მ ა რ ტ ი – მსხვილი ნაწლავის კიბოს შესახებ ცნობადობის ამაღლების თვე …
მსხვილი ნაწლავის კიბო – დიაგნოზი და არა განაჩენი. სიმსივნე, რომლის პრევენციაც შესაძლებელია…
#datashvil #drpkhakadze #sheniganatleba #sheniambebi #shenipulsi
40 წლამდე ადამიანებში გულის შეტევით გარდაცვალილთა რიცხვი საგანგაშოდ იზრდება
ექსპერტებმა განაცხადეს, რომ 40 წლამდე ადამიანებში გულის შეტევით გარდაცვალილთა რიცხვი საგანგაშოდ იზრდება, – წერს dailymail,
გულის შეტევა გამოწვეულია სისხლის ნაკადის უეცარი დაკარგვით გულის ნაწილში, ჩვეულებრივ, კორონარული არტერიის ბლოკირების გამო.
„გულის შეტევით მოყვანილი პაციენტების რაოდენობა 10-დან 20 პროცენტამდე 40 წლამდეა“, – ამბობს დოქტორი მარტინ ლოუ, ლონდონის საავადმყოფოს კონსულტანტი კარდიოლოგი.
„აშშ-ში მონაცემები აჩვენებს, რომ გულის შეტევით ყოველი მეხუთე პაციენტი 40 წლამდეა“.
დოქტორმა ჯო მილსმა, ლივერპულის გულისა და გულმკერდის საავადმყოფოს კარდიოლოგმა დაამატა: „ჩვენ ნამდვილად შევამჩნიეთ ტენდენცია, რომ 20 წელზე უფროსი ასაკის ახალგაზრდებს აქვთ გულის შეტევა, განსაკუთრებით ბოლო ხუთი წლის განმავლობაში.
„ახლა, როგორც კარდიოლოგი, არც კი შეშფოთდები, როცა 30 წელს გადაცილებულ ადამიანს დაინახავ გულის შეტევით – ეს საკმაოდ ტიპური ხდება და საშინელებაა“.
მაშ, რა იწვევს ახალგაზრდებში გულის შეტევების მატებას?
მრავალი ფაქტორი არის დამნაშავე, მათ შორის არასწორი კვება და სიმსუქნე, უმოძრაო ცხოვრების წესი, ძალიან გახშირებული მეორე ტიპის დიაბეტი (რაც ასოცირდება სქელ, წებოვან სისხლთან, რაც ზრდის სისხლის შედედების რისკს და, თავის მხრივ, გულის დაავადებას). მოწევა და ალკოჰოლი, ამბობს დოქტორი ლოუ.
სიმსუქნე ხშირად იწვევს არტერიულ წნევას, რამაც შეიძლება დამატებითი დატვირთვა მოახდინოს არტერიებზე და გულზე, ხოლო ძილის აპნოემ (ღამით სუნთქვის დარღვევა, რომელიც იწვევს სუნთქვის დროებით შეჩერებას) ასევე შეიძლება გამოიწვიოს სისხლის შედედება.
კიდევ ერთი მთავარი მიზეზი არის სტრესი, როგორც დოქტორი ლოუ განმარტავს: „ჩვენ ყველა ჩვეულებრივ სტრესულ გარემოში ვცხოვრობთ, მაგრამ ამან შეიძლება გამოიწვიოს გულის შეტევა ან გულისცემის ცვლილება ზოგიერთ ადამიანში, ზოგში კი არა“. მე დავინახე გულის პრობლემების უზარმაზარი ზრდა სტრესის გამო“.
პროფესორი თომას ლუშერი, ლონდონის სამეფო ჰოსპიტლების კარდიოლოგი ამბობს, რომ სტრესი ააქტიურებს სიმპათიკურ ნერვულ სისტემას, რომელიც ზრდის გულისცემას და შეიძლება გამოიწვიოს ძირითადი კორონარული არტერიების შეკუმშვა.
ამან, თავის მხრივ, შეიძლება გამოიწვიოს დაფის (ცხიმისგან და ქოლესტერინისგან დამზადებული ნივთიერება, რომელიც გროვდება არტერიებში) გახეთქვა, რაც იწვევს სისხლის შედედების წარმოქმნას არტერიაში. თრომბის ზრდასთან ერთად მას შეუძლია დაბლოკოს სისხლის მიმოქცევა და გამოიწვიოს გულის შეტევა.
#datashvil #drpkhakadze #sheniganatleba #sheniambebi #shenipulsi
ვის სჭირდება ღვიძლის გადანერგვა?
საქართველოს პირველი არხის გადაცემა „პირადი ექიმი – მარი მალაზონია“
ვის სჭირდება ღვიძლის გადანერგვა?
