ფილტვები და კოვიდი – COVID-19 – ის შემდგომ ფილტვების რეაბილიტაცია ! როდის უნდა მიმართოთ ექიმს?

https://www.facebook.com/watch/live/?ref=watch_permalink&v=10159913908840579

ფილტვები და კოვიდი – COVID-19 – ის შემდგომ ფილტვების რეაბილიტაცია !

როდის უნდა მიმართოთ ექიმს?
როგორ უნდა ვმართოთ ფილტვების პრობლემები საავადმყოებში?

საზოგადოებრივი ჯანდაცვის ექსპერტი, გაეროს გენერალური მდივანი და ვაქცინებისა და იმუნიზაციების გლობალური ალიანსის მრჩეველი, გიორგი ფხაკაძე:

-გვყავს ძალიან საინტერესო სტუმარი, ჩემი მეგობარი (მთელი ოჯახია ჩემი მეგობარი), ახალგაზრდა სპეციალისტი, პულმონოლოგი (ფილტვების ექიმი), თერაპევტი, ელენე ხურციძე. ევროპაში აქვს მიღებული გამოცდილება არაერთ ცნობილ ადამიანებთან.

ელენე ხურციძე: -თქვენ თუ ძალიან იღლებით, ეს არასწორია, აქტივობის პროცესი უნდა უნდა იყოს პაციენტზე მორგებული, პაციენტის შესაძლებლობების მიხედვით დაგეგმილი. ქრონიკული და თანხმლები დაავადებების, ასაკის გათვალისწინებით და დაავადების სიმძიმის გათვალისწინებით, ადამიანებს, რომლებსაც აქვთ სუნთქვის გაძნელება, ხველა, მაღალი ცხელება, ჰაერის უკმარისობა, ძირითადად ასეთი პაციენტები გადადიან კლინიკაში და კლინიკაში ხდება მათი მკურნალობა, კონკრეტული ერთი მედიკამენტი არ არსებობს, კორონავირუსისგან რომ განიკურნოს ადამიანი, ანტიბიოტიკების გამოყენება მსუბუქ პაციენტებში არ არის რეკომენდირებული, მძიმე პაციენტებში თავისი კრიტერიუმები გააჩნია – მივცეთ თუ არა?! აქტივობის პროცესი უნდა იყოს პაციენტზე მორგებული და პაციენტის შესაძლებლობების მიხედვით დაგეგმილი. სახლში, ვურჩევთ პაციენტებს, ყველაზე მარტივს – ბუშტების გაბერვა იმისთვის, რომ სუნთქვითი ვარჯიშები გააკეთოს.

კლინიკაშიც იწყება ფიზიოთერაპიის ნაწილი, პაციენტს თუ აქვს ხველა ნახველით, ნახველის გამოდევნა ძალიან დიდ შვებას აძლევს პაციენტს და ამარტივებს მკურნალობას. გარდა, მედიკამენტების გამოყენებისა, შეგვიძლია პაციენტს ვურჩიოთ სხდასხვა აქტივობა.

გიორგი ფხაკაძე: – კარგია, ათი ათასი ნაბიჯი გაიაროს ადამიანმა და საათნახევარი იყოს ქუჩაში, მაგრამ თუ ის გრძნობს, რომ ვერ არის კარგად, – ჰაერი არ ყოფნის, სჯობს, გაჩერდეს, დაისვენოს, ძალიან რბილად ისუნთქოს…

მე ყოველთვის ვაძლებ რეკომენდაციას, – იარეთ, იმიტომ, რომ ყველასთვის სირბილი არაა.

ელენე ხურციძე: -ყველაზე მინიმალური აქტივობა, როდესაც იღლება ადამიანი, შეიძლება კედელს მიეყუდოს და ასეთ მდგომარეობაში გაჩერდეს. უმრავლეს შემთხვევაში, ჟანგნაბდამოკიდებული პაციენტები ზოგჯერ იმასაც ვერ ახერხებენ, ფეხზე რომ წამოდგნენ… რეკომენდაციაში ისიც წერია, რომ, შეგიძლიათ, მაგიდას დაეყრდნოთ ხელებით და ისე დადგეთ…

გიორგი ფხაკაძე: -კოვიდის დროს როცა გვაქვს ფილტვების პრობლემა, ჩვენ ვიცით, რომ (არაერთი კვლევა დაიბეჭდა), ვისაც ჰქონდა სიმპტომური კოვიდი, ამ პაციენტების 30 პროცენტი, სამწუხაროდ, 5-6 თვეში ბრუნდებიან საავადმყოფოებში, ძირითადად აქვთ ე.წ. გრძელი კოვიდი. საფრანგეთში ეძახიან „თეთრ კოვიდს“.

