რომის ცენტრალურ, ისტორიულ უბანში, 80 წლის მამაკაცი, ცნობილი “ესპანური კიბეებიდან” ავტომობილით ჩამოვიდა და შუა გზაზე გაიჭედა. ინფორმაციას abcnews-ი ავრცელებს.
პოლიციის ცნობით, მამაკაცს ალკოჰოლის ტესტის პასუხი უარყოფითი იყო და ადგილზევე დააჯარიმეს რომის ისტორიულ ცენტრში მდებარე ძეგლიდან მანქანით ჩასვლის გამო. პოლიციამ მძღოლის ვინაობა არ დააკონკრეტა, ასევე არ გაასაჯაროვა მისი მანქანა იყო თუ არა და იყენებდა თუ არა ის ნავიგატორს.
მოგვიანებით, სახანძრო-სამაშველო ბრიგადებმა, სპეციალური ტექნიკის გამოყენებით, ავტომობილი მონუმენტიდან აიღეს. პოლიციამ მედიისთვის დამატებითი ინფორმაციის მიწოდების თხოვნას არ უპასუხა.
რომის ერთ-ერთი ყველაზე ცნობადი ძეგლი, ესპანური კიბე, არასდროს ყოფილა განკუთვნილი ავტომობილებისთვის, თუმცა ზოგიერთმა ექსტრემალური ექსტრემიზმის მოყვარულმა სცადა ბედი. საუდის არაბეთის მკვიდრს კულტურული მემკვიდრეობის განზრახ დაზიანების ბრალდება წაუყენეს მას შემდეგ, რაც სათვალთვალო კამერამ დააფიქსირა, თუ როგორ ჩადიოდა ის დაქირავებული „მაზერატით“ 135 ტრავერტინის კიბეზე 2022 წელს.
