თბილისის მერმა, კახა კალაძემ, დედაქალაქის მთავრობის სხდომაზე თბილისის საბავშვო ბაღების აღსაზრდელებისათვის საახალწლო საჩუქრების გადაცემასა და ამ თემასთან დაკავშირებით, სიახლეების შესახებ ისაუბრა:
თბილისის მერმა კახა კალაძემ დედაქალაქის მთავრობის სხდომაზე განაცხადა, რომ საბავშვო ბაღების აღსაზრდელებისთვის საახალწლო საჩუქრების განახლებული პროგრამა უკვე მზად არის და მისი განხორციელება დაიწყო.
მისი თქმით, ყოველ წელს ხდება ნობათების შინაარსის განახლება, რათა საჩუქრები უფრო საინტერესო და მრავალფეროვანი იყოს. როგორც ის განმარტავს, მიმდინარე სეზონზე დაახლოებით 60 ათას ბავშვს ბაღებში გამართულ დღესასწაულებზე ტკბილეულისა და სათამაშოების სპეციალური ნაკრები გადაეცემა. საჩუქრები ყველა რეგისტრირებულ ბავშვს ეკუთვნის, გამონაკლისის გარეშე.
მისი თქმით, თითოეულ პაკეტში შესულია მაღალი ხარისხის ათი სახეობის ტკბილეული და რამდენიმე სანუკვარი სათამაშო, რომლებიც ეკოლოგიურად უსაფრთხო მასალებით არის დამზადებული და ახალი წლის თემატიკას ეხმიანება. ბაღებში საჩუქრების გადაზიდვა უკვე მიმდინარეობს და ხელშეკრულების პირობების მიხედვით, პროცესი 15 დეკემბრამდე დასრულდება.