არის ახალი კვლევები, ის ადამიანები, ვინც არ გადაიტანეს კოვიდი სიმპტომურად…

ნახეთ ვრცლად – ვიდეო

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

„ბოლო კვლევამ აჩვენა, რომ გრძელი კოვიდის ერთ-ერთი რისკფაქტორი არის პუტკუნა გოგოები“ – გიორგი ფხაკაძე

მიერ

ივნისი 24, 2021

03/12/2022

„პუტკუნა გოგოებო, დაიკელით წონაში, რატომ და როგორ, დეტალები იხილეთ ვიდეოში”, – ამ სათაურით აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე ვიდეო მიმართვას ავრცელებს:

„ბოლო კვლევამ აჩვენა, რომ გრძელი კოვიდის ერთ-ერთი რისკფაქტორი არის პუტკუნა გოგოები. ჩემო უსაყვარლესო გოგოებო, ზედმეტი კილოები ჩამოყარეთ, იმიტომ რომ გრძელი კოვიდის შემთხვევაში თქვენ უფრო ხართ რისკის ქვეშ”, – აცხადებს ფხაკაძე ვიდეო მიმართვაში.

გიორგი ფხაკაძე აქვე წერს:

„სამედიცინო დაწესებულებების სამარცხვინო სურათებს გავაზიარებ საჯაროდ…

კოვიდი არსად არ წასულა, ახალი ვარიანტები მოდის და მოდის…

გამოიყენეთ სამედიცინო პირბადე!”

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://akhalitaoba.ge/2022/12/bolo-kvlevam-achvena-rom-grdzeli-kovidis-erth-erthi-riskphaqtori-aris-putkuna-gogoebi-giorgi-phkhakadze/

რომელი ქვეყნები შეუშვებენ, საქართველოს მოქალქეებს საზღვარზე? – „ჩემი არ გჯეროდათ!..“

მიერ

ივნისი 24, 2021

19/06/2021

ავტორი: ირინა დათაშვილი

რომელი ქვეყნები შეუშვებენ საქართველოს მოქალქეებს საზღვარზე? – კოვიდრეგულაციები და მოგზაურობა – https://www.facebook.com/watch/?v=1393408791033848&ref=sharing

„ჩემი არ გჯეროდათ!
დაუჯერეთ იმედის დღე /Imedis Dge
ჩინური ვაქცინები არ არიან აღიარებული ევროპაში
იქნებ დაფიქრდეთ, რატომ?!..

ჯანმრთელობას გისურვებთ “- წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

ვიდეო –

#პირდაპირიჩართვა საფრანგეთიდან, იტალიიდან და ბერლინიდან

პს. ამ ეტაპზე ესპანეთი და თურქეთი ყველაზე ლოიალურია.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

გიორგი ფხაკაძე საქართველოში რემდესივირის გამოყენებაზე – “სინამდვილეში, ჩვეულებრივი კლინიკური კვლევა

მიერ

ივნისი 24, 2021

28.12. 2020 რადიო თავისუფლება

საზოგადოებრივი ჯანდაცვის საერთაშორისო ექსპერტი, გაეროს გენერალური მდივნის დამოუკიდებელი ანგარიშვალდებულების პანელის წევრი (EWEC), ვაქცინებისა და იმუნიზაციების გლობალური ალიანსის (GAVI) პნევმოკოკის წინასწარი საბაზრო შეთანხმების (AMC) დამოუკიდებელი შეფასების კომიტეტის წევრი, დავით ტვილდიანის სამედიცინო უნივერსიტეტის პროფესორი, გიორგი ფხაკაძე რადიო თავისუფლების “დილის საუბრებში” აცხადებს, რომ რემდესივირის შემოტანა საქართველოში იყო შეცდომა და მისთვის გაუგებარია, რატომ გადაიხადა ამაში თანხა საქართველომ მაშინ, როცა მედიკამენტის შემოტანა ქვეყანაში კლინიკური კვლევის ნაწილია:

