თბილისის საქალაქო სასამართლომ დამნაშავედ სცნო კაცი, რომელიც 2006-2013 წლებში 14 წლის ასაკს მიუღწეველ დისშვილს სისტემატურად აუპატიურებდა – პირს 20 წლით თავისუფლების აღკვეთა მიესაჯა. ინფორმაციას საზოგადოებრივი ორგანიზაცია „პარტნიორობა ადამიანის უფლებებისთვის“ ავრცელებს.
„დაზარალებულმა პოლიციას სექსუალური ძალადობიდან დაახლოებით 9 წლის შემდეგ მიმართა. გაუპატიურების ფაქტიდან ხანგრძლივი დროის გასვლის მიუხედავად გამოძიებამ დაზარალებულის აქტიური ჩართულობით შეაგროვა საკმარისი მტკიცებულებები ბრალდების დასადასტურებლად“ – წერია PHR-ის „ფეისბუქ“ პოსტში.
