კამჩატკის რეგიონში ძლიერი მიწისძვრის შემდეგ ვულკანმა კლიუჩევსკაია-სობკამ ამოფრქვევა დაიწყო. ინფორმაციას რუსული მედია ავრცელებს.
ცხელი ლავა დასავლეთ ფერდობზე მიედინება. კამჩატკას სანაპიროსთან მომხდარი მიწისძვრა ყველაზე ძლიერი იყო მთელი დაკვირვების პერიოდში, რომლის მაგნიტუდამ 8.8-ს მიაღწია.
ჰიდრომეტეოროლოგიისა და გარემოს მონიტორინგის დეპარტამენტმა რეგიონში ოთხ მეტრამდე სიმაღლის ცუნამის ტალღა დაადასტურა. საგანგებო მდგომარეობა გამოცხადდა.
რუსეთის მთავრობამ კამჩატკის ნახევარკუნძულზე ცუნამის საფრთხის შესახებ გაფრთხილება გააუქმა. ცუნამის შესახებ ყველა გაფრთხილება გააუქმა იაპონიამაც, რდილოეთ და აღმოსავლეთ სანაპიროებზე საკონტროლო ზომები ძალაში რჩება.
