- ძლიერი სხეული ძლიერი გონების ტოლფასია: როდესაც ფიზიკურად თავს კარგად გრძნობთ, ეს თქვენს გონებაზეც აისახება. სისტემატური ვარჯიში სტრესს ამცირებს, ძილს აუმჯობესებს და დეპრესიისა თუ შფოთვითი აშლილობის სიმპტომებსაც კი ებრძვის. გახდით საკუთარი თავის შედარებით მშვიდი და ბედნიერი ვერსია!
- გარდერობის მეომარი: ფიტნესის მიზანი მხოლოდ კარგი ფიგურის ქონა არაა (თუმცა ესეც არ არის ცუდი მიზანი!). საკუთარ სხეულში თავი თავდაჯერებულადაც უნდა იგრძნოთ. ფიზიკური აქტივობა ჯანსაღი წონის შენარჩუნებასა და გაძლიერებაში გეხმარებათ, რათა სასურველი სამოსი ამაყად მოირგოთ.
- ასაკი მხოლოდ ციფრებია: ფიტნესი ახალგაზრდობის შესანარჩუნებელი ჯადოსნური ელექსირია (მაგრამ, ზღაპრული ელექსირებისგან განსხვავებით, საეჭვო გემო არ აქვს!). ის თქვენს ძვლებსა და კუნთებს აძლიერებს, წონასწორობასა და კოორდინაციას აუმჯობესებს და აქტიურად და დამოუკიდებლად ცხოვრების ხანგრძლივობას ზრდის. დაფიქრდით წინ რამდენი დაუვიწყარი თავგადასავალი გელით!
სისტემატური ვარჯიში სტრესს ამცირებს, ძილს აუმჯობესებს და დეპრესიისა თუ შფოთვითი აშლილობის სიმპტომებსაც
მადლიერი პაციენტი – „მადლობას მოგახსენებთ…“, „მადლობა ექიმებს პროფესიონალიზმისთვის “
მადლიერი პაციენტი
„მადლობა ექიმებს პროფესიონალიზმისთვის “
„მადლობა ექიმებს პროფესიონალიზმისთვის…“ – მადლიერი პაციენტი
მადლიერი პაციენტი
„წმინდა იოანე მოწყალის სახელობის პრივატ კლინიკაში გავიკეთე ნაღვლის ბუშტის ოპერაცია. მქონდა ნაღვლის ბუშტის კენჭოვანი დაავადება. ჩამიტარდა ნაღვლის ბუშტის ლაპაროსკოპიული ოპერაცია.
მინდა, დიდი მადლობა გადავუხადო ქირურგ ბესო ასანიძეს პროფესიონალიზმისთვის, მედპერსონალს ასეთი სითბოსთვის და დიდი ყურადღებისთვის“.
მაკა დათაშვილი
როგორ შევაჩეროთ სლოკინი, რა იწვევს სლოკინს – მეცნიერება სლოკინის შესახებ
2021 წელს სლოკინის შესაჩერებლად გამოუშვეს სპეციალური საწრუპი, რომელიც, როგორც აღმოჩნდა, სლოკინს ტრადიციულ მეთოდებზე უკეთ აჩერებს. თუმცა თუკი ახლა გუგლავთ, როგორ შეიძლება სლოკინის შეჩერება, დიდი ალბათობით, უფრო მყისიერი გამოსავალი გჭირდებათ, ამიტომ სტატიას ბოლომდე ჩაუყევით და გაიგეთ, რა არის სლოკინი, რა იწვევს მას და, ბოლოს და ბოლოს, როგორ შევაჩეროთ ის.
რა არის სლოკინი და რა იწვევს მას
სლოკინი არის დიაფრაგმის (კუნთი, რომელიც გამოყოფს მკერდს მუცლისგან და მნიშვნელოვან როლს ასრულებს სუნთქვაში) უნებლიე შეკუმშვა. ყოველ შეკუმშვას მოჰყვება ვოკალური იოგების უეცარი დახურვა, რაც წარმოქმნის დამახასიათებელ ხმას.
ზოგიერთი ადამიანისთვის დიდი ხნის განმავლობაში (ზოგჯერ 68 წლამდეც კი) სლოკინი შეიძლება იყოს ჯანმრთელობის პრობლემის ნიშანი. თუმცა ეს შემთხვევა უფრო კომპლექსურია და მოითხოვს სამედიცინო პროფესიონალის გამოკვლევას, ამიტომ მას აქ არ განვიხილავთ. ამის ნაცვლად, გეტყვით, რა მოუხერხოთ ჯანსაღ სლოკინს, რომელიც ზოგჯერ ძალიან შემაწუხებელი ხდება.
