SheniAmbebi.ge | სატრანსპორტო საშუალებებთან დაკავშირებით სიახლეა

სატრანსპორტო საშუალებებთან დაკავშირებით სიახლეა – როდის ამოქმედდება?

ბოლო განახლება: 2 ივნისი 2026 1:30 pm

ავტორი

1 წუთიანი წაკითხვა

2027 წლის 1 მარტიდან შიდა სამგზავრო გადაყვანებში ტაქოგრაფებისა და სიჩქარის შემზღუდველი მოწყობილობების გამოყენება ეტაპობრივად სავალდებულო გახდება

საქართველოს პრემიერ-მინისტრის მიერ პარლამენტისთვის წარდგენილი სამთავრობო პროგრამის შესრულების ანგარიშის მიხედვით, 2027 წლის 1 მარტიდან ქვეყნის შიდა რეგულარული სამგზავრო გადაყვანების სფეროში ჩართული სატრანსპორტო საშუალებები ეტაპობრივად აღიჭურვება ტაქოგრაფებითა და სიჩქარის შემზღუდველი სისტემებით.

დოკუმენტში აღნიშნულია, რომ საანგარიშო პერიოდში აქტიურად მიმდინარეობდა საქალაქთაშორისო სამგზავრო გადაყვანებისა და ავტოსადგურების რეფორმა. ამ პროცესის ფარგლებში ხორციელდება როგორც გადამზიდავების ნებართვების გაცემის, ისე ავტოსადგურების სერტიფიცირების პროცედურები.

მთავრობის განმარტებით, აღნიშნული ცვლილებების მიზანია მგზავრთა უსაფრთხოების გაუმჯობესება, ავტოსაგზაო შემთხვევების შემცირება, საგზაო უსაფრთხოების სტანდარტების ამაღლება და სატრანსპორტო სექტორში უფრო სამართლიანი და კონკურენტული გარემოს შექმნა.

Sheni Network

ანგარიშში ასევე საუბარია პერიოდული ტექნიკური ინსპექტირების სისტემის გაძლიერებაზე. სახელმწიფო კონტროლის ეფექტიანობის გაზრდის მიზნით, 2025 წლის ივნისიდან ინტენსიურად მიმდინარეობს ტექნიკური ინსპექტირების პროცესის მონიტორინგი.

- Advertisement -

გარდა ამისა, ტექნიკური ინსპექტირების რეფორმის ფარგლებში მუშავდება საკანონმდებლო და ნორმატიული ცვლილებები, რომლებიც L კატეგორიის სატრანსპორტო საშუალებების — მოტოციკლების, ტრიციკლებისა და კვადროციკლების — სავალდებულო პერიოდულ ტექნიკურ ინსპექტირებას შეეხება.

მთავრობის შეფასებით, დაგეგმილი ღონისძიებები ხელს შეუწყობს ტრანსპორტის უსაფრთხოების სტანდარტების გაუმჯობესებას და ქვეყნის მასშტაბით სამგზავრო გადაყვანების სისტემის უფრო ეფექტიან ფუნქციონირებას.

სკანირება
QR კოდი

sheniekimi.ge/ambebi

სტატიის ციტირება

შენი ამბები. (2026). სატრანსპორტო საშუალებებთან დაკავშირებით სიახლეა – როდის ამოქმედდება?. 2 ივნისი, 2026. https://sheniekimi.ge/ambebi/სატრანსპორტო-საშუალებებ/

ამ სტატიის ციტირება (Vancouver)

SheniAmbebi.ge. სატრანსპორტო საშუალებებთან დაკავშირებით სიახლეა – როდის ამოქმედდება? [Internet]. თბილისი: Sheniekimi/ambebi.ge; 2026 [ციტირებულია: 2026 სექ 16]. ხელმისაწვდომია: https://sheniekimi.ge/ambebi/%e1%83%a1%e1%83%90%e1%83%a2%e1%83%a0%e1%83%90%e1%83%9c%e1%83%a1%e1%83%9e%e1%83%9d%e1%83%a0%e1%83%a2%e1%83%9d-%e1%83%a1%e1%83%90%e1%83%a8%e1%83%a3%e1%83%90%e1%83%9a%e1%83%94%e1%83%91%e1%83%94%e1%83%91/

sheniekimi.ge/ambebi

თელ-ავივმა კიევს თავისი ძველი Patriot-ის საზენიტო სარკეტო სისტემები გადასცა