„ყველაფერი აქ დაიწყო… როგორც მოდელი მილანში ისე ჩამოვედი, მერე გავიცანი კახა, შევხვდით… ეს არის ის სახლი, სადაც ვცხოვრობდით“ – ანუკი არეშიძის და კახა კალაძის გაცნობის ისტორია

ანუკი არეშიძემ თავის მიმდევრებს კიდევ ერთი საინტერესო ვიდეომასალა გაუზიარა.

ამჯერად დიზაინერმა საკუთარ „იუთუბ არხზე“ მილანზე ისაუბრა და მაყურებელს ეს ქალაქი გააცნო.

ანუკიმ გაიხსენა, რომ სწორედ მილანში დაიბადა მისი და კახა კალაძის ურთიერთობა.

გარდა ამისა, მან გვიჩვენა ის ადგილები ქალაქში, რომლებიც მისთვის განსაკუთრებით ძვირფასია.

- Advertisement -

„2008 წელს ჩამოვედი მილანში. მაშინ ვფიქრობდი — ეს სამი თვე რომ სწრაფად გავიდეს და თბილისში დავბრუნდე. ქალაქი მაშინ ნაცრისფრად და ცოტა დეპრესიულად მეჩვენებოდა. მოდელად ჩამოვედი აქ, მოგვიანებით გავიცანი კახა, შევხვდით ერთმანეთს და თანდათან… პირველი თვე-თვენახევარი უბრალო მეგობრული დამოკიდებულება იყო — როგორ ხარ, რას აკეთებ, რამე ხომ არ გჭირდებაო.

შემდეგ მივხვდი, რომ მისთვის აღარ ვიყავი უბრალოდ ვიღაც, ვისზეც ყურადღებას ამახვილებდა თუ რამე დასჭირდებოდა — ურთიერთობამ სხვა ხასიათი შეიძინა.

ერთი წელიწად-ნახევარი, ან ორი წელი აქ ვცხოვრობდით ერთად… სწორედ აქედან იწყება ყველაფერი“, — იხსენებს ანუკი.

წყარო: sheniganatleba.ge