გურამ დადიანიძის გაუჩინარების საქმის ფარგლებში შსს იმ ტერიტორიის ხელახალ შემოწმებას იწყებს, საიდანაც 2014 წელს დაკარგულის კვალი გაქრა
როგორც უწყებაში აცხადებენ, სამძებრო ღონისძიებაში ჩაერთო შინაგან საქმეთა სამინისტროს 50-მდე თანამშრომელი, რომლებიც ადგილზე შესაბამისი ტექნიკური აღჭურვილობითა და სპეციალური საშუალებებით იმუშავებენ
ადგილზე იმყოფებოდა გურამ დადიანიძის დედა, სოფო ბიბილაშვილი.
აღნიშნულის შესახებ ცნობილი ელენიკო რუხაძის ვიდეომიმართვისას გახდა. ინფლუენსერმა ვიდეომიმართვაში -განმარტა, რომ არსებობენ ადამიანები, რომლებიც სოფოს პირადში „ხელს აფათურებენ,“ ვიღაცეები ძალიან გააქტიურდნენ, სოფოს პირადში ხელის ფათურით და მინდა აღვნიშნო, რომ სოფოს პირადი არავითარ კავშირში არ არის ბავშვის ძებნასთან.
ძალიან ბევრი აქვს თავის წარსულზე მოსაყოლი და ამას კიდევ უფრო ვრცლად მოგვიყვება, მაგრამ ერთი კომენტარი სოფოსაც აქვს თქვენთვის“ – ამბობს ელენიკო რუხაძე.
ვიდეომიმართვისას ისაუბრა გაუჩინარებული გურამ დადიანიძის დედამაც.
სოფო ბიბილაშვილი ამბობს, რომ მის პირად ცხოვრებასთან არაფერ შუაშია მისი შვილის დაკარგვა.
მან საზოგადოებას თანადგომისთვის მადლობა გადაუხადა:
„მე 12 წელია ერთადერთ შვილს ვეძებ და მხოლოდ ერთს გეტყვით, მარტო ის იკითხეთ, გურამმა ვიზა რატომ გააფუჭა და დედასთან რატომ დარჩა, რატომ არ უნდოდა საქართველოში ჩამოსვლა და რატომ დაურეკა ერთი კვირით ადრე დედას და რატომ სთხოვა სახლში წამიყვანეო… მეც მინდოდა წყნარი, მშვიდი ოჯახი. ერთადერთი შვილი მყავდა, ტკბილად ვზრდიდი.
ჩემს პირად ცხოვრებასთან საერთოდ არაფერ შუაშია გურიკას დაკარგვა, ამას იმიტომ მიკეთებთ და იმიტომ ლაპარაკობთ, რომ არასოდეს ამ 12 წლის მანძილზე ასე ხალხი გვერდში არ დამდგომია, არ მყოლია ადვოკატი, რომ ჩემი საქმე ასე გულთან მიეტანოს, ისე როგორც ბატონმა ტარიელმა და როგორც თაიამ, ელენიკომ, საქართველოს მოსახლეობამ, ემიგრანტებმა, ყველას დიდ მადლობას მოგიხდით. ბევრი მაქვს კიდევ სათქმელი, ძალიან ბევრი, ძალიან გთხოვთ, ხმა ნუ ამომაღებინებთ…” – ამბობს სოფო ბიბილაშვილი.
სკანირება
QR კოდი
sheniekimi.ge/ambebi
QR კოდი
სტატიის ციტირება
შენი ამბები. (2026). „ძალიან გთხოვთ, ხმა ნუ ამომაღებინებთ… ჩემს პირად ცხოვრებასთან საერთოდ არაფერ შუაშია გურიკას დაკარგვა, ამას იმიტომ მიკეთებთ და იმიტომ ლაპარაკობთ“-12 წლის წინ გაუჩინარებული გურამ დადიანიძის დედის ვიდეომიმართვა. 11 აგვისტო, 2026. https://sheniekimi.ge/ambebi/ძალიან-გთხოვთ-ხმა-ნუ-ამო/
