ბერლინში, ხილისა და ბოსტნეულის მსოფლიოს უდიდეს გამოფენაზე – Fruit Logistica 2024, ესპანელმა ფერმერებმა ინოვაციური ბოსტნეული წარადგინეს. პროდუქტი სახელად Zucchiolo, რომელიც ერთი შეხედვით ყაბაყია, მაგრამ კიტრის შიგთავსი აქვს, კომპანია Unica Fresh-მა გამოიყვანა, ამისთვის კი შესაბამისი ჯილდოც მიიღო.
როგორც AgroTimes-ი გამოფენის ორგანიზატორების ინფორმაციაზე დაყრდნობით წერს, პროდუქტი არ არის ყაბაყის ახალი ჯიში, ეს არის ევროპულ ბაზარზე სრულიად ახალი კატეგორია.
როგორც ცნობილია, ეს პროდუქტი შეიძლება მიირთვათ უმად, როგორც კიტრი ან სალათაში, ასევე, მოხარშულ მდგომარეობაში, როგორც ყაბაყი ან ბადრიჯანი.
მწარმოებლების განმარტებით, პროდუქტი მდიდარია A და C ვიტამინებით, ასევე ანტიოქსიდანტებით.
ამ ეტაპზე Zucchiolo 3 ფერში, წარმოდგენილი, რომელსაც სხვადასხვა არომატი და ტექსტურა აქვს.
QR კოდი
სტატიის ციტირება
შენი ამბები. (2024). ყაბაყი, კიტრი, თუ ბადრიჯანი? – ინოვაციური ბოსტნეული, რომლის მწარმოებელმა ჯილდოც კი დაიმსახურა. 16 თებერვალი, 2024. https://sheniekimi.ge/ambebi/ყაბაყი-კიტრი-თუ-ბადრიჯან/