„ეს წამალი შემოვიდა საქართველოში კლინიკური კვლევის ფარგლებში. სიმართლე გითხრათ, ძალიან დიდი შეცდომა იყო რემდესივირი თავიდან ბოლომდე. იმ ხალხმა, ვინც იყო გარეული ამ საქმეში, ძალიან დიდი შეცდომა დაუშვეს“.
გიორგი ფხაკაძე განმარტავს, რომ ინფორმაცია ამის შესახებ ღიაა და ის სწორედ ღია წყაროებზე დაყრდნობით ლაპარაკობს:
„ეს ინფორმაცია არის ვებგვერდზე. საერთოდ ყველა კლინიკური კვლევა მსოფლიოში არის რეგისტრირებული. ეს არის ანგარიშვალდებულება და ღიაობა. ეს არსებობს როგორც ჯანდაცვის მსოფლიო ორგანიზაციის სპეციალური კვლევების საიტზე, ასევე ევროკავშირის საიტზე. თქვენც შეგიძლიათ ნახოთ, სხვათა შორის, და ყველა კვლევა არის ძალიან გამჭვირვალე, რომ ყველამ იცოდეს – სად და როგორ ტარდება, თავისი მეთოდოლოგით, სპონსორის მითითებით. ეს ინფორმაცია გამჭვირვალეა.
როცა დავინტერესდი, შევედი, ვნახე და ჩვეულებრივი კლინიკური კვლევაა. საქართველოში არის ასობით კლინიკური კვლევა და ამ კვლევასთან დაკავშირებით რატომ ატყდა ასეთი წივილ-კივილი?.. მესმის, რომ არასაჭიროდ სახელმწიფო ბიუჯეტი რატომ დაიხარჯა – მაგაზე, ეს კიდევ ცალკე თემაა. მოდით, ასე ვთქვათ, შეცდომა იყო. ამაზე ახლა ფოკუსირებას აზრი არ აქვს. აი, ზაფხული მოვა, ყველაფერი დაწყნარდება და შესაბამისმა ორგანოებმა კარგად უნდა გადახედონ – საბუთები არსებობს, რატომ იყო ეს გადაწყვეტილება მიღებული და ასე შემდეგ. სამედიცინო კუთხით ეს წამალი ეფექტიანი არ არის და არც ერთი წამალი არ გვაქვს კოვიდის საწინააღმდეგოდ, რომელიც ჩვენ დაგვეხმარებოდა ბრძოლაში“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

Source: https://www.radiotavisupleba.ge/a/31023101.html

გიორგი ფხაკაძე – „არაფერი განსაკუთრებული და სასწაული არ არის. ტრიპლდემია დაიწყო“

მიერ

ივნისი 24, 2021

აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე სოციალურ ქსელში წერს:

„არაფერი განსაკუთრებული და სასწაული არ არის. ტრიპლდემია დაიწყო, რაც გულისხმობს ერთდროულად სამი ვირუსის – გრიპის, რესპირაციულ-სინციტიური ვირუსისა და კორონავირუსის გააქტიურებას”.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://akhalitaoba.ge/2022/11/giorgi-phkhakadze-arapheri-gansakuthrebuli-da-sastsauli-ar-aris-tripldemia-daitsqho/

„საქართველოს ჯანდაცვაში იმდენი პრობლემაა, ფაქტიურად, საქართველოს ჯანდაუცველობა გვაქვს“

მიერ

ივნისი 23, 2021

10/07/2022

ავტორი: ირინა დათაშვილი

drpkhakadze#accreditationge#გიორგიფხაკაძე

გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე ამბობს, რომ საქართველოს ჯანდაცვაში იმდენი პრობლემაა, ფაქტიურად, საქართველოს ჯანდაუცველობა გვაქვს.

„საქართველოში სამედიცინო დაწესებულებების უდიდესი უმრავლესობა კერძო სექტორს ეკუთვნის. წინა მთავრობამ თქვა, ყველაფერი კერძო იყოს და ყველაფერს ბაზარი დაარეგულირებსო – შეცდნენ. ბაზარი ყველაფერს არ არეგულირებს, განსაკუთრებით, ჯანდაცვის სფეროში.

ჯანდაცვის სფეროში მივიღეთ სიტუაცია, რომ საბოლოო ჯამში სახელმწიფო ბიუჯეტი აფინანსებს ქვეყნის ჯანდაცვის 90%, მაგრამ ამ სერვისს კერძო კომპანიები აწვდიან. ვინ ახორციელებს ამ კერძო კომპანიების ხარისხის კონტროლს?! – არავინ!

მოლოდინი, რომ ბაზარი ყველაფერს დაარეგულირებს, რომ სამედიცინო დაწესებულებები თვითრეგულირებაზე გადავლენ, საკუთარი ნებით გაივლიან აკრედიტაციას, ხარისხის გაუმჯობესებაზე იზრუნებენ – უტოპიაა, რადგან ეს არავის აინტერესებს“, – განაცხადა გიორგი ფხაკაძემ.

მისი თქმით, ამ საკითხში სახელმწიფოს ჩართულობა აუცილებელია.

„ამ საკითხში სახელმწიფოს ჩართულობა აუცილებელია. ჯანდაცვის სფეროში რეგულირება უნდა იყოს უფრო ძლიერი. სამწუხაროდ, ჯანდაცვის სფეროში ლიბერალიზმმა ეფექტურობა არ აჩვენა.

