გუშინ, თბილისში, ბოჭორმის ქუჩაზე, სასროლეთში მომხდარ აფეთქებას 3 ადამიანის სიცოცხლე ემსხვერპლა. ერთ-ერთი გარდაცვლილი 2008 წლის აგვისტოს ომის და კოდორის სპეცოპერაციის მონაწილე, პოლკოვნიკი იური ლომიძეა, რომელიც დღესდღეობით “ბეთლგრაუნდის“ თანამშრომელი იყო.
მეორე დაღუპული კი ახალგაზრდა მამაკაცი რატი საგანელიძეა.
„ჩემო რატატუი, ჩემო შვილო, როგორ გაამწარე მშობლები, სული მეწვის ჩემო სიმპათიური ბიჭო. ვერ ვანუგეშებ შენს მაკას, რა ვუთხრა დედას რომელიც შენი ბედნიერებით ტკბებოდა, რით ვანუგეშო ჩემი მაკა სიტყვები უძლურია“,- წერს ახლობელი.
სასროლეთში გუშინ მომხდარი აფეთქების შედეგად დაშავებული სამი ადამიანი კლინიკაში რჩება. ერთი პაციენტი დამწვრობის ცენტრის რეანიმაციულ განყოფილებაში სხეულის 20%-იანი დამწვრობით არის მოთავსებული.
