„სახლის ხმები, რომლებიც მერამდენე წელია მაღვიძებს… სახლის ხმები როგორია იცით?“-გივიკო დიდია

ბლოგერი გივიკო დიდია სოციალურ ქსელში გულახდილ და ემოციურ ჩანახატს აქვეყნებს, სადაც ოჯახურ სითბოსა და იმ წვრილმანებზე საუბრობს, რაც მას ყოველდღიურად ბედნიერებას ანიჭებს.

ბლოგერის თქმით, დილის „სახლის ხმები“ – დედის მოფერება, სამზარეულოდან მოსული საუზმის სუნი თუ ბებიის საყვარელი სერიალები – ის უდიდესი დასაყრდენია, რაც ყოველდღიური სირთულეების გადალახვაში ეხმარება და ცხოვრებას აზრს სძენს:

„დილით სახლის ხმები მაღვიძებს .

სახლის ხმები როგორია იცით ?

ფეხის ხმა რომ გესმის და იცი დედამ

ჩაიარა , ბებიამ თუ ძმამ .

სამზარეულოდან ხმები რომ მოდის და

დარწმუნებული ხარ გემრიელ საუზმეს გიმზადებენ .

კარების ხმით რომ ხვდები , ვინ გამოვიდა ოთახიდან .

ონკანის ხმა რომ გესმის და ზუსტად იცი ვინაა სააბაზანოში ))

ტელევიზორი რომ ხმაურობს და

ხვდები “ ბებიე თურქულ სერიალებს უყურებს “

დილები – დაჩის ღუღუნით დაწყებული . ოთახში დედა რომ შემოდის და ფრთხილად მეფერება .

ყურში ჩამჩურჩულებს გივიკონა მიყვარხარ .

ხო ესაა სახლის ხმები და უკვე მერამდენე წელია მაღვიძებს .

მერე ვახელ თვალს , ვხვდები რომ ჭერი

ჩემი სახლის თავის ბინადრებთან ერთად , ყველაზე დიდი ბედნიერებაა .

ალბათ ყველა თქვენგანი თქვენს ცნობიერებაში აყალიბებთ თქვენი ბედნიერებისთვის დამახასიათებელ გარემოებებს , ამიტომაც ბედნიერებას ყველა ისე აღვიქვამთ როგორი წარმოსახვის უნარიც გვაქვს .

ჩემი ბედნიერება კი ასეთ წვრილმანებშია .

მიუხედავად ყველაფრისა , ყოველდღიური სირთულეებისა ,

როცა ვიღაც ან რაღაც გაძლიერებს , ყოველ დილას – დღეს გილამაზებს და გრძნობ რომ ბედნიერი ხარ“,-წერს გივიკო დიდია.