სამწუხაროდ, უვნებელი სლოკინი შეიძლება გამოწვეული იყოს უამრავი მიზეზით. ჩვენი დიაფრაგმის სპაზმში ჩაგდება შეუძლია არასასიამოვნო აქტივობების ფართო სპექტრს, დაწყებული ძალიან სწრაფი ან ბევრი ჭამით და დამთავრებული გაზიანი ან ცივი სასმელების ან ალკოჰოლის დალევით. თუნდაც შხაპის მიღებამ ან შოკის, მოულოდნელობის ან სტრესული სიტუაციის განცდამ შეიძლება გამოიწვიოს სლოკინის შეტევა.
სლოკინი, რომელიც არ ჩერდება, შეიძლება იყოს უვნებელი, მაგრამ შემთხვევების კვლევებმა აჩვენა, რომ იგი ასევე შეიძლება ასოცირდებოდეს ინფექციასთან, ორგანოთა დაზიანებასთან ან დაავადებასთან, ასევე ზოგიერთ კეთილთვისებიან სიმსივნესა და კიბოსთან. ასე რომ, თუკი აღგენიშნებათ ახალი და მუდმივი სლოკინი, რომელიც გრძელდება 48 საათზე მეტ ხანს, სჯობს, თქვენს ჯანდაცვის პროვაიდერს გაესაუბროთ.
როგორ შევწყვიტოთ სლოკინი
1985 წლის ნაშრომში საუბარია პაციენტზე, რომელსაც 8 წელზე მეტი ხნის განმავლობაში აწუხებდა სლოკინი და, გავრცელებული ინფორმაციით, მიიღო 60 000-ზე მეტი წერილი განკურნების რეკომენდაციებით. ამ კონკრეტულმა პაციენტმა საბოლოოდ სლოკინის შეწყვეტა წმინდა იუდას ლოცვას მიაწერა, თუმცა, თუკი ეს თქვენს რელიგიურ მრწამსს არ შეესაბამება, ანდაც უბრალოდ არ გჯერათ, უკეთეს საშუალებებს შემოგთავაზებთ.
ზოგიერთი ანეკდოტური სამკურნალო საშუალება, როგორიცაა სუნთქვის შეკავება (მოკლე დროით), ქაღალდის ჩანთაში ჩასუნთქვა, ან მოხრილ მდგომარეობაში წყლის დალევა, შეიძლება ითქვას, იზიარებს მიდგომას იმით, რომ გავლენას ახდენს დიაფრაგმაზე.
მიუხედავად იმისა, რომ 2013 წლის ნაშრომმა სამართლიანად დაასკვნა, რომ რანდომიზებულ პლაცებოზე კონტროლირებადი კვლევების გარეშე შეუძლებელია ამგვარი მკურნალობის ეფექტურობის დადასტურება ან უარყოფა, შესაძლოა, მიზეზი, რის გამოც ასეთი მიდგომები ფართოდ გავრცელდა, დაკავშირებულია იმ ფაქტთან, რომ კუნთის დაჭიმვას სპაზმის შეჩერება შეუძლია.
NHS ინგლისს აქვს ვრცელი სია რჩევებისა, თუ როგორ შეიძლება სლოკინის შეწყვეტა. ისინი მხარს უჭერენ სუნთქვას ქაღალდის ჩანთის მეთოდით, ასევე სუნთქვის ხანმოკლე დროით შეკავებას და რამდენიმე სხვა მიდგომას:
მუხლები მკერდთან მიიტანეთ და დაიხარეთ წინ;
დალიეთ ცივი წყალი (ტემპერატურულ ცვლილებებს სლოკინის გამოწვევასთან ერთად მის შეჩერებაც შეუძლია);
დააგემოვნეთ რაღაც მძაფრი, როგორიცაა ლიმონი ან ძმარი.
ჰარვარდის სამედიცინო სკოლა გვთავაზობს სამ-საფეხურიან მეთოდს:
ღრმად ჩაისუნთქეთ და შეიკავეთ სუნთქვა 10 წამის განმავლობაში;
ამოსუნთქვის გარეშე, შეისუნთქეთ ცოტა მეტი ჰაერი;
გაიმეორეთ მე-2 პუნქტი და ამოისუნთქეთ.
ითვლება, რომ მეთოდი შეკუმშავს სლოკინს როგორც სპაზმურ დიაფრაგმაზე მოქმედებით, ასევე ორგანიზმში ნახშირორჟანგის დონის ხანმოკლე გაზრდით.
რადგან სლოკინის მიზეზები და მისი შეწყვეტის მეთოდები თქვენთვის უკვე ცნობილია, იმედია, სამომავლოდ ადვილად მოახერხებთ მისგან თავის დაღწევას.
