სამშაბათი, მაისი 12, 2026
მთავარი წაკითხვა გვერდი 318

ინოვაციური ნაბიჯი – გინეკოლოგ-ონკოლოგებმა ურთულესი ოპერაციები რობოტის დახმარებით ჩაატარეს

მიერ
© საქართველოს საზოგადოებრივი ჯანდაცვის ინსტიტუტი
-
0
როგორ ხდება პროსტატის კიბოს მკურნალობა რობოტული ქირურგიით და რა უპირატესობები აქვს მას
#post_seo_title

რობოტ ქირურგ “როქსის” მეშვეობით შოტლანდიაში ურთულესი ონკოლოგიური ოპერაციები წარმატებით ჩატარდა. წერს BBC-ი.

შოტლანდიის ქალაქ გლაზგოში მედიცინის სფეროში ინოვაციური ნაბიჯი გადაიდგა — ადგილობრივმა გინეკოლოგ-ონკოლოგებმა ურთულესი ოპერაციები რობოტის დახმარებით ჩაატარეს. რობოტს, რომელსაც ექიმები მოფერებით “როქსის” უწოდებენ, ოთხი მექანიკური ხელი აქვს, რომლებზეც მაღალტექნოლოგიური ქირურგიული ინსტრუმენტებია დამონტაჟებული.

ინოვაციური ტექნოლოგია ქირურგიაში

თანამედროვე ქირურგები რობოტულ ტექნოლოგიას სულ უფრო ხშირად იყენებენ ურთულესი სამედიცინო მანიპულაციების დროს. რობოტიზირებული სისტემა მათ უმარტივებს წვდომას სხეულის იმ ნაწილებთან, სადაც ტრადიციული მეთოდით ჩარევა გაცილებით რთულია. შედეგად, მკურნალობის პროცესი უფრო ეფექტიანი და ნაკლებად ტრამვული ხდება.

რობოტების როლი შოტლანდიურ ჯანდაცვაში

შოტლანდიამ რობოტიზებული ქირურგიის მიმართულებით სერიოზული პროგრესი 2015 წელს დაიწყო. დღეს კი ეს ტექნოლოგია ფართოდ გამოიყენება არა მხოლოდ ონკოლოგიაში, არამედ უროლოგიაში, გულმკერდის ქირურგიაში, ორთოპედიასა და სხვა დარგებში.

2021 წელს შოტლანდიის მთავრობამ 20 მილიონი გირვანქა სტერლინგის ინვესტიცია ჩადო 12 უახლესი თაობის ქირურგიული რობოტის შესაძენად, რაც მიზნად ისახავდა ონკოლოგიური ოპერაციების ხარისხის გაუმჯობესებას.

პაციენტებისთვის სწრაფი გამოჯანმრთელება

ქირურგიული რობოტების გამოყენებით ოპერაციებმა პაციენტებში აღიარება უკვე მოიპოვა. მათი თქმით, პროცედურამ იმდენად მარტივად ჩაიარა, რომ ოპერაციის დასრულების შემდეგაც კი არ ეგონათ, რომ ქირურგიულ ჩარევას დაექვემდებარნენ. ბევრისთვის საოპერაციოდან გაწერა ოპერაციის მეორე დღესვე გახდა შესაძლებელი.

რობოტი როქსი — მედიცინის მომავალი

ექიმების განცხადებით, რობოტული სისტემების დანერგვა ჯანდაცვის სფეროში გარდამტეხი მომენტია. ეს არა მხოლოდ უმჯობესებს ოპერაციის სიზუსტეს, არამედ ამცირებს რისკებს და აჩქარებს გამოჯანმრთელების პროცესს.

„გრძელდება მუშაობა შეზღუდული შესაძლებლობის სტატუსის ბიოფსიქოსოციალური მოდელის დანერგვის საკითხზე, რაზეც სამინისტრო განსაკუთრებულ ყურადღებას ამახვილებს“-მიხეილ სარჯველაძე

მიერ
© საქართველოს საზოგადოებრივი ჯანდაცვის ინსტიტუტი
-
0
C და B ჰეპატიტის პროგრამები
#post_seo_title

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ევროპასთან ინტეგრაციისა და ჯანმრთელობის დაცვისა და სოციალურ საკითხთა კომიტეტების ერთობლივ სხდომაზე ანგარიში წარადგინა. მიხეილ სარჯველაძემ, ასოცირების შესახებ შეთანხმებით გათვალისწინებულ ვალდებულებათა შესრულების შესახებ ისაუბრა.