რეალობა ისაა, რომ კერძო სექტორი მოგებაზეა ორიენტირებული, ეწევა ეკონომიას, რომ შეიძინოს შედარებით იაფი სამედიცინო სახარჯი მასალები, რაც საფრთხეს უქმნის ადამიანების ჯანმრთელობას.

პირდაპირ ვიტყვი – საქართველოში სამედიცინო დაწესებულებების უდიდესი უმრავლესობა არანაირ ინტერესს არ ავლეს, რომ საკუთარი ხარისხის დემონსტრირება მოახდინოს“, – აღნიშნა გიორგი ფხაკაძემ.

მისივე თქმით, ჯანდაცვის ხარისხს არ განსაზღვრავს მარმარილოთი მოპირკეთებული ფასადი, ფოიეში ნახატები და როიალი.

„ჯანდაცვის ხარისხს არ განსაზღვრავს მარმარილოთი მოპირკეთებული ფასადი, ფოიეში ნახატები და როიალი. ჯანდაცვის ხარისხს განსაზღვრავს ექიმების უწყვეტი სამედიცინო განათლება, ადეკვატურად კალიბრირებული ხარისხიანი აპარატურა, ხარისხიანი სამედიცინო სახარჯი მასალები, მედპერსონალის ადეკვატური ანაზღაურება და ა.შ.

საქართველოდან სამკურნალოდ ხალხი თურქეთში, ისრაელში და ევროპაში მიდის, ექთნები და სანიტრები საქართველოდან სხვა ქვეყნებში სამუშაოდ გარბიან – რა ჯანდაცვის სისტემის არსებობაზე ვსაუბრობთ?!

სოციალურ ქსელში ყოველ ფეხის ნაბიჯზე შეხვდებით თხოვნას, რომ ამა თუ იმ ადამიანის მკურნალობისთვის თანხაა შესაგროვებელი. ფონდის შექმნა არ არის გამოსავალი. სისტემა უნდა ჩამოყალიბდეს, რომ სახელმწიფომ მიხედოს თავის მოქალაქეს, როცა მას დახმარება სჭირდება.

დავუბრუნდები შიდა პრობლემებს. საქართველოში საგანგაშო სიტუაციაა, სამედიცინო დაწესებულებებში შიდაჰოსპიტალური ინფექციები პრაქტიკულად უკონტროლოა.

სანამ ქვეყანა არ აამოქმედებს სამედიცინო დაწესებულებების დამოუკიდებელი აკრედიტაციის სისტემას, არაფერი გვეშველება. ჩვენ გვჭირდება დამოუკიდებელი, სახელმწიფოსთან არააფილირებული ორგანიზაცია, რომელიც განახორციელებს საქართველოს სამედიცინო დაწესებულებების ობიექტურ შეფასებას. ეს სჭირდება ყველას და ამიტომ ხალხმა უნდა დააყენოს ეს მოთხოვნა, რომ საბოლოო ჯამში შეძლოს ხარისხიანი ჯანდაცვის მიღება.

გავაკეთე სამედიცინო აკრედიტაციის სისტემა, შევთავაზე – დუმილი. კი, ბატონო, ჩემი არ გინდათ, სხვაგან გააკეთეთ, ოღონდ გააკეთეთ!

ჩემნაირი ადამიანი პოლიტიკაში არ გამოგადგებათ. მე ვამბობ იმას, რასაც ვფიქრობ. პოლიტიკა კომპრომისებზე დგას. მე შეიძლება, რაღაც კომპრომისებზე წავიდე, მაგრამ როცა საქმე ადამიანის სიცოცხლეს ეხება, ჩემთვის ეს არის ის წითელი ხაზი, სადაც კომპრომისი არ არსებობს.

საშიშია ის, რაც საქართველოს ჯანდაცვაში ხდება. ეს არის „გზა არსაით“. სამწუხაროა, რომ გიორგი ფხაკაძე ეხმარება მსოფლიოს მრავალ ქვეყანას ჯანდაცვის სისტემების გაუმჯობესებაში, მაგრამ საქართველოში ფხაკაძე არავის სჭირდება, აქ ხომ „ყველაფერი იციან“.

ჩვენ გვჭირდება არა ათასი რაღაცის გაერთიანებული, არამედ ცალკე ჯანდაცვის სამინისტრო, რომელიც პროფესიონალი და კეთილსინდისიერი ადამიანებით დაკომპლექტდება და იქნება პოლიტიკისგან აბსოლუტურად დაცლილი.“, – აღნიშნა მან.

როგორც გიორგი ფხაკაძემ აღნიშნა, პოლიტიკოსები უნდა შეთანხმდნენ, რომ ხელს არ ახლებენ ჯანდაცვას და ამ დარგს მხოლოდ პროფესიონალებმა მიხედონ.