“ვინც ბაღში არ ატარებს ბავშვს, სკოლაში იწყებს ვირუსებით ავადმყოფობას”
“ბავშვი იმუნიტეტის აქტიურ განვითარებას იწყებს 2-წლიდან 6 წლამდე იმიტომ, რომ დედისგან მიღებული იმუნიტეტის კარგვა ხდება, იმუნიტეტი წარმოიქმნება ვირუსებთან ურთიერთობით, იმუნიტეტის წამალი არ არსებობს, ან რა უნდა გააძლიერო რაც არ არის, მჯო-მ ნორმად მიიჩნია, რომ ბავშვი ავადობს ვირუსული ინფექციით წელიწადში 6-8 ჯერ, რათა შეიქმნას იმუნოლოგიური მეხსიერება, მერწმუნეთ, ვინც ბაღში არ ატარებს ბავშვს, სკოლაში იწყებს ავადმყოფობას!
ამიტომ შეიძლება ერთადერთი რამ მოგიწოდოთ ყველას. ბავშვს ნუ მიიყვანთ ბავშვთა დაწესებულებაში ავადმყოფობის პერიოდში, სხვის შვილებსაც გაუფრთხილდით და თქვენც დაიცავით გართულებებისგან, ცხვირთან მოუსვით ანტივირუსული მაზი, რომელიც მექანიკურად იცავს ვირუსის ლორწოვანში შეჭრისგან და არის “არამოძალადე” იმუნომოდულატორი, აცერთ სეზონურ გრიპზე, დაიცავით ყველამ ჰიგიენის ნორმები, ყოველ 2 საათში გაანიავონ ბაღში ოთახები, ოღონდ ნუ მოაქცევენ ბავშვებს ორპირში. მასწავლებელი ვალდებულია, არ მიიღოს ავადმყოფი ბავშვი”, – ამბობს ცნობილი პედიატრი ინგა მამუჩიშვილი.
#datashvil #drpkhakadze #sheniganatleba #sheniambebi #shenipulsi
VIDEO: ხელის პროთეზი ქალის ძვლებს, კუნთებსა და ნერვებს შეეზარდა ტექნოლოგიებიon 05/12/2023 192 VIEWS
50 წლის შვედ ქალს, რომელმაც ხელი ფერმაში მომხდარი ინციდენტისას დაკარგა, უახლესი ტექნოლოგიებით აღჭურვილი პროთეზი დაუყენეს, რომელიც ამავე დროს, ტრანსფორმაციულიც აღმოჩნდა.
ბიონიკური ხელი ეფუძნება რევოლუციურ ტექნოლოგიას, რომელიც პირდაპირ მომხმარებლის ძვლებს, კუნთებსა და ნერვებს უერთდება და წარმოქმნის ადამიანი-მანქანის ინტერფეისს; შედეგად, ხელოვნურ ინტელექტს თავის ტვინის სიგნალების ზუსტ, მაგრამ მარტივ მოძრაობებად გადათარგმნა შეუძლია.
ქალი, რომელსაც ბიონიკური ხელი დაუყენეს, სახელად კარინი (გვარი ანონიმურია), ახლა გარკვეულწილად გრძნობს შეხებას და ინდივიდუალურად ამოძრავებს ხუთ ბიონიკურ თითს, თანაც 95-პროცენტიანი წარმატებით.
კარინმა ოცი წელი იცხოვრა მარჯვენა ხელის გარეშე, მაგრამ ახლა, მას უკვე შეუძლია ყოველდღიური საქმიანობის 80 პროცენტის შესრულება, მაგალითად, საკვების მომზადება, საგნების აღება, ჩანთებისა და ტანსაცმლის შეკვრა გახსნა, კარის ჩამკეტის დატრიალება, ხრახნების დაჭერა.
გარდა ამისა, პროთეზული ხელის დაყენების შემდეგ, მნიშვნელოვნად შემცირდა კარინის ყრუ ტკივილიც, რომელიც მისი თქმით, ისეთი იყო, თითქმის ხელს ხორცსაკეპ მანქანაში ყოფდა.
„პროთეზით ყველაფერს უკეთესად ვაკონტროლებ, მაგრამ რაც ყველაზე მთავარია, ტკივილი შემიმსუბუქდა. დღეს გაცილებით ნაკლები მკურნალობა მჭირდება“, — ამბობს კარინი.
ინჟინერთა საერთაშორისო ჯგუფმა, რომელმაც კარინის ბიონიკური ხელი შექმნა, მისი წარმატების შესახებ ახლახან გამოაქვეყნა პუბლიკაცია ჟურნალ Science Robotics-ში.
შვედ, იტალიელ და ავსტრალიელ მკვლევართა განცხადებით, ეს პირველი შემთხვევაა, როდესაც შიდა ელექტროდების მქონე რობოტულმა ხელმა გრძელვადიანი სიცოცხლისუნარიანობა აჩვენა იდაყვს ქვემოთ ამპუტაციის შემთხვევებში.
კვლევა – ქალებში ალკოჰოლის ხშირი მოხმარება ინფარქტით სიკვდილის რისკს ზრდის
ახალგაზრდა და საშუალო ასაკის ადამიანებს, რომლებიც მოიხმარდნენ ალკოჰოლს მაღალი დონით, უფრო მეტად უვითარდებოდათ გულის კორონარული დაავადება.
