სურსათის უვნებლობის ექსპერტი ირაკლი არაბული ამბობს, რომ ბაზარზე არსებული ნიტრატებს დოზის გასაზომი აპარატები დაახლოებით 30%-იან ცდომილებას იძლევა და მათი მონაცემები ლაბორატორიულ კვლევებთან შედარებით მხოლოდ საეჭვო შემცველობის მინიშნებად უნდა იქნეს აღქმული.
„ეს აპარატი იძლევა 30%-იან ცდომილებას და მწარმოებელიც მსგავს რეკომენდაციას იძლევა.
ისეთი შედეგის მიღება, როგორიც ლაბორატორიაშია შესაძლებელი, ამ აპარატით ვერ მოხდება, რადგან ის სხვა მეთოდებით ადგენს მონაცემებს. ეს აპარატი უბრალოდ გაძლევს მინიშნებას, რომ პროდუქტში შესაძლოა საეჭვო რამ იყოს და მომხმარებელმა ყურადღება უნდა მიაქციოს.
რაც შეეხება ნიტრატებს — როგორც ბოლო კვლევები აჩვენებს, თუ ადამიანი ერთ ჯერზე მიიღებს ისეთ პროდუქტს, რომელშიც ნიტრატების რაოდენობა ძალიან მაღალია (მაგალითად, კილოგრამობით), შესაძლებელია მისმა ზემოქმედებამ იმავე მომენტში იმოქმედოს. თუმცა რეალურად ადამიანი კილოგრამობით არც ერთ ხილსა და ბოსტნეულს არ იღებს.
თუ მაინც მოხდა დიდი რაოდენობით ნიტრატების მიღება, მათ აქვს თვისება, რომ მომენტალურად გამოიწვიოს გარკვეული სიმპტომები — როგორიცაა გულისრევა, თავბრუსხვევა და ა.შ.
რაც მთავარია, ბოლო კვლევების მიხედვით ნიტრატები ორგანიზმში არ რჩება“, – ამბობს ირაკლი არაბული „პრაიმტაიმთან“ საუბრისას.
Greentest-ის მსგავსი ტესტერები არ ზომავს ნიტრატების რაოდენობას – გიორგი ფხაკაძის სკანდალური განცხადება