„პოლიტიკოსები უნდა შეთანხმდნენ, რომ ხელს არ ახლებენ ჯანდაცვას და ამ დარგს მხოლოდ პროფესიონალებმა მიხედონ. როგორც ომბუდსმენს ირჩევენ 5 წლის ვადით, ასევე უნდა მოხდეს ჯანდაცვის მინისტრს არჩევა. ჯანდაცვის მინისტრს უნდა მიეცეს მანდატი, რომ განახორციელოს რეალურად საჭირო რეფორმები, რომელიც შეიძლება, ზოგიერთებისთვის არაკომფორტული აღმოჩნდეს.

ჯანდაცვის მინისტრი უნდა იყოს დამოუკიდებელი, ზეპარტიული ადამიანი. მან განახორციელოს ისეთი რეფორმები, რომელიც შესაძლოა, არაკომფორტული და არაპოპულარული იყოს გარკვეული წრეებისთვის, მაგრამ მინისტრს უნდა ჰქონდეს გარანტია, რომ შეძლებს ამ რეფორმის ბოლომდე მიყვანას და არ იქნება დამოკიდებული მთავრობის შეცვლაზე.

მინისტრის არჩევისას მან უნდა წარადგინოს მკაფიო საპროგრამო გეგმა, რას გააკეთებს ამ 5 წელიწადში. მისი არჩევა ამ პროგრამის მიხედვით უნდა მოხდეს და არა პარტიული კუთვნილებიდან გამომდინარე. ის უნდა იყოს აბსოლუტურად დაცლილი პოლიტიკური კონიუქტურისგან, რომ რეალური რეფორმის განხორციელება შეძლოს.

კოსმეტიკური რეფორმები საქმეს არ შველის. სამედიცინო დაწესებულებების აკრედიტაცია არის მხოლოდ ერთ-ერთი საშუალება, რომელიც არსებულ მძიმე სიტუაციას ცოტათი გააუმჯობესებს, მაგრამ რევოლუციას ვერ მოახდენს. აქვე ვიტყვი, ჯანდაცვის მინისტრი ვერ უნდა ჩაერიოს რომელიმე დაწესებულებისთვის აკრედიტაციის მინიჭების საქმეში.

ჩემი ამოცანა და დღის წესრიგია, რაც შეიძლება, ნაკლები ავადმყოფი ადამიანი იყოს ქვეყანაში, რაც შეიძლება ნაკლები ადამიანი წავიდეს სამკურნალოდ უცხოეთში და ადგილზე გვექნეს იმავე ხარისხის ჯანდაცვა, რაც მოწინავე სახელმწიფოებს აქვთ.

სამოქმედო პროგრამა მარტივია: გამართული პირველადი ჯანდაცვა; ყველა სამედიცინო დაწესებულება პასუხობდეს მინიმალურ სტანდარტებს; ის ნოზოლოგიები, რასაც კარგად ვმკურნალობთ, გავაუმჯობესოთ; ყოველწლიურად დავნერგოთ რამდენიმე ნოზოლოგიის ახალ-ახალი მკურნალობა, ოღონდ უმაღლესი სტანდარტებით. დანერგვა ნიშნავს იმას, რომ ამ დაავადების მქონე ადამიანს არ დასჭირდება უცხოეთში წასვლა, ადგილზე შეძლებს მკურნალობას.

ეს არის ჯანდაცვის მინისტრის სამოქმედო გეგმა, გადაიღეთ, იმოქმედეთ, მე ჩემთვის არ გთხოვთ.

ხარისხიანი ჯანდაცვა არ არის ფუფუნება, ეს არის უფლება! ამის გაგება და დანერგვა უნდა მოხდეს! ხარისხიანი ჯანდაცვის ხელმისაწვდომობა – ეს უნდა იყოს ყველა პოლიტიკური პარტიის უპირველესი ლოზუნგი და ნებისმიერი ხელისუფლების უმთავრესი საზრუნავი!” – განაცხადა გიორგი ფხაკაძემ ვიდეომიმართვისას.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

გიორგი ფხაკაძე – “ჩინური ვაქცინები ნაკლებად ეფექტურია… სინოვაკით აცრილი ჩილე კარანტინზე იკეტება”

მიერ

ივნისი 23, 2021

აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე წერს:

“ვაქცინირებულებისთვის “პრივილეგიებზე” საუბარიც კი დანაშაულია საქართველოში ჩილე იკეტება კარანტინზე, 11 ქალაქი თავისი დედაქალაქით ქვეყნის მოსახლეობა – 17.5 მილიონი 17.2 მილიონი აცრა სინოვაკით 4.6 მილიონი აცრა ფაიზერით 1 მილიონი აცრა ასტრაზენეკათი 58% ორი დოზით და 75% ორივე დოზით არიან აცრილები (11/06/2021) მსოფლიოში ერთ-ერთი მოწინავე ვაქცინირებული ქვეყანა ბოლო 2 კვირა ინფიცირებულების რაოდენობა გაიზარდა ქვეყანაში […]

