ორსულობის პერიოდისი პრობლემები.
თვალის ჩინივით მოსაფრთხილებელი ორსულების თვალის ჩინი.
საუბრობენ სამედიცინო ეკოსისტემა “პინეოს” ოფთალმოლოგები:
ბოლო 15 წლის განმავლობაში მკვეთრად მოიმატა ახალგაზრდა ასაკში კოლორექტალური კიბოს შემთხვევებმა
ბოლო 15 წლის განმავლობაში მკვეთრად მოიმატა ახალგაზრდა ასაკში კოლორექტალური კიბოს შემთხვევებმა.
2021 წელს, აშშ-ს პრევენციული სერვისების სამუშაო ჯგუფმა (USPSTF) კოლორექტალური კიბოს სკრინინგისთვის რეკომენდებული ასაკი 50-დან 45 წლამდე შეამცირა და რეკომენდაციას უწევს ამ მიზნით, 45-დან 75 წლამდე პირების რეგულარულ სკრინინგს.
მათ, ვინც აშშ-ში ცხოვრობს, ზემოთ აღნიშნულ ასაკობრივ ჯგუფს მიეკუთვნება და აქვს მედიქეიდზე დაფუძნებული თუ სხვა სახის ჯანმრთელობის დაზღვევა, ძირითადად, სკრინინგი სრულად უფინანსდება დაზღვევის მიერ.
ნიუ იორკის შტატს აქვს უფასო სკრინინგ პროგრამა დაზღვევის არმქონე პირებისთვის(კომენტარებში მივუთითებ საკონტაქტო ინფორმაციას).
საქართველოში რეგულარული სკრინინგის ასაკი 50 წლიდან იწყება. თუმცა, თუ გაქვთ რაიმე რისკ-ფაქტორი, შეიძლება სკრინინგის დაწყება 40 წლის ასაკში ან უფრო ადრეც.
ჩაიტარეთ სკრინინგი, რათა თავიდან აიცილოთ ადრეული კოლორექტალური კიბოს განვითარება!.
წერს აშშ-ში მოღვაწე ქართველი ექიმი, ქეთი შავლიაშვილი.
#datashvil #drpkhakadze #sheniganatleba #sheniambebi #sheniekimi
ვირუსი, რომელიც შეიძლება ჩვენს ორგანიზმში წლობით მიძინებული იყოს…
ორთოპედ-ტრავმატოლოგმა გიორგი ლორიამ და ქირურგ-ოფთალმოლოგმა რეზო ომიაძემ გადაცემაში “ნამდვილი ექიმები” ისაუბრეს, რა იწვევს ჰერპესის ვირუსის განვითარებას და როგორ შეგვიძლია, თავიდან ავირიდოთ:
#datashvil #drpkhakadze #sheniganatleba #sheniambebi #sheniekimi
ხელოვნური ინტელექტის (AI) მოდელი შექმნეს, რომელიც ადამიანის სიკვდილის დროს პროგნოზირებს
დანიის ტექნიკური უნივერსიტეტის მკვლევარებმა ხელოვნური ინტელექტის (AI) მოდელი შექმნეს, რომელსაც ადამიანთა მომავლის პროგნოზირება შეუძლია, მათ შორის სიკვდილის დროსიც.
ნაშრომი ჟურნალში Nature Computational Science გამოქვეყნდა.
მკვლევარები აცხადებენ, რომ მათ შეიმუშავეს ხელოვნური ინტელექტის მოდელი, რომელსაც შეუძლია წინასწარ განსაზღვროს ადამიანების ცხოვრების შედეგები.
„მოდელი გამოვიყენეთ, რათა პასუხი გაგვეცა ფუნდამენტური კითხვისთვის: რამდენად ზუსტად შეგვიძლია მომავლის წინასწარმეტყველება იმ პირობებსა და მოვლენებზე დაყრდნობით, რომლებიც წარსულში მოხდა?” — განაცხადა სუნე ლემანმა, ნაშრომის ავტორმა და დანიის ტექნიკური უნივერსიტეტის პროფესორმა.
მეცნიერებმა დანიის 6 მილიონი მოქალაქის მონაცემები გამოიყენეს, რომელიც მათ ჯანმრთელობასა და სამუშაოს უკავშირდებოდა. ასე შექმნეს life2vec, “გარდამქმნელი მოდელი”, რომელსაც შეუძლია, კონტექსტი გაიგოს და მიწოდებული ერთი ტიპის ინფორმაციიდან სხვა მონაცემები დაგვიბრუნოს.