მინისტრმა აღნიშნა, რომ სახელმწიფომ უკანასკნელი წლების განმავლობაში რიგი მნიშვნელოვანი ნაბიჯები გადადგა როგორც შრომის უფლებების დაცვის, ისე დასაქმების ხელშეწყობის კუთხით. შეიქმნა შრომის ინსპექციის სამსახური და დასაქმების ხელშეწყობის სახელმწიფო სააგენტო.

„ამ რეფორმების განხორციელება მნიშვნელოვანი წინგადადგმული ნაბიჯი იყო ევროინტეგრაციისაკენ, რაზეც მუშაობასაც დღესაც აგრძელებს ქვეყანა, რათა უფრო მეტად დახვეწოს აღნიშნული სისტემები და კიდევ უფრო მეტად მიუახლოვდეს ევროპულ სტანდარტს“, – განაცხადა მიხეილ სარჯველაძემ.

მინისტრმა, ბოლო პერიოდში, გატარებულ კონკრეტულ რეფორმებსა და ცვლილებებზეც ისაუბრა. აღნიშნა, რომ ხელი მოეწერა „ქვეყნის ღირსეული შრომის პროგრამას“ (Country Decent Work Programme) სამინისტროს, შრომის საერთაშორისო ორგანიზაციასა და სამმხრივ პარტნიორებს შორის, რომელიც კიდევ ერთი წინ გადადგმული ნაბიჯია ასოცირების შესახებ შეთანხმებით აღებული ვალდებულებების შესრულებისა და ევროპული სტანდარტების დანერგვისაკენ; შეიქმნა დასაქმების ხელშეწყობისა და შრომის პოლიტიკის 2025-2029 წლების ეროვნული სტრატეგია და სამოქმედო გეგმა (2025 – 2027); 2023 წლიდან, მსოფლიო ბანკის ადამიანური კაპიტალის პროგრამის ფარგლებში, დაიწყო შრომის ბაზრის მართვის ახალი ელექტრონული სისტემის განვითარება – „Worknet“, რომლის ძირითადი მოდულები 2025 წლიდან პილოტურ რეჟიმში ამუშავდება; შეიქმნა შრომითი მიგრაციის (ემიგრაცია/იმიგრაცია) რეგულირების, მონიტორინგისა და აღსრულების ახალი მექანიზმები.

მინისტრმა სოციალური პოლიტიკის მიმართულებითაც ისაუბრა და აღნიშნა, რომ გრძელდება მუშაობა შეზღუდული შესაძლებლობის სტატუსის ბიოფსიქოსოციალური მოდელის დანერგვის საკითხზე, რაზეც სამინისტრო განსაკუთრებულ ყურადღებას ამახვილებს; დასრულდა მარტყოფის შშმ პირთა პანსიონატის დეინსტიტუციონალიზაცია – პანსიონატის ბენეფიციარები მცირე საოჯახო ტიპის სახლებში განაგრძობენ ცხოვრებას; ხანდაზმულთა და შშმ პირთა ინსტიტუციონალიზაციის პრევენციის, ოჯახის მხარდაჭერისა და დამოუკიდებელი ცხოვრების ხელშეწყობის მიზნით, შეიქმნა პერსონალური ასისტენტისა და შინმოვლის მომსახურებები, რომლის დანერგვა სამინისტრომ დაიწყო, გეოგრაფიული გაფართოების მიზნით კი მოხდა პერსონალური ასისტენტის მომსახურებით უზრუნველყოფის სერვისის მუნიციპალიტეტებისათვის დელეგირება. მინისტრმა აღნიშნა, რომ მიმდინარეობს აქტიური კომუნიკაცია მუნიციპალიტეტებთან იმისათვის, რომ სწორად ფუნქციონირებდეს პროგრამა.

სიტყვით გამოსვლისას მიხეილ სარჯველაძემ განსაკუთრებული ყურადღება გაამახვილა იძულებით გადაადგილებულ პირებზე და აღნიშნა, რომ 2024 წელს გრძელვადიანი საცხოვრებლით უზრუნველყოფილ იქნა 2 022 დევნილი ოჯახი; საკუთრებაში დაუკანონდათ 351 საცხოვრებელი ფართი; საცხოვრებელი პირობების გაუმჯობესების მიზნით 70-ზე მეტ ობიექტში ჩატარდა სარეაბილიტაციო სამუშაოები; 20 600-ზე მეტ პირს გაეწია გადაუდებელი ერთჯერადი ფულადი დახმარება; დროებითი საცხოვრებლით უზრუნველყოფილ იქნა 1 176 ოჯახი.

