„ძლიერი წვიმა, თოვლი, სეტყვა და ქარის გაძლიერება“ – საქართველოში ამინდი უარესდება

გარემოს ეროვნული სააგენტოს ცნობით, 17-18 ოქტომბერს ამინდი მკვეთრად გაუარესდება.

სააგენტოს ინფორმაციით, დღეს და ხვალ საქართველოში მოსალოდნელია წვიმა, ზოგან ძლიერი, მაღალ მთაში ზოგან თოვლი, დასავლეთის მიმართულების ძლიერი ქარი, შესაძლებელია ელჭექი, სეტყვა, ზღვაზე 3-4 ბალიანი შტორმული ღელვა.

მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო)“