კარდიოლოგიის ამერიკულ კოლეჯში წარმოდგენილი კვლევის თანახმად, ეს ასოციაცია ძლიერი იყო ქალებში, განსაკუთრებით მათ შორის, ვინც ბოლო სამი თვის განმავლობაში ერთ დღეში სამი ან მეტი ალკოჰოლური სასმელი მიირთვა.
„ახალგაზრდა და საშუალო ასაკის ქალებში ალკოჰოლის მოხმარების პრევალენტობა იზრდება, რადგან ისინი თავს დაცულად გრძნობენ გულ-სისხლძარღვთა დაავადებებისგან. მაგრამ ეს კვლევა აჩვენებს, რომ ამ ასაკობრივ ჯგუფშიც კი, ქალები, რომლებიც დღეში ერთ სასმელზე რეკომენდებულზე მეტს სვამენ, გულის კორონარული დაავადების რისკის ქვეშ არიან“, – თქვა კვლევის წამყვანმა ავტორმა ჯამალ რანამ.
კვლევაში მონაწილეთა ალკოჰოლის მოხმარება კლასიფიცირდა როგორც დაბალი (1-2 სასმელი კვირაში მამაკაცებისთვის და ქალებისთვის), ზომიერი (კვირაში 3-14 სასმელი მამაკაცებისთვის და 3-7 სასმელი კვირაში ქალებისთვის) ან მაღალი (15 ან კვირაში მეტი სასმელი).
მკვლევრები მონაწილეებს ოთხი წლის განმავლობაში აკვირდებოდნენ. ამ პერიოდში სულ 3 108 პაციენტს დაუდგინდა გულის კორონარული დაავადება.
ქალებს, რომლებიც ამ კატეგორიაში მოხვდნენ, 68%-ით უფრო მეტად უვითარდებოდათ გულ-სისხლძარღვთა დაავადებები, ვიდრე, მათ, ვინც ამბობდნენ, რომ ზომიერად სვამდნენ.
„ვფიქრობ, სკოლის ასაკიდანვე საჭიროა ცნობიერების ამაღლება სკრინინგის მნიშვნელობასთან დაკავშირებით, რადგან სიმსივნური დაავადების აღმოჩენა ადრეულ ეტაპზევე შეიძლება ამ პროგრამით“
„ჩემთან უკვე მოდის პაციენტი, რომელსაც ონკოლოგიური დაავადების ან ძალიან მაღალი რისკი აქვს, ან უკვე აქვს დიაგნოზირებული სიმსივნე მესამე ან მეოთხე სტადიით. ეს ნიშნავს, რომ მესამე სტადიის პაციენტებს სჭირდებათ როგორც ოპერაცია, ასევე, შემდგომი თერაპია, ხოლო მეოთხე სტადიის შემთხვევაში, სჭირდებათ ძალიან ბევრი ტესტის ჩატარება და შემდგომ უკვე ხანგრძლივი მკურნალობა მთელი ცხოვრების განმავლობაში. ამიტომ ამ დაავადების ადრეულ სტადიაზე გამოვლენა ნაკლებად ტრავმულია, ხარჯეფექტურია და ფსიქოლოგიურადაც იმდენად დამთრგუნველი არ არის, როგორც მძიმე სტადიის დროს“, – აცხადებს კლინიკა „კონსილიუმ მედულას“ კლინიკური ონკოლოგი თამთა მახარაძე for.ge-სთან საუბრისას.
ონკოლოგიური დაავადებების დასამარცხებლად დროულ დიაგნოსტიკას აზრი მაშინ აქვს, თუკი მთელი საქართველოს მოსახლეობის 70%- ზე მეტი იქნება ჩართული სკრინინგის პროგრამაში. იმის მიუხედავად, რომ საზოგადოებას პერიოდულად აწვდით ინფორმაციას სკრინინგის აუცილებლობის შესახებ, ჩვენი საზოგადოება მაინც აგვიანებს გამოკვლევებზე მისვლას. რა სირთულეს აწყდებით ამ მხრივ, განსაკუთრებით, რეგიონებში?