„მუშაობა გაგრძელდება ასევე, ბავშვთა უფლებების უზრუნველსაყოფად საჭირო დაცვის მექანიზმებისა და სოციალური მომსახურებების ხარისხის გაუმჯობესებისთვის“-მიხეილ სარჯველაძე

მიერ
© საქართველოს საზოგადოებრივი ჯანდაცვის ინსტიტუტი
-
0
ჯანდაცვის სამინისტრო სამედიცინო დაწესებულებებს საერთაშორისო აკრედიტაციის გავლისთვის დამატებით ვადას აძლევს
#post_seo_title

ევროპასთან ინტეგრაციისა და ჯანმრთელობის დაცვისა და სოციალურ საკითხთა კომიტეტების ერთობლივ სხდომაზე სოციალური პოლიტიკის, თანაბარი შესაძლებლობების და საზოგადოებრივი ჯანმრთელობის სფეროებში ასოცირების შესახებ შეთანხმებით გათვალისწინებულ ვალდებულებათა შესრულების ანგარიში მოისმინეს. სხდომაზე ანგარიში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ წარადგინა.

მიხეილ სარჯველაძის განცხადებით, სახელმწიფომ ბოლო წლების განმავლობაში რიგი მნიშვნელოვანი ნაბიჯები გადადგა, როგორც შრომის უფლებების დაცვის, ისე დასაქმების ხელშეწყობისა და საზოგადოებრივი ჯანმრთელობის დაცვის კუთხით. მინისტრის განმარტებით, ამ მიმართულებებით მასშტაბური რეფორმები გატარდა საკანონმდებლო დონეზეც, ჩამოყალიბდა შესაბამისი პოლიტიკა, მართვის სისტემები და აღსრულების მექანიზმები.

„რეფორმების განხორციელება მნიშვნელოვანი წინგადადგმული ნაბიჯი იყო ევროინტეგრაციისკენ. ამ მიმართულებით მუშაობას ქვეყანა დღესაც აგრძელებს, რათა უფრო მეტად დახვეწოს აღნიშნული სისტემები და მეტად დაუახლოვდეს ევროპულ სტანდარტებს“, – განაცხადა მომხსენებელმა.

მისი განმარტებით, XXX დანართით გათვალისწინებული ვალდებულებების შესასრულებლად მთავრობამ მიიღო ძალიან მნიშვნელოვანი და ამავდროულად, ამბიციური ნორმატიული აქტი – რეგლამენტები, რომლებიც არეგულირებს სამუშაო ადგილზე სხვადასხვა სახის მოწყობილობების უსაფრთხოებასთან დაკავშირებულ საკითხებს.

2025 წლის გეგმებზე საუბრისას, მინისტრმა აღნიშნა, რომ უახლოეს მომავალში დამტკიცდება დასაქმების ხელშეწყობისა და შრომის პოლიტიკის 2025-2029 წლების ეროვნული სტრატეგია და შესაბამისი სამოქმედო გეგმა. გაგრძელდება ასოცირების შესახებ შეთანხმების გათვალისწინებული ევროდირექტივების დანერგვისათვის საჭირო საქმიანობა. მუშაობა გაგრძელდება ასევე, ბავშვთა უფლებების უზრუნველსაყოფად საჭირო დაცვის მექანიზმებისა და სოციალური მომსახურებების ხარისხის გაუმჯობესებისთვის. გაგრძელდება დევნილებისთვის საცხოვრებელი სახლების მშენებლობა, რომლის ფარგლებშიც დამატებით 6000-ზე მეტი ოჯახი დაკმაყოფილდება საცხოვრებელი ფართით.

„მიმდინარე რეფორმები არ არის უბრალოდ ბიუროკრატიული ვალდებულებების შესრულება. ეს მნიშვნელოვანი პროცესია თითოეული ჩვენი მოქალაქისთვის“, – განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა.

ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ მინისტრს გატარებული რეფორმებისთვის და მიღწეული წარმატებებისთვის მადლობა გადაუხადა.

„ადამიანის ქსოვილებისა და უჯრედების გამოყენების შესახებ“ და „ადამიანის ორგანოთა გადანერგვის შესახებ“ კანონის მიხედვით, მიმდინარეობს, შესაბამისი, კანონქვემდებარე აქტების შემუშავება“

მიერ
© საქართველოს საზოგადოებრივი ჯანდაცვის ინსტიტუტი
-
0
მიხეილ სარჯველაძე კომიტეტების გაერთიანებულ სხდომაზე ანგარიშით წარსდგა
ფოტო: ჯანდაცვის სამინისტრო

მოგეხსენებათ, რომ საქართველოს გაცხადებული, დეკლარირებული, პრიორიტეტული მიმართულება არის ევროპული სტანდარტების დამკვიდრება ჩვენს სახელმწიფოში და მთავარი გზამკვლევი ამ მიზნით გახლავთ სწორედ ასოცირების შეთანხმება, – აღნიშნულის შესახებ ჯანდაცვის მინისტრმა, ევროპასთან ინტეგრაციისა და ჯანმრთელობის დაცვისა და სოციალურ საკითხთა კომიტეტების ერთობლივ სხდომაზე ანგარიშის წარდგენისას განაცხადა.

