სურსათის უვნებლობის სპეციალისტი ირაკლი არაბული მოსახლეობას ხშირად უზიარებს სასარგებლო რჩევებს.
სურსათის უვნებლობის სპეციალისტი გვიზიარებს ვიდეოს, სადაც განმარტავს, რატომ არ შეიძლება მარწყვის სოდიან წყალში გარეცხვა.
„მარწყვის სოდიან წყალში გარეცხვა რეკომენდებული არ არის, რადგან სოდის ტუტე ხსნარი ნაყოფის ნაზ ზედაპირს აზიანებს. შედეგად, მარწყვი სწრაფად რბილდება და ლპობის პროცესი უფრო მალე იწყება.
თუ გსურთ სახლის პირობებში მარწყვის უსაფრთხოდ დამუშავება, უკეთესი არჩევანია ძმრის ხსნარი — ერთ ლიტრ წყალში დაამატეთ ერთი სუფრის კოვზი ძმარი და მარწყვი ამ ნარევით გარეცხეთ. ასევე შესაძლებელია სპეციალური ხილ-ბოსტნეულის სარეცხი ხსნარების გამოყენებაც,“ — აცხადებს ირაკლი არაბული.
