UFC პირველი ქართველი ჩემპიონი ილია თოფურია, რომელიც სამშობლოში გუშინ ჩამოვიდა, ბერი ანდრიას ფონდის ბენეფიციარებს ესტუმრა. ინფორმაციას მწერალი გიორგი კეკელიძე სოციალურ ქსელში ავრცელებს.
“დღეს UFC პირველი ქართველი ჩემპიონი Ilia Topuria ბერი ანდრიას ფონდი/Monk Andrew’s Foundation – ის ბენეფიციარებს ესტუმრა და ფონდის კეთილი ნების ელჩის წოდება გადავეცით. მიხარია, რომ ამ ელჩის ტიტულს მეც ვატარებ რამდენიმე თვეა. ილია შესანიშნავი სპორტსმენი და მოქალაქეა. მან საკუთარი საჩემპიონო ჰონორარით სოლიდური სიმსივნის დიაგნოზიანი ბენეფიციარების მკურნალობა დააფინანსა” – წერს კეკელიძე.
UFC-ის ჩემპიონი, რომელიც საქართველოში პრემიერ-მინისტრის მოწვევით ჩამოვიდა, 21 მარტს საქართველო-ლუქსემბურგის საფეხბურთო მატჩზე საჩემპიონო ქამარს წარადგენს.
