კანადის ვიზა საქართველოს მოქალაქეებისთვის ერთ-ერთი რთულად მისაღებ ვიზად ითვლება. გაგაცნობთ, რა უნდა გავითვალისწინონ კანადის ვიზის მიღების მსურველებმა და როგორია თვითონ სავიზო პროცესი…
კანადის ტურისტული ვიზის განაცხადი ივსება ონლაინ IRCC პორტალზე. https://www.canada.ca/en/immigration-refugees-citizenship/services/visit-canada/portal-application-process.html
აბსოლუტურად ყველა საბუთი იტვირთება ზემოთხსენებულ პორტალზე.
სავიზო მოსაკრებლის გადახდა ასევე ხდება პორტალზე საკრედიტო ან სადებიტო ბარათის მეშვეობით. სავიზო აპლიკაციის დასრულების შემდეგ თქვენ ელექტრონულ მისამართზე მოგივათ შეტყობინება ბიომეტრიული მასალების მოთხოვნის თაობაზე.
ეს ბიომეტრიული მასალები ითვალისწინებს თითის ანაბეჭდების აღებას და ასევე ბიომეტრიულ ფოტოსურათს. ბიომეტრიული მასალების შეგროვებას ახორციელებენ სპეციალური სავიზო ცენტრები. ასეთი ცენტრი არის საქართველოშიც, კერძოდ თბილისში, ყიფშიძის ქ. #9. ბიომეტრიული მონაცემების ჩაბარების ხარჯების გადახდა მოგიწევთ ცალკე – ეს მომსახურება არ შედის ვიზის საფასურში.
აშშ-ის სავიზო პროცედურისგან განსხვავებით – კანადის ვიზის მისაღებად თქვენ ინტერვიუზე გასვლა არ დაგჭირდებათ, თუმცა ეს არ ნიშნავს რომ კანადის ვიზის მიღება არის უფრო მარტივი, ვიდრე ამერიკის.
დიდი მნიშვნელობა ენიჭება სამოგზაურო ისტორიას და თქვენს ფინანსურ მდგომარეობას. ასევე უნდა გაითვალისწინოთ, რომ კანადის ვიზის მიღება შეიძლება საკმაოდ ხანგრძლივი პროცესი აღმოჩნდეს – მაგალითად, ჩემს შემთხვევაში მოლოდინის პერიოდმა თითქმის 6 თვე შეადგინა!
კანადის სავიზო პროცედურის ბოლო ეტაპი არის უკვე დადასტურებული სავიზო სტიკერის პასპორტში ჩაკვრა. ამ პროცედურას ახორციელებს ისევ სავიზო ცენტრი. მას შემდეგ, რაც თქვენ მიიღებს ელექტრონულ ფოსტაზე პასპორტის მოთხოვნის შეტყობინებას – თქვენ შეგიძლიათ მიმართოთ კანადის ნებისმიერ სავიზო ცენტრს, რომელიც თქვენ უკვე ვიზიან პასპორტს დაგიბრუნებთ. უნდა გაითვალისწინოთ ისიც, რომ სავიზო ცენტრი თქვენს პასპორტს კანადის საკონსულოში ფოსტით გააგზავნის, რაც დამატებით დროს საჭიროებს.
გისურვებთ ბედნიერ მოგზაურობას!
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად🌍🏠
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5️⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4️⃣ უმაღლესი განათლება და ჯეროვნად ვფლობ 🔟 ენას. ვარ ნამყოფი 6️⃣5️⃣ ქვეყანაში და 6️⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე ❤️ #iraklininua
მასალის გამოყენების პირობები
