შინაგან საქმეთა სამინისტროს განცხადებით, დაკავებულია 21 წლის გიორგი ახალაიას მკვლელობაში ბრალდებული, 2006 წელს დაბადებული პირი (ლ.გ).
უწყების ცნობით, გამოძიებით დადგინდა, რომ ბრალდებულმა თბილისში, ერთ-ერთი ბარის მიმდებარე ტერიტორიაზე, ცივი იარაღით დაჭრა გიორგი ახალაია და შემთხვევის ადგილიდან მიიმალა.
დაჭრილი ახალგაზრდა სამედიცინო დაწესებულებაში გადაიყვანეს, თუმცა მისი გადარჩენა ვერ მოხერხდა.
სამართალდამცველებმა 18 წლის ბრალდებული მომხდარიდან რამდენიმე საათში, თბილისში დააკავეს.
განზრახ მკვლელობის ფაქტზე გამოძიება დაწყებულია სისხლის სამართლის კოდექსის 108-ე მუხლით, დანაშაული 15 წლამდე ვადით თავისუფლების აღკვეთას ითვალისწინებს.
QR კოდი
სტატიის ციტირება
შენი ამბები. (2025). 21 წლის გიორგი ახალაიას მკვლელობის ბრალდებით 18 წლის ახალგაზრდა დააკავეს. 17 მარტი, 2025. https://sheniekimi.ge/ambebi/21-წლის-გიორგი-ახალაიას-მკვ/
