ჩინეთში, 35 ადამიანის მკვლელობაში მსჯავრდებული მამაკაცი სიკვდილით დასაჯეს. ინფორმაციას BBC ავრცელებს.
ნოემბერში, 62 წლის ფან ვეიქიუ, ქალაქ ჟუჰაიში ავტომობილით ფეხით მოსიარულეებს გამიზნულად შეეჯახა, რის შედეგადაც ათეულობით ადამიანი დაიღუპა.
აღნიშნული შემთხვევა, ქვეყანაში ბოლო ათწლეულის განმავლობაში ყველაზე მასშტაბურ თავდასხმად ითვლება.
პოლიციის ინფორმაციით, ფან ვეიქი განქორწინების შემდეგ ქონების გაყოფით იყო უკმაყოფილო, რაც თავდასხმის მოტივად სახელდება.
ამასთან, ჩინეთში კიდევ ერთი პირი დასაჯეს სიკვდილით. მსჯავრდებული 21 წლის მამაკაცია, რომელმაც ქალაქ ვუქსიში, თავის უნივერსიტეტში 8 ადამიანი დანით მოკლა. თავდასხმის მოტივად მისი საგამოცდო შედეგები სახელდება. მან, ცუდი ქულების გამო, სწავლის დამთავრდება ვერ შეძლო.
მასალის გამოყენების პირობები