– საქართველოში სკრინინგის პროგრამა 50- დან 70 წლის მოსახლეობისთვის ფინანსდება. თუმცა თუ არსებობს დაავადების მაღალი რისკი, სკრინინგ პროგრამაში მონაწილეობის დაწყება უმჯობესია ახალგაზრდა ასაკშივე. ეს ძალიან მნიშვნელოვანია, რათა საწყის ეტაპზევე მოხდეს დაავადების აღმოჩენა, ასეთ შემთხვევაში, მკურნალობაც ნაკლებად ტრავმულია და გამოსავალიც ბევრად უკეთესი იქნება, ვიდრე დაგვიანებულ სტადიებზე აღმოჩენისას. ქვეყნის მასშტაბით თუ შევხედავთ, სკრინინგ პროგრამას მაშინ აქვს რეალური გავლენა მოსახლეობის ჯანმრთელობაზე, თუკი მოიცავს სამიზნე პოპულაციის მინიმუმ 75%- ს. მიუხედავად იმისა, რომ საქართველოში ეს პროგრამა უფასოა, ძალიან მარტივია ამ ტიპის კვლევა და არანაირ ინვაზიურ ჩარევას არ მოითხოვს პაციენტში, მაინც ბევრად დაბალია მომართვიანობა და ახლოსაც არ არის სამიზნე მაჩვენებელთან. ეს უფრო მეტად რეგიონებში შეიმჩნევა, მაგრამ დედაქალაქშიც დაბალია აქტივობა.
როგორ ფიქრობთ, რეგიონებში თვლიან, რომ ჯანმრთელ გარემოში ცხოვრობენ, ჯანსაღად იკვებებიან და ამიტომაც არ დაემართებათ ონკოლოგიური დაავადება? თუ გადაულახავ ბარიერად რჩება ექიმთან ვიზიტის შიში?
– რამდენიმე მიზეზია. ერთ-ერთი ყველაზე გავრცელებულია შიში, რამე არ აღმომაჩნდეს. მეორე ბარიერია, რომ ფიქრობენ, მათ არ დაემართებათ ეს დაავადება. ასევე, მნიშვნელოვანია განათლების პრობლემა, რადგან ზოგიერთს არ ესმის კლინიკური პროგრამის მნიშვნელობა და ფიქრობენ, მხოლოდ მაშინ უნდა მიმართონ სკრინინგ ცენტრს, თუ რაიმე ჩივილი გამოუვლინდებათ, რაც კავშირში იქნება სიმსივნესთან.
თქვენ აღნიშნეთ, რომ დაავადების მაღალი რისკის არსებობისას სკრინინგ პროგრამით სარგებლობა ახალგაზრდულ ასაკში უკეთეს შედეგს იძლევა, ანუ საუბარია 50 წლამდე პერიოდზე. ვინაიდან სკრინინგ პროგრამით გათვალისწინებული უფასო პროგრამა 50-დან 70 წლამდე მოსახლეობას შეეხება, 50 წლამდე პაციენტებს რა თანხის გადახდა მოუწევთ?
– ეს არის ძალიან მარტივი ტესტი – განავლის ანალიზი ფარულ სისხლდენაზე, რაც დაახლოებით 25- დან 50 ლარის ფარგლებშია. ეს არ არის კოლოსალური თანხა. ასევე, თუ ოჯახის ექიმი დაასაბუთებს, რომ აღნიშნულ პაციენტს ონკოლოგიური დაავადებების განვითარების მაღალი რისკი აქვს, შესაძლოა გამონაკლისის დაშვება სკრინინგ ცენტრის მიერ და აღნიშნული ტესტის ჩატარება. დიაგნოსტიკა არ არის რეალური პრობლემა. პრობლემაა პაციენტების მიმართვიანობის დეფიციტი.
პირადად თქვენ, როგორც კლინიკურ ონკოლოგს, უკვე მაღალი რისკის მქონე პაციენტებთან გიწევთ ურთიერთობა, როცა დაავადება შორსწასულია. რა პრობლემას აწყდებით პაციენტების მდგომარეობის სირთულის გათვალისწინებით?
– ჩემთან უკვე მოდის პაციენტი, რომელსაც აქვს ან ძალიან მაღალი რისკი, ან სიმპტომები, ან უკვე არის დიაგნოზირებული სიმსივნე. ონკოლოგები პრობლემას ვაწყდებით იმ კუთხით, რომ დიაგნოზდასმული პაციენტების უმეტესობას, მინიმუმ, მესამე ან მეოთხე სტადიის სიმსივნე აქვთ. ეს კი ნიშნავს, რომ მესამე სტადიის მქონე პაციენტებს სჭირდებათ როგორც ოპერაცია, ასევე, შემდეგ ქიმიოთერაპია, ხოლო მეოთხე სტადიის შემთხვევაში, სჭირდებათ ძალიან ბევრი ტესტის ჩატარება, რასაც სახელმწიფო ვერ აფინანსებს და შემდეგ უკვე ძალიან ხანგრძლივი მკურნალობა მთელი მათი ცხოვრების განმავლობაში. პირველი- მეორე სტადიის დროს მკურნალობა მხოლოდ ოპერაციით შემოიფარგლება, ძალიან ადრეულ სტადიაში თუ მოხდა ამ დაავადების დაფიქსირება, ამ შემთხვევაში, ოპერაციაც ენდოსკოპიურად შეიძლება ჩატარდეს. ამიტომ როგორც პაციენტისთვის, ასევე, სახელმწიფოსა და ექიმისთვის ძალიან მნიშვნელოვანია დაავადების ადრეულ სტადიაზე გამოვლენა, რადგან ბევრად ნაკლებ ტრავმულია, ხარჯეფექტურია და ფსიქოლოგიურადაც პაციენტისთვის იმდენად დამთრგუნველი არ არის, როგორც მძიმე თერაპიული მკურნალობა იქნებოდა.