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

წყარო: https://akhalitaoba.ge/page/7/?s=%E1%83%92%E1%83%98%E1%83%9D%E1%83%A0%E1%83%92%E1%83%98%20%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94&fbclid=IwAR36eMpu8n35rwzpErkErwpdTW-9hngkOpS4dhI7TE0RhPjGqvZu3P-LQVY

Prepared by: ირინა დათაშვილი #datashvil

„ერთი კვირის უკან გაგაფრთხილეთ, ჩინეთში კოვიდის აფეთქება დაიწყო….“ – ჩინეთის ხელისუფლება მკაცრ…

მიერ

ივნისი 23, 2021

16/03/2022

ავტორი: ირინა დათაშვილი

„ერთი კვირის უკან გაგაფრთხილეთ, რომ ჩინეთში კოვიდის აფეთქება დაიწყო….
სანამ სხვა არ იტყვის, არ მიჯერებთ …
ჯანმრთელობას გისურვებთ

P.S. დამიჯერეთ ხოლმე …
ჩინური კოვიდ ვაქცინები არაეფექტურები არიან უკვე ბოლო 7-9 თვე…“ – წერს „აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე.

COVID-19-ის შემთხვევების მკვეთრი ზრდის გამო, ჩინეთში 15 მარტის მდგომარეობით, 37 მილიონი ადამიანი იზოლაციაშია. პანდემიის დაწყებიდან ქვეყანაში ეს კორონავირუსის ყველაზე დიდ აფეთქებად ითვლება, ინფორმაციას CNN-ი ავრცელებს.

დიდ ქალაქებში ნაწილობრივ აკრძალულია სახლიდან გასვლა. 13 მარტიდან ქვეყნის სამხრეთით, დაახლოებით 17,5 მილიონიანი მოსახლეობის მქონე შენჟენში (გუანდონგის პროვინცია) ერთკვირიანი იზოლაციის რეჟიმი გამოცხადდა. მოსახლეობას ქალაქიდან გასვლა ეკრძალება. იმ ორგანიზაციებისა, რომლებიც უზრუნველყოფენ საკვებს, საწვავს და ძირითად საქონელს, ვალდებულნი არიან, ან შეაჩერონ მუშაობა ან გადაიყვანონ თანამშრომლები დისტანციურ სამუშაოზე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

გიორგი ფხაკაძე – “ანტივაქსერი დედის 4 წლის გოგონა კოვიდით გარდაიცვალა”

მიერ

ივნისი 23, 2021

„ანტივაქსერები მთელი მსოფლიოდან ხდებიან თავისივე ბრძოლის მსხვერპლნი“, – ამის შესახებ სოციალურ ქსელში აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე წერს.

„დღეს კოვიდით გარდაიცვალა კიდევ ერთი, ყველაზე დიდი და ყველაზე აქტიური ანტივაქსერი ისრაელში, ბატონი ჰაი შოულიანი, ამერიკაში ქალბატონი ვერონიკა ვალსკი და ასევე ამერიკაში კოვიდით გარდაიცვალა 4 წლის ულამაზესი ანგელოზი გოგო, კელი კოოკი. ამ პატარა გოგონას დედა ანტივაქსერი იყო […]

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

წყარო: https://akhalitaoba.ge/page/5/?s=%E1%83%92%E1%83%98%E1%83%9D%E1%83%A0%E1%83%92%E1%83%98+%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94&fbclid=IwAR3NXoP3pPuilet95iuZt-y_yOcij22TEC2bDh8w9VF2R2bgQYC2S-puLF8

Prepared by: ირინა დათაშვილი #datashvil

„ერთი რამე ახასიათებს ამ შტამებს… ვისაც გაქვთ ქრონიკული დაავადებები…“-გიორგი ფხაკაძე

მიერ

ივნისი 23, 2021

31/05/2021

ტორი: ირინა დათაშვილი

ლინკი: https://www.accreditation.ge/post/%E1%83%A2%E1%83%A7%E1%83%A3%E1%83%98%E1%83%9A%E1%83%98-%E1%83%A3%E1%83%9C%E1%83%93%E1%83%90-%E1%83%98%E1%83%A1%E1%83%AF%E1%83%94%E1%83%91%E1%83%9D%E1%83%93%E1%83%94%E1%83%A1-%E1%83%9A%E1%83%98%E1%83%AA%E1%83%94%E1%83%9C%E1%83%96%E1%83%98%E1%83%98%E1%83%A1-%E1%83%A8%E1%83%94%E1%83%A9%E1%83%94%E1%83%A0%E1%83%94%E1%83%91%E1%83%98%E1%83%A1-%E1%83%A1%E1%83%90%E1%83%99%E1%83%98%E1%83%97%E1%83%AE%E1%83%98-%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94

გვესაუბრა პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე:

„ინდური შტამი არის იგივე ბრიტანული შტამი, ინდური შტამი უფრო სწრაფად ვრცელდება, ვრცელდება უფრო ახალგაზრდებში და ბავშვებში. უჰანის ვირუსი უკვე დამარხულია. თითქმის აღარ არსებობს საქართველოში. ძირითადად ბრიტანული შტამია გავრცელებული.