ამ შემთხვევაში საწყისი ინფორმაცია ადამიანთან დაკავშირებული სხვადასხვა დეტალია: დაბადების დრო და ადგილი, განათლება, ჯანმრთელობის მდგომარეობა, საქმიანობა, ანაზღაურება. მეორე მხრივ, კვლევას თუ დავუჯერებთ, დაბრუნებული მონაცემები ყველაფერს პროგნოზირებს, “ნაადრევი სიკვდილი” იქნება ეს თუ “პიროვნული ნიუანსები”.
“ამაღელვებელი ისაა, რომ ადამიანის ცხოვრებას იგი მოვლენათა გრძელ თანმიმდევრობად აღიქვამს იმის მსგავსად, როგორც ენაში წინადადება შედგება სიტყვათა სერიისგან”, — განმარტა ლემანმა.
გასათვალისწინებელია, რომ ჯერჯერობით არანაირი ინფორმაცია არ გვაქვს იმის შესახებ, თუ რამდენად ზუსტია ეს პროგნოზები.
ამას გარდა, ნაშრომის ავტორი ამბობს, რომ ეთიკური პრობლემები ნამდვილად შეიქმნება, თუკი მოდელი ზუსტი აღმოჩნდა — მსგავს პროგნოზებს ხომ უკვე არაერთი კომპანია იყენებს, რათა ჩვენგან მოგება მიიღოს.
“ცხოვრებისეული მოვლენებისა თუ ადამიანის ქცევის პროგნოზირებისთვის მსგავს ტექნოლოგიებს უკვე იყენებენ ტექნოლოგიურ კომპანიებში, რომლებიც სოციალურ ქსელებში ჩვენს ქცევას ადევნებს თვალს, ჩვენს ზუსტ პროფილებს ქმნის და ამ პროფილებს იყენებს, რათა ჩვენი ქცევა წინასწარ განსაზღვროს და გავლენა იქონიოს ჩვენზე”, — განაცხადა მეცნიერმა.
გაცილებით მეტი კვლევა იქნება საჭირო იმის გასარკვევად, შეუძლია თუ არა AI-ს რეალურად წინასწარ განსაზღვროს მონაცემებზე დაყრდნობით სიკვდილის დრო იწინასწარმეტყველოს.
ლემანის აზრით, კაცობრიობამ უნდა გადაწყვიტოს, საით მივყავართ ამ ტექნოლოგიას და რამდენად მისაღებია იგი ჩვენთვის.
#datashvil #drpkhakadze #sheniganatleba #sheniambebi #sheniekimi
„გვაქვს სამომავლო ხედვები იმასთან დაკავშირებით, თუ რა გამოწვევების წინაშე ვდგავართ, როგორ გავუმკლავდეთ“-მიხეილ სარჯველაძე ბათუმის რესპუბლიკურ საავადმყოფოზე
ჯანდაცვის მინისტრი მიხეილ სარჯველაძე ბათუმის რესპუბლიკურ საავადმყოფოს სტუმრობდა.
„ეს არის გამორჩეული დაწესებულება არა მხოლოდ საკუთარი უზარმაზარი ისტორიით და ტრადიციებით, არამხოლოდ შესანიშნავი პერსონალით, ამავდროულად, იმ მნიშვნელოვანი ფუნქციის გათვალისწინებით, რომელსაც ასრულებს ეს დაწესებულება. გვაქვს სამომავლო ხედვები იმასთან დაკავშირებით, თუ რა გამოწვევების წინაშე ვდგავართ, როგორ გავუმკლავდეთ და როგორ შევძლოთ, რომ დღითიდღე მზარდი იყოს სტანდარტები, რომლის მეშვეობითაც მოხდება სამედიცინო სერვისების მიწოდება“, – აღნიშნა მინისტრმა.
ჯანდაცვის მინისტრმა ბათუმის რესპუბლიკური საავადმყოფო დაათვალიერა. მიხეილ სარჯველაძე, სამედიცინო დაწესებულებაში არსებულ მდგომარეობას, მინისტრის პირველ მოადგილე თამარ გაბუნიასთან ერთად გაეცნო.
