ყირგიზეთის პრეზიდენტმა სადირ ჟაპაროვმა ხელი მოაწერა კანონს, რომელიც ქალებს საზოგადოებრივ ადგილებში ნიქაბის ტარებას უკრძალავს. ამის შესახებ „ეხო კავკაზა“ იუწყება.
ამიერიდან ყირგიზეთში იკრძალება ტანსაცმლის ტარება, რომლითაც ადამიანის იდენტიფიცირებაა შეუძლებელი. ეს არ ეხება ტანსაცმელს, როდესაც სახის დაფარვა შრომით საქმიანობასთან ან რაიმე დაავადებასთან არის დაკავშირებული.
ასევე ყირგიზეთში მიიღეს კანონი, რომელიც საკუთარ რელიგიაში სხვა რელიგიის წარმომადგენლების, რელიგიურად ნეიტრალური პირების და ათეისტების მოქცევას კრძალავს. იკრძალება რელიგიური რიტუალების ჩატარება მოხუცთა თავშესაფრებში, ციხეებში და სამხედრო ნაწილებში. სასწავლო დაწესებულებებში და საზოგადოებრივ ადგილებში აკრძალული იქნება რელიგიური ლიტერატურის გავრცელება.