როცა ვთქვი, საქართველოში უკვე იყო გავრცელებული ბრიტანული შტამი, მთავრობა ჯიუტად ამბობდა, არ იყო გავრცელებული, ერთი თვის შემდეგ კი აღიარეს, რომ იყო..

ინდურ შტამთან დაკავშირებით სანერვიულო არაფერია. სიკვდილიანობასთან დაკავშირებით იგივე მაჩვენებელია, მკურნალობაც იგივეა. ამ კუთხით არაფერი შეცვლილა.

რაც შეეხება ვაქცინებს. ერთი თვის წინ არანაიარი კვლევა არ არსებობდა ინდური შტამის წინააღმდეგ, მიმდინარეობდა კვლევის პროცესი, არ იყო შედეგები დადებული. რამდენიმე დღის წინ დაიდო პირველი შედეგები და ისიც მარტო 1000 ადამიანზე.

ეს პატარა კვლევა გვეუბნება:

1.„ფაიზერის“ ვაქცინა არის უფრო ეფექტური როგორც ბრიტანული, ასევე ინდური შტამის წინააღმდეგ. ბრიტანული შტამის წინააღმდეგ არის 94%, ინდური შტამის წინააღმდეგ არის 88% ეფექტურობა. მეორე დოზას როცა გაიკეთებთ, – დაცულობა არის ორი კვირის შემდეგ.

2. „ასტრაზენეკას“ ვაქცინის შემთხვევაშიც არის იგივე, მეორე დოზას როცა გაიკეთებთ, – დაცულობა არის ორი კვირის შემდეგ. საუბარი არის ასევე, – სამი კვირის შემდეგ დგება ეს დაცულობა. ბრიტანული შტამის წინააღმდეგ ეფექტურობა არის 66%, თუ 100 ადამიანი გაიკეთებს „ასტრაზენეკას“ ვაქცინას, 66 ადამიანი იქნება დაცული, 44 ადამიანი არ იქნება დაცული ბრიტანული შტამისგან.

ინდურ შტამთან მიმართებაში კვლევამ აჩვენა, რომ არის 60%, – 100 ადამიანი გაიკეთებს „ასტრაზენეკას“ ვაქცინას, 60% იქნება დაცული, 40% არ იქნება დაცული.

სხვა „გოგლი-მოგვლი“ ვაქცინების შესახებ არანაირი კვლევა არ არის ჩატარებული დამოუკიდებელი ექსპერტების მიერ.

როცა ამბობენ, რომ ჩინური ვაქცინაც კარგია, ამასთან დაკავშირებით არ არსებობს არც ერთი კვლევა დამოუკიდებელი ექსპერტების მიერ ჩატარებული. „მელამ თავის კუდი მოწმედ მოიყვანა“, – არ გვინდა ასეთი კვლევები!

ის ვარაუდები, რომლებიც არსებობს ამჟამად ჩინურ ვაქცინასთან დაკავშირებით, ხომ ნახეთ სეიშელის მაგალითი სახეზეა, ასევე გაერთიანებული ემირატების კვლევები (იქ აწარმოებენ იმ ვაქცინას, რომელიც საქართველოშია ჩამოტანილი). იქ ჩატარებულ კვლევებთან დაკავშირებითაც არის ძალიან ბევრი კითხვის ნიშანი!

ჩათვალეთ, რომ გიორგი ფხაკაძე ჩინურ ვაქცინასთან დაკავშირებით არის ყველაზე დიდი ანტივაქსერი.

ძლიერ მარეგულირებლებზე თუ ვლაპარაკობთ საქართველოში, ძლიერი მარეგულირებელი არის აშშ. აშშ-ში კი არის ფაიზერი, მოდერნა და ჯონსონი და ჯონსონი. ევროკავშირმა მიიღო გადაწყვეტილება, პირველი ივლისიდან იქნება კოვიდპასი. ვინაიდან ძალიან ბევრი ყალბი ტესტები იყო ევროკავშირში და ევროკავშირის გარეთ.