#datashvil #drpkhakadze #sheniganatleba #sheniambebi #sheniekimi
ბათუმის რესპუბლიკური საავადმყოფო 180 საწოლზეა გათვლილი და აჭარის რეგიონის მოსახლეობას მრავალპროფილურ სამედიცინო სერვისებს აწვდის
ჯანდაცვის მინისტრმა ბათუმის რესპუბლიკური საავადმყოფო დაათვალიერა. მიხეილ სარჯველაძე, სამედიცინო დაწესებულებაში არსებულ მდგომარეობას, მინისტრის პირველ მოადგილე თამარ გაბუნიასთან ერთად გაეცნო.
მიხეილ სარჯველაძემ კლინიკის ხელმძღვანელ პირებთან და ექიმებთან სამედიცინო დაწესებულების საჭიროებები განიხილა. შეხვედრაზე კლინიკას, სერვისების კიდევ უფრო გაუმჯობესების შესაძლებლობებზე და განვითარების სამომავლო გეგმებზეც იმსჯელეს. მიხეილ სარჯველაძის განმარტებით, მომსახურების სტანდარტების მეტად გასაუმჯობესებლად, სამინისტრო, კლინიკასთან ერთად, აქტიურად მუშაობს.
ბათუმის რესპუბლიკური საავადმყოფო 180 საწოლზეა გათვლილი და აჭარის რეგიონის მოსახლეობას მრავალპროფილურ სამედიცინო სერვისებს აწვდის. კლინიკაში ფუნქციონირებს დიალიზის ცენტრი, რომელიც 95 პაციენტს ემსახურება. ბათუმის რესპუბლიკური საავადმყოფო ერთ-ერთმა პირველმა დააკმაყოფილა რეანიმაციისა და ქირურგიული მომსახურების სტანდარტები, რომელიც ქვეყანაში 2023 წლის შემოდგომაზე ამოქმედდა.
ბათუმის რესპუბლიკურ საავადმყოფოში, ასევე, იმყოფებოდნენ აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნინო ნიჟარაძე და საქართველოს სამედიცინო ჰოლდინგის დირექტორის მოვალეობის შემსრულებელი ლადო შელია.
ინფორმაციას ჯანდაცვის სამინისტროს საზოგადოებასთან ურთიერთობის სამსახური ავრცელებს.
განიხილეს კიბოს ადრეული გამოვლენისა და სკრინინგის სერვისებით მოცვის გაფართოება
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ, გაეროს მოსახლეობის ფონდის (UNFPA) საქართველოს ოფისის ახლად დანიშნულ ხელმძღვანელთან მარიამ ბანძელაძესთან გაცნობითი ხასიათის შეხვედრა გამართა.
უწყების ხელმძღვანელმა მარიამ ბანძელაძეს თანამდებობაზე დანიშვნა მიულოცა და წარმატებები უსურვა.
შეხვედრაზე მხარეებმა ჯანდაცვის სამინისტროსა და გაეროს მოსახლეობის ფონდს შორის არსებულ მჭიდრო და ნაყოფიერ ურთიერთობებზე ისაუბრეს. განსაკუთრებული ყურადღება გამახვილდა დედათა და ბავშვთა ჯანმრთელობის ხელშეწყობის სტრატეგიასა და ანტენატალური მომსახურების რეგიონალიზაციის ღონისძიებების შემუშავებაზე. განიხილეს კიბოს ადრეული გამოვლენისა და სკრინინგის სერვისებით მოცვის გაფართოება.
მიხეილ სარჯველაძემ გაეროს მოსახლეობის ფონდს ჯანდაცვის სფეროში მიმდინარე და განხორციელებული პროექტების აქტიური მხარდაჭერისთვის მადლობა გადაუხადა.
შეხვედრაზე DRG-ის დაფინანსების სისტემა, სექტორში არსებული რეგულირების მექანიზმები, სტანდარტები, ჯანდაცვის სისტემის განვითარების პოტენციალი განიხილეს
სამედიცინო დაწესებულებების მომსახურების დიაგნოზთან შეჭიდული ჯგუფებით (DRG) დაფინანსების მოდელის მიმდინარეობის საკითხზე მორიგი სამუშაო შეხვედრა ბათუმში გაიმართა. ღონისძიებაში მონაწილეობა მიიღო ჯანდაცვის მინისტრმა მიხეილ სარჯველაძემ.
შეხვედრაზე DRG-ის დაფინანსების სისტემა, სექტორში არსებული რეგულირების მექანიზმები, სტანდარტები, ჯანდაცვის სისტემის განვითარების პოტენციალი განიხილეს. ისაუბრეს გურიისა და აჭარის რეგიონში არსებული კლინიკების საჭიროებებზე, ასევე სამედიცინო მომსახურების განვითარებისთვის საჭირო მექანიზმებზე.
