შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა-მოყვანის ბრალდებით 1992 წელს დაბადებული, წარსულში სხვადასხვა დანაშაულისთვის ნასამართლევი ნ.შ. დააკავეს, – ინფორმაციას შსს ავრცელებს.
დანაშაული 12 წლამდე ვადით თავისუფლების აღკვეთას ითვალისწინებს.
“სამართალდამცველებმა, ნარკოდანაშაულის ბრალდებით დაკავებული ნ.შ.-ს საცხოვრებელი სახლის ჩხრეკისას, ნარკოტიკული საშუალების შემცველი მცენარის კულტივირებისთვის მოწყობილი სპეციალური სათბურიდან, განსაკუთრებით დიდი ოდენობით 25 ძირი “მცენარე კანაფი” ნივთმტკიცებად ამოიღეს”, – აღნიშნულია შსს-ს განცხადებაში.
გამოძიება საქართველოს სისხლის სამართლის კოდექსის 265-ე პრიმა მუხლის მე-3 ნაწილით მიმდინარეობს.
QR კოდი
სტატიის ციტირება
შენი ამბები. (2025). სახლში მოწყობილი სპეციალური სათბური, განსაკუთრებით დიდი ოდენობით 25 ძირი “მცენარე კანაფი”-შსს-მ წარსულში სხვადასხვა დანაშაულისთვის ნასამართლევი პირი დააკავა. 10 სექტემბერი, 2025. https://sheniekimi.ge/ambebi/სახლში-მოწყობილი-სპეციალ/
