საქართველოს საპატრიარქო, ილონ მასკის მიერ, სოციალურ ქსელში გაზიარებულ ჟურნალ “მოსახლეობის ეკონომიკა”-ში გამოქვეყნებულ კვლევას განცხადებით ეხმაურება. საუბარია განცხადებაზე, რომლის მიხედვითაც, აშშ-ის მთავრობის ეფექტურობის დეპარტამენტის ხელმძღვანელი საქართველოს კათოლიკოს-პატრიარქის მიერ მესამე და მომდევნო შვილების ნათლობის ინიციატივას ეხმაურება.
“ა.წ. 27 თებერვალს აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა სოციალურ ქსელში გააზიარა ჟურნალ “მოსახლეობის ეკონომიკა”-ში გამოქვეყნებული კვლევა, რომლის მიხედვითაც, საქართველოს კათოლიკოს-პატრიარქის მიერ მესამე და მომდევნო შვილების ნათლობის ინიციატივამ საქართველოში შობადობის მაჩვენებელი გაზარდა.
“მშვენიერი ახალი ნაშრომი გვაჩვენებს, როგორ გამოიწვია წახალისებამ და მრავალშვილიანი ოჯახების სტატუსის ამაღლებამ დაქორწინებულ ქართველ მართლმადიდებელ წყვილებში შობადობის 42%-ით ზრდა და მესამე მშობიარობის 100%-ით ზრდა. კულტურულ ლიდერებს შეუძლიათ, აამაღლონ ერების ნაყოფიერება,” – ნათქვამია პოსტში, რომელსაც ილონ მასკი აზიარებს.
გთავაზობთ აღნიშნული კვლევის ნაწილის ქართულ თარგმანს.
P.S. დღეისთვის სრულიად საქართველოს კათოლიკოს-პატრიარქ ილია II-ის ნათლულთა რიცხვი 48 000 მეტია.
