მანჩესტერში მცხოვრებმა ქალბატონმა საკუთარი შვილი პოლიციაში საღეჭი რეზინის მოპარვის გამო მიიყვანა.
ინგლისელმა ქალბატონმა შემთხვევით ნახა დანაშაულის ამსახველი კადრები და ქურდებს შორის საკუთარი შვილი ამოიცნო.
როგორც აღმოჩნდა, 14 წლის ბიჭს საღეჭი რეზინი მოუნდა, ხოლო ფული თან არ ჰქონდა. მან მაღაზიის თაროზე ყველაზე იაფი, 1 ფუნტის ღირებულების საღეჭი რეზინი ამოარჩია და ჯიბეში ჩაიდო.
დედა აღაშფოთა შვილის საქციელმა და ის სასწრაფოდ სტრეტფორდში მდებარე პოლიციის განყოფილებაში წაიყვანა.
“ბიჭმა აღიარა დანაშაული და ნანობს თავის საქციელს. ის მშვენივრად სწავლობს სკოლაში, არის კომუნიკაბელური და კარგად აღზრდილი. დედა კი უბრალოდ შოკირებულია ქვეყანაში მომხდარი უკანასკნელი მოვლენების გამო და სწორედ ამიტომ მიიჩნია შვილის საქციელი საშინელ დანაშაულად”, – აცხადებს ოჯახის მეგობარი დომინიკ უოკლერი.
14 წლის ბიჭუნა ციხეს გადაურჩა, მაგრამ იგი 9 თვიან პირობით პატიმრობაში იმყოფება და ჯარიმის სახით 85 ფუნტის გადახდა მოუწევს.
მომზადებულია Lifenews.ru-ს მიხედვით.
