ბრიტანელმა მეცნიერებმა იდეალური ჩაის ფორმულა შექმნეს. სპეციალისტებმა სასმელის ოპტიმალური ტემპერატურა და შემადგენლობა დაადგინეს.
ექსპერიმენტი მოხალისეების დახმარებით ჩაატარეს. მთლიანობაში კვლევის დროს 285 ჭიქა ჩაი დაილია. კვლევას 180 საათი დასჭირდა. შედეგების მიხედვით, მეცნიერებმა შეძლეს იდეალური არომატის ჩაის ფორმულა მიეღოთ.
ავტორების დასკვნების თანახმად, ჩაის 1 პაკეტს აუცილებლად 200 მლ მდუღარე წყალი (100° ცელსიუსი) უნდა დავასხათ. ჩაი 2 წუთის მანძილზე უნდა დავაყენოთ, ამის შემდეგ მას 10 მლ რძე ემატება. (არ არის მითითებული რძის ცხიმიანობა).
6 წუთის შემდეგ, სასმელის ტემპერატურა დასალევად ოპტიმალურ ტემპერატურას – 60° მიაღწევს. ადამიანმა ჩაი სწორედ ამ დროს უნდა დალიოს.
მეცნიერები ამბობენ, რომ ჩაისთვის რძის დამატება ანეიტრალებს ჩაის ბუნებრივ მწარე გემოს და სასმელს უფრო მსუბუქს ხდის.
მომზადებულია telegraf.lv-ის მიხედვით.