მიხეილ სარჯველაძემ, სოციალური პოლიტიკისა და თანაბარი შესაძლებლობების, ასევე საზოგადოებრივი ჯანმრთელობის სფეროებში ასოცირების შესახებ შეთანხმებით გათვალისწინებულ ვალდებულებათა შესრულების შესახებ ისაუბრა.

ყურადღება გაამახვილა „ადამიანის სისხლისა და მისი კომპონენტების ხარისხისა და უსაფრთხოების შესახებ” კანონისა და მისი მიხედვით შემუშავებულ კანონქვემდებარე ნორმატიულ აქტებზე, რომელიც დონორთა შერჩევას, სისხლის კომპონენტების შეგროვების წესს და სხვა პროცედურებს განსაზღვრავს.

მინისტრის თქმით, საკითხის მნიშვნელობიდან და სენსიტიურობიდან გამომდინარე მაქსიმალური სიფრთხილით ხდება აღნიშნულ აქტებზე მუშაობა.

ასევე, აღნიშნა, რომ „ადამიანის ქსოვილებისა და უჯრედების გამოყენების შესახებ“ და „ადამიანის ორგანოთა გადანერგვის შესახებ“ კანონის მიხედვით, მიმდინარეობს, შესაბამისი, კანონქვემდებარე აქტების შემუშავება.

ყურადღება გაამახვილა, ინოვაციურ ფარმაცევტული პროდუქტის შესყიდვის ახალ წესზე, რომლითაც შესაძლებელი გახდა სახელმწიფოს მიერ, მწარმოებლისგან, პირდაპირი მოლაპარაკებითა და სპეციალური პირობებით მედიკამენტების შესყიდვა, რაც პაციენტისთვის, მაღალი ხარისხის მკურნალობაზე ხელმისაწვდომობას უზრუნველყოფს.

აღნიშნა, რომ შემუშავდა კანონის პროექტი „სამედიცინო მოწყობილობების შესახებ“, რომელიც შესაბამისობაშია ასოცირების შეთანხმებით გათვალისწინებულ, ევროკავშირის შესაბამის სამართლებრივ აქტებთან და ახლო მომავალში, შესაძლებელი იქნება მისი ინიცირება.

მინისტრის თქმით, მომზადებულია ცვლილებები კოსმეტიკური პროდუქციის შესახებ ტექნიკური რეგლამენტის ამოქმედების მიმართულებითაც, დაგეგმილია შემდგომი პროცედურების ინიცირება და პროცესი სექტორთან აქტიური კომუნიკაციის საფუძველზე გაგრძელდება. მიხეილ სარჯველაძემ „მედიცინის დახმარებით რეპროდუქციის შესახებ“ კანონპროექტთან დაკავშირებითაც ისაუბრა. აღნიშნა, რომ დოკუმენტი, ჯერ კიდევ, წინა მოწვევის პარლამენტშია წარმოდგენილი და მისი განხილვები მიმდინარეობს, რომელიც აქტიურ ფაზაში გადავა.

„ასოცირების შეთანხმებით გათვალისწინებული ვალდებულებების შესრულება არ არის პროცესი, სადაც უბრალოდ რაღაც ეტაპს უნდა მიაღწიო, დახურო და დაივიწყო. ეს არის ის სფერო და დიდი პოტენციალი, რომ რეალურად ადამიანებმა საკუთარ თავზე იგრძნონ დადებითი ცვლილებები. ასოცირების შეთანხმებას წინ უძღოდა დიდი, ხანგრძლივი მოლაპარაკებები, ის რაც ქვეყნისთვის სასარგებლო, აუცილებლად განსახორციელებელი იყო რა თმა უნდა მოხვდა ასოცირების დღის წესრიგში.

