როგორ ჩაიარა დონალდ ტრამპის სამედიცინო შემოწმებამ
სამედიცინო შემოწმებამ კარგად ჩაიარა, – ამის შესახებ აშშ-ის პრეზიდენტმა, დონალდ ტრამპმა ჟურნალისტებს განუცხადა.
„ვფიქრობ, კარგად ჩაიარა. ყველა ტესტი იყო, რისი წარმოდგენაც შეგიძლიათ. ყოველწლიურ სამედიცინო შემოწმებაზე დიდი ხნის განმავლობაში ვიყავი“, – განაცხადა დონალდ ტრამპმა.
მისი თქმით, უოლტერ რიდის სამედიცინო ცენტრში ჩატარებული შემოწმების ანგარიში კვირას გამოქვეყნდება.
დონალდ ტრამპმა აღნიშნა, რომ კოგნიტური ტესტიც ჩააბარა და ყველა შეკითხვას სწორად უპასუხა.
„ვგრძნობ, რომ ძალიან კარგ ფორმაში ვარ. კარგი გული, კარგი სული და მინდოდა ბაიდენისგან ცოტათი განსხვავებული ვყოფილიყავი და კოგნიტური ტესტი გავიარე. ყველა კითხვას სწორად ვუპასუხე“, – აღნიშნა დონალდ ტრამპმა.
QR კოდი
სტატიის ციტირება
შენი ამბები. (2025). როგორ ჩაიარა დონალდ ტრამპის სამედიცინო შემოწმებამ. 14 აპრილი, 2025. https://sheniekimi.ge/ambebi/ტრამპის-3/
