatleba #sheniambebi #sheniekimi
© SheniEkimi.ge