საუბრობს ქირურგი, პროფესორი კახა ქაშიბაძე:
სახელმწიფო სუროგატი დედის მშობიარობა/საკეისრო კვეთის ხარჯებს აღარ აანაზღაურებს
საყოველთაო ჯანდაცვის პროგრამის ფარგლებში სუროგატული დედის მშობიარობა/საკეისრო კვეთის ხარჯები აღარ ანაზღაურდება – დადგენილებას, რომელიც ძალაში 29 თებერვალს შევიდა, პრემიერ-მინისტრი ირაკლი კობახიძე აწერს ხელს.
დადგენილების მიხედვით, შესაბამისი ცვლილებები „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ კანონში უნდა შევიდეს. სუროგატი დედების მშობიარობას სახელმწიფო 2013 წლის 21 თებერვლიდან აფინანსებდა.
პარლამენტი საშემოდგომო სესიაზე განიხილავდა სუროგაციისა და ინვიტრო განაყოფიერების წესების გამკაცრების შესახებ კანონპროექტს, რომლის განხილვაც ხმაურიანი მსჯელობების შემდეგ დროებით შეჩერდა.
სუროგაციის შესახებ კანონის განხილვა საგაზაფხულო სესიებზე გაგრძელდება.
#datashvil #drpkhakadze #sheniganatleba #sheniambebi #sheniekimi
სიმსუქნესთან დაკავშირებული ჯანმრთელობის რისკებია…
4 მარტი სიმსუქნესთან ბრძოლის მსოფლიო დღეა.
2022 წელს მსოფლიოში თითქმის 1 მილიარდ ადამიანს აწუხებდა ჭარბწონიანობა ან სიმსუქნე.
სიმსუქნესთან დაკავშირებული ჯანმრთელობის რისკებია:
კიბო
გულ-სისხლძარღვთა დაავადებები
ტიპი 2 დიაბეტი
ქრონიკული რესპირატორული დაავადებები
ფსიქიკური ჯანმრთელობის პრობლემები.
ამ დღის მთავარი მიზანია: მოსახლეობაში ცნობიერების დონის გაზრდაჯანსაღი ცხოვრების წესის პოპულარიზაცია, გამოცდილების ურთიერთგაცვლა, ჭარბი წონით გამოწვეული შემდგომი დაავადებების პრევენცია და საზოგადოების დაინტერესება.
#datashvil #drpkhakadze #sheniganatleba #sheniambebi #sheniekimi
ფიტნეს და სხვადასხვა სპორტულ კლუბებს სჭირდებათ კვალიფიციური პერსონალი
ერთად მუშაობის სარგებელი
ინდუსტრიაში თანამშრომელთა სამუშაო უნარებისა და სტანდარტების გასაუმჯობესებლად, თანამშრომლობის ზოგიერთი ძირითადი სარგებელი EREPS-ის პროგრამის საშუალებით, შეიძლება შემდეგნაირად შეჯამდეს :
- ფიტნეს და სხვადასხვა სპორტულ კლუბებს სჭირდებათ კვალიფიციური პერსონალი და მათი პროფესიული მიღწევები უნდა იყოს აღიარებული ეროვნულ და საერთაშორისო დონეზე (პირველ რიგში ევროპული, რადგან საქართველოს მისწრაფებაა, შეუერთდეს ევროპის სივრცეს);
- მსოფლიო მასშტაბით ფიტნეს ინდუსტრია სწრაფად მიიწევს წინ, დღის წესრიგში მოსახლეობის ჯანმრთელობის მეტად აქცენტირების მიმართულებით და ამასთან ერთად უფრო დიდი შესაძლებლობები ჩნდება, მაგრამ ყოველივე ეს მოითხოვს უფრო მაღალკვალიფიციურ და მეტ სამუშაო ძალას, ვიდრე ამჟამად არსებობს ფიტნეს ინდუსტრიაში;
- ინდუსტრიას ესაჭიროება მომხმარებლებისთვის ხელმისაწვდომი პროდუქციისა და მომსახურების სფეროების გაზრდა, როგორც არსებული მომხმარებლებისთვის, ასევე მათთვის, ვისთვისაც საჭიროა წახალისება, რათა სისტემატიური მეთვალყურეობის ქვეშ რეგულარულად ივარჯიშონ;
- დასტურდება, რომ პერსონალის კვალიფიკაციის დონის ამაღლებისთვის მიღებული ზომები მნიშვნელოვნად უწყობს ხელს ბიზნესის განვითარებას, ხოლო პერსონალისთვის ტექნიკური უნარების შენარჩუნება-განვითარებაზე ზრუნვა კი იწვევს მომხმარებლების შენარჩუნებას და მატებას;
- EREPS-ის მონაცემთა ბაზა დამოუკიდებელი და საიმედო რესურსია დარგის სპეციალისტების დადასტურებული უნარების შესახებ ინფორმაციის შესაგროვებლად მთავრობებისთვის, სააგენტოებისთვის, ოპერატორებისთვის და ა.შ.;
- ერთობლივად, EuropeActive–ისა და EREPS–ის მიზნის განხორციელებისათვის, დაეხმაროს ფიტნესის ინდუსტრიას განათლებისა და ტრენინგის ხარისხის გაუმჯობესებაში და მასში დასაქმებული მუშაკების განვითარებაში, მნიშვნელოვანია ეროვნული რეესტრების (როგორც ჩვენია უკვე) შექმნა და მათი ინტეგრაცია EREPS–თან (ჩვენ ამჟამად მალტის რეესტრის გავლით ვართ ინტეგრირებული) https://fitnessacademyeurope.com/faepro/
უწყვეტი სწავლებისთვის (მათ შორის, კარიერული და პროფესიული განვითარების) მოთხოვნების არსებობა ხელს შეუწყობს ინდუსტრიაში საყოველთაო სტანდარტებისა და უნარების განვითარებას გაუმჯობესებული სწავლების და ხარისხიანი განათლების მიღების შესაძლებლობების გაზრდის გზით.
