ხონში, 50 წლამდე ქალი ყოფილმა სიძემ სანადირო თოფით დაჭრა.
არსებული ინფორმაციით, შუახნის ქალს ჭრილობა წელის არეში აქვს მიყენებული.
დაჭრილი ჯერ ხონის კლინიკაში შეიყვანეს, იქიდან კი, ქუთაისში გადაიყვანეს.
მისი მდგომარეობა სტაბილურია. გადაუდებელი ოპერაცია რეფერალურ ჰოსპიტალში ჩაუტარდა და ამ ეტაპზე მის სიცოცხლეს საფრთხე არ ემუქრება.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