ენდოსკოპიური ოპერაცია მარტივია?
– ენდოსკოპიური ოპერაცია ძალიან მარტივია. როგორც კოლონოსკოპია კეთდება, ისე კამერით შედიან ნაწლავში და დაზიანების ამოკვეთას ახდენენ, თუკი ის ადრეულ სტადიაზეა აღმოჩენილი. ანუ პაციენტი მიმართავს სკრინინგ პროგრამას, თუ დადებითი ტესტი აღმოჩნდება, კოლონოსკოპია უკეთდება, რაც გულისხმობს ნაწლავის გამოკვლევა წვრილკამერიანი მილით. ამ დროს პაციენტს სძინავს, ეს პროცედურაც არ არის მტკივნეული.
ამ პროცედურას რამდენი დრო სჭირდება?
– დაახლოებით ათი წუთი.
შორსწასული პროცესების დროს პაციენტების ნაწილს ვერც ქიმიოთერაპია შველის და ზოგჯერ იღუპებიან. რამდენად ამართლებს ქიმიოთერაპია?
– ქიმიოთერაპიის ორი სახე არსებობს, ერთია პროფილაქტიკური ქიმიოთერაპია, რომელიც მესამე სტადიის, ზოგ შემთხვევაში, მეორე სტადიის პაციენტებს სჭირდებათ ოპერაციის შემდეგ იმისთვის, რომ დაავადების გავრცელების რისკი მინიმუმამდე დავიდეს. ხოლო ქიმიოთერაპიის მეორე ვარიანტი გამოიყენება მეოთხე სტადიის დროს, ამ ქიმიოთერაპიის მიზანი უკვე არის დაავადების შეჩერება, ან უკანდახევის გამოწვევა. პირველ შემთხვევაში, ქიმიოთერაპია ბევრად ამართლებს და იმ ჯგუფთან შედარებით, ვინც ვერ ან არ გაიკეთა ქიმიოთერაპია, ბევრად უკეთესი გამოსავალი აქვთ იმ პაციენტებს, ვისაც ჩაუტარდა პროფილაქტიკური ქიმიოთერაპია. უკვე გავრცელებული სიმსივნის შემთხვევაში კი, როგორც გითხარით, მიზანია დაავადების შეჩერება ან უკანდახევა და ადამიანის ცხოვრების ხარისხის გამოსწორება.
ალტერნატივას რაც შეეხება, ადამიანთა ნაწილი მიმართავს ხალხურ საშუალებებს, ასევე, იოგის ვარჯიშებს, რომ აიცილონ დაავადებისგან გამოწვეული სირთულეები. ცხადია, როდესაც დაავადება მოდებულია ორგანიზმში, ძნელია რამის გამოსწორება, მაგრამ საწყის სტადიაზე რამდენად ამართლებს ჯანსაღი ცხოვრების წესის დაცვა თუნდაც ვარჯიშის მეშვეობით?
– ვარჯიში ძალიან კარგია, თუ თან ახლავს რეგისტრირებულ, დადასტურებულ თერაპიას. ვარჯიში ყოველთვის კარგია, როგორც ჯანსაღი ცხოვრების წესის ერთ-ერთი ნაწილი, მაგრამ მხოლოდ იოგა, ან მხოლოდ ხალხური მედიცინა ამ პრობლემას ვერ მოერევა. ათი ათასობით ადამიანზე ჩატარებული კვლევის მქონე, რეგისტრირებულ პრეპარატებსაც კი უჭირთ ამ სირთულის პრობლემასთან გამკლავება, მით უმეტეს, ხალხურ მედიცინას, რომელიც არანაირ მტკიცებით მედიცინას არ ეფუძნება. ამდენად, ვერანაირად ვერ მივცემთ პაციენტებს რეკომენდაციას ამ მეთოდის გამოყენებისათვის.
ონკოლოგიის, როგორც მედიცინის დარგის, განვითარების მიუხედავად, მთელ მსოფლიოში ონკოლოგიური დაავადებების ციფრი წლიდან წლამდე იზრდება. რამდენად მზარდია ეს მონაცემები საქართველოში?