სექტორის მიერ თვითორგანიზებისა და თვითრეგულირების შესაძლებლობის გამოვლენით, EREPS ეხმარება ეროვნულ ასოციაციებს და მათ პარტნიორებს მთავრობებთან ურთიერთობების დამყარებაში.
ეს პროცესი წარიმართება დამოუკიდებლად და გამომდინარე იქედან, რომ ყველა ეტაპზე გამოყენებულია ევროპული სტანდარტები, რომელსაც მხარს უჭერს ევროკომისია, მისი ოპერაციული პრინციპები ძლიერი და ანგარიშვალდებულებაზე დაფუძნებულია.
#datashvil #drpkhakadze #sheniganatleba #sheniambebi #sheniekimi
არის თუ არა ჭიები, ბავშვებში მუცლის ტკივილი მიზეზი…
არის თუ არა ჭიები ისეთი იპრობლემა, რომელიც მუცლის ტკივილის გამომწვევი მიზეზი შეიძლება გახდეს.
გადაცემაში „სტუმრად ექიმთან“ საუბრობს თბილისის სახელმწიფო სამედიცინო უნივერსიტეტის, „გივი ჟვანიას სახელობის პედიატრიის აკადემიური კლინიკის“ პედიატრი, გასტროენტეროლოგი, ევროპის პედიატრთა, გასტროენტეროლოგთა, ჰეპატოლოგთა და ნუტრიციოლოგთა ასოციაციის წევრი მარიამ ღუღუნიშვილი:
„ძველი დროის მიდგომებს დიდად ვერ გავკიცხავ, მაშინ სხვა დაავადებები დიდად ცნობილი არ იყო და ყველაფერი ჭიების ირგვლივ ტრიალებდა.
უამრავი ჩივილი, შეიძლება მივაწეროთ ჭიას და პარაზიტებს, მაგრამ უნდა ვიცოდეთ, რა პარაზიტებზე ვსაუბრობთ, ასე კრებითი სახელით საუბარი, სწორი არ იქნება. ყველა პარაზიტს და ჰელმინთს მკურნალობა არ სჭირდება და არ ვმკურნალობთ. რა თქმა უნდა, არის გარკვეული პარაზიტებიც, რომელთაც აუცილებლად სჭირდებათ მკურნალობა, – ტოქსოკარა, ასკარიდა და ა.შ. შეიძლება, რომ ჟიარდიამ ძალიან ხშირად ფაღარათიც გამოიწვიოს. მნიშვნელოვანია, რომ ამ ყველაფრის მკურნალობა თვითნებური არ იყოს“.
კითხვის ნიშნები აბორტის გარშემო…
ტელეკონსილიუმი თემაზე – აბორტი:
დაიწყეს მუშაობა დემოგრაფიული სიტუაციის გაუმჯობესებისათვის.
უნდა დაისვას შეკითხვა, – იმიტომ კი არა, რომ აბორტი შეამცირო, არამედ ნიშა განსაზღვრო…“
კითხვის ნიშნები აბორტის გარშემო…
#datashvil #drpkhakadze #sheniganatleba #sheniambebi #shenipulsi
ტაქიკარდია და არითმია, რომლის ეპიზოდიც ძლიერი ჩასუნთქვით ჩერდება
სუპრავენტრიკულური ტაქიკარდია (სვტ) ხშირად ვლინდება გულის უეცარი (პაროქსიზმული) აჩქარებით. ეს აჩქარება, როგორც წესი, გრძელდება რამდენიმე წამი, წუთი ან საათი და ის ჩერდება სპონტანურად, გარკვეული სუნთქვითი ვარჯიშების ჩატარებით ან მედიკამენტურად.