ჩვენი ქვეყანა ვითარდება სწორი მიმართულებით და მაღალი ტემპით, ამას მოწმობს როგორც ეკონომიკური მაჩვენებლები, ასევე აბსოლუტურად დადებითია შეფასება ქვეყნის ჯანდაცვის სისტემის განვითარების მიმართულებით. პრაქტიკულად ყველა კვლევა მოწმობს იმას, რომ ჯანდაცვის სექტორის მიმართულებით, მისი მდგრადობის გასაუმჯობესებლად, სწორი ნაბიჯები იდგმება და სწორად ვითარდება მთლიანად სექტორი. ამაზე მეტყველებს საყოველთაო ჯანდაცვის პროგრამის დანერგვიდან – დღემდე მიღებული გადაწყვეტილებები, თუნდაც ბოლოს, ონკოლოგიური მიმართულებით, ლიმიტებთან დაკავშირებული გადაწყვეტილება თუ სხვა“, – განაცხადა მიხეილ სარჯველაძემ.

შეიძლება მრავალი სიცოცხლის გადარჩენის წინაპირობა გახდეს – ახალ ალგორითმს გულის გაჩერების პროგნოზირება შეუძლია

მიერ
© საქართველოს საზოგადოებრივი ჯანდაცვის ინსტიტუტი
-
0
გულის დაავადებები - გულის დაავადებათა სიმპტომები დამოკიდებულია დაავადების სახეობაზე
#post_seo_title

ინოვაციური ალგორითმი, რომელიც გულის უეცარ გაჩერების შესახებ წინასწარ აფრთხილებს

გულის უეცარი გაჩერება მსოფლიოში ერთ-ერთი ყველაზე გავრცელებულ და ფატალური ჯანმრთელობის პრობლემა რჩება. ყოველწლიურად ის მილიონობით ადამიანს კლავს. თუმცა, მეცნიერები ახლოს არიან იმ ეტაპთან, როდესაც მსგავსი შემთხვევების პროგნოზირება რეალურად შესაძლებელია — და ამას თანამედროვე ტექნოლოგიები უზრუნველყოფს.

ფინელი მკვლევრების გარღვევა გულის რიტმის პროგნოზირებაში

ფინეთის ტამპერეს უნივერსიტეტის სპეციალისტებმა შეიმუშავეს მოწინავე ალგორითმი, რომელიც გულისცემის რიტმის ცვლილებების საფუძველზე აფასებს შესაძლო რისკს. ეს მეთოდი ეყრდნობა დეტენდენციური ფლუქტუაციის ანალიზს (DFA2 a1) — სპეციალურ მოდელს, რომელიც დროთა განმავლობაში გულის რიტმის დინამიკას სწავლობს.

კვლევა ჩატარდა 2,794 ზრდასრულ ადამიანზე და საშუალოდ 8.3-წლიანი დაკვირვების პერიოდს მოიცავდა. შედეგად დადასტურდა, რომ DFA2 a1 პარამეტრი უკავშირდება გულის უეცარ გაჩერებას და ძლიერი, დამოუკიდებელი პროგნოზული ფაქტორია.

როგორ მუშაობს ალგორითმი?

DFA2 a1 ზომავს გულისცემის ინტერვალებს მოსვენებულ მდგომარეობაში. აღმოჩნდა, რომ მაღალი რისკის მქონე პაციენტებში გულისცემის მოდელი ბუნებრივად განსხვავდება — ისინი იმეორებენ იმ ადამიანების გულის რიტმს, რომლებიც დატვირთულ ფიზიკურ აქტივობაში იმყოფებიან, თუმცა რეალურად სხედან ან წოლით  მდგომარეობაში არიან.

ეს ფენომენი გულის ვეგეტატიური რეგულაციის დარღვევაზე მიუთითებს — რაც სწორედ იმ დარღვევათა რიგშია, რომლებიც გულის უეცარ გაჩერებამდე მიგვიყვანს.

მხოლოდ 1 წუთი და ჭკვიანი საათი საკმარისია

მნიშვნელოვანია, რომ ამ ალგორითმის გამოყენებას მხოლოდ ერთი წუთიანი სიგნალის დაკვირვება სჭირდება, რაც შესაძლებელს ხდის მისი ინტეგრირება სმარტ მოწყობილობებში, მათ შორის ჭკვიან საათებში და ფიტნეს ტრეკერებში. ეს კი ნიშნავს, რომ პროგნოზირება კლინიკაში მისვლის გარეშე, ყოველდღიური ტარების პროცესში გახდება შესაძლებელი.

