თბილისში, ავჭალის დასახლებაში, უბედური შემთხვევა მოხდა — კორპუსის ლიფტის შახტში ჩავარდნის შედეგად 13 წლის მოზარდი გარდაიცვალა. არსებული ინფორმაციით, შემთხვევა ე.წ. „ტიტანიკის“ სახელით ცნობილ საცხოვრებელ კორპუსში მოხდა.
მოზარდი სასწრაფო დახმარების ბრიგადამ კლინიკა „იაშვილში“ გადაიყვანა, თუმცა მისი გადარჩენა ვერ მოხერხდა. ბიჭის გარდაცვალება კლინიკაში ოფიციალურად დაადასტურეს.
ე.წ. „ტიტანიკის“ კორპუსი ცხრა სართულიანია და ავარიულად ითვლება. წლების წინ შენობის საძირკველი, სავარაუდოდ, გრუნტის წყლებით დაზიანდა, რის შედეგადაც ნაგებობის ნაწილი შუაზე გაიბზარა და სადარბაზოს სეგმენტი ჩამოინგრა.
ადგილობრივების მტკიცებით, კორპუსის მცხოვრებლები წლებია ითხოვენ დახმარებას და შენობის სრულ რეაბილიტაციას, თუმცა უშედეგოდ. მათი თქმით, ადგილზე მუდმივად არსებობს საფრთხე, რაც განსაკუთრებით ბავშვებისთვისაა რისკის შემცველი.
ამ დროისთვის უცნობია, გაიხსნება თუ არა გამოძიება კონკრეტული პასუხისმგებელი პირების ან უწყებების მიმართ. დამატებითი ინფორმაცია სავარაუდოდ ცნობილი გახდება შესაბამისი სამსახურების განცხადების შემდეგ.
#drpkhakadze #გიორგიფხაკაძე #davidiani#sheniambebi #აქხარისხია
