ვის შემოაქვს საქართველოში რძე, რძის იმპორტიორი კომპანიები

სტატისტიკის სამსახურის მიერ მოწოდებული ინფორმაციით, საქართველოში რძის იმპორტიორი კომპანიები არიან:

1. შპს აგროტრეიდი 22 – 2022 წელს რეგისტრირებული კომპანიის წილის 50%-ს ზურაბი გორგაძე ფლობს 50%-ს კი, თეიმურაზ გოგიშვილი;
2. შპს აგროჰაბი – კომპანიის მფლობელი აკაკი ახვლედიანია;
3. შპს ბბ კომპანი – 2002 წელს რეგისტრირებული კომპანია ალექსანდრე ბერიძეს უკუთვნის;
4. შპს ვიმ-ბილ-დან საქართველო – რუსეთში რეგისტრირებული სააქციო საზოგადოება ვიმ-ბილდანი ფლობს;
5. შპს ინტრეიდი – 100% სააქციო საზოგადოება ნიკორას ეკუთვნის. კომპანიას საერთო კრება მართავს, რომლის თავმჯდომარეც ვასილ სუხიაშვილია, მოადგილე გურამ ცერცვაძე და ირაკლი ნიკოლეიშვილი. წევრები: დავით დუმბაძე, დავით ცირეკიძე, გელა არობელიძე და რუსეთის მოქალაქე ოლეგ გუბანოვი. გენერალური დირექტორია ირაკლი ბოქოლიშვილი;
6. შპს ლაქტალის ჯორჯია – კომპანიას ბელგიაში რეგისტრირებული სააქციო საზოგადოება B.S.A.
   International-ი ფლობს;
7. შპს სავაჭრო გუნდი – კომპანიას ოთხი მფლობელი თანაბრად 25%-იანი წილებით ინაწილებენ. ფლობენ: ილია შარიქაძე, სოფო სუხიაშვილი, თამარ ჯერენაშვილი, ნიკა სუხიაშვილი;
8. შპს ფუდსერვისი – კომპანიას შპს ჰოლდინგ. ჯი ფოლობს, რომელის თავის მხრივ, არჩილ გეგენავას საკუთრებაა;
9. შპს ჯეო-კოოპ – 2009 წელს რეგისტრირებული კომპანია საქართველოსა და სომხეთის ორმაგი მოქლაქის ჰმაიაკ არსენიანის საკუთრებაა;
10. შპს ჯორჯიან ფუდ ქორფორეიშენი – კომპანია შპს გუდვილ ინვესტის შვილობილია, რომელიც ლეილა ქავთარაძეს ეკუთვნის. ორივე შემთხვევაში, თვითონაა დირექტორიც.