„ირანმა და ისრაელმა უნდა დადონ შეთანხმება და დადებენ, ზუსტად ისე, როგორც ინდოეთსა და პაკისტანს დავადებინე. იმ შემთხვევაში ეს მოხდა აშშ-თან ვაჭრობის გამოყენებით, რათა მიგვეცა მიზეზი და საღი გონება მოლაპარაკებებისთვის იმ ორი შესანიშნავი ლიდერის მონაწილეობით, რომლებმაც სწრაფად მიიღეს გადაწყვეტილება და ყველაფერი შეწყვიტეს“, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
ტრამპი აღნიშნავს, რომ მისი ჩარევის შედეგად ისრაელსა და ირანს შორის მალე მშვიდობა იქნება.
„ჩემი პირველი ვადის დროს სერბეთი და კოსოვო ებრძოდნენ ერთმანეთს, როგორც ეს ათწლეულებია, ხდება და ამ ხანგრძლივ კონფლიქტს უკვე ომში გადაზრდა ემუქრებოდა. მე ეს შევაჩერე (ბაიდენმა გააფუჭა გრძელვადიანი პერსპექტივები ძალიან სულელური გადაწყვეტილებებით, მაგრამ მე ამას ისევ გამოვასწორებ!). კიდევ ერთი საკითხია ეგვიპტე და ეთიოპია და მათი დაპირისპირება დიდ კაშხალთან დაკავშირებით, რაც დიდ გავლენას ახდენს მშვენიერ მდინარე ნილოსზე. ახლა მშვიდობაა ჩემი ჩარევით და ასე გაგრძელდება! იგივე მოხდება ისრაელსა და ირანს შორის, მალე მშვიდობა იქნება! ახლა უამრავი ზარი და შეხვედრა მიმდინარეობს. ბევრ რამეს ვაკეთებ და არ ველოდები დიდ ყურადღებას ან მადლობას, მაგრამ ეს არაფერია, ხალხმა იცის, რაც ხდება. გავხადოთ ახლო აღმოსავლეთი კვლავ დიდებული!“ – წერს დონალდ ტრამპი.