– ციფრები მზარდია და ამის რამდენიმე მიზეზი არსებობს, როგორც ეკოლოგიური ფაქტორები, ისე ცხოვრების წესი- ალკოჰოლის მოხმარება, სიმსუქნე, ბევრი რისკფაქტორი იწვევს კონკრეტულად ნაწლავის დაავადებას. დიაგნოსტირების მეთოდები ბევრად უფრო განვითარდა, ამიტომ დაავადების აღმოჩენაც უფრო მეტად ხდება. ალბათ, სკოლის ასაკიდანვე საჭიროა ცნობიერების ამაღლება სკრინინგის მნიშვნელობასთან დაკავშირებით არა მარტო კოლორექტული კიბოს შესახებ, არამედ სხვა სიმსივნური დაავადებების აღმოჩენაც შეიძლება სკრინინგ პროგრამით. თუ, ვთქვათ, სკრინინგ პროგრამაში ვერ მიიღო ადამიანმა მონაწილეობა, ამის მიუხედავად, ნებისმიერი პატარა სიმპტომის დროს, რაც თუნდაც თეორიულად მიუთითებს ნაწლავის სიმსივნის შესახებ, აუცილებლად დროულად უნდა მიმართოს ექიმს, რათა დროულად მოხდეს ჩარევა.
ანტიმიკრობულ რეზისტენტობაზე მიმართული ღონისძიებების გაძლიერებასა და გადამდები დაავადებების ზედამხედველობისა და კონტროლის მიმართულებით ისაუბრეს
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, პირველ მოადგილე თამარ გაბუნიასთან ერთად, ევროპის დაავადებათა პრევენციისა და კონტროლის (ECDC) ცენტრის დირექტორს, ანდრეა ამონს შეხვდა.
მხარეებმა ანტიმიკრობულ რეზისტენტობაზე მიმართული ღონისძიებების გაძლიერებასა და გადამდები დაავადებების ზედამხედველობისა და კონტროლის მიმართულებით ისაუბრეს.
განიხილეს ასოცირების ხელშეკრულებით გათვალისწინებული ვალდებულებების შესრულება და ევროპის დაავადებათა პრევენციისა და კონტროლის ცენტრის აქტივობებსა და ინიციატივებში საქართველოს სრულფასოვანი მონაწილეობის შესაძლებლობები, რაც განსაკუთრებით აქტუალური გახდა საქართველოს მიერ, ევროკავშირის კანდიდატი ქვეყნის სტატუსის მიღების შემდეგ.
ანდრეა ამონი დაავადებათა კონტროლისა და საზოგადოებრივი ჯანმრთელობის ეროვნულ ცენტრშიც იმყოფებოდა, სადაც დარგის სპეციალისტებთან ერთად, საქართველოს მიერ განხორციელებული პროგრესი შეაფასა და სამომავლო თანამშრომლობაზე შეთანხმდნენ.
საქართველოში ევროპის დაავადებათა პრევენციისა და კონტროლის ცენტრის დირექტორის ვიზიტი წარმოადგენს ახალი კანდიდატი ქვეყნების – საქართველოს, უკრაინასა და მოლდოვისთვის დაწყებული კონსულტაციების პროცესის ნაწილს, რომელიც მიზნად ისახავს, საზოგადოებრივი ჯანმრთელობის მარეგულირებელი ეროვნული კანონმდებლობის ევროკავშირის რეგულაციებთან დაახლოების გზაზე, ქვეყნების საჭიროებების განსაზღვრასა და მხარდამჭერი ღონისძიებების ერთობლივად დაგეგმვას.
საქართველოს სადაზღვევო ჯგუფის დაზღვეულები უცხოეთშიც იმკურნალებენ
„საქართველოს სადაზღვევო ჯგუფის“ ერთ-ერთი ძლიერი მხარე – ჯანმრთელობის დაზღვევა კომპანიის მხრიდან
პერმანენტული ზრუნვით, სადაზღვევო სერვისები მუდმივ და პრიორიტეტულ განახლებას განიცდის. ბოლო დროს კიდევ ერთი – არცთუ უმნიშვნელო სიახლე განხორციელდა საქართველოს სადაზღვევო ჯგუფის დაზღვეულთათვის.
ამის შესახებ კომპანიის სამედიცინო დაზღვევის დირექტორმა, თამარ ცინცაბაძემ იუსაბრა.
თამარ ცინცაბაძემ განმარტა, თუ რას მოიცავს და რას შეეხება კომპანიის მიერ დაზღვეულთათვის ბოლო დროს განხორციელებული სიახლე.
„მოგეხსენებათ სადაზღვევო კომპანია მუდმივად უნდა თავაზობდეს დაზღვეულებს სადაზღვევო სერვისების სულ უფრო მაღალ სტანდარტს, მითუმეტეს თუ საქმე ადამიანების სიცოცხლისა და ჯანმრთელობის შენარჩუნების, სრულფასოვანი ფუნქციონირებისა და შრომისუნარიანობის გრძელვადიან სტაბილურ მდგომარეობას შეეხება.
