ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელს მტკიცედ აქვს გადაწყვეტილი, ყველა მძევალი სახლში დააბრუნოს და მზად არის, ომი დაასრულოს, თუ „ჰამასი“ ისრაელის პირობებს დათანხმდება.
„ცეცხლის შეწყვეტის რეჟიმის დასაწყისში, დაიწყება მოლაპარაკებები ომის სამუდამოდ დასრულების შესახებ. ანუ, მუდმივი ცეცხლის შეწყვეტა.
ამის მისაღწევად, ეს უნდა განხორციელდეს ჩვენ მიერ დადგენილი მინიმალური პირობებით: „ჰამასი“ დადებს იარაღს, ღაზა დემილიტარიზებული იქნება, „ჰამასს“ აღარ ექნება არანაირი სამთავრობო ან სამხედრო შესაძლებლობები. ეს არის ჩვენი ძირითადი პირობები“, – აღნიშნა ისრაელის მთავრობის მეთაურმა.