არსებობს სუპრავენტრიკულური ტაქიკარდიის მუდმივად (განუწყვეტლად) მიმდინარე ფორმებიც, თუმცა შედარებით იშვიათად. პაროქსიზმული ფორმის სუპრავენტრიკულურ ტაქიკარდიის სიმპტომებსა და მკურნალობის გზებზე „ბათუმის სამედიცინო ცენტრის“ არითმოლოგი გიორგი ცხომელიძე საუბრობს:
#datashvil #drpkhakadze #sheniganatleba #sheniambebi #shenipulsi
რა უნდა ვიცოდეთ კვერცხზე ალერგიის დროს?
რა უნდა ვიცოდეთ კვერცხზე ალერგიის დროს?
რა მნიშვნელობა აქვს კვერცხში არსებული ცილოვანი კომპონენტების დიაგნოსტიკას?
კვერცხი კვებითი ალერგენია, რომელიც კვებითი ალერგიის დიდ ცხრიანშიშედის.
დიდი ცხრიანი მოიცავს: რძეს, კვერცხს, თევზს, კიბოსნაირებს, თხილს, არაქისს, ხორბალს, სოიოს და ახალ ალერგენს, რომელზეც ალერგია ისეთი ხშირი გახდა, რომ შეემატა დიდ რვიანს-სეზამი
კვერცხის მიმართ ალერგია ბავშვების 2,5 % -ში გვხდება. ის ვითარდება 2 წლამდე ასაკში და შემთხვევების 55%-ში ქრება პირველი 6 წლის განმავლობაში, ხოლო დარჩენილი შემთხვევები კი 16 წლამდე ასაკისთვის.
კვერცხზე ალერგიული ბავშვების უმეტესობას აქვს უნარი განუვითარდეს კვერცხის ცილებისადმი ტოლერანტობა დროთა განმავლობაში.
კვერცხზე ალერგიის კლინიკური გამოვლინებები მოიცავს მსუბუქ და მძიმე რეაქციებს, როგორიცაა:
– კანის რეაქციები (ერითემა, ჭინჭრის ციება, ანგიონევროზული შეშუპება)
– კუჭ-ნაწლავის სიმპტომები (ღებინება, მუცლის ტკივილი, ფაღარათი)
– რესპირატორული გამოვლინებები (ხველა, ბრონქოსპაზმი, სუნთქვის გაძნელება)
– ანაფილაქსია.
კვერცხი ცილებით მდიდარი პროდუქტია. კვერცხის ცილა შეიცავს 23 სხვადასხვა კომპონენტს. მათგან ძირითადი ალერგენებია: ოვალბუმინი, ოვომუკოიდი, ოვოტრანსფერინი და ლიზოციმი.
კვერცხზე ალერგიის მქონე პირებისთვის მკაცრად რეკომენდებულია მოერიდონ კვერცხსა და კვერცხზე დაფუძნებულ საკვებ პროდუქტებს ტოლერანტობის გამომუშავებამდე.
ჯვარედინი რეაქცია გვხდება კვერცხის ცილი და კვერცხის გულის პროტეინებს შორის, ასევე სხვადასხვა ფრინველის კვერცხებს (ქათამი, ინდაური, იხვი და თოლია) შორის.
კვლევებმა აღმოაჩინეს,რომ ოვომუკოიდის (Gal d 1) სპეციფიკური IgE, როგორც მნიშვნელოვანი ბიომარკერი მოხარშული კვერცხის ალერგიისთვის. ოვალბუმინის (Gal d 2) სპეციფიკური IgE, კი ითვლება საუკეთესო მარკერად, როგორც ნედლ, ასევე მოხარშულ კვერცხზე ალერგიის დიაგნოსტიკისთვის. ამრიგად, მათ ვისაც გამოუვლინდებათ ალერგია Gal d 2-ის მიმართ, ისინი ვერ აიტანენ, როგორც უმ, ისე თერმულად დამუშავებულ კვერცხს, ხოლო Gal d 1-ის მიმართ, ალერგიით გამოვლენილმა პირებმა, შეიძლება, თერმულად დამუშავებული კვერცხი აიტანონ. ეს მნიშვნელოვნად ცვლის პაციენტის ცხოვრების ხარისხს და გვიხსნის ამა თუ იმ კლინიკური გამოვლინების მიზეზებს.
დიაგნოსტიკის შესაძლებლობები:
კანის სინჯებით;
სისხლში ალერგენების გამოვლენით:
სპეციფიკური IgE-ის განსაზღვრით კვერცხის, ოვალბუმინის, ოვომუკოიდის მიმართ
მულტიალერგენული მოლეკულური ტესტებით.
#datashvil #drpkhakadze #sheniganatleba #sheniambebi #shenipulsi