საქართველოში, ერთ-ერთი კლინიკა თურმე ყიდის კოვიდპასპორტებს, ეს არის დანაშაული! კოვიდტესტები არის უფასო!

ვაშინგტონ პოსტისა და ნიუ იორკს ტაიმსის სააგენტოებმა სათაურად დაწერეს, რომ ვირუსი შეიძლება იყოს მთელი ცხოვრება. ეს არის ტყუილი. ამ ყალბ ინფორმაციას რატომ არ ბლოკავთ? მე რომ გადამეკიდეთ!

ახლა გეტყვით, სიმართლე რა არის:
2007 წელს დაიბეჭდა ძალიან საინტერესო სტატია, ადამიანი, რომელიც გადაიტანს ნებისმიერი ტიპის ვირუსს, არის შანსი, თეორიასთან არის უფრო ახლოს, რომ ადამიანის ძვლის ტვინში ინახება ეს ინფორმაცია, პრაქტიკულად ჩვენ ამას ვსწავლობთ და მთელი ცხოვრების მანძილზე, შეიძლება 10 წელიწადი და უფრო დიდი ხანი ეს ინფორმაცია არის ჩვენში და ჩვენ შეგვიძლია გამოვიმუშაოთ ანტისხეულები.

ამ 2007 წლის სტატიის საფუძველზე გაკეთდა ძალიან პატარა კვლევა – 77 ადამიანზე. კვლევა ამბობს, რომ ადამიანებმა, ვინც გადაიტანა კოვიდი, შესაძლებელია ვირუსმა ჩვენი ორგანიზმი ისწავლოს და ანტისხეულები ჩვენს ორგანიზმში იყოს 10 წელი და მეტი. გამიხარდებოდა, ეს სიმართლე რომ იყოს. ჩვენ გვაქვს არაერთი ქეისი, რომ არის რეინფიცირება. ფაქტია, რომ ძალიან დიდი რეინფიცირების შემთხვევები არ არის. 2007 წლის თეორიას რაღაც საფუძველი აქვს, მაგრამ რეალურად საზოგადოებრივი ჯანდაცვის კუთხით მე ამაზე ფოკუსირებას არ გავაკეთებდი. ყველა მთავარი მომენტი, იგივე კვლევაში ნახეთ, ინგლისურად წერია, რომ ის ადამიანები, ვინც ვაქცინა გაიკეთა, მათზე ეს არ ვრცელდება, შესაძლებელია, ვინც გაიკეთა ვაქცინა, 6-დან 12 თვემდე მოუწევს.
ჩინურ ვაქცინაზე ვნახეთ, რომ გაერთიანებულ ემირატებში სამი თვის შემდეგ კიდევ იკეთებენ უკვე მესამე დოზას, იმიტომ ვერ ქაჩავს. – რატომ? – ამას ნუ მეკითხებით! – გაერთიანებული ემირატებში შეეკითხეთ მკვლევარებს და საზოგადო ჯანდაცვის ექსპერტებს!

სამედიცინო პირბადეზე დაცვის კარგი საშუალება არ არსებობს!
ვირუსებს ახასიათებს მუტაცია, ეს ნორმალური პროცესია!

ხუმრობით ვთქვი, შეიძლება ქართული შტამიც იყოს, მეგრულიც, გურულიც და კახურიც… რაც ხდება ახლა ქვეყანაში, მეშინია, იმერული ვირუსიც არ დაგვემართოს… ვირუსის გავრცელებას სჭირდება ბევრი ხალხი, თუ არ იქნება ვირუსის გავრცელება, მუტაციაც არ იქნება. ალბათ თვითმიზანი გვაქვს, რომ გვქონდეს ჩვენი „ეროვნული შტამი!“

ერთი რამე ახასიათებს ამ შტამებს. გარკვეული მიზეზების გამო უფრო ძლიერი შტამი შთანთქავს მეორე შტამს. ბრიტანულმა შტამმა აჯობა ფრანგულ შტამს.

ინდური შტამი ვრცელდება უკვე ბრიტანეთში ძალიან აგრესიულად, ვინაიდან „ასტრაზენეკას“ ეფექტურობა არის მარტო 60%.
ვისაც გაქვთ ქრონიკული დაავადებები, აუცილებლად უნდა აიცრათ, რადგანაც კოვიდს ვერ გადაიტანთ.

თუ აიცრებით „ასტრაზენეკას“ ვაქცინით საქართველოში, დაცული ხართ 66%-ით, ვინაიდან ქვეყანაში გავრცელებული არის ბრიტანული შტამი, ინდური შტამის შემთხვევაში იქნება 60%.
ყველაფერი იქნება კარგად! დამშვიდდით, დაწყნარდით, შეიარაღდით სწორი ინფორმაციით!!!“ – გვესაუბრა პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе