ყოველ წელს ამაღლების მომდევნო ხუთშაბათს დღესასწაული – მთაწმინდობა აღინიშნება.
როგორ აღნიშნავს ამ დღესასწაულს ხაშურის მუნიციპალიტეტის სოფელი ქვიშხეთი და ქვიშხეთის მთაწმინდის მონასტრის მამები.
ზღვის დონიდან 1300 მეტრზე მთის წვერზე, იქ, სადაც სიჩუმე ყოველდღიურობის ნაწილია, დგას მონასტერი, ადგილი, სადაც დრო, თითქოს, გაჩერებულია. მთის ძირში სოფელი ქვიშხეთია, საიდანაც სალოცავამდე მისასვლელი გზა იწყება.
ამ მონასტერთან დაკავშირებით ისტორიული ცნობები არ მოიპოვება დადასტურებულად, რომ დავით გარეჯელი აქ მოღვაწეობდა და მსახურობდა, თუმცა ადგილობრივ მოსახლეობაში არის ასეთი გადმოცემა, რომ თავდაპირველად აქ დასახლდა წმინდა დავით გარეჯელი.
დადასტურებლად შეიძლება იმის თქმა, რომ XIX საუკუნიდან ამ ადგილას არსებობდა ღირსი მამის დავით გარეჯელის სახელობის ტაძარი და ამ ადგილას ეწოდება „მთაწმინდა“.