უფრო ზუსტი, ვიდრე არსებული მეთოდები

ახალი ალგორითმი ბევრად სარწმუნოა, ვიდრე უკვე არსებული კარდიოპულმონარული ტესტები, რომლებიც გულის მუშაობის შეფასებას ფიზიკური დატვირთვის გზით ცდილობენ. DFA2 a1 საშუალებას გვაძლევს, მოსვენების მდგომარეობაში ვეცადოთ რისკების იდენტიფიკაცია, რაც განსაკუთრებით მნიშვნელოვანია იმ ადამიანებისთვის, ვინც შესაძლოა არ ჰქონდეს სიმპტომები.

რა გველოდება მომავალში?

მკვლევრები გეგმავენ, რომ შემდეგ ეტაპზე ჩართონ უფრო დიდი მასშტაბის ჯგუფები, რათა გააფართოვონ კვლევის ფარგლები და გამოსცადონ DFA2 a1 გულის სხვა პათოლოგიების იდენტიფიცირებისთვისაც.

პერსპექტივაში იკვეთება მიზანი – სიცოცხლის გადარჩენის ახალი სტანდარტის შექმნა, სადაც გულის პრობლემების პროგნოზირება ტექნოლოგიური სისწრაფითა და სიზუსტით მოხდება.

დასკვნა

ახალი ალგორითმი წარმოადგენს რეალურ წინსვლას კარდიოლოგიურ პროფილაქტიკაში. მისი გამოყენება ტექნოლოგიებთან ინტეგრირებულად ხელს შეუწყობს გულის უეცარი გაჩერების რისკების ადრეულ აღმოჩენას — რაც შეიძლება მრავალი სიცოცხლის გადარჩენის წინაპირობა გახდეს.

მეცნიერებმა შექმნეს დნმ-ზე დაფუძნებული პაწაწინა რობოტი, რომელსაც შეუძლია კიბოს უჯრედების განადგურება წარმოუდგენელი სიზუსტით – ჯანმრთელ უჯრედებზე ზემოქმედების გარეშე

მიერ
© საქართველოს საზოგადოებრივი ჯანდაცვის ინსტიტუტი
-
0
დნმ-ზე დაფუძნებული პაწაწინა რობოტი
#post_seo_title

წიწიბურას სასარგებლო თვისებები, რომლის შესახებაც აქამდე არ იცოდით – რატომ უნდა გახდეს წიწიბურა თქვენი რაციონის სუპერგმირი

მიერ
© საქართველოს საზოგადოებრივი ჯანდაცვის ინსტიტუტი
-
0
წიწიბურა
#post_seo_title

რატომ უნდა გახდეს წიწიბურა თქვენი რაციონის სუპერგმირი

წიწიბურა — უბრალოდ მარცვლეული კი არა, ნამდვილი საკვებია სუპერსასარგებლო თვისებებით. თქვენს სამზარეულოში მოთავსებულ უბრალო შეფუთვაში იმალება ვიტამინებისა და მინერალების მთელი სპექტრი, რომელიც ერთდროულად მატებს ენერგიას და ეხმარება ორგანიზმს ჯანმრთელობის შენარჩუნებაში.

თუ ეძებთ პროდუქტს, რომელიც ერთდროულად არის დაბალკალორიული, მინერალებით გაჯერებული და მეტაბოლიზმის მხარდამჭერი, წიწიბურა ნამდვილად იმსახურებს თქვენს ყურადღებას. გააგრძელეთ კითხვა

უახლესი მიღწევა ოპტიკურ სისტემებში – შექმნეს ლაზერი, რომელმაც წვრილი ტექსტი 1,36 კმ მანძილიდან წაიკითხა

მიერ
© საქართველოს საზოგადოებრივი ჯანდაცვის ინსტიტუტი
-
0
ლაზერი -წვრილი ტექსტი
#post_seo_title

ინტენსივობის ინტერფერომეტრია: მომავლის ხედვის სისტემა

ტრადიციული კამერები იმსახურებენ იმ შუქს, რომელიც ობიექტიდან აირეკლება და ამ ინფორმაციის მეშვეობით ქმნიან გამოსახულებას. ინტენსივობის ინტერფერომეტრია კი სრულიად განსხვავებულ მიდგომას იყენებს — ის სწავლობს, თუ როგორ ერევა სინათლის ტალღა საკუთარ თავს და ამის საფუძველზე აყალიბებს სუპერ მაღალი რეზოლუციის გამოსახულებებს.

ჩინეთის მეცნიერებისა და ტექნოლოგიების უნივერსიტეტის მკვლევრებმა შექმნეს სისტემა, რომელიც 8 ლაზერული ინფრაწითელი სხივით ანათებს ობიექტს და შემდგომ ორი ტელესკოპის მეშვეობით აფიქსირებს სინათლის უკუგანსახვას. სწორედ ტელესკოპებს შორის ინფორმაციის სიზუსტით შედარება იძლევა დეტალური გამოსახულების შექმნის საშუალებას.

14-ჯერ მეტი გარჩევადობა: რეზოლუციის უპირატესობა

✅ ტესტირებისას, მეცნიერებმა წარმატებით აღბეჭდეს 3 მმ ზომის სიმბოლოები 1.36 კმ-ის მანძილზე, მაშინ როცა ჩვეულებრივ ტელესკოპს მხოლოდ 42 მმ გარჩევადობის შესაძლებლობა ექნებოდა.

➡️ ამ ტექნოლოგიამ დაძლია:

  • დიფრაქციული ზღვარი

  • ატმოსფერული ტურბულენტობის ზეგავლენა

  • მონაცემთა დაკარგვა ტელესკოპებში არსებული ხარვეზების გამო

ეს შედეგი სერიოზულ წინსვლას წარმოადგენს ოპტიკური ზონდირებისა და დისტანციური დაკვირვების სფეროში, განსაკუთრებით ისეთი გარემოსთვის, სადაც ატმოსფერული პირობები სირთულეს ქმნის.

ტექნოლოგია კოსმოსიდან მიწაზე

ამგვარი ინტერფერომეტრია წარსულში გამოიყენებოდა მხოლოდ ვარსკვლავური დაკვირვებებისთვის, სადაც დეტალური ფოკუსირება რთული იყო მეზობელი ვარსკვლავების სინათლის ინტენსივობის გამო. დღეს კი ეს სისტემა დედამიწაზე მუშაობს და პოტენციურად შეიძლება იქცეს მნიშვნელოვან ინსტრუმენტად:

🔬 მეცნიერებისთვის
🛰️ სამხედრო დაზვერვისთვის
🛡️ უსაფრთხოების კონტროლის სისტემებისთვის
📡 მაღალი სიზუსტის დისტანციური სენსორებისთვის

მომავლის ხედვის ალგორითმები

მკვლევრები გეგმავენ, სისტემას დაამატონ ხელოვნური ინტელექტის (AI) მხარდაჭერა, რაც საშუალებას მისცემს კამერას არა მხოლოდ გაარჩიოს ობიექტები შორ მანძილზე, არამედ სწორად გაანალიზოს და ამოიცნოს ტექსტები, ფორმები და ნიმუშები. ამით მნიშვნელოვნად გაიზრდება ტექნოლოგიის გამოყენების სპექტრი — მცირე ზომის ინფორმაციის წაკითხვიდან სტრატეგიულ დაკვირვებამდე.

დასკვნა

ინტენსივობის ინტერფერომეტრიის ტექნოლოგია უახლესი მიღწევაა ოპტიკურ სისტემებში, რომელიც ცხადად აჩვენებს, როგორ გადადის სამეცნიერო აღმოჩენები კოსმოსიდან ყოველდღიურ გამოყენებაში. 1.36 კმ მანძილიდან 3 მმ ზომის ასოების ამოცნობა ადამიანისთვის წარმოუდგენელი ამოცანაა, თუმცა ამ მოწყობილობისთვის — რეალობა. უახლოეს მომავალში, ეს ტექნოლოგია შესაძლოა იქცეს დისტანციური ვიზუალიზაციის ახალ სტანდარტად.

კვლევა Physical Review Letters-ში გამოქვეყნდა.

თბილისის მერია გაფანტული სკლეროზის მკურნალობისთვის მიმდინარე წელს 4 მილიონ ლარამდე გამოყოფს

მიერ
© საქართველოს საზოგადოებრივი ჯანდაცვის ინსტიტუტი
-
0
გაფანტული სკლეროზი  – ნერვული სისტემის დაავადება, რომელსაც ახასიათებს ნერვული სისტემის გარკვეული ნაწილის დაზიანება
#post_seo_title

“გაფანტული სკლეროზის სამკურნალო მედიკამენტების და კვლევების დაფინანსების” პროგრამის 2025 წლის ბიუჯეტი 4 მილიონ ლარამდეა, – ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.

მისი თქმით, აღნიშნული პროგრამა 2020 წლიდან ხორციელდება.

“30 მაისი გაფანტული სკლეროზის საერთაშორისო დღეა. თბილისის მერიის ჯანდაცვისა და სოციალური მომსახურების საქალაქო სამსახური გაფანტული სკლეროზის დიაგნოზის მქონე მოქალაქეებისთვის ძვირადღირებული მედიკამენტების, ასევე, თავისა და ზურგის ტვინის მაგნიტურ-რეზონანსული ტომოგრაფიის დაფინანსებას უზრუნველყოფს.

პროგრამის 2025 წლის ბიუჯეტი 4 მილიონ ლარამდეა”, – განაცხადა კახა კალაძემ.

თბილისის მერის განმარტებით, პროგრამა ეტაპობრივად გაფართოვდა და მაღალტექნოლოგიური კვლევები დაემატა.

“აღნიშნული პროგრამა ჩვენი წინასაარჩევნო დაპირება იყო და ის თავდაპირველად, მედიკამენტების დაფინანსებით დაიწყო.  ასევე,  სოციალურად დაუცველთა ბაზაში მყოფი მოქალაქეების მსგავსად, მედიკამენტები პროგრამის ყველა მოსარგებლეს 100%-ით დაუფინანსდა. სამედიცინო წრეების შესაბამისი დარგის სპეციალისტებთან კონსულტაციების შედეგად, მერიამ პროგრამაში ჩასართავ პირთა ასაკობრივი ზღვარიც მოხსნა”, – აღნიშნა კახა კალაძემ.

მისივე თქმით, თბილისის მერიამ, პროგრამის დაწყებიდან დღემდე, 341 მოსარგებლის მედიკამენტებისა და მაღალტექნოლოგიური კვლევების დასაფინანსებლად, 2 000-მდე საგარანტიო წერილი გასცა.

“აღსანიშნავია, რომ ჩატარებული მკურნალობის შედეგად, ამ დაავადების აქტივობის დათრგუნვაა შესაძლებელი და გაფანტული სკლეროზის მქონე პირებს ყოველდღიურ საზოგადოებრივ საქმიანობაში ჩართვის შესაძლებლობა ეძლევათ”, – განაცხადა კახა კალაძემ.

ყირიმ-კონგოს დაავადების მართვის მიზნით, ადგილებზე, სადაც ადამიანის ინფიცირების შემთხვევები აღინიშნა, შესაბამისი ღონისძიებები ტარდება

მიერ
© საქართველოს საზოგადოებრივი ჯანდაცვის ინსტიტუტი
-
0
აფლატოქსინის შემოწმების მსოფლიოში არსებული უმაღლესი სტანდარტით ვხელმძღვანელობთ - სეს
#post_seo_title

სურსათის ეროვნული სააგენტო, ყირიმ-კონგოს დაავადების მართვის მიზნით, ადგილებზე, სადაც ადამიანის ინფიცირების შემთხვევები აღინიშნა, შესაბამის ღონისძიებებს ატარებს.

ადამიანების დაავადების 80%-ზე მეტი სამცხე-ჯავახეთის რეგიონში ფიქსირდება. შესაბამისად, სააგენტოს სამცხე-ჯავახეთის რეგიონული სამსახურის ვეტერინარები, დაავადების კერებში, სოფლის მოსახლეობის საკუთრებაში არსებულ მსხვილფეხა საქონელს შესაბამისი პრეპარატებით (ინსექტოაკარიციდებით) ამუშავებენ. ამ დროისთვის დამუშავებულია 5508 პირუტყვი.

პარალელურ რეჟიმში, დაავადების პრევენციის მიზნით, სურსათის ეროვნული სააგენტოს სპეციალისტები ფერმერებთან და მოსახლეობასთან საინფორმაციო კამპანიას ატარებენ.

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე ცხოველები დაამუშაონ არსებული ინსტრუქციის შესაბამისად; მინდორში მუშაობის დროს, ატარონ დახურული ტანსაცმელი და ფეხსაცმელი; ცხოველებს ტკიპები ხელთათმანისა და პინცეტის გამოყენებით მოაშორონ; დაავადების სიმპტომების გამოვლენის შემთხვევაში, დაუყოვნებლივ მიმართონ ექიმს.

ყირიმ-კონგოს ცხელება ვირუსული, ზოონოზური, დაავადებაა, რომელის ძირითადი გადამტანი Hyalomma სახეობის ტკიპაა. ვირუსი აინფიცირებს მრავალი სახეობის ცხოველს და ზოგიერთი სახეობის ფრინველს. ადამიანი ტკიპის კბენის შედეგად ავადდება. ცხოველებსა და ფრინველებში დაავადება უსიმპტომოდ მიმდინარეობს, ხოლო ადამიანის შემთხვევაში, დაგვიანებულ მკურნალობას, შესაძლოა, ლეტალური შედეგი მოჰყვეს.

ინფორმაციას სურსათის ეროვნული სააგენტო ავრცელებს.

1...317318319...1,039გვერდი 318 of 1,039

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights