ფილებში ობი აღმოჩნდა – სურსათის ეროვნული სააგენტო სამომხმარებლო ბაზრიდან პროტეინის წასახემსებელ ფილებს იღებს

მიერ

-

ივლისი 25, 2024

სურსათის ეროვნულმა სააგენტომ ჯანმრთელობისა და სურსათის უვნებლობის გენერალური დირექტორატის (DG SANTE) ევროპის კომისიის RASFF-ის სწრაფი განგაშის სისტემით,მიიღო „საინფორმაციო შეტყობინება რეაგირებისთვის“, რომელიც იტალიური ბრენდის NAMEDSPORT მიერ წარმოებულ სხვადასხვა არომატის პროტეინის წასახემსებელ ფილებში ობის აღმოჩენის ფაქტს შეეხება.

იტალიის კომპეტენტური ორგანოს მიერ ბიზნესოპერატორთან – NAMEDSPORT განხორციელებული სახელმწიფო კონტროლისას, სხვადასხვა დასახელების პროტეინის ფილაში – THUNDER BAR Exotic Coconut Flavour – 50g, THUNDER BAR Exquisite Chocolate Flavour – 50g, THUNDER BARExcellent Pistachio Flavour – 50g (ვარგისიანობის ვადა 31.10.24) აღმოჩნდა ობი. შეტყობინებაში ასევე აღნიშნულია, რომ მწარმოებელმა მყისიერად გაააქტიურა ზემოაღნიშნული სურსათის ბაზრიდან გამოთხოვის პროცედურები.

საქართველოში აღნიშნული დასახელების სურსათის – პროტეინის ფილების იმპორტი 2023 წელს, შპს „პსპ ფარმას“ მიერ განხორციელდა.

შეტყობინების მიღებისთანავე, სურსათის ეროვნული სააგენტოს თბილისის საქალაქო სამსახურის უფლებამოსილმა პირებმა სახელმწიფო კონტროლი განახორციელეს შპს „პსპ ფარმას“ (ს/კ: 202203123, მის: ქ. თბილისი, აღმაშენებლის გამზირი N148) კუთვნილ ობიექტში. ბიზნესოპერატორს აეკრძალა სურსათის (THUNDER BAR Exotic Coconut Flavour – 50g, THUNDER BAR Exquisite Chocolate Flavour – 50g, THUNDER BAR Excellent Pistachio Flavour – 50g (ვარგისიანობის ვადა: 31.10.24) რეალიზაცია და დაევალა სურსათის ბაზარზე განთავსების აღკვეთა, ბაზარზე უკვე განთავსებულის ამოღება/გამოთხოვა/დასაწყობება, რაოდენობის აღრიცხვა და მიღებული ზომების თაობაზე სააგენტოს დაუყოვნებლივ ინფორმირება. აღნიშნულ პროცესებზე ზედამხედველობას სსიპ სურსათის ეროვნული სააგენტო განახორციელებს.

სურსათის ეროვნული სააგენტო აცხადებს, რომ ზემოაღნიშნული პროდუქცია არ შეესაბამება სურსათის უვნებლობის მოთხოვნებს და, შესაბამისად, NAMEDSPORT-ის მიერ წარმოებული სხვადასხვა არომატის პროტეინის წასახემსებელი ფილების გამოყენება სასურსათო დანიშნულებით არ შეიძლება.

ინფორმაციას სურსათის ეროვნული სააგენტო ავრცელებს.

#datashvil #drpkhakadze #sheniganatleba #sheniambebi #sheniekimi

კენჭის დაშლა ოპერაციის გარეშე, უახლესი მოდელის ლითოტრიპტერით

მიერ

-

ივლისი 25, 2024

0

კენჭის დაშლა ოპერაციის გარეშე, უახლესი მოდელის ლითოტრიპტერით.

#კენჭისდაშლა ავტომატური დამიზნებით შარდ-კენჭოვანი დაავადების მკურნალობის თანამედროვე ეფექტური მეთოდია.

„პაციენტი სპეციალურ ნანომემბრანაზე წვება, რომელიც ტალღას დანაკარგის გარეშე ატარებს, ამასთანავე, ძველი ლითოტრიფსიისგან განსხვავებით აპარატი 225 კილოგრამზეა გათვლილი და პაციენტის წონა დაბრკოლება აღარ არის.” – აღნიშნავს საქართველოსა და ევროპის უროლოგთა ასოციაციის, ონკოუროლოგიის ასოციაციის წევრი, ნიკა გაგოშიძე.

MODULITH SLX-F2 კენჭის დამშლელი აპარატის დარტყმითი ტალღები სხეულში ღრმად შეღწევის უნარით გამოირჩევა. თუ სხვა მოდელის აპარატებს 13 სმ-ზე ღრმად არ შეუძლიათ ტალღების „გაშვება“, STORZ MEDICAL-ის ცილინდრული წყაროს ტალღები 18 სმ-ის სიღრმეზე ვრცელდება. ეს კი მეტად მნიშვნელოვანია დიდი კანქვეშა ცხიმოვანი ქსოვილის მქონე პაციენტებისათვის.

დეტალური ინფორმაციისათვის და კონსულტაციაზე ჩასაწერად დაგვირეკეთ:

𝟎𝟑𝟐𝟐 𝟐𝟑 𝟒𝟎 𝟐𝟑

ან დაგვიტოვეთ საკონტაქტო ნომერი პირად შეტყობინებაში და ჩვენ დაგიკავშირდებით!

https://mmt.ge/

#datashvil #drpkhakadze #sheniganatleba #sheniambebi #sheniekimi

„მიღწეული პროგრესი ქმნის მომავალს, სადაც ყველა ონკოლოგიური პაციენტი მიიღებს უმაღლესი სტანდარტის მკურნალობას“

მიერ

-

ივლისი 25, 2024

0

City Cancer Challenge-ის აღმასრულებელი დირექტორი — #post_seo_title

„დღეს მიღწეული პროგრესი ქმნის მომავალს, სადაც ყველა ონკოლოგიური პაციენტი მიიღებს უმაღლესი სტანდარტის მკურნალობას, გეოგრაფიული ბარიერების მიუხედავად“, – ასე გამოეხმაურა City Cancer Challenge-ის (C/Can) აღმასრულებელი დირექტორი იზაბელ მესტრესი, ჯანდაცვის სამინისტროს გადაწყვეტილებას, რომლის მიხედვითაც ონკოლოგიური დიაგნოზის მქონე პაციენტებისთვის მედიკამენტებზე ხელმისაწვდომობა მარტივდება.

იზაბელ მესტრესი აღნიშნავს, რომ ჯანდაცვის სამინისტროს, მსოფლიო ჯანდაცვის ორგანიზაციისა და City Cancer Challenge-ის პარტნიორობით, ამ მიმართულებით, მნიშვნელოვანი ნაბიჯები გადაიდგა.

„მოხარული ვარ, გაცნობოთ C/Can-ის ძალისხმევით განხორციელებული მთავარი მიღწევის შესახებ საქართველოში.

ჯანდაცვის მინისტრის, მიხეილ სარჯველაძის ხელმძღვანელობით, პარტნიორობის შედეგად, უზრუნველყოფილი იქნება ონკოლოგიური მედიკამენტების უსაფრთხო შენახვა, მომზადება და პაციენტამდე მიტანა.

რას ნიშნავს ეს პაციენტებისთვის?

საქართველოში, ონკოლოგიური პაციენტები მიიღებენ თავიანთ მედიკამენტებს პირდაპირ სამედიცინო დაწესებულებებში და აღარ ექნებათ პრეპარატების შეძენასა და აფთიაქებიდან გადატანის საჭიროება. ეს საშუალებას მისცემს პაციენტებს, მიიღონ გაუმჯობესებული სერვისები და ფოკუსირდნენ საკუთარ გამოჯანმრთელებაზე“, – წერს ორგანიზაციის აღმასრულებელი დირექტორი, სოციალურ ქსელში.

City Cancer Challenge შვეიცარიაში დაფუძნებული ფონდია, რომელიც მხარს უჭერს ქალაქებს, მთელს მსოფლიოში, ონკოლოგიურ სერვისებზე თანაბარი ხელმისაწვდომობისა და ხარისხიან მკურნალობაზე წვდომის გასაუმჯობესებლად.

#datashvil #drpkhakadze #sheniganatleba #sheniambebi #sheniekimi

ჯანდაცვის მინისტრმა ონკოლოგიური პაციენტებისთვის კლინიკებში მედიკამენტებით მკურნალობის პროცედურები კიდევ ერთხელ განმარტა

მიერ

-

ივლისი 24, 2024

0

ონკოლოგიური პაციენტების მკურნალობა — #image_title

ონკოლოგიური პაციენტებისთვის კლინიკებში მედიკამენტებით მკურნალობის პროცედურების მოწესრიგების თაობაზე ჯანდაცვის მინისტრმა მიხეილ სარჯველაძემ „დღის ქრონიკასთან“ კიდევ ერთხელ ისაუბრა.

„ეს იყო საკმაოდ რთული სამუშაო და არ იყო მარტივად მისაღები გადაწყვეტილება, რომელიც უკავშირდებოდა ამ ლოგისტიკური საკითხების დარეგულირებას. მისი ეფექტები უახლოესი რამდენიმე დღის განმავლობაში დაიწყებს ამოქმედებას. ბრძანების ამოქმედების შემდეგ ახალი რეალობის წინაშე აღმოჩნდება პაციენტი, როდესაც ნაცვლად იმისა, რომ ის პირადად წავიდეს რეცეპტით ხელში სააფთიაქო ქსელში, იშოვოს მედიკამენტი და უკან მიბრუნდეს იმავე კლინიკაში, სადაც გადასხმა უნდა გაეკეთებინა, მოუგვარდება საკითხი ასე – როდესაც პაციენტი მიიღებს რეცეპტს და ეს მოხდება კონკრეტულ კლინიკაში, კლინიკა ფარმაცევტულ ქსელს თავად დაუკავშირდება, მისგან სამი დღის ვადაში მედიკამენტს მიიღებს და პაციენტს დახვდება ადგილზე ეს მედიკამენტი“, – განაცხადა სარჯველაძემ.

კითხვაზე, ამ მიმართულებით ეს სიახლე ხომ არ გაზრდის ხარჯებს – მინისტრი ასე პასუხობს:

„არ არის მარტივი სიახლეების დანერგვა, თუმცა ჩვენ კარგი თანამშრომლობა გვქონდა თავად კლინიკებთან და ექიმებთან. აღმოჩნდა სისტემა მზად იმისთვის, რომ ეს სიახლე დანერგილიყო. ამას დასჭირდა როგორც ინფრასტრუქტურული, ასევე, ადამიანური რესურსებით გამართვა. არ მგონია და არავის უთქვამს, რომ ეს ხარჯების რაიმე რადიკალურ ცვლილებას გამოიწვევს. ხარჯების არსებითი ზრდა მოსალოდნელი არ არის – ეს შეიძლება გადაჭრით ითქვას.

სამწუხაროდ, არსებობს მედიკამენტების დეფიციტთან დაკავშირებით გამოწვევები. ამ კონკრეტული რეფორმის მიზანი გახლდათ ის, რომ ლოგისტიკური საკითხი დარეგულირებულიყო. როდესაც დეფიციტი არსებობს, ამ ლოგისტიკური საკითხის გადაჭრის მიუხედავად, პრობლემა პრობლემად დგას. ეს აქტუალური საკითხია და დღეს სამწუხაროდ, გარკვეულ პრეპარატებზე და რაოდენობაზე დეფიციტი გვაქვს“, – აღნიშნა მინისტრმა.

#datashvil #drpkhakadze #sheniganatleba #sheniambebi #sheniekimi

ყველაზე ხშირად, რა ტიპის პრობლემები შეიძლება გამოიწვიოს ტატუს გაკეთებამ

მიერ

-

ივლისი 24, 2024

0

რა საფრთხეები შეიძლება ახლდეს ტატუს გაკეთებას

ყველაზე ხშირად, რა ტიპის პრობლემები შეიძლება გამოიწვიოს ტატუს გაკეთებამ

გადაცემაში „შენი დილა“ საუბრობს დერმატოლოგი, ნათია თოდუა:

„ყველაზე ხშირად ტატუს გაკეთებას ალერგიული რეაქციები მოსდევს. ალერგიული რეაქცია შეიძლება, უმეტეს წილად, საღებავმა გამოიწვიოს – წითელი ფერის საღებავმა და სხვა, მუქი ფერის საღებავმა. ალერგიული რეაქცია შეიძლება განვითარდეს, როგორც ტატუს გაკეთებიდან რამდენიმე საათში, ასევე რამდენიმე თვეშიც. მას დაგვიანებული ალერგიული რეაქცია ეწოდება. თუ ადამიანს ალერგია ტატუს გაკეთების შემდეგ განუვითარდა, ექიმებისთვისაც და პაციენტებისთვისაც მარტივი ამოსაცნობია, რადგანაც კანის დაზიანება ძალიან ზუსტად გასდევს ტატუს ფორმებს. ახასიათებს ქავილი, კანის სიწითლე, წვის შეგრძნება და იშვიათად ტკივილი. როცა კანის ბაქტერიული ინფექციით რთულდება, შესაძლოა, კანის მთლიანობა დაირღვეს და ფუფხოვანი, გამრავლებისკენ მიდრეკილი დაზიანებაც იყოს.“

#datashvil #drpkhakadze #sheniganatleba #sheniambebi #sheniekimi

„ყველა იმ საჭიროებას, რომლებიც გააჩნიათ ონკოლოგიურ პაციენტებს, თუ სათანადო მკურნალობის და მედიკამენტის მიწოდება ვერ ხერხდება კერძო სექტორის მხრიდან, ბუნებრივია, საკუთარ თავზე აიღებს სახელმწიფო“

მიერ

-

ივლისი 24, 2024

0

„ვგეგმავთ, მზარდი და მდგრადი ფინანსური რესურსით დარგის უზრუნველყოფას“-მიხეილ სარჯველაძე

ყველა იმ საჭიროებას, რომლებიც გააჩნიათ ონკოლოგიურ პაციენტებს, თუკი სათანადო მკურნალობის და მედიკამენტის მიწოდება ვერ ხერხდება კერძო სექტორის მხრიდან, ბუნებრივია, საკუთარ თავზე აიღებს სახელმწიფო, – განაცხადა „დღის ქრონიკაში“ ჯანდაცვის მინისტრმა მიხეილ სარჯველაძემ.

მინისტრმა აღნიშნა, რომ სახელმწიფოს არ აქვს მიზნად, კერძო სექტორის კონკურენტად იქცეს.

„მაგრამ თუ კერძო სექტორი სასიცოცხლოდ მნიშვნელოვანი სერვისების მიწოდების პროცესში რაღაცას შეიძლება, აგვიანებს, ისე ვერ აკეთებს, როგორც ეს აუცილებელია, აქ ბუნებრივია, სახელმწიფოს შეიძლება უჩნდებოდეს გარკვეული პოზიტიური მოვალეობები. აქედან გამომდინარე, ვფიქრობ, გარკვეული ჩარევის, ინტერვენციის საჭიროება სახელმწიფოს ექნება.

სახელმწიფოს აქვს გამოცხადებული კონკრეტული მედიკამენტები, რომელთა ღირებულებას სრულად ანაზღაურებს. ახლა საუბრები მიმდინარეობს იმასთან დაკავშირებით, რომ რომელიმე ქვეყნის ბაზრის გახსნა, რომელიმეს დაკეტვა, ხელმისაწვდომობის სირთულეები და ასე შემდეგ, თითქოსდა არის წინაღობა კერძო ბიზნესისთვის, რომ უზრუნველყონ იმპორტი რომელიმე კონკრეტული მედიკამენტისა.

მე ვფიქრობ, რომ არც თუ დამაჯერებელია ბიზნესის არგუმენტები ამ თვალსაზრისით, განსაკუთრებულად, როცა საქმე ეხება ასეთ მნიშვნელოვან მედიკამენტებს, რომლებიც ონკოლოგიასთან არის დაკავშირებული. თუ ასეთი მიმართულებით დეფიციტები კიდევ გახანგრძლივდება და ჩვენ ვერ დავინახავთ ქმედით ნაბიჯებს მათ აღმოსაფხვრელად მას შემდეგ, რაც დახურულ შეხვედრაზეც და საჯაროდაც მოვუწოდეთ, რომ რაც შეიძლება, სწრაფად იმოქმედონ იმისთვის, რომ ეს დეფიციტები შეივსოს, ასეთ შემთხვევაში სახელმწიფო თავად განახორციელებს ამ შესყიდვას და სახელმწიფოს მოუწევს, ის, რისთვისაც ბიზნესს უხდიდა თანხას და ყიდულობდა ონკოლოგიური პაციენტების სასარგებლოდ, ამ შესყიდვას თვითონ განახორციელებს და მიაწვდის პაციენტებს.

ყველა იმ საჭიროებას, რომლებიც გააჩნიათ ონკოლოგიურ პაციენტებს, თუკი სათანადო მკურნალობის თუ მედიკამენტის მიწოდება ვერ ხერხდება კერძო სექტორის მხრიდან, ბუნებრივია, საკუთარ თავზე აიღებს სახელმწიფო“, – განაცხადა მიხეილ სარჯველაძემ.

#datashvil #drpkhakadze #sheniganatleba #sheniambebi #sheniekimi

„რიგ შემთხვევებში, კერძო სექტორთან, გვაქვს გარკვეული კონფლიქტები, რაც განპირობებულია, მათი მხრიდან, ონკოლოგიური პაციენტების საჭიროებებზე რეაგირების დაგვიანებით“

მიერ

-

ივლისი 24, 2024

0

„სამწუხაროდ, დღეს, გარკვეულ მედიკამენტებზე, დეფიციტი გვაქვს. ლოგისტიკური საკითხების გადაჭრის მიუხედავად, ეს თემა საკმაოდ აქტუალურია. აღსანიშნავია, რომ სახელმწიფო, მხოლოდ გამონაკლის შემთხვევებში, მცირე რაოდენობის პრეპარატებს ყიდულობს, ძირითადად კი, წამლები, კერძო სექტორს შემოაქვს, რეგულირებისა და რეგლამენტაციის პირობებში. ჩვენ, თვალს ვადევნებთ, ბაზარზე, ამა თუ იმ მედიკამენტის მოძრაობას. რიგ შემთხვევებში, კერძო სექტორთან, გვაქვს გარკვეული კონფლიქტები, რაც განპირობებულია, მათი მხრიდან, ონკოლოგიური პაციენტების საჭიროებებზე რეაგირების დაგვიანებით“, – განაცხადა ჯანდაცვის მინისტრმა იმ რეფორმაზე საუბრისას, რომლის მიხედვითაც, ონკოლოგიური პაციენტები, 24 ივლისის შემდეგ გაცემული რეცეპტების საფუძველზე, გადასხმისთვის საჭირო მედიკამენტებს, პირდაპირ კლინიკაში მიიღებენ და ამით, მკურნალობის პროცესი მნიშვნელოვნად გაუმარტივდებათ.

მიხეილ სარჯველაძის თქმით, სახელმწიფოს მიზანი კერძო სექტორისთვის კონკურენციის გაწევა არ არის, მაგრამ, როდესაც სასიცოცხლოდ მნიშვნელოვანი სერვისების მიწოდება გვიანდება, გარკვეული ინტერვენციის საჭიროება ჩნდება.

„არ მინდა, დავიჯერო, რომ შესაძლოა, პროცესი ხელოვნურად იყოს მართული; ვინმე, ამას, კომერციული ინტერესების ლობირების, ან სახელმწიფოს წინააღმდეგ გარკვეული ვალდებულებების წარმოქმნის მიზნით გეგმავდეს და ახორციელებდეს. თუმცა, კონკრეტულ შემთხვევებში, ეჭვის მიზეზი მაინც ჩნდება. ჩვენი მიზანი არ არის, კონკურენტად ვექცეთ კერძო სექტორს. მაგრამ, თუ ის სასიცოცხლოდ მნიშვნელოვანი სერვისების მიწოდების პროცესში, რაიმეს აგვიანებს, ან ისე ვერ აკეთებს, როგორც აუცილებელია, ბუნებრივია, სახელმწიფოს მხრიდან, იქნება გარკვეული ჩარევა, თუ გნებავთ – ინტერვენცია“, – განაცხადა მიხეილ სარჯველაძემ.

ჯანდაცვის მინისტრის თქმით, არგუმენტები, თითქოს, კონკრეტული მედიკამენტების იმპორტის პროცესში, კერძო სექტორს, რაიმე წინაღობა ექმნება, არც ისე დამაჯერებელია, განსაკუთრებით მაშინ, როდესაც საქმე ონკოლოგიასთან დაკავშირებულ პრეპარატებს ეხება.

როგორც მიხეილ სარჯველაძემ აღნიშნა, თუ დეფიციტი დიდხანს შენარჩუნდება, კერძო სექტორი, ამ პრობლემას დროულად ვერ აღმოფხვრის და ვერც რაიმე კონკრეტულ მიზეზს დაასახელებს, რაშიც დახმარება სჭირდება, აღნიშნულ მედიკამენტებს, სახელმწიფო, თავად შეისყიდის.

#datashvil #drpkhakadze #sheniganatleba #sheniambebi #sheniekimi

მინისტრის ბრძანება ძალაში ხვალიდან შევა

მიერ

-

ივლისი 23, 2024

0

ონკოპაციენტებისთვის კლინიკებში მედიკამენტების გამოყენებით მკურნალობის პროცედურები მოწესრიგდება.

ჯანდაცვის მინისტრმა, მიხეილ სარჯველაძემ ხელი მოაწერა გადაწყვეტილებას, რომლის მიხედვითაც კლინიკა პაციენტს თავად დაახვედრებს საყოველთაო ჯანდაცვის პროგრამით გათვალისწინებულ საჭირო მედიკამენტებს.

მინისტრის ბრძანება ძალაში ხვალიდან შევა.

მანჩი გაბელიას სიუჟეტი.

#datashvil #drpkhakadze #sheniganatleba #sheniambebi #sheniekimi

მსოფლიოში განგაშის საფუძველი გახდა: “რისკი ინექციურ ნარკომანიაზე მეტი იყო”

მიერ

-

ივლისი 23, 2024

0

რა საფრთხეები შეიძლება ახლდეს ტატუს გაკეთებას

გადაცემაში „შენი დილა“ საუბრობს ექიმი-ინფექციონისტი, მაია ბუწაშვილი:

„2-3 დღის წინ გამოქვეყნდა ინფორმაცია, სადაც FDA-მ ტატუსთან დაკავშირებით ყველას განსაკუთრებული სიფრთხილისკენ მოუწოდა. გავითვალისწინოთ, რომ ეს ამერიკაში ხდება. დალუქული მელნები, ტატუს ფლაკონები შემოწმდა და დაახლოებით, მესამედი 22 ტიპის სხვადასხვა ბაქტერიით აღმოჩნდა დაბინძურებული, რაზეც სერიოზული განგაში ატყდა. სპეციალური სლოგანიც შექმნეს: “სანამ მელანს შეიყვან, იფიქრე.” კვლევის საჭიროება გამოიწვია იმან, რომ კანის სხვადასხვა გართულების შესახებ ბევრი ინფორმაცია დაგროვდა. ერთ-ერთი კომპონენტი თავად ტატუს გაკეთების პროცესში დაშვებული შეცდომები და ამ გზით, ორგანიზმში ინფექციის შეჭრა იყო. მეორეც, გაჩნდა ეჭვი, თავად მასალაშიც ხომ არ არის პრობლემა. ყველამ ვიცით, რომ პროცედურების დროს დაშვებული შეცდომები შეიძლება, კანის სხვადასხვა ბაქტერიული ინფექციის მიზეზი გახდეს. ამავდროულად, შესაძლოა, სისხლით გადამდები ინფექციების წინაპირობაც იყოს. კანის ინფექციებიდან აღსანიშნავია სტაფილოკოკები, ასევე შეიძლება, ადამიანს ვირუსული ინფექციებიც გადაეცეს. მაგალითად, პაპილომა ვირუსი, ჰერპესის ვირუსი. სისხლის გზით გადამდები ინფექციებიდან B და C ჰეპატიტი და აივ-ინფექცია. შარშან მწვავე, ანუ ახალი B და C ჰეპატიტები რომ შემოდიოდა, შესაძლო მიზეზებს ვიკვლევდით. პირველ ადგილზე სტაციონარში 24 საათზე მეტი ყოფნა გავიდა, რაც ძალიან სამწუხაროა, რომ დღემდე ეს პრობლემა გვაქვს. ამის შემდეგ იყო ტატუ-პირსინგი, რომელიც პაციენტებს ბოლო 6 თვის განმავლობაში ჰქონდათ გაკეთებული. წარმოიდგინეთ, რისკი ინექციურ ნარკომანიაზე მეტი იყო.

ტატუს გაკეთებისას თუნდაც პროცედურები ზედმიწევნით დაცული იყოს, რაც საკმაოდ ხშირად ირღვევა, კანის ზედაპირის მომზადებაც ძალიან მნიშვნელოვანია. თუ კანი კარგად არ არის გასუფთავებული, შეიძლება ორგანიზმში ჩვენივე კანზე არსებული ინფექცია შეიჭრას. მაგრამ, ამ ბოლო კვლევამ აჩვენა, რომ საღებავში, ფლაკონში შეიძლება, სხვადასხვა ბაქტერია იყოს. შესაბამისად, რაც არ უნდა სწორად მოხდეს პროცედურების დაცვა, თუ მელანია ინფიცირებული, მაშინ ბაქტერიული ინფექცია მაინც განვითარდება“

#datashvil #drpkhakadze #sheniganatleba #sheniambebi #sheniekimi

„ონკოპაციენტებს საჭირო მედიკამენტებზე სირბილი აღარ დასჭირდებათ, ყველა მედიკამენტს და პროცედურას საავადმყოფოში მიიღებენ“

მიერ

-

ივლისი 23, 2024

0

დღეიდან ონკოპაციენტებს საჭირო მედიკამენტებზე სირბილი აღარ დასჭირდებათ, ყველა მედიკამენტს და პროცედურას ადგილზე, საავადმყოფოში მიიღებენ. ამისთვის დიდი მადლობა მიხეილ სარჯველაძეს და მის გუნდს, ვინც ამ პროექტზე იმუშავა, – წერს ექსპერტი ნინო ფოჩხუა სოციალურ ქსელში.

ექსპერტის თქმით, დღეს თავისუფლად შეიძლება ითქვას, რომ ეს ხელისუფლება ხალხის ინტერესებზეა მორგებული.

მისივე თქმით, მმართველმა პარტიამ გაპარტახებული ჯანდაცვის სისტემა ჩაიბარა და ყველაფერს აკეთებს იმისთვის, რომ ჯანდაცვა საკუთარი მოსახლეობის ინტერესებზე იყოს მორგებული.

„მიხეილ სარჯველაძე, ამ სახელის გაგონებაზე ადამიანებს სახე უნათდებათ. დღესაც ეს მოხდა, დღეიდან ონკოპაციენტებს საჭირო მედიკამენტებზე სირბილი აღარ დასჭირდებათ, ყველა მედიკამენტს და პროცედურას ადგილზე, საავადმყოფოში მიიღებენ. ამისთვის დიდი მადლობა მიხეილ სარჯველაძეს და მის გუნდს, ვინც ამ პროექტზე იმუშავა. დღეს თავისუფლად შეიძლება ითქვას, რომ ეს ხელისუფლება ხალხის ინტერესებზეა მორგებული.

გავიხსენოთ სააკაშვილის მმართველობის დროს რა დღეში იყო ჯანდაცვის სისტემა, მხოლოდ საკუთარ ჯიბეზე ჰქონდათ მორგებული მთელი მისი ბიუჯეტი, მონოპოლია ჰქონდათ მედიკამენტებზე, საავადმყოფოებს საკუთრებაში იფორმებდნენ და ა.შ. ფაქტობრივად “მაფია” მართავდა ამ სექტორს.
მმართველმა პარტიამ გაპარტახებული ჯანდაცვის სისტემა ჩაიბარა და ყველაფერს აკეთებს იმისთვის, რომ ჯანდაცვა საკუთარი მოსახლეობის ინტერესებზე იყოს მორგებული“, – წერს ნინო ფოჩხუა.

#datashvil #drpkhakadze #sheniganatleba #sheniambebi #sheniekimi

ფილებში ობი აღმოჩნდა – სურსათის ეროვნული სააგენტო სამომხმარებლო ბაზრიდან პროტეინის წასახემსებელ ფილებს იღებს

კენჭის დაშლა ოპერაციის გარეშე, უახლესი მოდელის ლითოტრიპტერით

კენჭის დაშლა ოპერაციის გარეშე, უახლესი მოდელის ლითოტრიპტერით.

„მიღწეული პროგრესი ქმნის მომავალს, სადაც ყველა ონკოლოგიური პაციენტი მიიღებს უმაღლესი სტანდარტის მკურნალობას“

ყველაზე ხშირად, რა ტიპის პრობლემები შეიძლება გამოიწვიოს ტატუს გაკეთებამ

რა საფრთხეები შეიძლება ახლდეს ტატუს გაკეთებას

მინისტრის ბრძანება ძალაში ხვალიდან შევა

ონკოპაციენტებისთვის კლინიკებში მედიკამენტების გამოყენებით მკურნალობის პროცედურები მოწესრიგდება.

მსოფლიოში განგაშის საფუძველი გახდა: “რისკი ინექციურ ნარკომანიაზე მეტი იყო”

რა საფრთხეები შეიძლება ახლდეს ტატუს გაკეთებას

ბოლო სიახლეები

მეცნიერები მსოფლიოს აფრთხილებენ

პოპულარული ამბები

არ შეიძინოთ ხორცი მსგავს ადგილებში: საქართველოში ტრიქინელოზი დაფიქსირდა

მომაკვდინებელი პარაზიტი, ბავშვი გარდაიცვალა – საქართველოში შოკისმომგვრელი შემთხვევა დაფიქსირდა

კატეგორიები

ჩვენ შესახებ

გამოგვყევი სოციალურ ქსელებში