ჯანდაცვის მინისტრმა სამედიცინო სექტორის წარმომადგენლებს DRG დაფინანსების მოდელის კონკრეტული ხედვა წარუდგინა. მისი განცხადებით, პრიორიტეტი პაციენტების ინტერესების დაცვა და მათი მაღალი ხარისხის სერვისებით უზრუნველყოფაა. მიხეილ სარჯველაძემ იმედი გამოთქვა, რომ საჯარო და კერძო სექტორის აქტიური კომუნიკაციითა და თანამშრომლობით, დღის წესრიგში არსებულ თითოეულ საკითხზე სწორი გადაწყვეტილებები იქნება მიღებული.
შეხვედრები პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებითა და ევროკავშირისა და გაეროს განვითარების პროგრამის (UNDP) მხარდაჭერით ტარდება.
ღონისძიებას ესწრებოდნენ: ჯანდაცვის მინისტრის პირველი მოადგილე თამარ გაბუნია, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე და პარლამენტის წევრები. ასევე – აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძე, აჭარის ავტონომიური რესპუბლიკის ჯანმრთელობის და სოციალური დაცვის მინისტრი ნინო ნიჟარაძე და გაეროს განვითარების პროგრამის პროექტის „ძლიერი საპარლამენტო ინსტიტუციები საქართველოში“ ხელმძღვანელი ნინო სარიშვილი.
პროფესორი გიორგი ფხაკაძე დაესწრო თბილისში ახალი კლინიკის – ჟორდანიას სამედიცინო ცენტრის გახსნას
თბილისში საერთაშორისო სტანდარტებით აღჭურვილი ახალი მრავალფუნქციური კლინიკა – ჟორდანიას სახელობის სამედიცინო ცენტრი გაიხსნა, რომელსაც მრავალ სტუმართან ერთად დაესწრო ჯანდაცვის საერთაშორისო ექსპერტი, “აკრედიტაცია კანადას” წარმომადგენელი საქართველოში, გიორგი ფხაკაძე. იგი ამჟამად თბილისში საქმიანი ვიზიტით იმყოფება.
ჟორდანიას კლინიკა აკრედიტაციის პროცესს მსოფლიოში უძლიერესი ორგანიზაციის, “აკრედიტაცია კანადას” ჩართულობით გადის.
მულტიპროფილური სამედიცინო დაწესებულება, რომელიც საბურთალოზე მდებარეობს და 100 საწოლითაა წარმოდგენილი, ჯანდაცვის სექტორისთვის მნიშვნელოვანი ახალი სტრატეგიული ობიექტი იქნება, კლინიკის ადგილმდებარეობა კი, მის გეოგრაფიულ ხელმისაწვდომობას უზრუნველყოფს.
ი.ჟორდანიას სახელობის სამედიცინო ცენტრი „ვივო მედიქალ ჯგუფის“ ახალი წარმატებული პროექტია, რომლის დაგეგმარება და აღჭურვა ავტორიტეტული საერთაშორისო ორგანიზაციის მიერ განხორციელდა.
ჟორდანიას სამედიცინო ცენტრი საბურთალოს ტერიტორიაზე მსგავსი შინაარსის პირველი სამედიცინო დაწესებულება და სამშობიაროა. ის პაციენტებს თანამედროვე ტექნოლოგიების გამოყენებით განხორციელებულ სამედიცინო სერვისებს შესთავაზებს, რომელთა ხარისხიც საერთაშორისო ანალოგებთან სრულ შესაბამისობაშია. მნიშვნელოვანია ის, რომ კლინიკა ინარჩუნებს მის მთავარ მიმართულებას – ქალისა და მამაკაცის რეპროდუქციული ჯანმრთელობა და ამავდროულად, გააერთიანებს შემდეგ მიმართულებებს: ორსულთა მეთვალყურეობა, გინეკოლოგია, გინეკოლოგიური ქირურგია, უროლოგია, მამოლოგია , მეანობა -ნეონატოლოგია.
გარდა საერთაშორისო დონის ხარისხის სამედიცინო სერვისებისა, ჟორდანიას სამედიცინო ცენტრი საქართველოში ცნობილი დარგის სპეციალისტებითაც გამოირჩევა. ახალ სამედიცინო ცენტრს ქმნიან ისეთი პროფესიონალები, როგორებიც არიან: მეან-გინეკოლოგი მამუკა ნემსაძე,რეპროდუქტოლოგი ნანა ჯანელიძე, გინეკოლოგი მაკა ჩიქოვანი, ზოგადი ქირურგი- მამოლოგი სოსო სანიკიძე, ქირურგი-გინეკოლოგი დავით ყარსიმაშვილი, უროლოგი გიორგი ხვადაგიანი და დარგის სხვა წამყვანი სპეციალისტები.
„ჩვენი სამედიცინო ცენტრის მაღალკვალიფიციური ექიმების გუნდის მრავალწლიანი გამოცდილება, მკურნალობისა და დიაგნოსტიკის თანამედროვე მეთოდების სინთეზი, უსაფრთხო და ეფექტიანი მკურნალობის გარანტია. ამას არა მხოლოდ ქართველი პაციენტების მზარდი ინტერესი მოწმობს, არამედ სხვა ქვეყნის მოქალაქე პაციენტების მაღალი მომართვაც. ი. ჟორდანიას სამედიცინო ცენტრის მუდმივი განვითარება ჩვენი გუნდის პრიორიტეტია. შესაბამისად, ჩვენი ჩანაფიქრი დღეს უკვე რეალობად ვაქციეთ“,- განაცხადა „ვივო მედიქალ ჯგუფის“ ხელმძღვანელმა გიორგი ყიფიანმა.
ჟორდანიას ბრენდს ჯანმრთელობის სფეროში განვითარების 66-წლიანი ისტორია აქვს – წარმატებული კლინიკის ისტორია იოსებ ჟორდანიას სახელს უკავშირდება. მასზე საუბარი გასული საუკუნის 60-იან წლებში დაიწყო როგორც ადამიანზე, რომელიც უამრავ ადამიანს უანგაროდ ეხმარებოდა და დღემდე გრძელდება, როგორც მოწინავე კლინიკის ფუძემდებელზე.
ჟორდანიას კლინიკა საქართველოში ერთ-ერთი პირველი სპეციალიზებული გინეკოლოგიური კლინიკაა, რომელიც დღემდე არ კარგავს მოწინავე პოზიციას ამ მიმართულებით. დღეს ის ქალისა და მამაკაცის რეპროდუქციული მედიცინისა და გინეკოლოგიის მიმართულებით სპეციალიზებული სამედიცინო ცენტრია, რომლის ისტორიაც 1958 წლიდან იწყება, როდესაც პროფესორმა იოსებ ჟორდანიამ ი. ჟორდანიას სახელობის ადამიანის რეპროდუქციის სამედიცინო კვლევითი ინსტიტუტი დააარსა.
კლინიკის არსებობის განმავლობაში სისტემატურად ინერგებოდა დიაგნოსტიკისა და მკურნალობის თანამედროვე მეთოდები, 2016 წლიდან კი, ი. ჟორდანიას სახელობის ინსტიტუტის VIVO Medical Group- ში გაერთიანების შემდეგ, კლინიკა სრულად განახლდა და ახალი შემადგენლობით დაიწყო ფუნქციონირება.
სად მიაქვთ პლაცენტა მშობიარობის შემდეგ? ამის გაკეთება კატეგორიულად აკრძალულია!
ზოგიერთი მომავალი დედა იმდენად შეშფოთებულია ბავშვის დაბადებაზე, რომ ფიქრობს ფაქტობრივად ყველა ნიუანსზე: ირჩევს სამშობიარო სახლს, მეან-გინეკოლოგს, კარგ პალატას, აგროვებს ნივთებს, რაც საჭირო იქნება საავადმყოფოში, ფიქრობს სახლში გაწერის შემთხვევაში ინტერიერის მორთვაზე და ა, შ… ეს ყველაფერი მის გონებაში იმიტომ ხდება, რომ ბავშვის დაბადება სასიამოვნო მოვლენად იქცეს და არა კოშმარულ მოგონებად.
მშობიარობის შემდეგ ცოტა ქალს თუ აწუხებს კითხვა რა ხდება მშობიარობის შემდეგ ამ უნიკალურ ორგანოზე, რომელსაც პლაცენტა ეწოდება. ექიმები ბევრ ქალს ტექნიკურად აწერინებენ ხელს საბუთზე, რომელიც ავალდებულებს მათ დატოვონ პლაცენტა სამედიცინო კვლევისთვის.
