პროფესორ გიორგი გახელაძის გარდაცვალებიდან 6 თვე გავიდა. მეუღლე ირმა მალაციძე სოციალურ ქსელში ემოციურ სტატუსს ავრცელებს და პოსტს თან ურთავს უკანასკნელ ერთობლივ ფოტოს:
„დღეს 6 თვე შესრულდა გიოს უცნაური წასვლიდან. ნახევარი წელი!
არ ვიცი, როგორ გავძელი ამდენი ხანი მის გარეშე, მაგრამ ერთი ხრიკი გამოვიგონე – უბრალოდ, ამოვაგდე თავიდან, რომ ეს ყველაფერი რეალურად მოხდა. ჩემმა ტვინმა თავდაცვის ისეთი უნარი გამოავლინა, რომ მე თვითონ მიკვირს. ასე უფრო იოლი გახდა რეალობასთან შეგუება.
გარემოს შეცვლა და შვილებთან გადასვლაც დამეხმარა და ცხოვრებას ვაგრძელებ, ვიბრძვი, ვმუშაობ და თქვენ წარმოიდგინეთ, ვსწავლობ კიდეც. იოლი არაა, ამ ასაკში ნულიდან რაიმეს დაწყება, პროფესიის შეძენა, მით უფრო, ფიქრის და დასწავლის უნარიც რომ უკვე რთულია, ყველაფრის გათვალისწინებით, მაგრამ იმაზე კერკეტი ვყოფილვარ, ვიდრე მეგონა. თანაც პირობა მივეცი, რომ ჩვენს შვილებს გზაზე დავაყენებ და შესასრულებელი მაქვს!
ეს ჩვენი უკანასკნელი ერთობლივი ფოტოა. გიოს წასვლამდე 4 დღით ადრე გადაღებული. იმ დღეს ისეთი ბედნიერი მეგონა თავი… ძალიან მენატრება“, – წერს ირმა მალაციძე.