საქართველოს სადაზღვევო ჯგუფიც ამ სტრატეგიიდან გამომდინარე, გაცდა მაღალი ხარისხის სამედიცინო სერვისების მხოლოდ საქართველოში შეთავაზების არეალს. საყოველთაოდ ცნობილია, და ბოლო წლებში განსაკუთრებულად გააქტიურებულია საქართველოდან უპირატესად ჩვენ მეზობელ ქვეყნებში პაციენტთა ვიზიტები. ჩვენ შევძელით რომ ამ ვითარების საუკეთესო გამოსავალი შეგვეთავაზებინა ჩვენი დაზღვეულებისათვის არამარტო სადაზღვევო კონტრაქტით გათვალისწინებული, არამედ სხვა სერვისების მიღების დროსაც, რომელსაც ასეთი კლინიკები მაღაკვალიფიციურად ახორციელებენ.
დაზღვეულთა სურვილის შესაბამისად, ჩვენი კომპანიის ჯანმრთელობის დაზღვევის პოლისის არსებობისას, მათ უკვე შეუძლიათ ისარგებლონ ისეთი მაღალი სტანდარტის (ევროპული და ამერიკული სერთიფიცირებით) თურქულ ქსელებში როგორიცაა Medicana Health Group, Türkiye Hospital, Adalya და ასევე დუბაიში მდებარე American Academy of Cosmetic Surgery Hospital-ი. ასე რომ, ჩვენ დაზღვეულ ათეულობით ათას პიროვნებას, ახალი შესაძლებლობები გაუჩნდა.
საქართველოს სადაზღვევო ჯგუფმა, აღნიშნულ ქსელებთან პარტნიორული ხელშეკრულება გააფორმა და ისინი სამედიცინო პროვაიდერთა ჩამონათვალში შეიყვანა. თუმცა მათთან ურთიერთობა მარტო სამედიცინო სერვისების მიწოდებით არ შემოიფარგლება და ის მოიცავს ისეთი მომსახურების მიწოდებასაც, რომელიც გარდაუვალია უცხოეთში პაციენტის ყოფნის დროს, მაგალითად შეთავაზებაშია სრულფასოვანი სატრანსფერო მომსახურება, თარჯიმანი და თავზემდგომის განთავსება. შეთავაზების ალგორითმი მარტივია: თუ დაზღვეულს სურს აირჩიოს ეს კლინიკები – კომპანია დააფინანსებს ქართული კლინიკების ფასის შესაბამისად, მიეხმარება ყველა საკითხის შეთანხმებაში და უზრუნველყოფს დათქმულ ფასდაკლებას”, – დასძინა მან.
მედიკანა ჯგუფი
მედიკანა 30 წელზე მეტია ოპერირებს ჯანდაცვის სექტორში. არის კომპანიების კონგლომერატი, რომელიც ზრუნავს მოსახლეობის ჯანმრთელობის დაცვაზე,
კომპანია მართავს 16 ჰოსპიტალს თურქეთის 7 ქალაქში – სტამბოლში, ანკარაში, იზმირში, კონიაში, სამსუნში, სივასსა და ბურსაში. მედიკანას 16 ჰოსპიტალი შეგიძლიათ იხილოთ ლინკზე. https://www.medicanainternational.com/en/hospitals.
თურქეთის ჰოსპიტალი
Türkiye Hospital იკავებს მოწინავე პოზიციებს თავისი რეპუტაციით, კლინიკური სრულყოფილებითა და უახლესი მკურნალობის ტექნოლოგიაში მუდმივი ინვესტიციით. Türkiye Hospital არის თანამედროვე მედიცინისა და ქირურგიის სფეროში მოწინავე მთელ რეგიონში. turkiyehastanesi.com
ადალაია
ADALYA არის ერთ-ერთი წარმატებული და პროფესიონალთა გუნდით დაკომპლექტებული სტომატოლოგიური კლინიკა ანტალიაში.
კლინიკა აკრედიტებულია AACI-ში (American Accreditation Commission International), მსოფლიოში ერთ-ერთი ყველაზე მნიშვნელოვანი აკრედიტაციის ორგანოში. დამატებითი ინფორმაციისთვის შეგიძლიათ ეწვიოთ კლინიკის ვებ გვერდს. https://adalyadentalclinic.com.
ამერიკული აკადემიის კოსმეტიკური ქირურგიის კლინიკა
ამერიკული აკადემიის კოსმეტიკური ქირურგიის კლინიკა (AACSH) გახლავთ ყოვლისმომცველი სამედიცინო დაწესებულება, რომელიც აკმაყოფილებს რეგიონის საჭიროებებს ოპტიმალური მოვლის, სერვისების, ტრენინგის და საზოგადოების ინფორმირებულობის უზრუნველყოფით.
მეტი დეტალები იხილეთ კომპანიის საიტზე ან დაუკავშირდით ცხელ ხაზს ნომერზე: +995 32 2 244 111
